ഭ്രമ സ്വപ്‌നങ്ങൾ മടുപ്പിച്ച ഭ്രാന്തൻ പൂക്കൾ കരിഞ്ഞു കൊഴിയുമ്പോൾ.. വെയിൽ തൃഷ്‌ണകളിൽ... ഉരുകി വീഴുന്ന മഞ്ഞു മലകൾ #🖋 എൻ്റെ കവിതകൾ🧾 #📝 ഞാൻ എഴുതിയ വരികൾ ഒരുമിച്ചൊരു പ്രവാഹമായ് നമ്മിലേയ്ക്കൊഴുകും.. കൂട്ടിമുട്ടിയ സമാന്തര രേഖകളായി നമുക്കന്ന് ഒരേ പാതയിൽ പുതിയ വർണ്ണങ്ങൾ തിരയാം.. മറവികൾ മണ്ണടരുകളിലേക്ക് പുതച്ചു വെച്ച്.. ഈറൻ രാവിന്റെ നിറുകയിൽ ഒറ്റ നക്ഷത്രത്തിന്റെ പളുങ്കു കണ്ണിലേക്ക് ഒരുമിച്ചു മിഴി നട്ട്.. മഴത്തണുപ്പിന്റെ, പായൽ പച്ചയിൽ ഗന്ധരാജനായ്... നിറയെ പൂത്തുന്മാദിയാവാം.. സ്നേഹത്തിന്റെ മധുരം കുറുക്കിയൊഴിച്ച് മുഷിപ്പിന്റെ പൊള്ളലുകളാറ്റാം.. ഒരിക്കലെപ്പോഴോ തട്ടിത്തെറിപ്പിച്ച അപൂർണ്ണതകളിൽ നിന്നും പൂർണ്ണതയിലേക്കുള്ള പ്രയാണം.