ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mlkGrlEk?d=n&ui=v64j8rk&e1=c❤️മൊഞ്ചത്തി പെണ്ണിന്റെ സുൽത്താൻ ❤️ ഭാഗം: 25 ************ അവളുടെ മുഖത്തേക്ക് നോക്കാതെ ഒന്നും സംഭവിക്കാത്ത രൂപത്തിൽ അമീർ ഫോണിലും തോണ്ടിയിരുന്നു. ആയിശു അവന്റെ മുഖത്തേക്ക് നോക്കാതെ ഉമ്മൂമ്മക്ക് കഴിക്കാനുള്ള ഭക്ഷണം എടുത്ത് വെച്ചു.. ഉമ്മൂമ്മ... എനിക്കൊന്നും..വേണ്ട നല്ല തലവേദന ഞാൻ ഇത്തിരി നേരം പോയ്‌ കിടന്നോട്ടെ അത്താഴ പട്ടിണി കിടക്കാൻ പാടില്ല... എന്തേലും തിന്നണം ഉമ്മൂമ്മ നിർബന്ധിച്ച് അവളുടെ കൈപ്പിടിച്ച് അരികിൽ ഇരുത്തി.. പെണ്ണെ... നീ..യെൻ കിളിവാതിൽ മെല്ലെ തുറന്ന് അരികിൽ വരും നേരം... നിനക്കായ്‌ പന്തൽ ഒരുക്കി കാത്തിരിക്കും ഞാൻ... ഖൽബിൽ മണിയറ തീർക്കും ഞാൻ.... വരുമോ നീയെൻ ആശ തീർത്തിടുവാൻ..പ്രണയം കൊണ്ടെന്നെ മൂഡിടാൻ അമീറിന്റെ പാട്ട് കേട്ട് ആയിശു.. ചമ്മലോടെ ഉള്ളിൽ ചിരിച്ചു. ഇയാൾക്ക് വട്ടാണോ... അവൾ ഉള്ളിൽ സ്വയം ചോദിച്ചു.. മുന്നിൽ ഇരിക്കുന്നത് ആരാണെന്നു പോലും ചിന്തിക്കാതെ പാടുന്നത്. ഉമ്മൂമ്മ... അവനെത്തന്നെ നോക്കി നിന്നു....അത് മനസ്സിലായത് പോലെ അവൻ പറഞ്ഞു... ഉമ്മൂമ്മ പുതിയ ഫിലിമിലെ പാട്ടാ...വായിൽ വന്നപ്പോ അറിയാതെ പാടിപ്പോയതാ... മ്മ്.... എപ്പോഴും പാട്ടും കൂത്തുമായി നടക്കേണ്ട...പടച്ചോനെ ഇടക്കൊക്കെ ഓർക്കണം... ഉണ്ട്....ഉമ്മൂമ്മ... അതെപ്പോഴും ഉണ്ട്... മ്മ്.... ഈ...ഫിലീമിന്റെ പേരെന്താന്നറിയോ...ഉമ്മൂമക്ക്. എല്ലാവരും പോയി കാണേണ്ട പടം ആണ്...അത്രക്ക് സൂപ്പർ ആണ്... എന്താ... പേര്...? "എന്റെ ഖൽബിലെ മാലാഖ.." എങ്ങിനെ ഉണ്ട് ഇഷ്ടായോ..? ഉവ്... അതിന്റെ പേര് കേട്ടപ്പോഴേ മനസ്സിലായി. കഥയും.കഥാപാത്രങ്ങളും എല്ലാം ഉഷാറായിരിക്കുമെന്ന്. എങ്കിലും...ആ പേര് അതെനിക്ക് അത്ര പിടിച്ചില്ല. പേരിനെന്താ കൊഴപ്പം നല്ല പേരല്ലേ... എനിക്ക് ഒരുപാട് ഇഷ്ടായി.. പക്ഷെ മാലാഖക്ക് ഇഷ്ടായോ എന്നറിയില്ല... ഇടക്ക് അവൻ ആയിഷുവിനെ നോക്കികൊണ്ട് പറഞ്ഞു.. അവൾ കേൾക്കാൻ വേണ്ടി ഓരോന്ന് പറയുകയാണെന്ന് അവൾക്ക് മനസ്സിലായിരുന്നു. കഥ ഞാൻ പറയാം.. ഉമ്മൂമ്മ കേട്ട് നോക്ക്... അതിലൊരു പയ്യനുണ്ട് ആളൊരു...ഡോക്ടറാ എന്ന് കരുതി അതിന്റെ ഗമയൊന്നും അവൻക്കില്ല. മതി...മതി... ഈ കഥയുടെ ഉള്ളടക്കം പിടികിട്ടി..ബാക്കിയിനി കേൾക്കണമെന്നില്ല.. ഇതിന്റെ...രജയിതാവ് നീ..ആണന്നും മനസ്സിലായി ഹേയ്...അല്ല തമാശ പറയാതെ ചോർ വേഗം അങ്ങട് തിന്നൂടി. അവൻ ഒരു ചമ്മിയ ചിരി പാസാക്കി...അവളെ നോക്കികൊണ്ട്... ഇനിയിവിടെ നിന്നാൽ ശെരിയാവില്ല എന്ന് മനസ്സിലാക്കി. കൊണ്ട് വന്ന ബാഗ് എടുത്ത് അവൻ തോളിൽ തൂക്കി മുകളിലേക്ക് ഗോവണി കയറി. ഇവന്റെ പോക്ക് ശെരിയല്ല...എന്ന് തോന്നുന്നു...അവന്റെ ഉള്ളിൽ ആരോ കയറി കൂടിയിട്ടുണ്ട് അതുറപ്പാ...പടച്ചോനെ' വല്ല പെൺപിള്ളേരേയും കൈപിടിച്ചുകൊണ്ട് ഇങ്ങോട്ട് കയറി വരുമോ... ലൈലയെ വിളിച്ചു വേഗം കാര്യം പറയണം..അല്ലാതെ ശെരിയാവില്ല...ഉമ്മൂമ്മ ഒറ്റക്ക് പിറുപിറുത്തു. അത്‌ കേട്ടതും ആയിശുവിന്റെ നെഞ്ചൊന്ന് പിടച്ചു ' അവൾ വേഗം കഴിച്ച് എണീറ്റ് പാത്രങ്ങൾ കഴുകിവെച്ചു. അടുക്കളയും വൃത്തിയാക്കി റൂമിലേക്ക് കടന്നു. ന്റെ...റബ്ബേ..ഇനി ലൈലത്തയെ എങ്ങാനും വിളിച്ച് വരുത്തുമോ... ഉമ്മൂമ്മ... എങ്കിൽ പിന്നേ എല്ലാ പ്രതീക്ഷകളും അസ്തമിച്ചു. അവൾ...പുതപ്പ് ചുരുട്ടിപിടിച്ചു കൊണ്ട് ബെഡിൽ കയറിയിരുന്ന് അമീറിനെ ഓർത്തുകൊണ്ടിരുന്നു. സ്വപ്നം കാണാൻ എനിക്ക് പേടിയാ... ഇത് വരെ കണ്ടതൊന്നും നടന്നിട്ടില്ല...ചെറുപ്പം മുതലേ... അങ്ങിനെയാ...വളർന്നത്. അതുകൊണ്ടാവും കൗതുകം തോന്നുന്ന എല്ലാത്തിനോടും എനിക്ക് പേടിയാ... കൊതിപ്പിച്ചുകൊണ്ട് അടുത്തുവരെ കൊണ്ടന്നെത്തിച്ചിട്ട് തട്ടിപ്പറിച്ചു കളയും അതാണ് വിധി. അവൾ പുതപ്പെടുത്തു മേലെകൂടി വലിച്ചിട്ടുകൊണ്ട് ചുരുണ്ടു കിടന്നു. അവളുടെ കൂടെ ഇത്തിരി നേരം കൂടി ഇരിക്കണം എന്നുണ്ടായിരുന്നു. അപ്പോഴേക്കും ഉമ്മൂമാന്റെ ഒരു ഡയലോഗടി... എല്ലാം നശിപ്പിച്ചു.. അമീർ ബാത്‌റൂമിൽ കയറി ഫ്രക്ഷായി കണ്ണാടിയിൽ നോക്കി മുടിയൊക്കെ ചീകി ഒതുക്കി... അവളെ കുറിച്ച് ഓർത്ത് നിന്നു. അവളുടെ മനസ്സിനകത്തു എന്തൊ സങ്കടം ഒളിഞ്ഞു കിടപ്പുണ്ട്...എന്നിലേക്ക് വീണതും പൊട്ടിക്കരഞ്ഞതും അറിയാതെ സംഭവിച്ചു പോയ ഒന്നാണ്...അത്‌ എന്തായിരിക്കും...ഞാൻ അടുത്തുണ്ടായിരുന്നെങ്കിൽ എന്ന് അവൾ ആത്മാർത്ഥമായി കൊതിച്ചിട്ടുണ്ടാകണം. പെട്ടന്ന് എന്നെ കണ്ടപ്പോൾ ആ..ഷോക്കിൽ ചെയ്യ്തു പോയതായിരിക്കുമോ..അത്‌. എന്തായാലും ഒരു കാര്യം മനസ്സിലായി എനിക്ക് അങ്ങോട്ട് ഉള്ളത് പോലെ അവൾക്ക് എന്നോടുമുണ്ട്. എന്തായാലും നേരം ഒന്ന് പുലരട്ടെ എല്ലാം ചോദിച്ചറിയണം. തലയിണയും കെട്ടിപിടച്ചവനങ്ങിനെ കിടന്നു.... ****** എത്ര കിടന്നിട്ടും ആയിശുവിന് ഉറക്കം വന്നില്ല... കണ്ണടക്കുമ്പോഴേക്ക് അൻവറിന്റെ രൂപം കണ്ടവൾ ഞെട്ടി ഉണർന്നു... അമീർ എന്റേതായാൽ... എന്നെ ആരും ഉപദ്രവിക്കില്ല.. മോശമായ ഒരു വാക്കുപോലും ആരിൽ നിന്നും ഉണ്ടാകില്ല. ആ...കരങ്ങളിൽ ഞാൻ സുരക്ഷിതയായിരിക്കും. എനിക്ക് ചോദിക്കാനും പറയാനും ആളുണ്ടാവും. നാലാളെ മുന്നിൽ ധൈര്യത്തോടെ നടക്കാം അവന്റെ പെണ്ണാണന്നുള്ള ഉശിരിൽ.. ഇതൊക്കെ നടക്കുമോ... അതൊ....സ്വപ്നം കാണാൻ മാത്രമായിരിക്കുമോ വിധി. അവൾ നീട്ടിവലിച്ച് നെടുവീർപ്പ് ഇട്ടുകൊണ്ട്... കണ്ണുകൾ ഇറുക്കി ചിമ്മി ബെഡിൽ ചുരുണ്ടു കിടന്നു. ******** നസീം... അവിടെ അവളുടെ ചായപോലെ തോന്നിപ്പിക്കുന്ന അമ്മായിന്റെ മോളെ ഫോട്ടോ നോക്കി കിടപ്പാണ്... ഒന്ന് രണ്ട് പ്രാവശ്യമേ കണ്ടുവൊള്ളൂ എങ്കിലും മനസ്സിൽ വല്ലാതെ പതിഞ്ഞു പോയൊരു മുഖം. പെണ്ണെ...ഇവിടെ ഉള്ളവരൊക്കെ വലിയ അഭിമാനികൾ ആണെന്നാ പറയുന്നത്.. പക്ഷെ....എനിക്കങ്ങിനെ തോന്നിയിട്ടില്ല... അങ്ങിനെയാണേൽ അമ്മായിടെ മോൾ എന്ന് പറയുന്ന...ആമിന. നിത്യ ജീവിതത്തിന് വേണ്ടി വല്ലവരുടെയും വിഴിപ്പും അലക്കി മറ്റുള്ളവർക്ക് വെച്ചു വിളമ്പി... അനാഥാലയത്തിൽ കഴിയേണ്ട വല്ല ആവശ്യം ഉണ്ടോ...?? ഞങ്ങളുണ്ട് നിനക്ക്.. ഒന്നുകൊണ്ടും പേടിക്കണ്ട ഞങ്ങൾനോക്കിക്കോളാം.. നിന്നെ...എന്നൊക്കെ പറഞ്ഞുകൊണ്ട് ഇങ്ങോട്ട് കൂട്ടി കൊണ്ട് വരണ്ടേ അതല്ലേ....അന്തസ്സ്. അങ്ങിനെ ഉള്ളവർക്ക് ആയിഷുവിനെ വിവാഹം കഴിക്കണ്ട എന്ന് പറയാൻ യോഗ്യത ഉണ്ടോ...? " ആ....ഇതൊക്കെ ഞാൻ എന്നോട് തന്നെ ചോദിച്ചിട്ട് എനിക്ക് ആര് ഉത്തരം തരാനാ... അല്ലങ്കിൽ പിന്നെ... ഈ...ഫോട്ടോ വെച്ചൊരു കളികളിച്ചാലോ.... ആരും അറിയാതെ ഈ.. ആമിനത്തയെ പോയി കണ്ടാലോ...എന്നിട്ട് നിങ്ങളുടെ മകൾ ജീവിച്ചിരിപ്പുണ്ടെന്ന് പറഞ്ഞാലോ... കണ്ടാൽ ഒരുപോലെ ഉണ്ടല്ലോ..ചിലപ്പോ അവരുടെ മോളാണങ്കിലോ.. അങ്ങിനെയെങ്കിൽ എനിക്കവളെ കിട്ടും ഉറപ്പ്.. ഈ...നസീം ഒരു കാര്യം തീരുമാനിച്ചാൽ അത് നടത്തിയിരിക്കും... അവൻ മനസ്സിനുള്ളിൽ ഓരോരോ ഐഡിയകൾ ആലോചിച്ചുകൊണ്ട് അങ്ങിനെ കിടന്നു.. ഞാനന്റെ നെഞ്ചോടു ചേർത്തിരിക്കുന്നത് എന്റെ ആയിശുവിനെയാ... അല്ലാതെ നിങ്ങളെ അല്ലാട്ടോ.. അയ്യേ... ഞാൻ അത്തരക്കാരനല്ല.. സത്യായിട്ടും.. അവളുടെ ഒരു ഫോട്ടോ ഒപ്പിക്കണം അതുവരെ ഉണ്ടാവു...ഈ ശല്ല്യം. ക്ഷമിക്കണേ... അമ്മായിടെ മോളെ.... അവൻ ആ ഫോട്ടോ ഒന്നുടെ ചേർത്ത് വെച്ച് കണ്ണുകൾ അടച്ചു നിദ്രയെ പുൽകി... ******* ആയിശു നേരത്തെ എണീറ്റ് മുറ്റം അടിക്കാനായി ചൂലുമായി ഉമ്മറത്തെത്തി. ഒരു മഴ ചാറിയപ്പോഴേക്കും മുറ്റം ആകെ പുല്ല് മുളച്ചു. അവൾ ചൂൽ ഒരു ഭാഗത്തു വെച്ചു പുല്ലുപറിക്കാനായി ഒരുങ്ങി. ഇതെല്ലാം ആസ്വദിച്ചുകൊണ്ട് ഒരാൾ മുകളിലെ ബാൽകണിയിൽ നിന്ന് നോക്കുന്നുണ്ടായിരുന്നു.. ഈ...പെണ്ണിന് വേറെ പണിയൊന്നും ഇല്ലെ... പുല്ല് പറിക്കാൻ നടക്കുന്നു. ഏതായാലും പല്ലൊക്കെ തേച്ചു അവളുടെ അടുത്തേക്ക് ചെന്ന് നോക്കാം...അമീർ മനസ്സിൽ കരുതി... ആയിശുവിനെ മുറ്റത്ത്‌ കണ്ടതും..അൻവർ പേപ്പറും എടുത്തുകൊണ്ട്...ഉമ്മറത്തെ കസേരയിൽ വന്നിരുന്നു.. ഛേ.. ഇന്നലെ അവളെന്റെ കൈപ്പടിയിൽ നിന്നും രക്ഷപെട്ടു... ഇനിയും അവസരം വരും ഞാൻ... മൊതലാക്കിയിട്ടെ വിടു. അവൾ പുല്ലൊക്കെ പറിച്ചു അപ്പുറത്തെ തെങ്ങിന് ചുവട്ടിൽ കൊണ്ട് പോയി ഇട്ടു.. ചൂലെടുത്തു മുറ്റം വേഗം വേഗം അടിക്കുന്നതിനിടയിലാണ്.. അൻവറിന്റെ കണ്ണുകൾ അവൾക്ക് നേരെ പതിയുന്നത് ആയിശുവിന്റെ ശ്രദ്ധയിൽ പെട്ടത്. അവൾ അയാളെ ഒന്ന് തറപ്പിച്ചു നോക്കികൊണ്ട് വേഗം അവിടെ നിന്നും അടുക്കള ഭാഗത്തേക്ക്‌ നടന്നു. നീ എന്നെ..ഇങ്ങനെ നോക്കാതടി കാന്താരി നിന്റെ...ആ നോട്ടത്തിനുമുണ്ട് പ്രത്യേക ഭംഗി..." അവൾ ചൂൽ കോഴിക്കൂടിന്റെ മേലെവെച്ചുകൊണ്ട് അടുക്കള പുറത്തെ പടിയിൽ ചെന്നിരുന്നു... എന്താടി... ആയിശു....നിന്റെ മുഖം തേനീച്ച കുത്തിയ പോലെ... ഒന്നുല്ല...മനം മടുപ്പിക്കാനായി രാവിലെതന്നെ ഓരോരുത്തരുടെ നോട്ടവും നിപ്പും.. അവൾ കാർക്കിച്ചു തുപ്പിക്കൊണ്ട് പറഞ്ഞു. അങ്ങിനെപ്പോ..ആരാ ഉമ്മറത്ത്... അൻവറിക്കയള്ളെയൊള്ളു. മ്മ്.... അത്‌ മതിയല്ലോ ധാരാളം അവൾ മനസ്സിൽ പറഞ്ഞു.. എന്താ... ആയിശു നിനക്ക്.. ഇവിടെ നിക്കുന്ന ഒരോ നിമിഷവും എനിക്ക് ഭ്രാന്തായികൊണ്ടിരിക്ക. ഇവൾക്കിത് എന്ത് പറ്റി രാവിലെതന്നെ കലിപ്പിൽ ആണല്ലോ.ജാസി ഒന്നും മനസിലാവാതെ അകത്തേക്ക് കയറിപ്പോയി... എന്ത് പറ്റി...നിനക്ക്.. ഇന്നലെ മുതൽ ഞാൻ ശ്രദ്ധിക്കുന്നു... നീയെന്തൊക്കെയോ ഒളിക്കുന്നുണ്ട്.. ഒന്നുല്ല....ഞാൻ എന്ത് ഒളിക്കാൻ... അല്ല..എന്തോ.. ഉണ്ട്...പറ പെണ്ണെ.. അവൾ ഉണ്ടകണ്ണുരുട്ടി അവനെ നോക്കി... ഒന്നുല്ലന്ന് പറഞ്ഞില്ലേ.. അത്‌...ചുമ്മാ.. നീ... പറ...എന്തുണ്ടെലും നമുക്ക് പരിഹരിക്കാമെന്നെ എന്റെ പ്രശ്നം ഇപ്പൊ നീയാ ഒന്ന് പോകുന്നുണ്ടോ എന്റെ കൺ മുൻപിൽ നിന്നും എവിടേക്കെങ്കിലും... എന്റെ പെണ്ണിന്റെ മനസ്സറിയാതെ ഞാനിവിടെ നിന്നും പോവുന്ന പ്രശ്നം ഇല്ല.. അഥവാ..പോകുന്നുണ്ടേൽ എന്റെ കയ്യോട് ചേർന്ന് നീയും ഉണ്ടാകും..അത്‌ എവിടെയാണേലും... അത്രക്ക് ജീവനാടി പെണ്ണെ...നിന്നെ എനിക്ക്... ദേഷ്യത്തോടെയും, സങ്കടത്തോടെയും എരിഞ്ഞുകൊണ്ടിരിക്കുന്ന അവളുടെ മനസ്സിലേക്ക് അവന്റെ വാക്കുകൾ കുളിരായി പെയ്തിറങ്ങി അറിയാതെ ചുണ്ടിൽ പുഞ്ചിരി വിടർന്നു. അങ്ങിനെയെങ്കിൽ സന്തോഷത്തോടെ ഞാനും അങ്ങ് കൂടെ പോരും. പിന്നേ...ശല്യം ആണെന്ന് ഒന്നും പറഞ്ഞേക്കരുത് ഞാൻ അവിടെ എവിടേലും ചുരുണ്ടു കൂടിക്കോളാം.. ആഹാ... എവിടേലും ചുരുണ്ടു കൂടാനാണോ...നിന്നെ ഞാൻ കൊണ്ടുപോകുന്നത്. മുഹബത്ത് പൂത്തു വരികയായിരുന്നു.. ആ..ഒരു വാക്കിൽ എല്ലാം നശിപ്പിച്ചു. അവനെ നോക്കി പുഞ്ചിരിച്ചുകൊണ്ടവൾ അടുക്കളയിലേക്ക് കയറി. അവരുടെ കളിതമാശകൾ കണ്ട്..ദേഷ്യത്തോടെ അൻവർ അവരെയും നോക്കി നിൽപുണ്ടായിരുന്നു.. (തുടരും) കണ്ണൂർകാരൻ 🌹🌹🌹🌹🌹🌹 #📔 കഥ #✍ തുടർക്കഥ #📙 നോവൽ #📚 ട്വിസ്റ്റ് കഥകൾ #💞 പ്രണയകഥകൾ