مُسلّم ہے زمانے میں وفا صدیق اکبر کی رضائے مصطفیٰﷺ ہی ہے رضا صدیق اکبر کی وہی اتقیٰ، وہی اوفیٰ ، وہی اعدل، وہی افضل ہے کیسی منفرد ہر ہر ادا صدیق اکبر کی لٹایا جس نے مال و جان کو راہ نبوت میں نبی پہ ہر قرابت تھی فدا صدیق اکبر کی دیا کس کو مصلّیٰ مصطفیٰﷺ نے بھی ، خدا نے بھی نظر آئی یہ عظمت بارہا صدیق اکبر کی مقامِ افضل اُمت کو باہم تولنے والو علی مولا رضی اللہ عنہ سے پوچھو اقتداء صدیق اکبر کی نہیں مجھ کو تعجب رافضی کی بے حیائی پر فقط مومن کو ہوتی ہے حیاء صدیق اکبر کی وہی چمکا زمانے میں ولایت کی بلندی پر پڑی ایک بار بھی جس پہ نگاہ صدیق اکبر کی اے آصفؔ یہ نگاہِ مصطفیٰﷺ کی ہی تجلی ہے ملی سادات سے مجھ کو عطاء صدیق اکبر کی (رضی اللہ عنہ) #👳‍♂️روحانی رہنما💞 #مرشد #👨🏻‍🏫لوگوں کے لئے سیکھ🧑‍🤝‍🧑 #📝روحانی مکتوبات☪️ #🕌حقائق اسلام☪