അയാളെ വായിക്കാൻ എനിക്കിഷ്ടമായിരുന്നു..! അയാളുടെ ഹൃദയം പോലെ പ്രണയാർദ്രമായിരുന്നു അയാളുടെ വരികളും.. മഹാശൂന്യതകളിലേക്കും നീണ്ട നിശബ്ദതകളിലേക്കും വീണു പോവാത്ത വിധം അയാളുടെ വരികൾ എന്നെ കെട്ടിയിട്ടു.. ഒരിക്കലും ശൂന്യമാവാത്ത മനസും തൂലികയും ബ്രഷും കൊണ്ടയാൾ അനേകായിരം ഭാവങ്ങളും ഭാവനകളും നിറങ്ങളും വാരിയെറിഞ്ഞ്.. എന്നിൽ അതിരില്ലാത്ത ആനന്ദം നിറച്ചു..! എഴുത്തിന്റെ ഉന്മാദമായിരുന്ന അയാളുടെ വരികൾ മനോഹരമായ താഴ്വരങ്ങളിലേക്കും തടാകങ്ങളിലേക്കും കുന്നിൻചെരിവുകളിലേക്കും എന്നെ കൊണ്ട് പോയി .. എന്റെ പാഴ്കാലങ്ങളിലെല്ലാം അയാൾ നിത്യ നൂതനഗാനങ്ങൾ നിറച്ചു.. പാഴ്ചെടിയാമെന്നിൽ അയാൾ തുടരെത്തുടരെ നിറവസന്തം തീർത്തു.. ആർക്കും വായിക്കാനാവാത്തൊരു പുഞ്ചിരി അയാളെന്നിൽ കൊരുത്തു..! ആനന്ദത്തിന്റെ അതിവിസ്മയങ്ങളാൽ എനിക്കയാൾ സദാ പുതുജീവൻ നൽകി., എന്നെ വീണ്ടും വീണ്ടും അനന്തമാക്കി..! അയാളുടെ ആത്മാവിലെ അവസാനകവിതയിൽ ഒരു നോവക്ഷരമായി- അലിഞ്ഞുചേർന്ന്., വീണ്ടും വീണ്ടും അയാളാൽ തന്നെ എനിക്ക് പുനർജ്ജനിയ്ക്കണം.!! വീണ്ടും വീണ്ടും അയാളാൽ തന്നെ എനിക്ക് പുനർജ്ജനിയ്ക്കണം..!!!✍️❣️ #📝 ഞാൻ എഴുതിയ വരികൾ