"വീട്ടിൽ അച്ഛനുണ്ട്, അമ്മയുണ്ട്... പക്ഷേ ഈ ലോകത്ത് എനിക്ക് എന്ന് പറയാൻ ആകെയുള്ളത് എന്റെ അമ്മ മാത്രമാണ്. ജോലിയില്ലാതെ, നാലു ചുവരുകൾക്കുള്ളിൽ എന്റെ സ്വപ്നങ്ങളും പേറി ഞാൻ ഇങ്ങനെ ഇരിക്കുമ്പോൾ, എന്നെ ഒരു ഭാരമായി കാണാത്ത ഒരേയൊരു ഹൃദയം! 🦋 സത്യം പറഞ്ഞാൽ, അമ്മയുടെ വായീന്ന് കിട്ടുന്ന ആ തെറിയാണ് എന്റെ ദിവസത്തെ ഏക എനർജി. 😁💅 ആ തെറി കേൾക്കുമ്പോൾ തോന്നും ഇതിലും ഭേദം വല്ല കാട്ടിലും പോയി ഇരിക്കുന്നതാണെന്ന്... പക്ഷേ കുറച്ചു നേരം ആ ശകാരം കേട്ടില്ലെങ്കിൽ പിന്നെ എന്തോ ഒരു വല്ലാത്ത ശൂന്യതയാണ്. ആ തെറിക്ക് പിന്നിൽ എന്നോടുള്ള ആ ഒരു കരുതലുണ്ടെന്ന് എനിക്ക് മാത്രമേ അറിയൂ. പലർക്കും ഒരുപാട് കൂട്ടുകാരികൾ ഉണ്ടാകും, അടിച്ചുപൊളിക്കാൻ ആളുകൾ ഉണ്ടാകും. പക്ഷേ എനിക്ക് എന്റെ അമ്മയാണ് എല്ലാം. എന്റെ സങ്കടം കേൾക്കാനും, എന്റെ മടിയെ സഹിക്കാനും, എന്റെ ഭ്രാന്തൻ ചിന്തകൾക്ക് കൂട്ടിരിക്കാനും ഈ ഒരൊറ്റ കൂട്ട് മതി എനിക്ക്. 🤱 ജോലിയില്ലാതെ വീട്ടിലിരിക്കുന്ന പെണ്ണാണെന്ന് പറഞ്ഞ് ലോകം എന്നെ കുറ്റപ്പെടുത്തുമ്പോൾ, 'നീയൊന്നും എങ്ങും എത്തൂല' എന്ന് അമ്മ മുഖത്ത് നോക്കി പറയുമെങ്കിലും... ഉള്ളിന്റെ ഉള്ളിൽ ഞാൻ ജയിച്ചു കാണാൻ ഏറ്റവും കൂടുതൽ ആഗ്രഹിക്കുന്നത് ആ അമ്മ തന്നെയാണ്. ❤️ ഈ മദേഴ്‌സ് ഡേയിൽ എനിക്ക് വലിയ തള്ളുകളൊന്നുമില്ല. അമ്മയുടെ തെറി കേട്ട്, ആ കൈകൊണ്ടുണ്ടാക്കുന്ന ചോറും കഴിച്ച്, എന്റെ ഈ കുഞ്ഞു ലോകത്ത് ഇങ്ങനെ ഒതുങ്ങിക്കൂടാനാണ് എനിക്കിഷ്ടം. എന്നെ ഞാനായി സ്നേഹിക്കുന്നതിന്... നന്ദി അമ്മേ! 😘🌸 അമ്മയ്ക്ക് ശേഷം... ഞാൻ....🥺 "അമ്മയുടെ തെറി കേൾക്കുമ്പോൾ ദേഷ്യം വരാറുണ്ട്, എന്തിനാ ഇങ്ങനെ പറയുന്നതെന്ന് ഓർത്ത് കരയാറുണ്ട്... പക്ഷേ ഒരു നിമിഷം ഞാൻ ഓർക്കും, ഒരു ദിവസം ഈ ശബ്ദം നിലച്ചുപോകുമല്ലോ എന്ന്. ഈ ലോകം വിട്ട് അമ്മ എന്നെന്നേക്കുമായി യാത്രയാകുന്ന ആ ദിവസം... 😭 അന്ന്, അമ്മ ബാക്കിവെച്ചു പോകുന്ന ആ ശൂന്യതയിൽ ഞാൻ ഒറ്റയ്ക്കായിപ്പോകില്ലേ എന്ന് ചിന്തിക്കുമ്പോൾ നെഞ്ചിൽ ഒരു ഭാരമാണ്. പക്ഷേ ആലോചിച്ചു നോക്കുമ്പോൾ, അമ്മ പോയിക്കഴിഞ്ഞാൽ പിന്നെ ഈ വീട്ടിൽ ആരാണ് അമ്മയാവുക? അത് ഞാൻ തന്നെയല്ലേ... 🥹 അമ്മയുടെ ആ തെറിയും, ആ കരുതലുവും, ആ സ്നേഹവുമൊക്കെ ഇനി എന്റെ ഉള്ളിലൂടെ വേണം ഒഴുകാൻ. അമ്മ പകർന്നു തന്ന ആ കരുത്താണ് എന്നെ അടുത്ത 'അമ്മ'യാക്കി മാറ്റുന്നത്. ഈ വീട്ടിലെ വിളക്ക് അണയാതെ സൂക്ഷിക്കേണ്ടവൾ ഞാനാണെന്ന തിരിച്ചറിവ് എന്നെ ഒരുപാട് ചിന്തിപ്പിക്കുന്നുണ്ട്. ❤️ ഇന്ന് ജോലിയില്ലെന്ന് പറഞ്ഞ് എന്നെ കളിയാക്കുന്നവർ ഉണ്ടാകാം, ഒറ്റപ്പെടുത്തുന്നവർ ഉണ്ടാകാം... പക്ഷേ അമ്മയ്ക്ക് ശേഷം ഈ വീടിനെ താങ്ങേണ്ടത് ഞാനാണ്. അമ്മയുടെ സ്ഥാനത്ത് നിന്ന് കാര്യങ്ങൾ നോക്കി നടത്തുമ്പോൾ മാത്രമേ അമ്മ അനുഭവിച്ച ആ കഷ്ടപ്പാടിന്റെ വില ഞാൻ ശരിക്കും അറിയൂ. അമ്മേ... ആ ദിവസം എന്നിൽ നിന്ന് ഒരുപാട് അകലെയായിരിക്കട്ടെ എന്ന് മാത്രമേ എനിക്ക് പ്രാർത്ഥിക്കാനുള്ളൂ. അമ്മഇല്ലാത്ത ഒരു ലോകം എനിക്ക് ചിന്തിക്കാൻ പോലും വയ്യ. എങ്കിലും ഒന്നുറപ്പാണ്... അമ്മ.....എപ്പോഴെങ്കിലും എന്നെ വിട്ടുപോയാലും, എന്നിലെ ആ പഴയ 'മടിച്ചി' പെണ്ണ് ചത്തുപോകും... പകരം അമ്മയെപ്പോലെ കരുത്തുള്ള ഒരു 'അമ്മ' എന്നിൽ ജനിക്കും. 🤱🦋 ലോകത്തിലെ ഏറ്റവും വലിയ സത്യമായ എന്റെ അമ്മയ്ക്ക്... സ്നേഹത്തോടെ! 😘🌸 അമ്മച്ചി ഒരു ദിവസം പോകും 😭..... ഞാൻ... ഞാൻ...ഞാൻ പോയി അമ്മയെ ഒന്നും കെട്ടിപിടിച്ചു വരട്ടെ 😇 അല്ലെ എനിക്ക് വട്ട് പിടിക്കും.......കെട്ടിപിടിച്ചു അപ്പൊ അതിനു കേട്ടു ഇപ്പോൾ 😁.... എന്നാലും ഞാൻ വിടൂല... 🫂❤️ - നയന കെ ✍🏻..... #💖 അമ്മ ഇഷ്‌ടം #🙍‍♀️ മാതൃദിനം സ്റ്റാറ്റസ് 💞 #😘 അമ്മയ്ക്കായി👇 #📝 ഞാൻ എഴുതിയ വരികൾ #📸 പൊന്നോമനകളും അമ്മമാരും 😍