മഹർ ഭാഗം 28 അഷ്‌റഫ്‌ കിടക്കുന്ന മുറിയിലേക്ക് ദേഷ്യത്തോടെ കയറി വരുന്ന ഫിദ അവിടെ ഉള്ള സാദനങ്ങൾ എല്ലാം എടുത്ത് നിലത്തേക്ക് എറിയുന്നത് കണ്ട് അഷ്‌റഫ്‌ എണീറ്റു നിന്ന് അവളുടെ കയ്യിൽ പിടിച്ചു.... എന്താ.... എന്താ മോളെ... ഇത്രക്ക് ദേഷ്യം വരാൻ നിനക്ക് എന്താണ് പറ്റിയത്.... വിട്.... എന്നെ വിടാൻ.... നമ്മൾ തോറ്റു പോയി ഉപ്പ... എനിക്ക് ഒരിക്കലും ഇനി റാഷിക്കാനേ കിട്ടില്ല... അവൾക്ക് ബോധം വന്നിട്ടുണ്ട്..... റാഷിക്ക ഇപ്പോളും അവളുടെ കൂടെ തന്നെ ആണ്.... ഒരു പൊട്ടി കരച്ചിലോടെ ഫിദ അഷ്‌റഫിനെ കെട്ടിപിടിച്ചു കരയുമ്പോൾ അവളെ എന്ത് പറഞ്ഞു സമാദാനിപ്പിക്കണം എന്ന് അയാൾക്ക് അറിയില്ലായിരുന്നു.... മോളെ നീ ഇങ്ങനെ തോറ്റു പിന്മാറാതെ.... അവൾ ഈ ഹോസ്പിറ്റലിൽ നിന്ന് ജീവനോടെ വീട്ടിലേക്ക് പോവില്ല....അറക്കൽ വീട്ടിൽ ഇന്ന് ഒരു മരണം നടക്കും..... അത് പറയുമ്പോൾ അയാളുടെ മുഖത്തെ ആത്മ വിശ്വാസം കണ്ട് ഫിദ അയാളെ നോക്കി.... എന്റെ മോൾക്ക് റാഷിയെ തരാം എന്ന് പറഞ്ഞത് പുത്തൻ വീട്ടിൽ അഷ്‌റഫ്‌ ആണ്.... ആ വാക്ക് ഞാൻ പാലിച്ചിരിക്കും..... ഫിദക്ക് വാക്ക് കൊടുത്ത് ഫോൺ എടുത്ത് മുറിയിൽ നിന്ന് പുറത്തേക്ക് പോവുമ്പോൾ ഫിദ സന്തോഷത്തോടെ അത് നോക്കി നിന്നു.... ഇതെല്ലാം കണ്ട സുമയ്യ ഫിദയുടെ അടുത്തേക്ക് വന്നു.... മോളെ നിന്റെ ഉപ്പ വിചാരിച്ചാൽ റാഷിയെക്കാൾ നല്ല ചെക്കനെ നിനക്ക് കിട്ടും.... ഒരു പാവം പെണ്ണിനെ കൊന്നിട്ട് നിനക്ക് എന്ത് നേടാൻ ആണ്.... നീയും നിന്റെ ഉപ്പയും ചെയ്ത് കൂട്ടുന്ന ഈ പ്രവർത്തികൾക്ക് നിങ്ങൾ അനുഭവിക്കും.... നെഞ്ച് പൊട്ടി ആണ് ഞാൻ ഈ പറയുന്നത്.... സുമ്മയ്യ ഫിദയെ നോക്കി അത് പറയുമ്പോൾ അവൾ ദേഷ്യത്തോടെ അവരെ നോക്കി പുറത്തേക്ക് നടന്നു..,.. 🔷🔷🔷🔷🔷🔷🔷🔷🔷🔷🔷🔷🔷🔷🔷 റാഷി കണ്ണ് തുറന്ന് ചുറ്റും ഒന്ന് നോക്കി.... കുറച്ചു നേരം വേണ്ടി വന്നു അവന് സംഭവിച്ചത് എല്ലാം ഓർത്തെടുക്കാൻ....... വേദന കൊണ്ട് പുളയുന്ന നൂറയെ കണ്ടപ്പോൾ കണ്ണിൽ ഇരുട്ട് കയറുന്നത് പോലെ തോന്നിയത് മാത്രമേ ഓർമ ഉള്ളു.... അവൻ തല ചെരിച്ചു ഒന്ന് നോക്കി.... നൂറ ഇപ്പോഴും മരുന്നിന്റെ എഫക്റ്റ് കൊണ്ടാണ് എന്ന് തോന്നുന്നു അവൾ മയക്കത്തിൽ ആണ്.... കണ്ണ് അടച്ചു കിടക്കുന്ന അവളെ കാണുമ്പോൾ തന്നെ പേടിയോടെ നോക്കി നിൽക്കുന്ന അവളുടെ മുഖം ഓർത്ത് പോയി അവൻ.... നിക്കാഹ് കഴിഞ്ഞത് മുതൽ അവൾ എന്റെ ഭാര്യ ആയിരുന്നങ്കിലും ആദ്യം ഒന്നും അവളെ ആ സ്ഥാനത്ത് കാണാൻ ഒരിക്കലും എനിക്ക് സാധിച്ചിരുന്നില്ല.... ആ സമയം മുഴുവൻ നിദ ആയിരുന്നു മനസ്സിൽ.... ഇപ്പോൾ ഒരിക്കൽ പോലും നിദയെ ഓർക്കാൻ ഇഷ്ട്ടപെടാത്ത മനസ്സ് ആണ് തനിക്ക് ഉള്ളത് എന്ന് അവൻ മനസ്സിലാക്കുകയായിരുന്നു.... നൂറ വേദന കൊണ്ട് പുളയുമ്പോൾ അവളെക്കാൾ കൂടുതൽ വേദനിക്കുന്നത് തനിക്ക് ആണ് എന്ന് അവൻ അറിയുകയായിരുന്നു..... താൻ അവളെ സ്നേഹിക്കുന്നുണ്ടോ എന്ന് ചോദിച്ചാൽ തനിക്ക് അതിന് ഉത്തരം ഇല്ല.... ഒരു പക്ഷെ അവളുടെ കഴുത്തിൽ കിടക്കുന്ന ഞാൻ കെട്ടിയ മഹർന്റെ ശക്തി കൊണ്ടാവും ഇത്രയും പെട്ടന്ന് ഞാൻ അവളുമായി അടുത്തത്.... ചിന്തകളുടെ കുത്തൊഴുക്കിൽ റാഷി ഇരിക്കുമ്പോൾ ആണ് അവന്റ അടുത്തേക്ക് ഡോക്ടർ രഘു റാം വരുന്നത് കണ്ടത്.... റാഷി താൻ ഓക്കേ അല്ലെ... ഇപ്പോൾ കുഴപ്പം ഒന്നും ഇല്ലല്ലോ..... ഇല്ല ഡോക്ടർ.... ഞാൻ ഓക്കേ ആണ്.... റാഷി ചിരിച്ചു കൊണ്ട് പറഞ്ഞു.... എന്നാൽ താൻ വീട്ടിൽ പോയി ഒന്ന് ഫ്രഷായി ഡ്രസ്സ്‌ എല്ലാം മാറ്റി നല്ല പോലെ ഭക്ഷണം എല്ലാം കഴിച്ചതിന് ശേഷം ഇങ്ങോട്ട് വാ..... ഈ രണ്ട് ദിവസത്തിനുള്ളിൽ നീ ഒരുപാട് ട്രെസ്സ് അനുഭവിച്ചിട്ടുണ്ട്.... അതൊക്കെ ഒന്ന് മാറി ഉഷാറാവൻ വേണ്ടി ആണ്.... ഇപ്പോൾ നിന്നെ കണ്ടാൽ നീ ആ പഴയ റാഷിദ്‌ ആണ് എന്ന് തോന്നുകയെ ഇല്ല..... അത് കൊണ്ട് വീട്ടിൽ ഒന്ന് പോയി വാ.... നൂറയെ നീ വന്ന ഉടനെ നമുക്ക് റൂമിലേക്ക് മാറ്റാം.... എന്നാൽ ഞാൻ പോയിട്ട് വരാം..... അതും പറഞ്ഞു റാഷി നൂറ കിടക്കുന്ന കട്ടിലിന്റെ അടുത്തേക്ക് ചെന്നു.... അവളുടെ തലയിൽ ഒന്ന് തലോടിയ ശേഷം ശേഷം ആണ് അവൻ icu ടെ പുറത്തേക്ക് പോയത്... റാഷി പുറത്തേക്ക് പോയി കഴിഞ്ഞതും ഡോക്ടർ രഘു റാം തന്റെ ഫോൺ എടുത്ത് ഒരു നമ്പർ ഡയൽ ചെയ്ത് ചെവിയോട് ചേർത്തു.... ഹലോ..... അങ്കിളേ.... എന്തായി..... ഫോണിലൂടെ ഇഷാനിയുടെ ടെൻഷൻ നിറഞ്ഞ ശബ്ദം അയാൾ കേട്ടു.... റാഷി പുറത്തേക്ക് പോയിട്ട് ഉണ്ട്.... നീ ഇപ്പോൾ എവിടെ ആണ്.... ഞാൻ ഈ ഹോസ്പിറ്റലിൽ തന്നെ ഉണ്ട്..... ഞാൻ icu വിലേക്ക് വന്നോട്ടെ..... വേണ്ട.... നീ എന്റെ റസ്റ്റ്‌ റൂമിലേക്ക് വാ.... അവിടെ നിന്ന് നഴ്സിന്റെ വേഷം ധരിച്ച ശേഷം മാസ്ക് വെച്ച് നൂറയുടെ അടുത്തേക്ക് വന്നാൽ മതി.... എന്നാ ഞാൻ അങ്ങോട്ട് വരാം.... അങ്കിൾ പെട്ടന്ന് അങ്ങോട്ട് വരാൻ നോക്ക്.... സമയം വൈകുംതോറും എന്റെ ഇത്തയുടെ ജീവന് അപകടം ആണ്....പിന്നെ അങ്കിൾ ഒരു നാഴ്‌സിനെ ഇത്തയുടെ അടുത്ത് നിറുത്തിയില്ലേ.... അതൊക്കെ ഞാൻ ചെയ്തിട്ടുണ്ട്.... എന്നാ ഞാൻ വെക്കുകയാണ്... നീ പെട്ടന്ന് അങ്ങോട്ട് വാ.... ശരി.... ഫോൺ കട്ട് ചെയ്ത് രഘു റാം നഴ്സിനോട് നൂറയെ ശ്രദ്ദിക്കാൻ പറഞ്ഞു പെട്ടന്ന് തന്റെ റസ്റ്റ്‌ റൂം ലക്ഷ്യ മാക്കി നടന്നു..... 🔷🔷🔷🔷🔷🔷🔷🔷🔷🔷🔷🔷🔷🔷🔷🔷 റാഷി icu വിന്റെ പുറത്തേക്ക് ഇറങ്ങി വരുന്നത് കണ്ടതും അഫ്സൽ അവന്റെ അടുത്തേക്ക് വന്നു..... ഇക്ക.... ഇത്തക്ക് കുഴപ്പം ഒന്നും ഇല്ലല്ലോ....? ഇല്ല കുഴപ്പം ഒന്നും ഇല്ല.... ഞാൻ വീട്ടിലേക്ക് ഒന്ന് പോയി വരാം.... ഞാൻ കൂടെ വരണോ....? വേണ്ട നീ ഇവിടെ തന്നെ നിന്നോ.... എന്തെങ്കിലും ആവിശ്യം വന്നാലോ ഇവിടെ.... മ്.... ഉപ്പ എവിടെ.... ചുറ്റും നോക്കി കൊണ്ടാണ് റാഷി അത് ചോദിച്ചത്..... ഉപ്പ പോലീസ് സ്റ്റേഷൻ വരെ പോയിരിക്കുകയാണ്.... ഇത്തയെ ഈ അവസ്ഥയിൽ ആക്കിയവനെ കണ്ടു പിടിക്കാൻ.... അത് വേണ്ടായിരുന്നു.... അവനെ ഞാൻ തന്നെ കണ്ടുപിടിച്ചു അവനുള്ള ശിക്ഷ ഞാൻ തന്നെ വിധിക്കുകയിരുന്നു.... വല്ലാത്ത ദേഷ്യത്തോടെ റാഷി അത് പറയുമ്പോൾ അവന്റെ മുഖം ദേഷ്യം കൊണ്ട് വലിഞ്ഞു മുറുകിയിരുന്നു..... ഇത്രയും ദേഷ്യത്തിൽ റാഷിയെ അഫ്സൽ ആദ്യം ആയി കാണുന്നത് കൊണ്ട് അഫ്സലിന് അത്ഭുതം ആയിരുന്നു.... റാഷിക്ക ഇത്തയെ എത്രത്തോളം സ്നേഹിക്കുന്നുണ്ട് എന്ന് അവൻ മനസ്സിലാക്കുകയായിരുന്നു.... ഇതേ സമയം icu വിന്റെ ഉള്ളിലേക്ക് ഡോക്ടറിന്റെ വേഷം ധരിച്ചു മാസ്ക് വെച്ച് ഒരാൾ അകത്തേക്ക് കയറി.... അവിടെ ആരും ഇല്ല എന്ന് ഉറപ്പ് വരുത്തിയ ശേഷം നൂറ കിടക്കുന്ന ഭാഗത്തേക്ക് അയാൾ നടന്നു.... അവിടെ കിടക്കുന്ന നൂറയെ കണ്ടതും കയ്യിൽ ഉള്ള മൊബൈൽ ഫോൺ എടുത്ത് അതിലെ ഫോട്ടോയിലേക്ക് നോക്കി.... ആ ഫോട്ടോയിൽ കാണുന്ന പെൺ കുട്ടിയും തന്റെ മുന്നിൽ കിടക്കുന്ന പെൺ കുട്ടിയും ഒന്ന് തന്നെ ആണ് എന്ന് കണ്ടതും തന്റെ കയ്യിൽ ഉള്ള ബോട്ടിൽ തുറന്ന് സിറിജിലേക്ക് മരുന്ന് കയറ്റി.... നൂറയുടെ വലത്തേ കയ്യിലേക്ക് സൂചി കുത്താൻ നിന്നതും icu വിന്റെ ഡോർ തുറക്കുന്ന ശബ്ദം കേട്ടതും ഒരുമിച്ചായിരുന്നു..... തുടരും...❣️ ♥️Like 💌comment 📤share𝗙𝗼𝗹𝗹𝗼𝘄╰┈➤ #നോവൽ #കഥ #📔 കഥ #💞 പ്രണയകഥകൾ