NavaChittoor on Instagram: "విజయపురలోని రాజకుమార్ లేఅవుట్‌లో ఓ భయంకరమైన ఘటన చోటుచేసుకుంది. ఇంటి ముందు ఆడుకుంటున్న మూడేళ్ల విరాజ్ సంతోష్ బిరాదార్ అనే బాలుడిపై వీధి కుక్కలు దాడి చేశాయి. అందులో ఒక కుక్క బాలుడిని కరిచి పట్టుకుని దాదాపు 100 అడుగుల దూరం లాక్కెళ్లింది. ఈ దారుణ ఘటనకు సంబంధించిన దృశ్యాలు సీసీటీవీలో రికార్డ్ అయ్యాయి. ఇరుగుపొరుగు వారు సరైన సమయానికి స్పందించి కాపాడటంతో బాలుడి ప్రాణాలు దక్కాయి. బాలుడి వీపు, తొడ భాగంలో తీవ్ర గాయాలు కావడంతో వెంటనే అతడిని స్థానిక ప్రైవేట్ ఆసుపత్రికి తరలించారు. బాలుడు ప్రాణాపాయం నుంచి బయటపడినప్పటికీ, తీవ్రంగా గాయపడినట్లు కుటుంబ సభ్యులు తెలిపారు. బాలుడి పెద్దనాన్న రాజశేఖర్ తెలిపిన వివరాల ప్రకారం.. ఘటన జరిగిన వెంటనే నగరపాలక సంస్థ (మున్సిపాలిటీ) అధికారులకు సమాచారం అందించారు. అధికారులు సంఘటనా స్థలాన్ని పరిశీలించి, వీధికుక్కల నియంత్రణకు తగిన చర్యలు తీసుకుంటామని హామీ ఇచ్చినట్లు సమాచారం. #Vijayapura #StrayDogAttack #TeluguNews #ChildSafety #DogAttack #KarnatakaNews #ViralNewsTelugu #ParentsAlert #ShockingNews #TeluguReels #CCTVFootage #BreakingNewsTelugu #TeluguShorts"