#😱 മലയാള നടി അമൃത അടക്കം 4 പേർ കഞ്ചാവുമായി പിടിയിൽ! സിനിമാ-മോഡലിങ് രംഗത്ത് വീണ്ടും ലഹരിവേട്ട; നടിയും മോഡലുമായ അമൃത വിനോദ് ഉൾപ്പെടെ നാല് പേർ കഞ്ചാവുമായി പിടിയിൽ🥺 സിനിമാ-മോഡലിങ് രംഗത്തെ ലഹരി ഉപയോഗവുമായി ബന്ധപ്പെട്ട് വീണ്ടും നിർണായക നടപടി. നടിയും മോഡലുമായ പൊൻകുന്നം സ്വദേശിനി അമൃത വിനോദ് (26)ഉൾപ്പെടെ നാല് യുവതി-യുവാക്കളെയാണ് കോട്ടയത്ത് കഞ്ചാവ് കൈവശം വെച്ച കേസിൽ എക്സൈസ് സംഘം അറസ്റ്റ് ചെയ്തത്. കേരള എക്സൈസ് വകുപ്പ് സംസ്ഥാനത്തുടനീളം നടത്തിവരുന്ന എൻ.ഡി.പി.എസ് പ്രത്യേക പരിശോധനയായ 'ഓപ്പറേഷൻ തണ്ടർ'ന്റെ ഭാഗമായാണ് നടപടി. പാമ്പാടി എക്സൈസ് റേഞ്ച് നടത്തിയ മിന്നൽ പരിശോധനയിലാണ് പ്രതികൾ കുടുങ്ങിയത്. അമൃത വിനോദിനൊപ്പം കോട്ടയം ചാമംപതാൽ സ്വദേശിയായ ഹെയിൻസ് റെജി (26), വാഴൂർ സ്വദേശിനി മീനാക്ഷി മനോജ് (25), ആനിക്കാട് സ്വദേശി നോയൽ മാത്യു മനോജ് (24)എന്നിവരും അറസ്റ്റിലായി. കോട്ടയത്തിന്റെ വിവിധ ഭാഗങ്ങളിൽ കഞ്ചാവുമായി ഇവർ സഞ്ചരിക്കുന്നതായി ലഭിച്ച രഹസ്യ വിവരത്തെ തുടർന്ന് എക്സൈസ് സംഘം ദിവസങ്ങളായി നിരീക്ഷണം നടത്തിവരികയായിരുന്നു. ഒടുവിൽ പാമ്പാടിയിൽ വെച്ച് കൃത്യമായ തെളിവുകളുടെ അടിസ്ഥാനത്തിൽ നാലുപേരെയും വളഞ്ഞ് പിടികൂടുകയായിരുന്നു. പിടിയിലായവർ രാത്രികാല പാർട്ടികളിൽ ലഹരി ഉപയോഗിച്ചിരുന്നതായി പ്രാഥമിക അന്വേഷണത്തിൽ വ്യക്തമായതായി എക്സൈസ് അറിയിച്ചു. കേസുമായി ബന്ധപ്പെട്ട് പിടിച്ചെടുത്ത മൊബൈൽ ഫോണുകളും സമൂഹമാധ്യമങ്ങളിലെ ചാറ്റുകളും എക്സൈസ് സൈബർ വിഭാഗം വിശദമായി പരിശോധിച്ചുവരികയാണ്. അമൃത വിനോദിന്റെ അറസ്റ്റിന് പിന്നാലെ സിനിമാ-മോഡലിങ് മേഖലയിലെ കൂടുതൽ പേരിലേക്ക് അന്വേഷണം വ്യാപിപ്പിക്കാനാണ് എക്സൈസിന്റെ നീക്കം. കേസിൽ കൂടുതൽ വിവരങ്ങൾ പുറത്തുവരാനുണ്ടെന്നാണ് അന്വേഷണ സംഘം സൂചിപ്പിക്കുന്നത്.