#🙋‍♂ நாம் தமிழர் கட்சி #🇮🇳தேசப்பற்று ஸ்டேட்டஸ் #😁தமிழின் சிறப்பு #😫சோக ஸ்டேட்டஸ் #😍எமோஷனல் ஸ்டேட்டஸ் எங்கள் தேசியத் தலைவனின் தேசிய கீதமாய் ஒலித்தாயே! தமிழீழ மண்ணில் தமிழரின் தாகமாய் ஒலித்தாயே! செங்களம் தன்னிலே செங்குருதி சிந்திய வேங்கைகள் தியாகத்தை வீணையாய் மீட்டினாய்! திசையெட்டும் ஈழத்தின் தீரா வலிகளைத் தேனிசைக் குரலால் திருப்புகழ் ஆக்கினாய்! மண்ணறைக் குள்ளேறிக் கண்மூடும் மாவீரர் மறவர் சரித்திரத்தை மரபணுவில் கலந்தாய்! கண்ணீரும் செந்நீரும் கலந்திட்ட மண்ணிலே காவியத் தாயகத்தின் கர்ஜனையாய் முழங்கினாய்! பகைவரின் தோட்டாக்கள் பாய்ந்திட்ட பொழுதிலுன் பாட்டின் வரிகளன்றோ பறைசாற்றி நின்றதே! முழங்கும் முரசெனக் களத்திலே உன்குரல் முரட்டுக் காற்றிலும் விடுதலை பாடியதே! ஊன்உடல் மறைந்ததென உடைந்தேகி நிற்பதா? உன்னதக் கலைஞனுக்கு உலகத்தில் மரணமுண்டா? காற்றில் கலந்திட்ட ஈழத்துத் தேனிசையே! கல்லறைப் பூக்களாய் உன்குரல் என்றும் மலர்ந்திருக்குமே! விடைபெறுவாய் தேனிசையே... வீரர்களின் நெஞ்சமெல்லாம் உன் பாட்டைப் பாடிநிற்க எம் கார்த்திகைப் பூக்களின் காவலில் நிம்மதியாய் உறங்கு!