ਸ਼ਹਿਰ ’ਚੋਂ ਲੰਘਦੀ ਭੀਖੀ ਡਿਸਟ੍ਰੀਬੁਟਰੀ ਨਹਿਰ ’ਚ ਡੁੱਬਣ ਕਾਰਨ ਦੋ ਵਿਦਿਆਰਥੀਆਂ ਦੀ ਮੌਤ ਹੋਣ ਦਾ ਸਮਾਚਾਰ ਹੈ। ਇਕੱਤਰ ਜਾਣਕਾਰੀ ਅਨੁਸਾਰ ਪਿੰਡ ਹਮੀਰਗੜ੍ਹ ਢੈਪਈ ਵਾਸੀ ਗੁਰਵਿੰਦਰ ਸਿੰਘ (15) ਪੁੱਤਰ ਅਜੈਬ ਸਿੰਘ ਅਤੇ ਭੀਖੀ ਵਾਸੀ ਸੁਖਪ੍ਰੀਤ ਸਿੰਘ (16) ਪੁੱਤਰ ਰਾਮਫਲ ਸਿੰਘ ਘਰੋਂ ਕੁਝ ਖਰੀਦਦਾਰੀ ਕਰਨ ਦਾ ਕਹਿ ਕੇ ਭੀਖੀ ਨਹਿਰ ਦੇ ਪਿੰਡ ਸਮਾਉਂ ਦੇ ਪੁਲ ਕੋਲ ਨਹਾਉਣ ਲਈ ਚਲੇ ਗਏ। ਨਹਿਰ ’ਚ ਨਹਾਉਂਦੇ ਸਮੇਂ ਦੋਵੇਂ ਦੋਸਤ ਕਿਸੇ ਕਾਰਨ ਰੁੜ ਗਏ। ਜਿਸ ਤੋਂ ਬਾਅਦ ਲੋਕਾਂ ਨੂੰ ਪਤਾ ਲੱਗਣ ’ਤੇ ਉਨ੍ਹਾਂ ਦੀ ਤਲਾਸ਼ ਕੀਤੀ ਅਤੇ ਕਈ ਘੰਟਿਆਂ ਬਾਅਦ ਪਿੰਡ ਫਰਵਾਹੀ ਦੇ ਜੋੜੇ ਪੁਲਾਂ ਕੋਲੋਂ ਦੋਵਾਂ ਦੀਆਂ ਤੈਰਦੀਆਂ ਲਾਸ਼ਾਂ ਨੂੰ ਬਰਾਮਦ ਕੀਤਾ ਗਿਆ।ਜ਼ਿਕਰਯੋਗ ਹੈ ਕਿ ਦੋਵੇਂ ਮੁੰਡੇ ਆਪਣੇ ਮਾਪਿਆਂ ਦੀ ਇਕਲੌਤੀ ਔਲਾਦ ਸਨ। ਉਧਰ ਭੀਖੀ ਪੁਲਸ ਨੇ ਦੱਸਿਆ ਕਿ ਮ੍ਰਿਤਕਾਂ ਦੇ ਪਰਿਵਾਰਿਕ ਮੈਂਬਰਾਂ ਦੇ ਬਿਆਨਾਂ ’ਤੇ ਕਾਰਵਾਈ ਕੀਤੀ ਗਈ ਹੈ ਅਤੇ ਪੋਸਟਮਾਰਟਮ ਤੋਂ ਬਾਅਦ ਲਾਸ਼ਾਂ ਵਾਰਿਸਾਂ ਨੂੰ ਸੌਂਪ ਦਿੱਤੀਆਂ ਜਾਣਗੀਆਂ। #😭ਪੰਜਾਬ: ਨਹਿਰ 'ਚ ਡੁੱਬਣ ਕਾਰਨ ਬੁਝੇ 2 ਘਰਾਂ ਦੇ ਚਿਰਾਗ