#🥰Love... Dil se ! 💞 #🙏ପୁରୀ ବଡ଼ଦେଉଳ କଥା #🪕ଶ୍ରୀ ଜଗନ୍ନାଥ ଭଜନ🎶 #⭕‼️⭕ଜୟ ଶ୍ରୀ ଜଗନ୍ନାଥ ସ୍ଵାମୀ🚩👏 #ଶୁଭ ପ୍ରଭାତ 🌄 🙏 *ଓଁ ଶ୍ରୀଜଗନ୍ନାଥ ସ୍ବାମୀ ନୟନ ପଥଗାମୀ ଭବତୁ ମେ* 🙏 🌸🚩 🤘🤘🤘🤘🤘🤘🤘🤘🤘🤘🤘 ✍️ କ୍ଷେତ୍ର ପରିକ୍ରମା ଅବସରରେ *ଶ୍ରୀଜଗନ୍ନାଥ ମହାପ୍ରଭୁଙ୍କର ଭୂ-ସଂପତ୍ତି*-:- ଶ୍ରୀଜଗନ୍ନାଥ ମହାପ୍ରଭୁଙ୍କର ମୂଖ୍ୟତଃ ପୁରୀ ଓ ଖୋର୍ଦ୍ଧା ଜିଲ୍ଲାରେ ଅବସ୍ଥିତ ଦୁଇଟି ମାହାଲ ରହିଛି। ପ୍ରଥମଟି ସତେଇଶ ହଜାରୀ ମାହାଲ ଓ ଦ୍ୱିତୀୟଟି ଏଖରାଜାତ ମାହାଲ। ୧)- *ସତେଇଶ ହଜାରୀ ମାହାଲ।*-:- ମରହଟ୍ଟା ମାନେ ଶ୍ରୀଜଗନ୍ନାଥ ମନ୍ଦିର, ପୁରୀ ଉଦ୍ଦେଶ୍ୟରେ କିଛି ପରିମାଣର ଭୂସମ୍ପତ୍ତି ଦାନ କରିଥିଲେ, ଯାହା କି ୯୦ ଗ୍ରାମ ବିଶିଷ୍ଟ ଏବଂ ସେଥିରୁ ତତ୍ କାଳୀନ ସମୟରେ ୨୭,୦୦୦ ଟଙ୍କାର ରାଜସ୍ବ ଆଦାୟ ହେଉଥିଲା। କିନ୍ତୁ ୧୮୪୩ ମସିହାରେ ଭୂସମ୍ପତ୍ତି ଗୁଡ଼ିକ ପରିଚାଳନାର ପରିସର ମଧ୍ୟରୁ କାଢ଼ି ନିଆଗଲା ଏବଂ ରାଜାଙ୍କ ଦାୟିତ୍ଵରେ ରଖାଗଲା। ସେତେବେଳେ ପୁରୀ ଗଜପତି ମହାରାଜା ଶ୍ରୀମନ୍ଦିରର ସୁପରିଣ୍ଟଣ୍ଡେଣ୍ଟ ଭାବେ କାର୍ଯ୍ୟ କରୁଥିଲେ। ସେ ସମୟରେ ସତେଇଶୀ ହଜାର ମାହାଲର ବାର୍ଷିକ ଆୟ ଥିଲା ୧୭,୪୨୦ ଟଙ୍କା। ଏହା ସହିତ ବ୍ରିଟିଶ ସରକାର ଶ୍ରୀମନ୍ଦିର ପରିଚାଳନା ନିମନ୍ତେ ବାର୍ଷିକ ୩୫,୩୭୮ ଟଙ୍କା ୭ ଅଣା ୬ ପାହୁଲା ଅନୁଦାନ ପ୍ରଦାନ କରୁଥିଲେ। ସଂପ୍ରତି ଏହି ମାହାଲରେ ମହାପ୍ରଭୁଙ୍କ ନାମରେ ୧୧,୦୭୦.୭୪୦ ଏକର ଜମି ରହିଛି। ୨)- *ଏଖାରଜାତ ମାହାଲା*-:- ମାଡାକାସ ତାଙ୍କ ରିପୋର୍ଟରେ ଦର୍ଶାଇଛନ୍ତି ଯେ,୧୮୮୦ ମସିହା ବନ୍ଦୋବସ୍ତ ଅନୁଯାୟୀ ଏଖରାଜାତ ମାହାଲ ଅଧିନରେ ମୋଟ ୧୫୧ ଟି ଗ୍ରାମ ଥିଲା।୧୯୫୩ ମସିହାର ଏଖରାଜାତ ମାହାଲର ସର୍ଭେ ରିପୋର୍ଟ ଅନୁଯାୟୀ ୧୫୧ ଗ୍ରାମ ମଧ୍ୟରୁ ଖୋର୍ଦ୍ଧା ଓ ଭୁବନେଶ୍ବର ସବଡିଭିଜନରେ ୧୩୯ ଗ୍ରାମ ଓ ଅବଶିଷ୍ଟ ୧୨ ଟି ଗ୍ରାମ ପୁରୀ ସଦର ଡିଭିଜନରେ ଅବସ୍ଥିତ। ଏଖରାଜାତ ମାହାଲରେ ଥିବା ୯ ଟି ଗ୍ରାମରେ ୫୬୭.୯୮୦ ଏକର ଜମି ରହିଛି। ଏଥିମଧ୍ୟରୁ ୨୧ ଟି ପଥର ଖଣି ଅନ୍ତର୍ଭୁକ୍ତ। ଉକ୍ତ ପଥର ଖଣି ଗୁଡ଼ିକ ପ୍ରତି ତିନି ବର୍ଷରେ ଥରେ ଲେଖାଏଁ ଶ୍ରୀମନ୍ଦିର ପ୍ରଶାସନ ପକ୍ଷରୁ ବ୍ୟକ୍ତି ବିଶେଷ ମାନଙ୍କୁ ନିଲାମ ସୂତ୍ରରେ ଦିଆଯାଇଥାଏ। ପ୍ରାବନ୍ଧିକ ଶରତ ଚନ୍ଦ୍ର ମହାପାତ୍ର ତାଙ୍କ ରଚିତ ପୁସ୍ତକ 'ଶ୍ରୀଜଗନ୍ନାଥ ପରିକ୍ରମା' ପୁସ୍ତକରେ ଉଲ୍ଲେଖ କରିଛନ୍ତି ଯେ,୧୮୫୮ ଓ ୧୮୬୩ ମସିହାର ଖୋର୍ଦ୍ଧା ଅଞ୍ଚଳର ୧୬୫ ଗ୍ରାମ, ଯାହା କି ଏଖରାଜାତ ମାହାଲ ନାମରେ ଶ୍ରୀମନ୍ଦିରର ତତ୍ତ୍ୱାବଧାରକ ପୁରୀ ରାଜାଙ୍କୁ ହସ୍ତାନ୍ତର କରାଯାଇଥିଲା।୧୫୬ ଟି ଗ୍ରାମ ଏଖରାଜାତ ମାହାଲର ଅନ୍ତର୍ଗତ ଅଟେ। ସେଥି ମଧ୍ୟରେ ଖୋର୍ଦ୍ଧା ତହସିଲରେ ୧୨୮ ଟି ଗ୍ରାମ, ଭୁବନେଶ୍ୱର ତହସିଲରେ ୧୧ ଟି, ପିପିଲି ତହସିଲରେ ୧୩ ଟି, ପୁରୀ ସଦର ତହସିଲରେ ୪ଟି ଗ୍ରାମ ରହିଛି। ଏହି ଗ୍ରାମ ଗୁଡିକ ମଧ୍ୟରୁ ୧୮ ଟି ଗ୍ରାମରୁ ପ୍ରତ୍ୟକ୍ଷ ଭାବେ ମନ୍ଦିର ପ୍ରଶାସନ ତାଙ୍କର କର୍ମଚାରୀଙ୍କ ଦ୍ୱାରା ରାଜଭାଗ ପାଉଣା ଆଦାୟ କରୁଥିଲେ। ଏହି ମାହାଲା ଅନ୍ତର୍ଗତ ଶ୍ରୀ ଜଗନ୍ନାଥ ମହାପ୍ରଭୁଙ୍କ ମୋଟ ୭୦,୫୬୮.୯୨୦ ଏକର ଜମି ରହିଛି। ଓଡ଼ିଶାର ରାଜସ୍ବ ପରିଷଦ ସୂତ୍ରରୁ ଅନୁଧ୍ୟାନ କରାଯାଇ ଏକ ପ୍ରାଥମିକ ହିସାବରୁ ଜଣାପଡିଛି ଯେ, ଶ୍ରୀଜଗନ୍ନାଥ ମହାପ୍ରଭୁଙ୍କ ସତେଇଶି ହଜାରୀ ଓ ଏଖରାଜାତ ମାହାଲକୁ ମିଶାଇ ମୋଟ ପ୍ରାୟ ୮୨ ହଜାର ଏକର ଜମି ରହିଛି। ଏହା ବ୍ୟତୀତ ଅନ୍ୟାନ୍ୟ ପ୍ରାୟ ଛବିଶ ହଜାର ଏକର ଭୂସମ୍ପତ୍ତି ମଧ୍ୟ ରହିଛି। କେବଳ ପୁରୀ ଜିଲ୍ଲାରେ ଶ୍ରୀଜଗନ୍ନାଥ ମହାପ୍ରଭୁଙ୍କ ନାମରେ ତଥା ବିଭିନ୍ନ ମାରଫତଦାର ମାନଙ୍କ ନାମରେ ରହିଥିବା ମୋଟ ସଂପତ୍ତିର ପରିମାଣ ଏକ ଲକ୍ଷ ଏକରରୁ ଉର୍ଦ୍ଧ୍ବ ହେବ। ପ୍ରକୃତ ପକ୍ଷେ ଏଥି ମଧ୍ୟରୁ ଅନେକ ଭୂସମ୍ପତ୍ତି ବିଭିନ୍ନ ମଠ ମାରଫତରେ ରହିଥିବା ବେଳେ ବିଭିନ୍ନ ସମୟରେ କେତେକ କାରଣ ଯୋଗୁଁ ଅନେକ ସଂପତ୍ତି ବିକ୍ରୟ, ହସ୍ତାନ୍ତର, ଜବରଦଖଲ ଇତ୍ୟାଦି ହୋଇ ଯାଇଛି। ସଂପ୍ରତି ଶ୍ରୀମନ୍ଦିର କାର୍ଯ୍ୟାଳୟ ରାଜସ୍ବ ବିଭାଗ ସୂତ୍ରରୁ ସଂଗୃହୀତ ହୋଇ ଥିବା ତଥ୍ୟ ଅନୁଯାୟୀ ୩୧/୦୩/୨୦୨୦ ମସିହା ସୁଦ୍ଧା ଓଡ଼ିଶାର ୨୩ ଟି ଜିଲ୍ଲାରେ ମହାପ୍ରଭୁଙ୍କ ନାମେ ଚିହ୍ନଟ ହୋଇଥିବା ମୋଟ ଭୂସମ୍ପତ୍ତିର ପରିମାଣ ୬୦,୪୨୬.୯୪୩ ଏକର ଅଟେ। ୨୦୧୬ ମସିହାରେ ଶ୍ରୀମନ୍ଦିର ପ୍ରଶାସନ ପକ୍ଷରୁ ରାଜ୍ୟ ବିଧାନସଭାକୁ ଦିଆଯାଇଥିବା ଏକ ପ୍ରଶ୍ନୋତ୍ତରରେ ଓଡ଼ିଶାର ବିଭିନ୍ନ ଜିଲ୍ଲାରେ ନିମ୍ନୋକ୍ତ ପରିମାଣର ଭୂସମ୍ପତ୍ତି ରହିଥିବା ଜଣାଯାଏ। ୧- ପୁରୀ- ୧୭,୦୭୧.୨୧୨ ଏକର ୨- ଖୋର୍ଦ୍ଧା - ୨୨,୬୯୧.୫୯୭ ଏକର ୩- କଟକ - ୩,୨୧୨.୧୦୩ ଏକର ୪- ଅନୁଗୁଳ - ୧୧୭.୮୪୦ ଏକର ୫- ଢେଙ୍କାନାଳ - ୨୧୪.୧୭୪ ଏକର। ୬- ବାଲେଶ୍ଵର - ୮୬୬.୯୬୦ ଏକର ୭- ଭଦ୍ରକ - ୨,୯୨୧.୬୩୦ ଏକର ୮- କେନ୍ଦ୍ରାପଡ଼ା -୧,୧୭୫.୮୯୭ ଏକର ୯- ଯାଜପୁର - ୮୩୬.୧୫୫ ଏକର ୧୦- ଜଗତସିଂହପୁର - ୭୦୧.୦୧୯ ଏକର ୧୧- ନୟାଗଡ଼ - ୨୬୮.୮୬୦ ଏକର ୧୨-: ଗଞ୍ଜାମ - ୨,୮୬୮.୧୯୧ ଏକର ୧୩- ବରଗଡ଼ - ୩୮.୭୩୦ ଏକର ୧୪- ସମ୍ବଲପୁର - ୯.୨୬୦ ଏକର ୧୫- ବଲାଙ୍ଗୀର - ୫୨.୦୪୦ ଏକର ୧୬- ଗଜପତି - ୩୩.୯୭୭ ଏକର ୧୭- ରାୟଗଡ଼ା - ୧୭.୪୬୦ ଏକର ୧୮- କୋରାପୁଟ - ୧୮.୮୨୦ ଏକର ୧୯- ସୁବର୍ଣ୍ଣପୁର - ୧ ଏକର। ୨୦- କେନ୍ଦୁଝର - ୧୨.୦୨୦ ଏକର ୨୧- ମୟୁରଭଞ୍ଜ - ୫୭.୯୭୦ ଏକର। ୨୨- ସୁନ୍ଦରଗଡ଼ - ୪୫.୪୫୦ ଏକର ୨୩- କଳାହାଣ୍ଡି - ୨୭.୨୬୦ ଏକର। ୨୦୧୬ ମସିହା ସୁଦ୍ଧା ୨୩ ଜିଲ୍ଲାର ୧୧୧ ତହସିଲରେ ଚିହ୍ନଟ ହୋଇଥିବା ମୋଟ ଜମିର ପରିମାଣ ୬୦,୨୫୯.୬୨୫ ଏକର ଥିଲା।ଇତି ମଧ୍ୟରେ ୧୪୦ ଏକରରୁ ଉର୍ଦ୍ଧ୍ବ ଜମି ଚିହ୍ନଟ ହୋଇଥିବା ଜଣାଯାଏ। କ୍ରମଶଃ