മൗനം പറഞ്ഞത്.. ... #📝 ഞാൻ എഴുതിയ വരികൾ #🖋 എൻ്റെ കവിതകൾ🧾 മൗനത്തിൽ ഒളിപ്പിച്ച ലിപികൾ ഇല്ലാത്ത. ഹൃദയഭാഷയിൽ... എഴുതപ്പെട്ട.. നിന്റെ കവിതകൾ.. ഞാൻ വായിക്കുന്നു. അതിലെ മഞ്ഞും, മഴയും,, വസന്തവും.. കാലവും,,ദൂരവും കടന്ന്.. ഉള്ളുരുക്കങ്ങളും.. ഉടൽ ചൊരുക്കുകളും കടന്ന്.. എന്നെ വീണ്ടെടുക്കുന്നു.. രാത്രി ലില്ലികൾ പൂക്കുന്ന രാമധ്യ യാമങ്ങളിൽ.. നീ നിലാവിൽ കുറിച്ച... പ്രണയവരികൾ.. എന്നെ പേരുചൊല്ലി വിളിക്കുന്നു.. നിന്നെ തൊട്ടു വന്നൊരു കാറ്റ് രാമഞ്ഞു കൊണ്ടെന്റെ നിറുകയിൽ ഉമ്മ വെയ്ക്കുന്നു.. ശേഷമത് കൊഴിഞ്ഞു പോയ മഞ്ഞയിലകളെ വകഞ്ഞു നീക്കി വസന്തത്തിലേക്ക് ഗന്ധപുഷ്പങ്ങളേയും, ധ്യാനശലഭങ്ങളെയും പറഞ്ഞയക്കുന്നു.. നീ പെയ്യുന്ന മഴയിൽ പിന്നെയും നനഞ്ഞ് ഞാനപ്പോൾ.. രാക്കുളിർ തഴുകുന്ന ചൂടു കാപ്പിയുടെ മധുരത്തിലേക്ക്... ആഴ്ന്നു പോയൊരു ഗസലിൽ നഷ്ടമാവുന്നു...