મોરબીના વિરપરડા ગામે ફરી કુવાનું પાણી હાલકડોલક થતાં લોકોમાં કુતૂહલ, વીડિયો સોશિયલ મીડિયામાં વાયરલ મોરબી જિલ્લાના વિરપરડા ગામે બે દિવસ પહેલાં ખેતરમાં આવેલા એક કુવામાં પાણી અચાનક હાલકડોલક થતું જોવા મળ્યું હતું. આજે ફરી એકવાર એ જ કુવામાં પાણી હાલકડોલક થતું જોવા મળતાં આસપાસના લોકો મોટી સંખ્યામાં સ્થળ પર ઉમટી પડ્યા હતા. ઘટનાનો વીડિયો સ્થાનિકોએ પોતાના મોબાઇલમાં કેદ કર્યો હતો, જે હાલ સોશિયલ મીડિયામાં ઝડપથી વાયરલ થઈ રહ્યો છે. કુવામાં પાણી હાલકડોલક થવાનું ચોક્કસ કારણ હજુ સુધી સામે આવ્યું નથી. આ ઘટનાને લઈને ગ્રામજનોમાં વિવિધ પ્રકારની ચર્ચાઓ ચાલી રહી છે. પ્રશાસન અથવા સંબંધિત વિભાગ દ્વારા સત્તાવાર કારણ અંગે હજુ સુધી કોઈ સ્પષ્ટતા કરવામાં આવી નથી. સત્તાવાર માહિતી સામે આવે ત્યાર બાદ જ ઘટનાનું વાસ્તવિક કારણ સ્પષ્ટ થઈ શકશે. #Morbi #શ્રાવણ માસનો બીજો સોમવાર #શ્રાવણ મહિનો #શ્રાવણ મહિનાના પહેલા સોમવાર #🤣 ફની વિડિઓ 😜 #✒️મોન્સૂન કોટ્સ & શાયરી⛈️