Part 40 കട്ടൻ ഇടുന്നതിന് ഇടക്ക് പുറത്ത് നിന്ന് ശബ്ദം കേട്ടതും ഒരു സംശയത്തോടെ ഗൗരി അടക്കള വാതിക്കൽ നിന്ന് പുറത്തേക്ക് നോക്കി. എന്നാൽ അവിടെ കാണുന്ന കാഴ്ച കണ്ട് ഗൗരിയുടെ കണ്ണ് മിഴിഞ്ഞ് വന്നു. ' ദെയ് ഗുണ്ട നിന്ന് തുണി കഴുകുന്നു. '  പുറമേക്ക് പറഞ്ഞില്ലെങ്കിൽ അവളുടെ മനസ്സ് മെല്ലെ മൊഴിഞ്ഞു. അവൾ വളരെ ആശ്ചര്യത്തോടെ ആണ് ആ കാഴ്ച കണ്ട് നിന്നത്. വീട്ടുജോലി ഒക്കെ പെണ്ണുങ്ങൾക്ക് പറഞ്ഞിട്ടുള്ളതാ എന്ന് പറഞ്ഞ് നടക്കുന്ന നാട്ടിൽ ജനിച്ച് വളർന്ന് ജീവിക്കുന്നവൾക്ക് ഇതൊക്കെ കണ്ണ് മിഴിയിക്കുന്ന കാഴ്ച തന്നെയാണ്. അവൾ അവന്റെ പ്രവർത്തിയിലേക്ക് കണ്ണ് നട്ടു. നല്ല ശീലം ഉള്ളത് പോലെ വളരെ വേഗത്തിൽ എന്നാൽ നല്ല ചിട്ടയോടെ ആണ് കഴുകുന്നത്. ഇന്ന് ഇട്ട വസ്ത്രം മാത്രമേ ഉണ്ടായിരുന്നുള്ളു കഴുകാൻ അത് കൊണ്ട് പെട്ടന്ന് തന്നെ അവൻ കഴുകി കഴിഞ്ഞു. അവൻ തുണി വിരിച്ച് അകത്തേക്ക് കയറാൻ പോകുവാണെന്ന് കണ്ടതും അവൾ തിരിച്ച് കട്ടൻ ഉണ്ടാകാൻ തിരിഞ്ഞു. അപ്പോഴേക്കും വെള്ളം തിളച്ചിരുന്നു. അവന്റെ കടുപ്പം അറിയാത്തത് കൊണ്ട് ആവിശ്യത്തിന് മാത്രം തേയില ഇട്ട് ഒന്ന് തിളപ്പിച്ച് മാറ്റി വെച്ചു. അപ്പോഴേക്കും വീണ്ടും അവളുടെ ചിന്തയിൽ കണ്ണനും അല്പം മുൻപ് കണ്ട പ്രവർത്തിയും തെളിഞ്ഞ് വന്നു. അതോടൊപ്പം അന്ന് ആദ്യമായി വന്നപ്പോൾ മുറിയിൽ കഴുകി വൃത്തിയിൽ അടുക്കി വെച്ചിരുന്ന തുണികൾ അവൾ ഓർത്തു. അന്ന് അതൊക്കെ കൂലിക്ക് ആരെയെങ്കിലും നിർത്തി ചെയ്യിച്ചതായിരിക്കും എന്ന കരുതിയെ, അത് മാത്രം അല്ല മുറിയിൽ കാണുന്ന അടുക്കും ചിട്ടയും വൃത്തിയും ഒക്കെ, എന്നാൽ അല്പം മുൻപ് കണ്ട കാഴ്ച തന്റെ ചിന്തകളുടെ സത്യാവസ്ഥ വിളിച്ച് പറയുന്നവ ആയിരുന്നു. അപ്പൊ അയാൾക്ക് മനുഷ്യരോട് പെരുമാറാൻ മാത്രമേ അറിയാതെ ഉള്ളു. അവൾ ഓർത്തു. എന്നാൽ അടുത്ത നിമിഷം തന്നെ കണ്ണൻ തന്നോടും സാബു ഇക്കയോടും ഉള്ള പെരുമാറ്റവും തന്നോട് പറഞ്ഞ വാക്കുകളും ഓർമയിൽ ഇരച്ചെത്തി. ' എനിക്ക് മനസിലാകുന്നില്ലല്ലോ കണ്ണാ അയാളെ ' അവൾ സ്വയമേ പറഞ്ഞു. കണ്ണൻ തുണി കഴുകുന്ന രംഗം വീണ്ടും ഓർമ വന്നതും ഒരു വല്ലായിമയോടെ കട്ടൻ ഗ്ലാസ്സിലേക്ക് പകർത്തി. പിന്നെ അതിനൊരു തീരുമാനം എടുക്കണം എന്ന് ഉറപ്പിച്ച് കട്ടനും എടുത്ത് ഹാളിലേക്ക് നടന്നു. ഇടക്ക് എപ്പോഴോ കണ്ണൻ ഉള്ളിൽ കയറി പോകുന്നത് കണ്ടെങ്കിലും അവൾ നോക്കാൻ നിന്നില്ല. ഹാളിൽ ചെന്നപ്പോൾ അവനെ കണ്ടില്ല മുറിയിൽ കാണും എന്ന് കരുതി അവൾ മെല്ലെ അങ്ങോട്ടേക്ക് നടന്നു. അവൾ മുറിയിൽ ചെന്നപ്പോൾ കണ്ണാടിയിൽ നോക്കി മുടി ഒതുക്കുന്നവനെ ആണ് കാണുന്നത്. എന്ത് വിളിക്കണം എന്നോ എന്ത് പറയണം എന്നോ അറിയാതെ അവൾ നിന്ന് പരുങ്ങി. താൻ വന്നത് അറിഞ്ഞിട്ടുണ്ട് എങ്കിലും ഒരു നോട്ടം പോലും തരാതെ നിൽക്കുന്നവനെ കാണെ രണ്ടും കൽപ്പിച്ച് അവൾ ഉള്ളിലേക്കു കയറി. " ക... കട്ടൻ " : അവൻ ചോദിക്കാതെ കട്ടൻ കൊണ്ട് കൊടുത്തത് ഇഷ്ടമാകുവോ എന്ന് അറിയാതെ അവൾ പതിഞ്ഞ സ്വരത്തിൽ പറഞ്ഞു. അത് കേൾക്കാൻ കാത്ത് നിന്നത് പോലെ അവൻ മെല്ലെ അവൾക്ക് നേരെ തിരിഞ്ഞു. അവിടെ കട്ടനും പിടിച്ച് നിൽക്കുന്നവളെ കണ്ടതും അവനുള്ളിൽ എന്തൊക്കെയോ വികാരങ്ങൾ കുമിഞ്ഞ് കൂടി അതൊന്നും മുഖത്ത് പ്രകടനം ആകാതെ ഇരിക്കാൻ അവൻ ആകുന്നതും ശ്രെമിച്ചു. " എന്താ...? " : അവൾ പറഞ്ഞത് കേട്ടെങ്കിലും കേൾക്കാത്ത പോലെ വീണ്ടും ചോദിച്ചു. ഗൗരി അവനെയും സ്വന്തം കയ്യിൽ ഇരിക്കുന്ന ഗ്ലാസ്സിലേക്കും മാറി നോക്കി. അവൻ കേൾക്കാത്തതാണോ അതോ കേൾക്കാത്ത പോലെ അഭിനയികുവാണോ എന്ന് അറിയാതെ അവൾ അവനെ നോക്കി. " അത് പിന്നെ കട്ടൻ വേണോ...? " : ഇനി അവൻ വേണ്ടാത്തത് കൊണ്ട് ആണോ എടുത്ത് ചോദിച്ചത് എന്ന് കരുതി അവൾ അങ്ങനെ ചോദിച്ചു. " ഹ്മ്മ് ഇങ് താ " : അവൻ അലസാമായി പറഞ്ഞു. അവൻ വേണ്ടെന്ന് പറഞ്ഞില്ലല്ലോ എന്ന ആശ്വാസത്തിൽ അവൾ കട്ടനും ആയി അവൻ അടുത്തേക്ക് ചെന്നു അത് അവന് നേരെ നീട്ടി. അവളെ തന്നെ നോക്കി കൊണ്ട് അവൻ അത് കയ്യിലേക്ക് വാങ്ങി. അവൻ അവളിൽ തന്നെ നോട്ടം എയത് കൊണ്ട് ഗ്ലാസ്സ് ചുണ്ടോട് ചേർത്തു. അടുത്ത നിമിഷം അവന്റെ കണ്ണൊന്നു വിടർന്ന് പോയി. തനിക്ക് പാകത്തിനുള്ള കടുപ്പം അവൻ ഉള്ളാലെ മൊഴിഞ്ഞു. അതെ ഭാവത്തിൽ അവൻ അവളെ നോക്കി. തനിക്ക് മുന്നിൽ രണ്ട് കൈ അകലത്തിൽ നിൽപ്പുണ്ട്. ഉച്ചക്ക് സംസാരിച്ചതിന്റെ ഫലം ആണ് ഈ നിൽപ്പ് എന്ന് അവന് മനസ്സിലായി, അല്ലെങ്കിൽ തന്നെ കാണുമ്പോഴേ എങ്ങോട്ടെങ്കിലും ഓടി ഒളിക്കേണ്ടതാണ്. അടുത്ത് നിൽപ്പുങ്കിലും എന്താ ഗ്ലാസ്സ് കയ്യിൽ തന്നപ്പോൾ മുതൽ താഴെ എന്തോ കളഞ്ഞ് പോയത് കണ്ട് പിടിക്കുന്നത് പോലെയാണ് തലയും കുമ്പിട്ട് ആണ് നിൽക്കുന്നത്. എന്നാൽ അത് തനിക്ക് കാണുന്നതേ ദേഷ്യം ആണ്. എത്ര പറഞ്ഞാലും കേൾക്കില്ലെന്ന് വെച്ചാൽ. ദേഷ്യപ്പെട്ടാൽ പിന്നെ ഇന്ന് ഉച്ചക്ക് പറഞ്ഞതൊക്കെ വെറുതെ ആയി പോകും എന്ന് അവൻ തന്നെ അറിയാം. അവൻ ഒന്ന് നിശ്വസിച്ചു അവളെ നോക്കി കൊണ്ട് തന്നെ കട്ടൻ കുടിക്കാൻ തുടങ്ങി. എത്ര നേരം ഇങ്ങനെ നിക്കും എന്ന് അറിയണമല്ലോ, അവൾക്ക് എന്തോ പറയാനുണ്ട് അല്ലെങ്കിൽ ഗ്ലാസ്സ് കയ്യിൽ തന്നിട്ട് പോകേണ്ടേ കക്ഷി ആണ് മുന്നിൽ നിൽക്കുന്നവളുടെ മനസ്സ് മനസ്സിലാക്കിയത് പോലെ അവന്റെ ഉള്ളം മൊഴിഞ്ഞു. ' ശോ കട്ടൻ ഇഷ്ടായി കാണുവോ.... കടുപ്പം ഒക്കെ കറക്റ്റ് ആയിരിക്കുമോ.... കുടിച്ചിട്ട് ഉണ്ടാവോ..... എങ്ങന ഒന്ന് ചോദിക്കുക..... ഇനി ചോദിച്ചാൽ വേറെ എന്തെങ്കിലും പറയുമോ.... ചോദിച്ചാലോ...? ഏയ്യ് വേണ്ട വേണ്ട കൊള്ളത്തിലെങ്കിൽ വഴക്ക് പറഞ്ഞാലോ..... എന്റെ കൃഷ്ണ എന്തെങ്കിലും ഒരു വഴി പറഞ്ഞ് തായോ.... ഒന്ന് ചോദിച്ച് നോക്കല്ലേ.... അല്ല എന്താ ഇപ്പൊ ചോദിക്ക.... കട്ടൻ ഇഷ്ടായോ എന്നോ.... അയ്യയ്യേ അങ്ങനെ ആണോ ചോദിക്ക..... ഹാ ഏതായാലും ഒന്ന് നോക്കിയേക്കാം അല്ലെ.... കൂടെ ഉണ്ടാവണേ..... '   എന്നെല്ലാം സ്വയം പറഞ്ഞ് അവൾ മെല്ലെ മുഖം ഉയർത്തി നോക്കി. അവിടെ തന്നെ നോക്കി കട്ടൻ കുടിക്കുന്നവനെ കാണെ ഗൗരിയിൽ വിറയൽ പടർന്നുവെങ്കിലും ആ മുഖത്ത് ഇഷ്ടക്കേടൊന്നും ഒന്നും ഇല്ലെന്ന് മനസ്സിലായതും അവൾക്ക് ഉള്ളം തണുപ്പ് പടർന്നു. പിന്നെ മെല്ലെ പുറത്തേക്ക് ഇറങ്ങാൻ ഒരുങ്ങിയതും എന്തോ ഓർത്ത പോലെ വീണ്ടും തിരിഞ്ഞു. തിരിച്ച് പോകാൻ ഒരുങ്ങിയവളെ വിളിക്കാൻ തുടങ്ങിയ അവനും അവൾ വീണ്ടും തിരിഞ്ഞത് എന്തോ പറയാനായി നിന്ന് പരുങ്ങുന്നവളെ കാണെ അവളെ തന്നെ ഉറ്റ് നോക്കി. " അ... അത് തുണി ഞ... ഞാൻ കഴുകിക്കോളാം " : അവൾ പതർച്ചയോടെ പറഞ്ഞു. " എന്ത്.....? " : കാര്യം മനസ്സിലാവാതെ കണ്ണൻ നെറ്റി ചുളിച്ച് കൊണ്ട് ചോദിച്ചു. " അത്... അത് പിന്നെ കഴുകാൻ ഉള്ള തു... തുണി ഉണ്ടെങ്കിൽ എനിക്ക് തന്നാൽ മതി. ഞാൻ കഴുകി ഇട്ടോളാം, അല്ലെ.... അല്ലെങ്കിൽ ഇവിടെ നിലത്ത് ഇട്ടാലും മതി ഞാൻ എടുത്തോളാം. " : ചുറ്റും ഒന്ന് നോക്കി അവൾ തിരിഞ്ഞ് നടന്നു. " ഇല്ലെങ്കിലോ....? " : അവൾ വാതിൽ കടക്കുന്നതിന് മുന്നേ അവന്റെ ശബ്ദം അവളെ തേടി എത്തി. കണ്ണാനിൽ നിന്ന് അങ്ങനെ ഒരു പ്രതികരണം പ്രതീക്ഷിക്കാത്തത് കൊണ്ട് തന്നെ അത് വരെ സ്വരുക്കൂട്ടിയ ധൈര്യം ഒക്കെ ആവി ആയി പോയത് പോലെ തോന്നി അവൾക്ക്. " എ.... എന്താ " : അവൾ മെല്ലെ അവന് നേരെ തിരിഞ്ഞ് കൊണ്ട് ചോദിച്ചു. " ഗൗരി നന്ദ എന്തിനാ എന്റെ തുണി കഴുകുന്നെ....? " : അവളുടെ ചോദ്യത്തിന് ഒരു മറുചോദ്യം ആയിരുന്നു അവന്റെ മറുപടി. " അ... അത് അത് അത് പിന്നെ ഞ... ഞാൻ കഴുകി ത... തരാം. " : പതർച്ചയോടെയും വിക്കലോടെയും അവൾ എങ്ങനെയോ പറഞ്ഞ് നിർത്തി. " ഈ വിക്ക് ജനിച്ചപ്പോഴേ ഉള്ളതാണോ ഗൗരി നന്ദക്ക്...? " : മുഖത്ത് കാര്യഗൗരവം വരുത്തി അവിടെയുള്ള കസേരയിൽ ഇരുന്ന് കൊണ്ട് ചോദിച്ചു. അവന്റെ മുഖഭാവം കണ്ടിട്ട് അവൻ കാര്യമായി ചോദിച്ചതാണോ തന്നെ കളിയാക്കിയതാണോ എന്ന് തിരിച്ചറിയാൻ കഴിഞ്ഞില്ല ഗൗരിക്ക്. " എ.... എനിക്ക് വിക്കൊന്നും ഇല്ല. " : കണ്ണൻ കാര്യമായി ചോദിച്ചതായിരിക്കും എന്ന ഊഹത്തിൽ അവളും കാര്യമായി തന്നെ പറഞ്ഞു. " അതും വിക്കി ആണല്ലോ പറഞ്ഞെ " : ഉള്ളാലെ മന്ദാഹസിച്ച് കൊണ്ട് ചോദിച്ചു. ഇപ്രാവശ്യം അവൻ കളിയാക്കിയതാണ് എന്ന് മനസ്സിലായതും അവൾക്ക് ഉള്ളം വീർത്ത് വന്നു. എങ്കിലും എന്ത് മറുപടി കൊടുക്കണം എന്ന് അറിയാതെ പരുങ്ങി. " ഹ്മ്മ് ഇനിയും ഗൗരി നന്ദക്ക് വിക്ക് വരുവാണേൽ ഞാൻ ഹോസ്പിറ്റലിൽ കാണിച്ചോളാൻ. വിക്ക് ഇല്ല എന്നല്ലേ പറഞ്ഞെ അപ്പൊ ഇങ്ങനെ ഇടക്ക് ഇടക്ക് വിക്ക് പോലെ വരുന്നത് എന്താണെന്ന് അറിയണമല്ലോ " : ആദ്യം കാര്യമായിട്ടും അവസാനം അവളെ ഒന്ന് കളിയാക്കി കൊണ്ടും അവൻ പറഞ്ഞു. അത് കേട്ടതും അവളുടെ കൈ ഇട്ടിരുന്ന ഷാളിൽ തെരുത്ത് പിടിച്ചു. അവൾക്ക് അറിയാം വേണം എങ്കിൽ അതും ചെയ്യും എന്ന്. ഇനി സംസാരിക്കുമ്പോൾ വിക്ക് വരാതെ സൂക്ഷിക്കണം എന്ന് അവൾ തീരുമാനിച്ചു. " എന്ത് പറയുന്നു ഗൗരി നന്ദ നമ്മൾക്ക് അങ്ങനെ ചെയ്യാം അല്ലെ....? " : അവളെ കൊണ്ട് ഇനിയും സംസാരിപ്പിക്കണം എന്ന ഉദ്ദേശത്തിൽ അവൻ വീണ്ടും ചോദിച്ചു. " വേ... വേ.... വേണ്ട " : ഇനി വിക്കരുത് എന്ന് കരുതിയിട്ട് ആദ്യം തന്നെ പാളിയതോർത്ത് അവൾ ദയനീയമായി അവനെ ഒന്ന്  നോക്കി. " അല്ലല്ല വേ.. വേണ്ട എനിക്ക് വിക്ക് ഒന്നും ഇല്ല " : അവന്റെ നോട്ടം കണ്ടതും കഴിവതും വിക്കാതെ അവൾ പറഞ്ഞു. അവളിലെ ഭാവങ്ങൾ നിരീക്ഷിച്ചിരുന്നവൻ മീശ ഒന്ന് തടവി വിട്ടു. " ഹ്മ്മ് പക്ഷെ ഞാൻ പറഞ്ഞതിന് മാറ്റം ഒന്നും ഇല്ല, ഇനിയും വിക്ക് വരുവാണേൽ ഞാൻ ഹോസ്പിറ്റലിൽ കൊണ്ട് പോകും. " :  അവന്റെ ശബ്ദത്തിലെ എടുപ്പ് ഒട്ടും കുറയാതെ മയത്തിൽ ഉള്ളിൽ പല ഭാവങ്ങളും നിറച്ച് കൊണ്ട് അവൻ പറഞ്ഞു. അതിന് മറ്റൊന്നും പറയാൻ കഴിയാത്ത പോലെ സമ്മത ഭാവത്തിൽ തലയനക്കി ഗൗരി. എന്നാൽ അവളുടെ തലയാട്ടാൽ കണ്ടതും അവൻ ചിരി വരുന്നുണ്ടായിരുന്നു, എങ്കിലും ഗൗരം വിടാതെ ഇരുന്നു. ഇനി എങ്ങാനും ചിരിച്ച പെണ്ണ് ഇനി ഒന്നും മിണ്ടാതെ അങ്ങ് പോയാലോ എന്ന് കരുതിയാണ് അവൻ ചിരി കടിച്ച് പിടിച്ച് ഇരുന്നത്. " ഹ്മ്മ് ഇനി പറ എന്താ ഗൗരി നന്ദക്ക് പറയാൻ ഉള്ളെ....? " : കാര്യം അറിയാമെങ്കിലും അവൻ വീണ്ടും ഒരു സംസാരത്തിന് തുടക്കം കുറിച്ചു. അത് കേട്ടതും ഗൗരിയിൽ വീണ്ടും പരുങ്ങൽ കടന്ന് കൂടി. അല്പം മുൻപ് അവനിൽ നിന്ന് വന്ന പ്രതികരണം ആണ് അതിന് പ്രധാന കാരണം. എങ്കിലും അവനെ കൊണ്ട് ഇനിയും തുണി കഴുകിപ്പിക്കാൻ വയ്യാത്തത് പോലെ വീണ്ടും പറയാൻ തീരുമാനിച്ചു. പക്ഷെ അതൊരിക്കലും ആ ജോലി ചെയ്യാൻ ഉള്ള താല്പര്യം കൊണ്ടോ അവനോടൊ അല്ലെങ്കിൽ അവൻ എന്ന ഭർത്താവിനോടോ ഉള്ള സ്നേഹം ആയിരുന്നില്ല. മറിച്ച് ഈ സമൂഹവും അവൾ വളർന്ന ചുറ്റ് പാടും അവൾക്ക് ചാർത്തി കൊടുത്ത ഉത്തരവാദിത്തം ആയിരുന്നു എന്ന് മാത്രം. ' കണ്ണാ ഇപ്പോഴെങ്കിലും കൂടെ ഉണ്ടാവനെ, ഇതെങ്കിലും വിക്കാതെ പറയാൻ എന്നെ സഹായിക്കണേ നീ '  ഉള്ളാലെ മൊഴിഞ്ഞ് കൊണ്ട് കണ്ണ് ഇറുക്കി അടച്ച് തുറന്നു. തുടരും...... #നോവൽ #തുടർകഥ #പ്രണയം #viral #trending #💌 പ്രണയം