ശരിയോ തെറ്റോ.. അറിയില്ല.. ❤️: Ch 1 അവളുടെ അച്ഛന്റെ അടക്കം കഴിഞ്ഞു പിന്നേം രണ്ടു ദിവസം കൂടി കഴിഞ്ഞാണ് അയാൾ അവിടെ വീണ്ടും എത്തുന്നത്. അന്ന് കൂടെ ജോലി ചെയുന്ന എല്ലാവരുടെയും ഒപ്പം വന്നപ്പോൾ, ദൂരെ നിന്ന്, കരഞ്ഞു തളർന്നിരുന്ന അവളെ ഒന്ന് കണ്ടു എന്ന് മാത്രം. ഒന്നേ നോക്കാൻ പറ്റിയിരുന്നുള്ളു. (അവൾടെ അമ്മ നേരത്തെ പോയിരുന്നു. ഇപ്പൊ അച്ഛനും. മുതിർന്ന രണ്ടു ചേച്ചിമാരുണ്ട്. പക്ഷെ അവരും അവരുടെ ജീവിതത്തിന്റെ തിരക്കിൽ. പിന്നെ ഉള്ളത്,താനും മക്കളും എന്ന് കരുതുന്ന ഭർത്താവ് ആണ്. ഒന്നിനും ഒരു കുറവും വരുത്തില്ല പക്ഷെ ഒരിക്കലും ഒരു സ്ഥാനമില്ല..അവൾ ഒറ്റക്കായിരുന്നു അയാൾ അവളുടെ ജീവിതത്തിൽ വരും വരെ) അവളുടെ വീട്ടിൽ എത്തി, കോളിങ് ബെൽ അടിച്ചു. അവൾ അമ്മയെ പോലെ കരുതുന്ന, അവളെ അറിയുന്ന, ആ വീട്ടിലെ ജോലിക്കാരി സുജ അമ്മ കതകു തുറന്ന്.. "മോനോ.. കേറി വാ"..ഡ്രോയിങ് റൂമിലേക്ക് കയറിയപ്പോൾ അവര് പറഞ്ഞു.."മോനെ, മോൾ അച്ചന്റെ മുറിയിൽ ഇരിക്കുവാ.."..മ്മ്മ്, അയാൾ പടി കയറി ആ റൂമിൽ എത്തി. അവൾ, അച്ഛൻ കിടന്ന കട്ടിലിനരികെ തറയിൽ ഇരിക്കുന്നു. "മീരേ.." വിളി കേട്ടു അവൾ ഞെട്ടി ഉണർന്നു.. "ഹരി ".. അയാൾ റൂമിൽ കയറിക്കൊണ്ട്.." എന്താ ഇവിടെ ഇരിക്കുന്നത്..".. അവളുടെ അരികിൽ വന്നു നിന്നു. അവൾ ഒന്നും മിണ്ടാതെ വീണ്ടും തല താഴ്ത്തി. അയാൾ,നിലത്തു അവളുടെ അടുത്ത് ഇരുന്ന്. " ഹരി.. അച്ഛൻ കൂടി പോയപ്പോൾ.. ഞാൻ..എനിക്ക്...ആരും.. ". അയാൾ ഒരു കൈകൊണ്ട് അവളെ ചേർത്ത് പിടിച്ചു.."ഇപ്പോഴോ.. ആരുമില്ലേ എന്ന് ചോദിക്കും പോലെ അവളുടെ മുഖത്തേക്ക് നോക്കി..".. അവളുടെ കണ്ണ് നിറഞ്ഞു, അയാളുടെ മുഖത്തേക്ക് നോക്കി.. അയാൾ അവളെ ചേർത്ത് തന്നെ പിടിച്ചു ആ കണ്ണുകൾ തുടച്ചു.."മോളെ.." വീട്ടിൽ നിക്കുന്ന സുജ അമ്മ വിളിച്ചു. അയാൾ പുഞ്ചിരിയോടെ എണിറ്റു. " മീരേ, ഞാൻ താഴെ നിക്കാം,സാറോ കുട്ടികളോ പെട്ടെന്ന് വന്നാലോ.. എനിക്ക് ഒന്ന് കണ്ടാൽ മതിയാരുന്നു.. ".."എനിക്കും", അവൾ പറഞ്ഞു.. ശരിയോ തെറ്റോ.. അറിയില്ല ❤️.. #💌 പ്രണയം #♥ പ്രണയം നിന്നോട് #💘 Love Forever #💞 നിനക്കായ് #❤ സ്നേഹം മാത്രം 🤗