saico (psychological thriller 2/4) Screenplay by Hibon Chacko ®copyright protected #🎬സിനിമ കോർണർ #🎞 Short Film Corner #📔 കഥ #🕵️‍♀️ കുറ്റാന്വേഷണ കഥകൾ #🎬 പുത്തൻ പടം സായി : (ഇരുന്നിടത്തുനിന്നും കിരണിന്റെ വിൻഡോയുടെ ഭാഗത്തേക്ക്‌ വലിഞ്ഞു, വന്ന കാർ ഡ്രൈവ് ചെയ്യുന്നതും അതിൽ ആകെ ഉണ്ടായിരിക്കുന്നതുമായ കിരണിന്റെ പ്രായമുള്ള ആളോട്, കിരണും അവനെ ശ്രദ്ദിക്കുന്നുണ്ട് ) “ഡാ ശങ്കർ, എന്നാ ഇവിടെ?” (പരിചയമുള്ള രണ്ടുപേർക്കിടയിലെ സംസാരം പോലെയുള്ള ഈ വാചകം കേൾക്കുമ്പോൾ ശങ്കറിന്റെ വലതുകരം കാറിന്റെ പുറത്തേക്ക് മടക്കി പിടിച്ചിരിക്കുകയായിരുന്നു -റിവേഴ്സ് വന്നതിന്റെ ആധിക്യമെന്നവിധം, സായിയെ ശ്രദ്ദിക്കുന്നതിനൊപ്പം. രണ്ടുമൂന്നു നിമിഷം ആ നോട്ടം തുടർന്നശേഷം പെട്ടെന്ന് മുന്നോട്ട് നോക്കിയിരുന്നു ശങ്കർ, കാറിന്റെ ഹെഡ്ലൈറ്റ് ഓൺ ആയിരുന്നു ) 31.medium shot/side /left side of car സായി പഴയപടി വലിഞ്ഞ ഇരിപ്പിൽ നിന്നും തന്റെ വശത്തെ ഡോർ തുറന്ന് അല്പം വേഗത്തിൽ ഇറങ്ങി ശങ്കറിന്റെ കാറിന്റെ, ഡ്രൈവിംഗ് സീറ്റിലെ വിൻഡോയിൽ ചെന്ന് കുനിഞ്ഞ് നിന്നു, സംസാരിക്കുവാനെന്നവിധം. കിരൺ പഴയപടി, ഇരുവരേയും നോക്കിയിരിപ്പാണ്. 32.long shot സായി : (ശങ്കരിനോട് സംസാരിക്കുവാൻ നിൽക്കെ, സംശയഭാവത്തോടെ ) “എന്താടാ, എന്തുപറ്റി നിനക്ക്?” (ശങ്കർ മുന്നോട്ട് നോക്കി മുഖം കറുപ്പിച്ചവിധം, വന്നവിധം ഇരിപ്പാണ് ) 33.medium shot/side/left side of Shankar’s car ശങ്കർ : (മുന്നിലേക്കുള്ള മുഖം പറിച്ച് സായിക്ക് കൊടുത്ത് ) “പെങ്ങളിന്ന് ചാടിപ്പോകാൻ നോക്കി… അവളുടെ ഒരു കൂട്ടുകാരി പറഞ്ഞ് ഞങ്ങൾ അറിഞ്ഞു, അവളെ ഇപ്പോൾ വീട്ടിൽ പൂട്ടി ഇട്ടിരിക്കുവാ…” 34.close up/corner സായി : (ഇരുകൈകളും കാറിന് മുകളിലേക്ക് പിടിച്ച്, പഴയപടി സംസാരം തുടരുന്നു, തന്നെ നോക്കിയിരിക്കുന്ന ശങ്കറിനോട് ) “അവള്…, കറങ്ങി നടക്കുന്നതൊക്കെ ഞാൻ കണ്ടിട്ടുള്ളതാ… പിന്നെ നമ്മുടെ പെണ്ണല്ലേ, ഞാൻ ശ്രദ്ദിക്കാൻ പോയില്ല…!” (പതിഞ്ഞ വിധമായിരുന്നു വാചകങ്ങൾ ) 35.medium shot/side/left side of Shankar’s car ശങ്കർ : (പതിഞ്ഞതും എന്നാൽ ദൃഢമായതുമായവിധം, സായിയെ നോക്കിയിരിക്കെ ) “ചാടിക്കാൻ വന്നവൻ ഈ പ്രദേശത്ത് എവിടെയെങ്കിലും കാണും… അവനെ ഞാൻ കണ്ടാൽ അറിയും… രണ്ട് കൂട്ടുകാര് വരും, കിട്ടിയാൽ രണ്ടെണ്ണം പൊട്ടിച്ച് വിടണം.” (രണ്ടുനിമിഷം, തുടർച്ചയെന്നവിധം സായിയെ നോക്കിത്തുടരുന്നു ശങ്കർ ) 36.close up/corner സായി : (ഇരുകൈകളും മുകളിൽ നിന്നുമെടുത്ത് വിൻഡോയിൽ പിടിപ്പിച്ചശേഷം തുടരുന്നു ) “ആഹാ, നീ നിയമം കൈയ്യിലെടുക്കാനൊന്നും നോക്കേണ്ട. ഒരു കാര്യം ചെയ്യ്‌, തപ്പി കിട്ടിയാൽ വിളിക്ക്, ഞാൻ വന്ന് കൈകാര്യം ചെയ്യാം.” 37.medium shot/side/left side of Shankar’s car സായി : (അങ്ങനെ തുടരവേ ) “ഇലയ്ക്കും മുള്ളിനും കേടില്ലാതെ കൈകാര്യം ചെയ്യാമെന്നേയ്…” (സായിയെ നോക്കിയിരിക്കുന്ന ശങ്കറിന് കോൾ വരുന്നു, ഗിയറിനടുത്ത് നിന്നും മൊബൈലെടുത്ത് ശങ്കർ നോക്കുന്നു. കട്ട്‌ ചെയ്തശേഷം വീണ്ടും സായിയെ നോക്കുന്നു ) ശങ്കർ : (പഴയപടി തുടർന്നുനിൽക്കുന്ന സായിയോട് ) “ഞാൻ വിളിച്ചവന്മാര് സ്പോട്ടിൽ വന്നിട്ടുണ്ട്. അവന്മാരെ പിക്ക് ചെയ്യണം, പറഞ്ഞത് എനിക്ക് മനസ്സിലായി… കിട്ടിയാൽ ഞാൻ വിളിക്കാം സായിയെ.” 38.medium shot സായി : (ഇരുകൈകളും വിൻഡോയിൽ നിന്നുമെടുത്ത് ഇടതുകൈക്ക് കാറിന് മുകളിൽ ലഘുവായി തട്ടിയശേഷം ) “ശരി. അങ്ങനെയാകട്ടെ.” (ഗിയർ ചേഞ്ച്‌ ചെയ്ത്, തലയാട്ടി മറുപടി പ്രകടമാക്കിയശേഷം ശങ്കർ കാർ മുന്നോട്ടെടുത്ത് പോകുന്നു വേഗം, രംഗം ശ്രദ്ദിച്ച് പഴയപടി ഇരിക്കുകയായിരുന്നു കിരൺ, സായി കാറിനെ നോക്കിപ്പോവുകയാണ് നിന്നിടത്ത് നിന്നുകൊണ്ട് ) 39.long shot/back ശങ്കർ വേഗത്തിൽ കാർ മുന്നോട്ട് ഓടിക്കുകയാണ്. പിന്നിലായി, നിന്നിടത്ത് നിൽക്കെ സായി കാർ പോകുന്നത് നോക്കി നിൽക്കുകയാണ് -തുടർച്ചയെന്നവിധം. ശങ്കറിന്റെ കാർ മുന്നോട്ട് പോകുന്തോറും പിന്നിലെ ദൃശ്യങ്ങൾ, സായിയും കാറും മറ്റും മറഞ്ഞുപോവുകയാണ്. 40.close up-medium shot/tracking /camera on car Cut. Scene 3 (1B) Ext. ഒഴിഞ്ഞ T കവല. Night 12am അരമണിക്കൂർ കൂടി കഴിഞ്ഞ വിധം, കിരണും സായിയും അതേ സ്ഥലത്ത് കാറിൽ കിടക്കുകയാണ് വീണ്ടും, കാർ ഓഫ് ആണ് -സായി പിന്നോട്ട് ചായ്ഞ്ഞു ചെറിയ മയക്കത്തിലാണ്, കിരണാകട്ടെ തന്റെ മൊബൈലിൽ എന്തൊക്കെയോ അർത്ഥരഹിതമായ പരിപാടിയിലാണ്, ഇരുവരും തങ്ങളുടെ പഴയ സ്ഥാനങ്ങളിൽ തന്നെയാണ് കാറിനുള്ളിൽ. [(1)-ലെ വിവരണം നോക്കുക ] 41.medium shot ഒരു യുവാവ് സ്കൂട്ടറിൽ എത്തി മുന്നിലേക്ക് പോയി സായിയുടെയും മറ്റും കാറിനടുത്ത് നിർത്തിക്കൊണ്ട്, സ്കൂട്ടർ ഓഫ് ആക്കാതെ, സ്കൂട്ടറിലിരിക്കെത്തന്നെ, കിരണിനോട് എന്തോ സംസാരിച്ച് തുടങ്ങുകയാണ് (കിരൺ സായിയെ എഴുന്നേൽപ്പിക്കുന്നുമുണ്ട് ഏതാണ്ട് ). 42.long shot/back of the car സ്കൂട്ടറിൽ വന്ന യുവാവ് : (അകത്തുള്ള ഒരു ഉടുപ്പിന് പുറത്ത് ഷർട്ട് ഇട്ടിരിക്കുന്നുണ്ട്, ഫുൾ കൈ ബട്ടൺ ഇട്ടിരിക്കുന്നു -കോളറിലും, കിരണും സായിയും യുവാവിനെ നോക്കിയാണ് ഇപ്പോൾ ഇരിപ്പ്, യുവാവ് ഹെഡ്ലൈറ്റ് കെടുത്തിയിട്ടില്ല ) “ഇതുവഴി എന്റെ പ്രായമുള്ളൊരാൾ പോകുന്നത് കണ്ടിരുന്നോ? നടന്നായിരിക്കും പോയിരിക്കുന്നത്, വണ്ടിയില്ല അവന്റെ കൈയ്യിൽ…” (സാവധാണമെന്നവിധമാണ് യുവാവിന്റെ സംസാരം ) 43.medium shot/side/left side of car സായി : (കിരൺ യുവാവിൽ നിന്നും മുഖമെടുത്ത് സായിക്ക് നൽകുന്നു, സായ്‌ നെറ്റിചുളുപ്പിച്ച് യുവാവിനോട് ) “എന്താ കാര്യം?” യുവാവ് : (പഴയപടി മറുപടി തുടരുന്നു, ഇരുവരോടുമെന്നവിധം ) “ഞാനും എന്റെയൊരു കൂട്ടുകാരനും ഒരു കല്യാണത്തിന് പോയതാണ്. തിരിച്ചു പോന്നപ്പോൾ എന്റെ മൊബൈൽ എടുക്കാൻ മറന്നു…” 44.medium shot/side/right side of scooter (സായി പഴയപടിയിൽ നിന്നും നെറ്റിചുളിപ്പ് മാറാതെ തന്നെ നോക്കിത്തുടരുന്ന കിരണിനെ നോക്കിപ്പോവുകയാണ് ) യുവാവ് : (O. C., പഴയപടി തുടരുന്നു ) “അവനെ ഒരിടത്ത് നിർത്തിയിട്ട് ഞാനതെടുക്കാൻ തിരിച്ചു പോയി. ഇപ്പോൾ നോക്കുമ്പോൾ അവനെ സ്ഥലത്ത് കാണാനില്ല, അന്വേഷിച്ചു വന്നതാ.” കിരൺ : (മുഖം യുവാവിന് കൊടുത്ത് ) “അതെന്താ ബ്രോ അവനെ വിട്ടിട്ട് പോയത്?” 45.close up യുവാവ് : (പഴയപടിതന്നെ ) “ആളെന്റെ ഉറ്റ സുഹൃത്താണ്, പക്ഷെ ഒരു സൈക്കോ ടൈപ്പ് ആണ്. ഒരു മാസം മുൻപാണ് ട്രീറ്റ്മെന്റ് ഒക്കെ കഴിഞ്ഞ് ഇറങ്ങിയത്…” 46.close up/corner *or P. O. V. Of Kiran/ Int. സായി : (മെല്ലെ തലയാട്ടി, നെറ്റി ചുളുപ്പ് മാറാതെ ) “ഹെൽമെറ്റുമില്ല…ഇത് മൊത്തം പ്രശ്നം ആണല്ലോടാ “ 47.close up/Int. യുവാവ് : (പഴയപടി ) “അത്ര കുഴപ്പമില്ലായിരുന്നു ട്രീറ്റ്മെന്റൊക്കെ കഴിഞ്ഞിട്ട്, പിന്നെ മരുന്നും കഴിക്കുന്നുണ്ട് ഇപ്പോൾ ആള്…” 48.medium shot യുവാവ് : (തുടർച്ച, കിരണും സായിയും നോക്കിയിരിക്കെ ) “പക്ഷെ അവന് ഒരു കാര്യം തോന്നിയാൽ അത് സാധിക്കണം ചിലപ്പോൾ… എന്റെ കൂടെ മൊബൈൽ എടുക്കാൻ വരാൻ ആൾക്ക് താല്പര്യം ഇല്ലായിരുന്നു.” 49.medium shot/side /left side of car കിരണും സായിയും ഒരിക്കൽക്കൂടി പരസ്പരം നോക്കിപ്പോവുകയാണ്, യുവാവിനെ വകവെക്കാതെയെന്നവിധം. 50.medium shot-close up/tracking സായി : (സംശയത്തോടെ, യുവാവിനോടെന്നവിധം, കണ്ണുകൾമാത്രം കിരണിൽ നിന്നുമെടുത്ത്) “നിന്റെയീ കൂട്ടുകാരൻ, പാന്റും ഷർട്ടും ഷൂസും ഇട്ടിട്ട്… ഒരു ബാഗ് തോളിലുള്ള ഒരുത്തനാണോ?” 51.close up/Int. യുവാവ് : (പഴയപടി, തെല്ലൊന്ന് അതിശയിച്ചവിധം ) “ആഹ്, അതെ…” സായി : (O. C., യുവാവ് അങ്ങനെ തുടരവേ ) “ഒരുത്തനെ കണ്ടായിരുന്നു…എനിക്ക് കണ്ടപ്പോഴേ ഒരു പിശക് തോന്നിയതാ… നിന്റെ പേരെന്താ, വീടെവിടെയാ…?” 52.close up/P.O.V. of Kiran or corner */Int. യുവാവ് : (പഴയപടി, സ്കൂട്ടറിന്റെ ഹെഡ്ലൈറ്റ് കെടുത്തിയിട്ടില്ല, വണ്ടി ഓൺ ആണ് ) “എന്റെ പേര് ജോബിൻ. കീരിച്ചാലിലാണ് ഞങ്ങളുടെ രണ്ടാളുടെയും വീട്.” (ഇതുകേട്ട് വീണ്ടും കിരണും സായിയും ഒന്ന്‌ പരസ്പരം നോക്കിപ്പോകുന്നു ) 53.medium shot-close up/tracking സായി : (ധൃതിവെച്ചവിധം ) “അവന്റെ ഡീറ്റെയിൽസ് പറഞ്ഞേ നീ…” യുവാവ് : (പഴയപടി, കിരൺ യുവാവിനെ നോക്കിപ്പോകുന്നു സാവധാനം ) “അരുൺ എന്നാണ് പേര്, അവന്റെ അച്ഛന്റെ പേര് രാഘവൻ.” 54.medium shot/side/left side of car സായി : (പഴയപടി, നെറ്റിചുളുപ്പിച്ചും ) “പേരൊക്കെ ശരിയാ. പക്ഷെ നിന്റെ കൂട്ടുകാരൻ, നേരിമംഗലത്താ വീടെന്ന് പറഞ്ഞ് നേരെയാണല്ലോടാ പോയത്… കീരിച്ചാല്.. ദേ ഈ റൈറ്റ് പിടിച്ച് പോകേണ്ടേ…!” (സംശയം മനസ്സിൽ ഇടം പിടിച്ചെന്ന വിധമാണ് സായിയുടെ വാചകങ്ങൾ ) 55.close up/Int. യുവാവ് : (സംശയം കലർന്ന നിസ്സഹായഭാവത്തോടെയെന്നവിധം ) “ഞാനവനെ ഫോണിൽ വിളിച്ചിട്ട് എടുക്കുന്നില്ല… ഇനി എന്തെങ്കിലും പ്രശ്നം…” (തലക്ക് കുഴപ്പം ഉള്ളതുകൊണ്ട് എന്ന ആംഗ്യം കൈവിരലുകൊണ്ട് കാണിക്കുവാൻ ശ്രമിക്കുന്നു, മൊത്തത്തിൽ മുഴുമിപ്പിക്കാനാവാതെ നിൽക്കുന്നു…) 56.close up/P.O.V. of Kiran or corner */Int. സായി : (തന്റെ മനസ്സിലെ സംശയങ്ങൾ ഏതാണ്ട് ഉറപ്പിച്ചവിധം ) “നീയൊരു കാര്യം ചെയ്യ്‌…സ്കൂട്ടറ് ഓഫാക്കി ആ പിറകിലേക്ക് ഒതുക്കിവെക്ക്. എന്നിട്ട് വന്ന് കാറിൽ കേറ് വേഗം…” (രണ്ടുനിമിഷം നോട്ടമങ്ങനെ തുടരുന്നുണ്ട് ) 57.close up/Int. (സായിയെ കിരൺ നോക്കിപ്പോവുകയാണ് സാവധാനം, സ്കൂട്ടർ ഓഫ് ചെയ്ത്- ഹെഡ്ലൈറ്റും, പിന്നിലേക്ക് ഇരുന്ന ഇരുപ്പിൽ തള്ളിപ്പോകുന്നു ജോബിൻ -കാറിന് പിന്നിലായി റോഡരുകിൽ ഒതുക്കി വെക്കുവാനെന്നവിധം ) കിരൺ : (പതുക്കെ, ജോബിന്റെ അസാന്നിധ്യം ഉറപ്പിച്ചവിധം ) “എന്റെ സായി, ഈ വള്ളി ഈ സമയത്ത് പിടിക്കണോ…?” സായി : (സംശയം വിടാതെ, പതുക്കെ എന്നാൽ ഉറപ്പിച്ച് ) “ഇതത്ര ശരിയായ റൂട്ടിലേക്കല്ലെടാ…നമുക്ക് നോക്കാം, പണിയുണ്ട്…” (ഇരുവരും പരസ്പരമങ്ങനെതന്നെ തുടരുകയാണ്, ജോബിൻ കാറിൽ വന്ന് കയറി ഇരിക്കുന്നു, ഇരുവരും ദൃഷ്ടി വിടുവിച്ച് മുന്നോട്ടാക്കുന്നു -സായിയും കിരണും ) 58.medium shot/back/Int. സായി : (മുന്നോട്ട് നോക്കി തുടരുന്ന കിരണിനെ സാക്ഷിയാക്കുംവിധം, മുന്നോട്ട് നോക്കി ഇടത്തേ കൈ വിൻഡോയിലൂടെ പുറത്തേക്ക് പിടിച്ച്, വലത്തേ കൈയ്യിൽ മൊബൈലെടുത്തുകൊണ്ട് ) “നിങ്ങളുടെ വീട്ടുപേരൊക്കെയൊന്ന് പറഞ്ഞെടാ…പിന്നെ നിന്റെ കൂട്ടുകാരന്റെ, ഫോൺ നമ്പർ പറ…ഞാനൊന്ന് വിളിക്കട്ടെ,,” 59.medium shot/side/left side of car ജോബിൻ: (മുന്നിൽ നിന്നും മുഖമെടുത്തെന്നവിധം, പോക്കറ്റിലെ തന്റെ ഫോണെടുത്തുകൊണ്ട്) “പാതിരാവളപ്പിൽ എന്നാ എന്റെ വീട്ടുപേര്, അവന്റേത് കൂറ്റാക്കുന്നേൽ…” (ശേഷം, ഫോണിൽ നമ്പർ തപ്പിയെടുത്തശേഷം മുന്നിലേക്ക് ദൃഷ്ടികൊടുക്കുന്നു, തയ്യാറെന്നവിധം) സായി: (O. C., സാവധാനം എന്നാൽ പഴയപടി, ഉടനെ) “നിന്റെ നമ്പറും കൂടിയൊന്ന് തരണം എനിക്ക്… വണ്ടിയെടുക്കെടാ…” (കിരണിനാണ് അവസാന വാക്ക് പറഞ്ഞത്) 60.medium shot/side/right side of Jobin (കാർ സ്റ്റാർട്ട്‌ ചെയ്ത് മുന്നിലേക്ക് അല്പം വേഗത്തിലെന്നവിധം പോവുകയാണ്) സായി: (O. C., പഴയ ഭാവം വിടാതെ) “നീയെന്താടാ രണ്ടുടുപ്പിട്ട് ഈ കോലത്തിലൊക്കെ…” ജോബിൻ: (O. C., പഴയഭാവത്തിൽ) “വണ്ടിയോടിച്ച് നല്ല തണുപ്പടിച്ചു…അതാ…” (വഴിവിളക്കിന്റെ വെളിച്ചത്തിനു ഉദ്ദേശം അടുത്തെന്നവിധം, റോഡരുകിൽ പാർക്ക്‌ ചെയ്തിരിക്കുന്ന ജോബിൻ വന്ന സ്കൂട്ടറിന് ഒരു പ്രത്യേകഭാവം തോന്നിക്കുന്നുണ്ട്- ഒരു ഒറ്റയാനെപ്പോലെ) സായി: (O. S., പഴയഭാവത്തിൽ) “അവനെ വിളിച്ചിട്ട് എടുക്കുന്നില്ല…തപ്പിനോക്കാം…” (ഒന്ന്‌ ഉറപ്പിച്ചവിധമെന്നപോലെയാണ് വാചകങ്ങൾ, കാർ രംഗത്തിൽനിന്നും മറയുകയാണ് പൂർണ്ണമായും) 61.long shot/back-> tracking/close up*(scooter)/back Cut. തുടരും.....