Part 38 സന്ധ്യ ഇരുട്ടുന്നതിന് മുന്നേ തന്നെ മേൽ ഒന്ന് കഴുകി ഇട്ടിരുന്ന വസ്ത്രം അലക്കിയിട്ട് അവൾ അകത്തേക്ക് കയറി. അപ്പോഴേക്കും കണ്ണനും എത്തിയിട്ട് ഉണ്ടായിരുന്നു. അവളെ ഒന്ന് നോക്കി അവൻ നേരെ കുളിക്കാൻ കയറി. ഇനി എന്ത് ചെയ്യണം എന്ന് അറിയാതെ ഗൗരി അവിടെ ഇട്ടിരുന്ന സെറ്റിയിൽ ഇരുന്നു. രാത്രിയിലേക്ക് അപ്പവും ഉള്ളി കറിയും ഉണ്ടാകാം എന്നാണ് അവൾ കരുതിയത്. രാവിലെ പോയപ്പോൾ അപ്പത്തിന് ഉള്ള മാവ് വെടിച്ചിരുന്നു. കറി ഒക്കെ നേരത്തെ തയ്യാറാക്കി മാറ്റി വെച്ചിരുന്നു അവൾ. അപ്പം പിന്നെ കഴിക്കുന്നതിനു മുന്നേ ചൂടോടെ ചുടാം എന്ന ഉദ്ദേശം ആയിരുന്നു. ഇതിപ്പോ കണ്ണൻ കട്ടൻ ഇട്ട് കൊടുക്കണോ വേണ്ടേയോ ഇട്ടാൽ കുടിക്കുമോ എന്നൊക്കെ ഉള്ള സംശയത്തിൽ ആണ് ഗൗരി. പിന്നെ രണ്ടും കൽപ്പിച്ച് കട്ടൻ ഇടാനായി അടുക്കളയിലേക്ക് പോയി. ______________________________________________ " സതീശാ എനിക്ക് നിന്നോട് കുറച്ച് സംസാരിക്കാൻ ഉണ്ടായിരുന്നു. " :  രാത്രി എല്ലാരും ഒപ്പം ഇരുന്ന് കഴിക്കുമ്പോഴാണ് ലത ഇത് പറയുന്നത്. അത് കേട്ടതും ലെച്ചു ഒഴികെ മറ്റു രണ്ടു പേരുടെയും മുഖം സംശയത്താൽ ചുളിഞ്ഞു. " അതിന് എന്താ അമ്മ പറഞ്ഞോ.  എന്തിനാ ഇപ്പൊ ഇങ്ങനെ ഒരു മുഖവുരയുടെ ഒക്കെ കാര്യം...? " : വിട്ട് മാറാത്ത സംശയത്തോടെ തന്നെ സതീശൻ അവരോട് ചോദിച്ചു. " കാര്യം ഉണ്ടെന്ന് തന്നെ കൂട്ടിക്കോ. എന്തായാലും രണ്ട് പേരും കഴിച്ചിട്ട് വാ എന്നിട്ട് ആവാം സംസാരം, രണ്ട് പേരോടും കൂടിയ എനിക്ക് സംസാരിക്കാൻ ഉള്ളത് " : ലത സതീശനെയും സരസ്വതിയെയും നോക്കി കൊണ്ട് പറഞ്ഞു അവരുടെ കഴിപ്പ് തുടർന്നു. എന്നാൽ ഈ സമയം അത്രയും സരസ്വതി ലെച്ചുവിനെ തന്നെയാണ് നോക്കിയത് അവളുടെ പരുങ്ങുലും മറ്റും കണ്ടപ്പോൾ തന്നെ ലത സംസാരിക്കണം എന്ന് പറഞ്ഞ വിഷയം ലെച്ചു ആയിരിക്കും എന്ന് ഊഹിച്ചു. പക്ഷെ അത് എന്തായിരിക്കും എന്ന് എത്ര ആലോജിച്ചിട്ടും അവർക്ക് മനസ്സിലായില്ല. പിന്നെ ഇരുപ്പ് ഉറക്കാത്തത് പോലെ പെട്ടന്ന് കഴിച്ച് എത്തി സതീഷനും സരസ്വതിയും. അതിന് കാരണം തന്നെ ഇപ്പോഴും ഗൗരവത്തോടെ ഇരിക്കുന്ന ലതയുടെ മുഖം തന്നെ ആയിരുന്നു. കഴിച്ച് കഴിഞ്ഞിട്ട് പാത്രങ്ങൾ ഒന്നും കഴുകാൻ നിൽക്കാതെ എല്ലാം കൊണ്ട് ചെന്ന് സിങ്കിൽ തട്ടി കയ്യും കഴുകി സരസ്വതിയും ഹാളിലേക്ക് നടന്നു. അവിടെ ഒരു സെറ്റിയിൽ സതീഷനും അതിന് ഓപ്പോസിറ്റ് ആയിട്ട് ലതയും കൂടെ തന്നെ ലെച്ചുവും ഇരിപ്പുണ്ട്. അത് നോക്കി നോക്കി സരസ്വതി സതീശൻ അടുത്തുള്ള സെറ്റിയിൽ ചെന്ന് ഇരുന്നു. " എന്താ അമ്മ എന്താ കാര്യം...? " : ഏറെ നേരം കഴിഞ്ഞിട്ടും ലത ഒന്നും പറയുന്നില്ല എന്ന് കണ്ടതും സരസ്വതി ചോദിച്ചു. " വേറെ ഒന്നും അല്ല ലെച്ചുവിന്റെ കാര്യം ആണ്  " : ഗൗരവത്തോടെ തന്നെ ലത പറഞ്ഞു. അത് കേട്ടതും സതീഷനും സരസ്വതിയും പരസ്പരം ഒന്ന് നോക്കി പിന്നെ മുഖം താഴ്ത്തി ഇരിക്കുന്ന ലെച്ചുവിലേക്ക് നീണ്ടു. " ലെച്ചുവിന്റെയോ അവളുടെ എന്ത് കാര്യം...? " : ഇപ്രാവശ്യം അല്പം ഗൗരവത്തിൽ സതീശനാണ് അത് ചോദിച്ചത്. സതീശന്റെ ഗൗരവം അറിഞ്ഞതും ലെച്ചുവിന്റെ കൈ ലതയിൽ മുറുകി. " പെണ്ണിന് എത്ര വയസ്സ് ആയെന്ന, ഇവൾക്ക് ഇളയത് അല്ലെ ഗൗരി എന്നിട്ട് അവളുടെ കല്യാണം കഴിഞ്ഞില്ലേ " : സരസ്വതി ലെച്ചുവിന്റെ കൈ ചേർത്ത് പിടിച്ച് കൊണ്ട് പറഞ്ഞു. " അത് അമ്മേ ലെച്ചു ഇപ്പൊ പഠിക്കുവല്ലേ...? " : സതീശൻ ഒരു വല്ലയിമയോടെ പറഞ്ഞു. അത് പക്ഷെ ലെച്ചുവിനെ താൻ വേണ്ടത്ര ശ്രെദ്ധിച്ചില്ലേ എന്ന തോന്നൽ കൊണ്ട് ആയിരുന്നു എന്ന് മാത്രം. " ഹ്മ്മ് പടുത്തം എന്ന് പറഞ്ഞ് ഇരുന്ന അവൾക്ക് വയസ്സ് അങ്ങ് കേറി കൊണ്ട് ഇരിക്കുവാ. പിന്നെ ഇപ്പൊ നോക്കി തുടങ്ങിയാലെ ഒരു വർഷം കഴിഞ്ഞിട്ട് എങ്കിലും നടത്താൻ കഴിയു. " : ലത അത്രയും പറഞ്ഞ് മുന്നിൽ ഇരിക്കുന്നവരുടെ മുഖത്തേക്ക് നോക്കി. താൻ പറയുന്ന കാര്യങ്ങൾ ഒക്കെ ഗൗരവത്തിൽ കേട്ട് ഇരിക്കുവാണ്. ലത മെല്ലെ തല ചെരിച്ച് അടുത്ത് ഇരിക്കുന്നവളെ നോക്കി. അവിടെ ഇപ്പോഴും ആകെ പരിഭ്രാമിച്ച് ഇരിക്കുവാണ്. " ലെച്ചുവിനോട് ഇന്ന് ഒരു പയ്യൻ കല്യാണ ആലോചനയും കൊണ്ട് വന്നു " : ലത ഒരു മുഖവുര എന്ന പോലെ പറഞ്ഞു. " ഏയ്യ് അതൊന്നും ശെരി ആകുല. ലെച്ചുവിന്റെ കൂടെ പഠിക്കുന്നെ ആകുമ്പോൾ പഠിക്കുന്ന ചെറുക്കൻ അല്ലെ ജോലിയും കൂലിയും ഒന്നും കാണില്ലല്ലോ. അതും അല്ല ഇതെങ്ങാനും നാട്ടുകാർ അറിഞ്ഞ അത് മതി സതീശന്റെ മൂത്ത മകളും പഠിക്കാൻ വിട്ടിടത്ത് പ്രേമിക്കാൻ പോയതാ എന്ന കഥ ഉണ്ടാവാൻ. നമ്മൾക്ക് വേറെ ആരെയെങ്കിലും നോക്കാം, നാളെ തന്നെ ആ ബ്രോക്കർ മണിയനെ ഒന്ന് കണ്ട് കാര്യം സൂചിപ്പിക്കാം. ഇവൾക്ക് എന്തായാലും വിദ്യാഭ്യാസം ഉണ്ടായത് കൊണ്ട് നല്ല ആലോചന ഒന്നും കിട്ടാതെ ഇരിക്കില്ല. " : ലത പറഞ്ഞ് നിർത്തിയതും സരസ്വതി ഒരു പൊട്ടിത്തെറിയോടെ ലെച്ചുവിനെ കടുപ്പിച്ച് നോക്കി കൊണ്ട് പറഞ്ഞു. അവസാനം അതിന് ഒരു പരിഹാരവും നൽകി കൊണ്ട് പറഞ്ഞ് നിർത്തി. സതീഷനും സരസ്വതി പറഞ്ഞതൊക്കെ കേട്ട് എല്ലാം ശെരി വെക്കും പോലെ ഇരുന്നു. എന്നാൽ ലെച്ചു സരസ്വതി പറഞ്ഞതൊക്കെ കേട്ട് പല്ല് കടിച്ചു. " അതിന് ആ പയ്യൻ ലെച്ചുവിന്റെ കൂടെ പഠിക്കുന്നത് ആണെന്ന് ആര് പറഞ്ഞു...? " : ലത മകളെ തണുപ്പിക്കാൻ എന്ന വിധം പറഞ്ഞു. " അപ്പൊ ഇവളുടെ കൂടെ പഠിക്കുന്നതല്ലേ...? പിന്നെ എങ്ങനെ ഇവളെ അറിയുന്നേ...? എന്താ കാര്യം എന്ന് വെച്ച ഒന്ന് തെളിച്ച് പറയുന്നുണ്ടോ അമ്മ " : സരസ്വതി ഒരു സംശയത്തോടെയും അതോടൊപ്പം കാര്യം അറിയാനുള്ള തോരയോടെയും ചോദിച്ചു. ലത സതീശനെ ഒന്ന് നോക്കി. ഒന്നും മിണ്ടുന്നില്ലെങ്കിലും എല്ലാം ശ്രെദ്ധിച്ച് കേൾക്കുന്നുണ്ട് എന്ന് ആ മുഖ ഭാവത്തിൽ നിന്ന് അവർക്ക് മനസ്സിലായി. അതൊന്ന് നോക്കി അവർ വീണ്ടും പറഞ്ഞ് തുടങ്ങി. " നീ ഇങ്ങനെ തുള്ളി കൊണ്ട് നിന്ന ഞാൻ എങ്ങനെ പറയാനാ. നീ ആദ്യം അവിടെ ഒന്ന് ഇരിക്ക് എന്നിട്ട് ഞാൻ പറയുന്നത് നിങ്ങൾ രണ്ട് പേരും ശ്രദ്ധിച്ച് കേൾക്ക് എന്നിട്ട് തീരുമാനിക്ക് എന്ത് വേണം എന്ന്. എന്തായാലും ലെച്ചു മോൾക്ക് ദോഷം വരുന്നതൊന്നും ഞാൻ ചെയ്യാൻ പോകുന്നില്ലല്ലോ. " : ലത സമാധാനത്തിൽ പറഞ്ഞു. അത് കേട്ടതും സരസ്വതി ഒന്ന് അടങ്ങി. ' ശെരിയാ അമ്മ എന്തായാലും അവൾക്ക് ദോഷം വരുന്നത് ഒന്നും ചെയ്യാൻ കൂട്ട് നിൽക്കില്ലല്ലോ ' സരസ്വതി ഓർത്തു. " സരസ്വതി നീ ഇരിക്ക് അമ്മ ആദ്യം കാര്യം പറയട്ടെ എന്നിട്ട് നമ്മൾക്ക് ആലോജിക്കാം " : സതീഷനും കൂടി പറഞ്ഞതും സരസ്വതി ഒന്ന് അടങ്ങി മെല്ലെ അവിടെ ഇരുന്നു. " ഇന്ന് ലെച്ചു കോളേജ് കഴിഞ്ഞ് ബസ്സ് കാത്ത് നിന്നപ്പോൾ ഒരു പയ്യൻ വന്ന് സംസാരിച്ചു അത്രേ. ഇവളെ ഇഷ്ടം ആണെന്നും കല്യാണം കഴിക്കാൻ താല്പര്യം പ്രകടിപ്പിച്ചു. നമ്മളുടെ കൊച്ചിന് അങ്ങനെ ഒന്നും ഇല്ലാത്തത് കൊണ്ട് അപ്പോഴേ അതിനെ എതിർത്തു. അപ്പോഴാ ആ പയ്യൻ പറയുന്നേ പ്രേമിക്കാൻ താല്പര്യം ഇല്ലെങ്കിൽ വീട്ടിൽ വന്ന് ആലോചിക്കാം എന്ന്. ആ ചെറുക്കനും വീട്ടിൽ പെണ്ണ് നോക്കുന്ന സമയം ആണ്. അപ്പൊ നേരെ വീട്ടിൽ വന്ന് സംസാരിക്കാം എന്ന് പറഞ്ഞൂന്ന്. ഇവളുടെ കാര്യങ്ങൾ ഒക്കെ ആ പയ്യൻ നേരത്തെ അന്വേഷിച്ച് അറിഞ്ഞു അത്രേ. പിന്നെയാ ആ പയ്യനെ കുറിച്ച് കൂട്ടുകാരികൾ പറഞ്ഞ് ലെച്ചു അറിഞ്ഞത്. ഏതോ വലിയ കമ്പനിയിൽ ആണത്രേ ജോലി. താമസം ഒക്കെ ടൗണിലും. വീട്ടിൽ അച്ഛൻ അമ്മ ഒരു അനിയത്തി. അച്ഛൻ കോൺട്രാക്ടർ ആണ്, അമ്മ ഒരു കുടുംബിനി പിന്നെ അനിയത്തി ഉള്ളത്  ............................................... ഇവളുടെ അഭിപ്രായം എന്തായാലും നാളെ അറിയിക്കാൻ എന്നും പറഞ്ഞ് ആ പയ്യൻ പോയി. ഇതെല്ലാം കേട്ടപ്പോ ഇവൾ എന്നോട് വന്നു പറഞ്ഞു. " : സരസ്വതി മൂവരെയും നോക്കി കൊണ്ട് പറഞ്ഞ് നിർത്തി. ഇതെല്ലാം കേട്ട് അന്തിച്ച് ഇരിക്കുവാണ് മറ്റ് മൂന്ന് പേരും. സതീഷനും സരസ്വതിയും അറിഞ്ഞ കാര്യങ്ങളെ കുറിച്ചുള്ള അന്തളിപ്പ് ആണെങ്കിൽ ലെച്ചുവിൽ ലത മെനഞ്ഞെടുത്ത കഥ കേട്ടിട്ട് ഉള്ള അന്താലിപ്പ് ആയിരുന്നു. " എന്താ കമ്പനിയിൽ ഒക്കെ ജോലി ഉള്ള പയ്യൻ ആണെന്നോ.....? പക്ഷെ അവൻ എങ്ങനെ നമ്മളുടെ ലെച്ചുവിനെ അറിയും....? " : സരസ്വതി ഇനിയും വിട്ട് മാറാത്ത സംശയത്തോടെ ചോദിച്ചു. " അതിലിപ്പോ സംശയിക്കാൻ എന്ത് ഇരിക്കുന്നു ഇന്ന് തന്നെ ബസ് സ്റ്റോപ്പിൽ വെച്ച് അല്ലെ വന്ന് സംസാരിച്ചത്. അപ്പൊ ഇവളെ ബസ് സ്റ്റോപ്പിൽ ഒക്കെ വെച്ച് കണ്ടിട്ട് ഉണ്ടാവും. " : ലത അലസമായി പറഞ്ഞു. " പക്ഷെ എന്തൊക്കെ ആയാലും എല്ലാരും കരുതുന്നത് ഇവളും പഠിക്കാൻ വിട്ടിടത്ത് പോയി പ്രേമിച്ച് നടന്നു എന്ന് ആയിരിക്കില്ലേ...? " : സരസ്വതി ഇനിയും വിട്ട് മാറാത്തെ വല്ലയിമയോടെ പറഞ്ഞു. " നീ ഇത് എന്ത് അറിഞ്ഞിട്ട ഈ പറയുന്നേ ആ പയ്യൻ ഏതോ വലിയ കമ്പനിയിൽ ആണ് പണിക്ക് പോകുന്നെ കൂടാതെ ഉയർന്ന നിലയിൽ ജീവിക്കുന്ന കുടുംബവും എന്ത് കൊണ്ടും ഇങ്ങനെ ഒരു ബന്ധം നടന്ന് കിട്ടിയ ലെച്ചുവിന്റെ ഭാഗ്യം എന്നെ ഞാൻ പറയു. " : ലത വലിയ കാര്യം പോലെ പറഞ്ഞ് നിർത്തി. " അതെ അമ്മേ, അച്ഛാ അച്ഛന് അറിയില്ലേ തേജ് ഗ്രൂപ്പിനെ പറ്റി അവിടെയ ആ ചേട്ടൻ ജോലി ചെയ്യുന്നത്. ആദ്യം ഞാനും വേണ്ട എന്ന് വെച്ചതാ പിന്നെ ഇതൊക്കെ കേട്ടപ്പോ അമ്മമ്മയോട് വന്ന് അഭിപ്രായം ചോദിച്ചു. " : ലത നിർത്തിയതിന് പിറകെ ലെച്ചു പറഞ്ഞു. ലെച്ചു പറഞ്ഞ കാര്യങ്ങൾ കേട്ടതും സതീശന്റെ കണ്ണ് ഒന്ന് തിളങ്ങി. " തേജ് ഗ്രൂപ്പിലോ...? " : അയാൾ വിട്ട് മാറത്തേ തിളക്കത്തോടെ ചോദിച്ചു. " അതെ അച്ഛാ. " : ലെച്ചു ആവേശത്തോടെ മറുപടി നൽകി. " നിങ്ങൾക്ക് അറിയോ ആ കമ്പനി...? " : സതീശന്റെ ചോദ്യം കേട്ടതും സരസ്വതി ചോദിച്ചു. ലതയിലും അതെ ഭാവം തന്നെ ആയിരുന്നു. ലെച്ചു വലിയ കമ്പനി ആണെന്ന് ഒക്കെ പറഞ്ഞെങ്കിലും അതിനെ കുറിച്ചൊന്നും വലിയ അറിവൊന്നും അവർക്ക് ഇല്ലായിരുന്നു. " അറിയുന്നോ അതൊരു കമ്പനി മാത്രം അല്ല അതൊരു വലിയ സാമ്രാജ്യം ആണ്. ഹാ എന്തായാലും അവിടെ ഒക്കെ ജോലി ആകുമ്പോ നല്ല ശമ്പളവും കാണും അതിൽ ഒന്നും സംശയം ഇല്ല, പക്ഷെ സരസ്വതി പറഞ്ഞ പോലെ നാട്ടുകാർ...? " : ആദ്യം അത്ഭുതത്തോടെയും അവസാനം ഒരു വല്ലയിമയോടെയും പറഞ്ഞ് നിർത്തി. എത്രയൊക്കെ ഉയർന്ന് നിൽക്കുന്ന ബന്ധം ആണെങ്കിലും ചുറ്റും ഉള്ളവർ എന്ത് പറയും എന്ന് ഓർത്ത് അയാൾക്ക് ഈ ബന്ധത്തെ അനുകൂലിക്കാൻ കഴിഞ്ഞില്ല. അപ്പോഴും സ്വന്തം രക്തത്തിൽ പിറന്നവളെ നാട്ടുകാർക്ക് കൊത്തി പെറുക്കാൻ ഇട്ട് കൊടുക്കുമ്പോൾ അയാൾക്ക് ഈ അനുകമ്പ ഒന്നും തോന്നിയിരുന്നില്ല എന്നതാണ് സത്യം. എന്നാൽ സതീശന്റെ മറുപടി കേട്ട് പിന്നീട് ലത പറയുന്നത് കേട്ടതും സതീശൻ ഞെട്ടി. തുടരും..... #നോവൽ #തുടർകഥ #പ്രണയം #viral #trending #💌 പ്രണയം