Lokmat on Instagram: "जिममध्ये शरीराचे कमालीचे पिळदार प्रदर्शन करण्याच्या नादात तरुण आपल्या जिवाशी खेळत असल्याचे धक्कादायक वास्तव समोर आले आहे. अतिव्यायामामुळे मेंदूतील रक्तवाहिनी फाटून (आर्टरी डिसेक्शन) अर्धांगवायूचा झटका आलेल्या एका २३ वर्षीय तरुणाला नागपुरातील डॉक्टरांनी 'गोल्डन अवर'मध्ये शस्त्रक्रिया करून मृत्यूच्या दाढेतून परत आणले आहे. १० एप्रिल रोजी ओम भोयर हा २३ वर्षांचा तरुण जिममध्ये अनेक तास व्यायाम करून घरी परतला. मात्र, काही वेळातच तो अचानक बेशुद्ध पडला. सुदैवाने त्याची आई आरती भोयर या स्वतः नर्स असल्याने त्यांनी प्रसंगावधान राखून हा पॅरालिसीसचा अटॅक असल्याचे ओळखले आणि तातडीने डॉक्टरांशी संपर्क साधला. रुग्णाचा जीव वाचवण्यासाठी डॉ. ढोमणे यांनी 'इंडोव्हॅस्कूलर सर्जरी' करण्याचा निर्णय घेतला. त्यांनी 'मेकॅनिकल थ्रोम्बेक्टॉमी' या आधुनिक तंत्राचा वापर केला. यामध्ये रुग्णाच्या पायात एक छोटेसे छिद्र करून कॅथेटरच्या साहाय्याने डॉक्टर थेट मेंदूच्या रक्तवाहिन्यांपर्यंत पोहोचले. तेथे अडकलेली रक्ताची गुठळी 'न्युरो स्टेंट'च्या मदतीने अत्यंत कौशल्याने बाहेर काढली. यामुळे मेंदूचा रक्तप्रवाह पुन्हा सुरळीत झाला आणि ओमचा अर्धांगवायू बरा होण्यास सुरुवात झाली. सविस्तर बातमी वाचण्यासाठी प्रोफाइलवर दिलेल्या लिंकवर क्लिक करा. A 23-year-old in Nagpur suffered brain hemorrhage due to over-exercising. Doctors performed a critical surgery within the 'golden hour,' saving his life. He recovered and walked home after ten days thanks to prompt diagnosis and treatment. #LokmatNews #MarathiNews #NagpurNews #MaharashtraNews"