మహా కుంభాభిషేకానికి ఘన ఆహ్వానం… మంత్రి పొంగులేటికి ఎమ్మెల్యే జారె మర్యాదపూర్వక ఆహ్వానం 18.04.2026 - శనివారం అన్నపురెడ్డిపల్లి మండల కేంద్రంలోని శ్రీ బాలాజీ వెంకటేశ్వర స్వామి దేవస్థానంలో వచ్చే నెల 6వ తేదీ నుండి వైభవంగా జరగనున్న మహా కుంభాభిషేక మహోత్సవాలకు సంబంధించి ఆహ్వాన పత్రికను హైదరాబాద్ సెక్రటేరియట్‌లో గౌరవ రెవెన్యూ, గృహనిర్మాణ, సమాచార & పౌర సంబంధాల శాఖల మంత్రివర్యులు పొంగులేటి శ్రీనివాస రెడ్డి గారికి గౌరవ ఎమ్మెల్యే జారె ఆదినారాయణ గారు మర్యాదపూర్వకంగా అందజేశారు. ఈ మహోత్సవాలు శ్రీశ్రీశ్రీ త్రిదండి చిన్నజీయర్ స్వామి వారి పర్యవేక్షణలో ఘనంగా నిర్వహించబడనున్నాయని తెలిపారు. మహా కుంభాభిషేకం ద్వారా ప్రాంతంలో ఆధ్యాత్మిక వాతావరణం మరింత పెంపొందించి, భక్తులకు శాంతి, సౌభాగ్యాలు కలుగుతాయని ఆశాభావం వ్యక్తం చేశారు. ఈ సందర్భంగా భక్తులు భారీ సంఖ్యలో పాల్గొని స్వామివారి కృపను పొందాలని, అలాగే మహోత్సవాలను విజయవంతం చేయడంలో ప్రభుత్వం తరఫున సహకారం అందించాలని మంత్రి గారిని కోరారు. అన్నపురెడ్డిపల్లి ప్రాంతానికి ఈ కార్యక్రమం ప్రత్యేక ఆధ్యాత్మిక గుర్తింపును తీసుకురావడమే కాకుండా భక్తి భావాన్ని మరింత బలపరుస్తుందని ప్రముఖులు పేర్కొన్నారు. ఈ కార్యక్రమంలో అశ్వారావుపేట మున్సిపల్ వైస్ చైర్మన్ జూపల్లి రమేష్ బాబు గారు, చిన్నజీయర్ స్వామి ట్రస్ట్ సభ్యులు కాలోజీ వెంకటేశ్వరరావు గారు తదితరులు పాల్గొన్నారు. #🏛️రాజకీయాలు #🌍నా తెలంగాణ #🔹కాంగ్రెస్ #కాంగ్రెస్ పార్టీ తెలంగాణ #కాంగ్రెస్