കുറച്ചു സാധനങ്ങൾ വാങ്ങാൻ അങ്ങാടിയിൽ പോയപ്പോഴാണ് അടുത്തുള്ള പെട്ടിക്കടയിൽ ബാലരമ കണ്ടത്. കണ്ടതും ഓർമകൾ 10 വർഷങ്ങൾ പുറകിലേക്ക് സഞ്ചരിച്ചു. ചൊവ്വാഴ്ച ആവാൻ കാത്തിരുന്ന സമയങ്ങൾ. അത്രയും ദിവസം 10 രൂപ കൊടുത്തു അതുവാങ്ങാൻ വേണ്ടി പൈസ കട്ടെടുത്തും,ഉമ്മാമ്മ തന്നും ഒന്നും രണ്ടും രൂപ മറ്റാരും കാണാതെ ബാഗിൽ ഇട്ട് ചൊവ്വാഴ്ച ദിവസം ബാലേട്ടന്റെ കടയിൽനിന്ന് ഇത് വാങ്ങുമ്പോൾ ഉള്ള സന്തോഷം ഉണ്ട്. അതൊന്നു വേറെ തന്നെയായിരുന്നു. വാങ്ങിയാലോ.. ഉമ്മ കാണാതെ വായിക്കണം. കണ്ടാൽ എവിടുന്നാ പൈസ എന്ന് പറഞ്ഞു പോക്കും.പലപ്പോഴും രാത്രിയിൽ എല്ലാവരും ഉറങ്ങിയ സമയം നോക്കി ലൈറ്ററിലെ ടോർച്ചും വെച്ചു വായിക്കും. പ്രിയപ്പെട്ട ലുട്ടാപ്പിയെയും,സൂത്രനേയും, അക്കു &ഇക്കു, ഉം വായിച്ചു അവസാനം jungle times എന്ന news പേപ്പറും വായിച്ചു കഴിഞ്ഞാൽ മനസ്സിന് അതിയായ സന്തോഷം ആയിരുന്നു.. പിന്നീടങ്ങോട്ട് വീണ്ടും പൈസ സോരുക്കൂട്ടാൻ തുടങ്ങും. അടുത്ത ബുക്ക്‌ വാങ്ങാൻ..ചൊവ്വാഴ്ച ആവാൻ കാത്തിരിക്കും. ബാലരമ മാത്രമല്ല, മിന്നാമിന്നി, കളിക്കുടുക്ക, എല്ലാം മാറിമാറി വായിച്ച കാലം. ഇന്ന് കുട്ടികൾ മിട്ടായിക്ക് വേണ്ടി കരയുമ്പോൾ പണ്ട് ബുക്ക്‌ വാങ്ങിത്തരാൻ ആയിരുന്നു ഞാനൊക്കെ കരഞ്ഞിരുന്നത്... ഇന്ന് യൂട്യൂബിലെ കാർട്ടൂൺ, tv യിലെ കാർട്ടൂൺ എല്ലാമായി ആർക്കും വേണ്ടാതെ പോലെയായി ഇതെല്ലാം. ഒരുകാലത്തു ഹൃദയങ്ങളിൽ കയറിക്കൂടിയ കഥാപാത്രങ്ങളെ വർഷങ്ങൾക്കുശേഷം കണ്ടപ്പോൾ കുട്ടിക്കാലത്തു എവിടെയോ വെച്ച് നഷ്ടപ്പെട്ട സുഹൃത്തുക്കളെ കണ്ട സന്ദോഷമായിരുന്നു.. വിലയും കൂടി.. 25₹ #📔 കഥ #📝 ഞാൻ എഴുതിയ വരികൾ #📖 കുട്ടി കഥകൾ #🙋‍♀️ എൻ്റെ സ്റ്റാറ്റസുകൾ #📙 നോവൽ