പുത്തുമല സ്വദേശിനി ജെസ്സിയാണ് മരിച്ചത്. ഭര്ത്താവിനൊപ്പം സ്കൂട്ടറില് ജോലിക്ക് പോകുമ്പോഴാണ് കാട്ടാന ആക്രമിച്ചത്. കാട്ടാനയുടെ ആക്രമണത്തില് ഭര്ത്താവ് ഷാജിക്ക് പരിക്കേറ്റു. മേപ്പാടി കള്ളാടിയില് വച്ച് ഇന്നുരാവിലെയാണ് കാട്ടാനയുടെ ആക്രമണമുണ്ടായത്. സംഭവത്തെ തുടര്ന്ന് വനംവകുപ്പ് ഉദ്യോഗസ്ഥരും പോലിസും സ്ഥലത്തെത്തി തുടര്നടപടികള് സ്വീകരിച്ചു. സാരമായി പരിക്കേറ്റ ജെസ്സിയെ ഉടന് തന്നെ മെഡിക്കല് കോളജ് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. ഭര്ത്താവ് ഷാജി ചികില്സയിലാണ്. #news
