#🤯એક પછી એક ભૂકંપના 4 આંચકા, દક્ષિણ ફિલિપાઇન્સના ડાવાઓ ઓક્સિડેન્ટલ પ્રાંતમાં ગુરુવારે સવારે 6.3 તીવ્રતાનો શક્તિશાળી ભૂકંપ આવ્યો, જેના કારણે અનેક વિસ્તારોમાં લોકોમાં ગભરાટ ફેલાઈ ગયો. ભૂકંપના આંચકા અનુભવાતા જ લોકો ઘરો અને સરકારી ઇમારતોમાંથી બહાર દોડી આવ્યા હતા. જો કે, પ્રારંભિક અહેવાલો અનુસાર જાનમાલના મોટા નુકસાન કે કોઈ જાનહાનિના સમાચાર નથી. ફિલિપાઈન ઇન્સ્ટિટ્યુટ ઓફ વોલ્કેનોલોજી એન્ડ સિસ્મોલોજી મુજબ, આ ટેક્ટોનિક ભૂકંપ સ્થાનિક સમય અનુસાર સવારે 5 વાગીને 41 મિનિટે આવ્યો હતો. તેનું કેન્દ્ર બાલુત ટાપુના તટથી લગભગ 99 કિલોમીટર દક્ષિણ-પશ્ચિમમાં હતું અને તેની ઊંડાઈ 10 કિલોમીટર નોંધાઈ હતી. ભૂકંપનું કેન્દ્ર કોટાબાટો ટ્રેન્ચની નજીક હોવાને કારણે તેના આંચકા સારંગની પ્રાંત, જનરલ સાંતોસ સિટી, સાઉથ કોટાબાટો, ડાવાઓ ડેલ સુર, કોટાબાટો અને સુલતાન કુદરત સહિતના અનેક વિસ્તારોમાં અનુભવાયા હતા. ભૂકંપ પછી કેટલાક પ્રભાવિત વિસ્તારોમાં સાવચેતીના ભાગરૂપે શાળાઓ, સરકારી કચેરીઓ અને અન્ય જાહેર પ્રવૃત્તિઓ અસ્થાયી રૂપે સ્થગિત કરી દેવામાં આવી હતી. અધિકારીઓએ સ્પષ્ટ કર્યું કે આ ભૂકંપથી સુનામીનો કોઈ ખતરો નથી. સારંગની આઈલેન્ડના એક રેસ્ક્યુ વર્કર હાર્લી સાઉરોએ જણાવ્યું કે ભૂકંપ ત્યારે આવ્યો જ્યારે મોટી સંખ્યામાં લોકો સરકારી નાણાકીય સહાય મેળવવા માટે એકત્રિત થયા હતા. તેમના મતે આંચકા ખૂબ જ તીવ્ર હતા, જેના કારણે લોકોમાં નાસભાગ મચી ગઈ અને તેઓ સુરક્ષિત સ્થળો તરફ દોડી ગયા. રાહતની વાત એ રહી કે કોઈના ઈજાગ્રસ્ત થવાની કે મોટા નુકસાનની કોઈ માહિતી મળી નથી. ઉલ્લેખનીય છે કે, સળંગ બીજા દિવસે આ શક્તિશાળી ભૂકંપ આવ્યો છે. તેનાથી એક દિવસ અગાઉ બુધવારે પણ ડાવાઓ ઓક્સિડેન્ટલમાં 6.4 તીવ્રતાનો ભૂકંપ નોંધાયો હતો. તે સમયે પણ ભૂકંપની ઊંડાઈ લગભગ 13 કિલોમીટર હતી અને સુનામીની કોઈ ચેતવણી આપવામાં આવી ન હતી... #📽 લેટેસ્ટ અપડેટ વીડિયો #🔥 બિગ અપડેટ્સ #🤩 શોર્ટ અપડેટ્સ વીડિયો 🎥