*ഗുരു എന്ന യാഥാർഥ്യം* മൗലാ... അല്ലാഹുവിൻ്റെ നിശ്ചയം പോലെ എനിക്ക് അങ്ങയോടൊത്തുള്ള സഹവാസത്തിന് ഭാഗ്യം ലഭിച്ചു. അൽഹംദുലില്ലാഹ്! എന്നാൽ അനേകം പേർ , അവർ ചോദിക്കുന്നു ; 'എങ്ങിനെയാണ് ഞാൻ ഒരു യഥാർത്ഥ ഗുരുവിലേക്കെത്തിപ്പെടുക? ' എങ്ങിനെയാണ് സത്യത്തെ വെളിപ്പെടുത്തിത്തരുന്ന ഒരു ഗുരുവിനെ എനിക്ക് തിരിച്ചറിയാനാവുക? താൻ വഞ്ചിക്കപ്പെടുകയില്ലെന്ന് എങ്ങിനെ മുൻകുട്ടി നിശ്ചയിക്കാനാവും? " നോക്കൂ.... ഒരു പൂവിനെ നാം ഇഷ്ഠപ്പെടുന്നത് അതിൻ്റെ പരിമളം ആസ്വദിച്ച് കൊണ്ടാണ്. ഒരു മൃദു മന്ദഹാസത്തോടെ ഗുരു പറഞ്ഞു തുടങ്ങി. ഒരു മുല്ലപ്പൂവിനെ നോക്കു... ആകാരത്തിൽ ചെറുതെങ്കിലും എത്ര അനുഭൂതിദായകമായ സുഗന്ധമാണ് അതിൽ നിന്നും വമിച്ച് കൊണ്ടിരിക്കുന്നത്. എന്നാൽ ചില പൂക്കളുണ്ട് , ഭംഗിയും വലുപ്പവും ഒക്കെ ഉണ്ടെങ്കിലും അതിൽ നിന്നും പ്രസരിക്കുന്നത് അസ്വസ്തമാക്കുന്ന ഗന്ധമായിരിക്കും. ഓരോരുത്തരുടേയും ആസ്വാദന നിലവാരത്തിനും വാസനക്കു മനുസരിച്ചാണ് ഒരോന്നിനോടും പ്രിയം തോന്നുന്നത്. തൻ്റെ വാസനക്കനുസൃതമായ ഒന്നിനെ കാണുമ്പോൾ അവൻ ഏറെ പ്രിയത്തോടെ അതിൻ്റെ പരിമളം ആസ്വദിക്കുന്നു. അത് അവനിൽ എന്തെന്നില്ലാത്ത ആനന്ദവും സംതൃപ്തിയും നല്കുന്നു. അങ്ങിനെ ലഭിക്കാത്തതിനെയെല്ലാം അകറ്റി നിറുത്തുകയും ചെയ്യുന്നു. അത് പോലെ , സമ്പൂർണ്ണമായ ഒരു ഗുരുവിലേക്ക് എത്തിച്ചേരുംവരെ , ഇതല്ല, ഇതല്ല എന്ന് അവനോട് മനസ്സ് മന്ത്രിച്ച് കൊണ്ടേയിരിക്കും. ആ ഉൾവിളി കതോർത്ത് മുന്നോട്ട് പോയാൽ , അവസാനം മനസ്സിന് തൃപ്തമായ ഒന്നിലേക്ക് അവൻ എത്തിപ്പെടുക തന്നെചെയ്യും. അത് വരെ ഒരു യഥാർത്ഥ അന്വേഷകനായിരിക്കുക എന്നത് മാത്രമാവും ഒരുവൻ്റെ ദൗത്യം. ഇത്രയും പറഞ്ഞ ശേഷം ഗുരു ഇതും കുടി കുട്ടിച്ചേർത്തു. 'ശിഷ്യൻ്റെ ശുഷ്കമായ അളവുകോൽ വെച്ച് ഗുരുവിനെ അളക്കുക എന്നതും ഏറെ ക്ലേശകരം തന്നെയാണ്. എന്നിരുന്നാലും അന്വേഷകൻ്റെ നിഷ്ക്കളങ്കത അപ്പോൾ അവന് തുണയാകും. ഒരു യഥാർത്ഥ ഗുരു ശിഷ്യൻ്റെ സമ്പത്തിനേയോ, മറ്റു ഭൗതിക നേട്ടങ്ങളേയോ ആഗ്രഹിക്കുന്നവനായിരിക്കരുത്. അങ്ങിനത്തെ ഒരുവനെയാണ് അന്വേഷകൻ കണ്ട് മുട്ടുന്നതെങ്കിൽ അതിൽ നിന്നും അകന്ന് നില്ക്കുക . അന്വേഷി പാകപ്പെടുമ്പോൾ യഥാർത്ഥ ഗുരു അവനിലേക്ക് വന്നണയുക തന്നെ ചെയ്യും. നിശ്ച്ചയം! ഇത്രയും പറഞ്ഞു ഗുരു വസാനിപ്പിച്ചു. തനിക്ക് ലഭിച്ച അപാര കാരുണ്യത്തിന് അല്ലാഹുവെ സ്തുതിച്ച് കൊണ്ട് തൻ്റെ മൗലാക്ക് മുന്നിൽ സംതൃപ്തമായ മനസ്സോടെ ആ വിനീതശിഷ്യൻ നമ്രശിരസ്ക്കനായി നിലകൊണ്ടു! സസ്നേഹം! S@LEEM CHISTHI ....🕊️ , ❤️ #സൂഫികളുടെ ലോകം #🌞 ഗുഡ് മോണിംഗ് #💖 അമ്മ ഇഷ്‌ടം #🥰 ചങ്ക് കൂട്ടുകാർ #🕌 വാവർസ്വാമി