#🤩 എന്റെ ആദ്യ പോസ്റ്റ് അല്ലാഹു എനിക്ക് നൽകിയ അനുഗ്രഹങ്ങൾ *╔════►﷽◄════╗* അല്ലാഹു എനിക്ക് നൽകിയ അനുഗ്രഹത്തിന് ഞാൻ അവനോട് എത്ര നന്ദി പറഞ്ഞാലും എത്രത്തോളം തന്നെ നന്ദി കാണിച്ചാലും അത് ഒട്ടും തീരില്ല. അത്രയ്ക്കും പവിത്രമായ അനുഗ്രഹങ്ങളാണ് അല്ലാഹു എനിക്ക് നൽകിയിട്ടുള്ളത്. അൽഹംദുലില്ലാഹ്. അല്ലാഹു എനിക്ക് നൽകിയത് പോലെയുള്ള ഇത്രയും മഹത്തായ അനുഗ്രഹങ്ങൾ ഈ നിമിഷം വരെ മറ്റാർക്കും തന്നെ അല്ലാഹു നൽകിയിട്ടുണ്ടാവില്ല. 2013 ലും 2016 ലുമായി എൻറെ തലയിൽ നടത്തിയ രണ്ട് ന്യൂറോ സർജറികൾക്ക് ശേഷം ലൗകികമായ കാര്യങ്ങളിൽ അല്പം ഓർമ്മക്കുറവുകൾ അവൻ എനിക്ക് നൽകിയിട്ടുണ്ടെങ്കിലും അവനെക്കുറിച്ച് ഞാൻ നേടിയ ആത്മീയ ചിന്തകൾക്ക് ഈ നിമിഷം വരെ അതിന് ഒരു കോട്ടവും വരുത്തിയിട്ടില്ല. സുബ്ഹാല്ലാഹ്. അവനെക്കുറിച്ച് ഞാൻ നേടിയ ആത്മീയ ചിന്തകൾക്ക് കൂടുതൽ തെളിമയാണ് അവൻ എനിക്ക് നൽകിയിട്ടുള്ളത്. അൽഹംദുലില്ലാഹ്. ഇത്തരത്തിലുള്ള പരീക്ഷണങ്ങളിലൂടെ(ശസ്ത്രക്രിയകളിലൂടെ) കടന്ന് പോയവരെല്ലാം മാനസിക പരമായും ശാരീരിക പരമായും വലിയ തളർച്ചയിലേക്കും തകർച്ചയിലേക്കുമാണ് അവർ വഴുതി പോയിട്ടുള്ളത്. അത് ശാസ്ത്രം തന്നെ സമ്മതിച്ചു തരുന്ന ഒരു കാര്യം കൂടിയാണ്. എന്നാൽ അത്തരത്തിലുള്ള അവന്റെ വലിയ പരീക്ഷണങ്ങളെ തൊട്ടും അവൻ എന്നെ പൂർണ്ണമായും സംരക്ഷിച്ചു. അൽഹംദുലില്ലാഹ്. തലയിലെ ശസ്ത്രക്രിയകൾക്ക് ശേഷം ലൗകികമായ കാര്യങ്ങളിൽ അൽപം ഓർമ്മക്കുറവുകൾ ഉണ്ടാവുക എന്നുള്ളത് സ്വാഭാവികമാണ്. എന്നാൽ, സൃഷ്ടാവിനെ കുറിച്ചുള്ള ആത്മീയ ചിന്തകൾക്ക് ഒരു തകരാറും സംഭവിക്കാതെ അതിന് കൂടുതൽ തെളിമ ലഭിക്കുക എന്നുള്ളത് സ്വാഭാവികമായ കാര്യമല്ല. അതിന് അല്ലാഹുവിന്റെ അനുഗ്രഹം തന്നെ വേണം. അത്തരത്തിൽ ഒരു അനുഗ്രഹം എനിക്ക് അല്ലാഹു നൽകിയത് കൊണ്ട് തന്നെയാണ് ഈ നിമിഷം പോലും അതിനെക്കുറിച്ച് ചിന്തിക്കാനും അത് നിങ്ങളുമായി പങ്കുവയ്ക്കാനുമുള്ള കഴിവ് അവൻ എനിക്ക് നൽകിയത്. അൽഹംദുലില്ലാഹ്. അല്ലാഹുവേ, എനിക്ക് നൽകിയ ഈ അനുഗ്രഹത്തെ എന്റെ മരണംവരെ എന്നിൽ നിന്നും അകറ്റി കളയാതെ എന്നിൽ തന്നെ അത് നിലനിർത്തി തരേണമേ സുബ്ഹാന. ആമീൻ ശാസ്ത്രീയ പരമായ കണക്ക് കൂട്ടലുകൾക്കും അപ്പുറമാണ് എന്നിൽ അവൻ നിലനിർത്തിയ ഈ ആത്മീയ തെളിമായും അവൻ എനിക്ക് നൽകിയ മഹത്തായ അനുഗ്രഹങ്ങളും. അല്ലാഹു എല്ലാവർക്കും എല്ലാവിധ നന്മകളും നൽകി അനുഗ്രഹിക്കുമാറാകട്ടെ. എന്ന പ്രാർത്ഥനയോടെ. ഷിഹാബ് പി.എൻ #ഇസ്ലാമിക് സ്റ്റാറ്റസ് #🛐 ഇസ്ലാമിലെ വിശ്വാസങ്ങൾ #☪️ ദീനിയായ ഇസ്ലാം #🕌 ഇസ്ലാമിക് ഭക്തി