*ശ്രീ ഗുരുവായൂരപ്പന്റെ ഇന്നത്തെ ഉച്ചപൂജ അലങ്കാരം*🙏🙏🙏 ഇന്ന്‌ (24/06/26) വെണ്ണക്കണ്ണൻ ആയിട്ടാണ് പൊന്നുണ്ണി ശ്രീലകത്ത്. പൊന്നുണ്ണിക്കണ്ണന്റെ ഇടതുകൈയിൽ പൊന്നോടക്കുഴലും, വലതു കയ്യിൽ തൃക്കൈവെണ്ണയും!!!! ഉണ്ണിക്കണ്ണന്റെ ഈ മനോഹരമായ രൂപം കാണുമ്പോൾ തന്നെ മനസ്സിന് എന്തൊരു സന്തോഷമാണ്!! പീലിത്തിരുമുടിയും അലങ്കാരങ്ങളും, മാലകൾ, കൈവളകൾ, കാൽത്തളകൾ, മണികിങ്ങിണി പൊന്നരഞ്ഞാണം, ഒക്കെ ചാർത്തി ഒരുക്കിയ ഈ പൊന്നോമനക്കണ്ണൻ മനസ്സിലങ്ങനെ വിളയാടാൻ എന്നും അനുഗ്രഹിക്കണേ🙏 ഭക്തിയും പ്രാർത്ഥനയും കൊണ്ട് അവിടുത്തെ പ്രേമപൂർവ്വമുള്ള കാരുണ്യമാകുന്ന നറുവെണ്ണ കടഞ്ഞെടുത്ത് അവിടുത്തെ പാദാരവിന്ദങ്ങളിൽ സമർപ്പിക്കാൻ, അനുവദിക്കണേ കൃഷ്ണാ.. ഉള്ളിലെ അഹന്തയെല്ലാം നീങ്ങി, അവിടുത്തേക്ക്‌ മോഷ്ടിക്കാൻ പാകത്തിന്, ഞങ്ങളുടെ മനസ്സും നിർമ്മലമാക്കണേ കണ്ണാ.. സച്ചിദാനന്ദ സ്വരൂപനായ ഭഗവാനേ, അവിടുത്തെ സ്നേഹം അമൃതുപോലെ മധുരമാണ്. അവിടുത്തെ നാമം ജപിക്കുമ്പോൾ, മനസ്സ് ശാന്തവും പവിത്രവുമാകുന്നു. ഹരേ... മുരളീധരാ, എപ്പോഴും ഹരിനാമം ജപിക്കാനുള്ള സുബോധം ഉണ്ടാകണേ കൃഷ്ണാ.. പുഞ്ചിരി തൂകിക്കൊണ്ട് നിൽക്കുകയാണ് കണ്ണൻ. ആനന്ദമയമായ ആ തിരുവുടൽ മനസ്സിൽ തെളിയുമ്പോൾ അനുഭവിക്കുന്ന ആ ആനന്ദം❣️❣️അവർണ്ണനീയം❣️❣️ആശ്രിതവത്സലനായ ഭഗവാനേ, എന്നും അവിടുത്തെ തൃപ്പാദത്തിൽ മനസ്സുറപ്പിച്ചു നിർത്താൻ അനുഗ്രഹിക്കണേ തമ്പുരാനേ🙏🙏🙏 ഈ ഉണ്ണിക്കണ്ണനെ ഇങ്ങനെ കാണുമ്പോൾ എല്ലാ ദുഖങ്ങളും ഇല്ലാതാകുന്നുവല്ലോ കണ്ണാ,, ശ്രീകോവിലിനുള്ളിലെ നെയ്‌വിളക്കുകളുടെ പ്രഭയിൽ ശോഭിച്ചു നിൽക്കുന്ന ഈ രൂപം, നമ്മുടെ ജീവിതത്തിലെ എല്ലാ തടസ്സങ്ങളും നീക്കി വഴി കാണിക്കുന്ന ദിവ്യപ്രകാശമാകട്ടെ. ഓരോ ഭക്തന്റെയും വിളിപ്പുറത്ത് കാരുണ്യമായി ഓടിയെത്തുന്ന ആ ഭഗവാന്റെ അനുഗ്രഹം എല്ലാവർക്കും ഉണ്ടാകട്ടെ. ഹരേകൃഷ്ണ 🙏🙏🙏#കൃഷ്ണ #krishna #ശ്രീ ഗുരുവായൂർ കണ്ണൻ 🙏 #ഭക്തി #bhakthi