ഭാഗം ഒന്ന് മറ്റന്നാളത്തെ പെണ്ണുകാണലിനു അമ്മ വരുന്നില്ലേ? പച്ചക്കറി നുറുക്കുമ്പോൾ നിത്യ ചോദിച്ചു. ഇല്ല. നിങ്ങള് പോയിട്ട് വാ ആദ്യം തന്നെ എല്ലാവരും പോയിട്ട് അഥവാ ശരിയായില്ലെങ്കിൽ പിന്നെ എനിക്കതൊരു സമാധാനക്കേടാവും.. ആ അമ്മയൊന്നു ടെൻഷനടിക്കാതിരിക്ക്.. നീ എന്നെ എന്ത് പറഞ്ഞു സമാധാനിപ്പിച്ചാലും എന്റെയുള്ളിലെ ആധി അടങ്ങില്ല കൊച്ചേ.. അവനെന്നോട് നേരാം വണ്ണം ഒന്ന് മിണ്ടിയിട്ട് ഒരു കൊല്ലം ആണ് ആകാൻ പോകുന്നത്. ഒക്കെ ശരിയാവും അമ്മേ ഏട്ടന്റെ നല്ലതിനു വേണ്ടിയല്ലേ നമ്മൾ അന്ന് അങ്ങനെ ഒരു തീരുമാനം എടുത്തത്. ആണ്. പക്ഷേ അത് അവനെ കൂടി ഒന്ന് അറിയിച്ചിട്ടു വേണമായിരുന്നു. അപ്പോഴേക്കും നിൻറെ അച്ഛന് സമനില തെറ്റി.അവർ ആലോചനയിൽ മുഴുകി കൊണ്ടു പറഞ്ഞു. ആ ഇനി അമ്മ അതൊന്നും പറയേണ്ട. ആരെങ്കിലും കേട്ട് വന്നാൽ പിന്നെ അത് മതിയാകും. എന്നാലും ആ കൊച്ചിന്റെ മുഖം മനസ്സീന്ന് പോവുന്നില്ലെടി. അവർ വിഷമത്തോടെ പറഞ്ഞു. പിന്നെ ആ ഭ്രാന്തി പെണ്ണിനെ അമ്മയുടെ മോനെ കൊണ്ടു കല്യാണം കഴിപ്പിക്കണമായിരുന്നോ? നിത്യ ശബ്ദം താഴ്ത്തി അമർഷത്തോടെ ചോദിച്ചു. അമ്മ മറുപടി ഒന്നും പറഞ്ഞില്ല. അന്ന് നിശ്ചയം കഴിഞ്ഞപ്പോൾ തന്നെ എല്ലാം അറിഞ്ഞത് നന്നായി. കല്യാണം കഴിഞ്ഞിട്ടായിരിന്നുവെങ്കിലോ? അമ്മ കരുതുന്നത് പോലെ ആ കൊച്ചിന് ചെറിയ ഭ്രാന്ത് ഒന്നും അല്ലായിരുന്നു. കുറച്ചു മൂത്തയിനം തന്നെ ആയിരുന്നു. സ്നേഹിച്ചിരുന്നവന്റെ ബോഡി റെയിൽവേ ട്രാക്കിൽ ചിന്നിചിതറി കിടക്കുന്നത് കണ്ട ഷോക്കിൽ സമനില തെറ്റിയതാ. മുറിയിൽ അടച്ചിട്ടാ അതിനെ ചികിത്സിപ്പിച്ചിരുന്നത്. ആ ഷോക്കിൽ നിന്നും ഒന്ന് അയഞ്ഞപ്പോൾ വീട്ടുകാര് പിടിച്ചു കല്യാണം കഴിപ്പിക്കാൻ നോക്കി. ഒരു പരീക്ഷണം പോലെ.. അങ്ങനെ ആണ് ഏട്ടനുമായുള്ള കല്യാണനിശ്ചയം വരെ എത്തിയത്.ഇതുപോലെ അമ്മക്ക് അറിയാത്ത അമ്മയെ അറിയിക്കാത്ത ഒത്തിരി കാര്യങ്ങൾ ഉണ്ട്.ഇതിനെ കുറിച്ച് ഇനി ഒരു സംസാരം വേണ്ട. കുറെ നാളുകൾക്ക് ശേഷം നമുക്കൊന്ന് സന്തോഷിക്കാൻ വീണു കിട്ടിയ അവസരം ആണ്.അമ്മയായിട്ട് ഈ സന്തോഷം കളയല്ലേ! അവരോട് വിവരങ്ങളൊക്കെ പറഞ്ഞിട്ടില്ലേ? അമ്മ ചോദിച്ചു. ഉണ്ടന്നെ... എല്ലാം പറഞ്ഞിട്ടുണ്ട്. നടക്കാൻ പ്രാർത്ഥിച്ചോ.. പെണ്ണ് ബി ഡി എസ് കഴിഞ്ഞു.എന്ന് വെച്ചാൽ പല്ല് ഡോക്ടർ.വയസ്സാം കാലത്ത് പല്ലൊക്കെ ഇളകിയിരിക്കുകയല്ലേ! കല്യാണം നടന്നാൽ അതിനു പൈസ മുടക്കേണ്ട.. അമ്മക്കിനി എന്ത് വേണം മകൻ ന്യൂറോളജിസ്റ്റ് വരാൻ പോകുന്ന മരുമകള് ഡെന്റിസ്റ്റ്.. പ്രായാവ്യത്യാസം കാരണം അവരിനി മുടക്കം പറയുമോ ആവോ?അവനു മുപ്പത്തി ആറ് കഴിഞ്ഞു. അതൊക്കെ അവരോട് പറഞ്ഞിട്ടുണ്ട് അമ്മേ.. ഒന്ന് സമാധാനപ്പെട്.. അവന്റെ അത്ര പഠിപ്പ് ഇതിനില്ലല്ലേ? അമ്മ സംശയത്തോടെ ചോദിച്ചു. അമ്മ ഒരുമാതിരി അമ്മേടെ നാത്തൂന്റെ പോലെ സംസാരിക്കരുത്.അമ്മായിയല്ലേ ഈ പഠിപ്പിന്റെ വിവരം ഒക്കെ വിളിച്ചറിയിച്ചത്.എങ്ങനെയെങ്കിലും ഇതൊന്നു നടക്കാൻ പ്രാർത്ഥിക്ക്.. നടക്കട്ടെ. നടക്കണം എന്ന് തന്നെയാണ് ഈ അമ്മയുടേം പ്രാർത്ഥന. ബാക്കിയൊക്കെ വിധി പോലെ വരട്ടെ.. അവർ ദീർഘമായി നിശ്വസിച്ചു കൊണ്ടു പറഞ്ഞു. നിഖിൽ ഈ പ്രാവശ്യം കല്യാണക്കാര്യം പറഞ്ഞപ്പോൾ മുടക്കമൊന്നും പറഞ്ഞില്ലേ? അന്ന് രാത്രി അച്ഛൻ അമ്മയോട് ചോദിക്കുന്നത് കേട്ടു. ഇല്ല. അല്ലെങ്കിലും ഇപ്പോൾ എന്നോടൊന്നും പറയാറില്ലല്ലോ! നിത്യ എന്തെങ്കിലും ചോദിച്ചു വല്ലാതെ ബുദ്ധിമുട്ടിക്കുമ്പോൾ അതിനുത്തരം പറയും. സിറ്റ് ഔട്ടിൽ ഇരുന്നു മൊബൈൽ നോക്കുമ്പോൾ നിഖിലിന്റെ കാർ പോർച്ചിൽ വന്നു നിന്നു.ഡോർ തുറന്നു കാർ ലോക് ചെയ്തു നിഖിൽ പുറത്തേക്കിറങ്ങി. നിനക്ക് അകത്തു കയറി ഇരുന്നൂടെ? സമയം പാതിരയായി. ശാസനയോടെ പറഞ്ഞു. ഞാൻ ഇപ്പോൾ വന്നേ ഉള്ളൂ. ടീവീ കാണുകയായിരുന്നു.. നിഖിലിന്റെ കൈയിൽ നിന്നും ലാപ്ടോപ് ബാഗ് വാങ്ങി കൊണ്ടു പറഞ്ഞു. അകത്തു കയറി നിത്യ വാതിൽ അടച്ചു. അച്ഛനും അമ്മയും കിടന്നോ? മുറിയിലേക്ക് നോക്കി നിഖിൽ ചോദിച്ചു. ഹ്മ്... ഉറങ്ങി കാണില്ല. ഏട്ടൻ കുളിച്ചിട്ട് വാ. ഞാൻ ഫുഡ്‌ എടുക്കാം. നിഖിൽ മുകളിലേക്ക് കയറി പോകുമ്പോൾ നിത്യ പറഞ്ഞു. നിഖിൽ വന്നപ്പോഴേക്കും നിത്യ ഭക്ഷണം എടുത്തു വെച്ചിരുന്നു. ഒന്നും രണ്ടും ഒന്നുമല്ല. എന്നേക്കാൾ പത്ത് വയസ് ഇളയതാണ് ആ പെണ്ണ്. സ്വബോധത്തോടെ തന്നെ ആണോ ആവോ നാളെ കാണാൻ ചെല്ലാൻ ആ പെണ്ണ് സമ്മതം പറഞ്ഞത്. അതോ ഇനി ഇതിന്റെ പുറകിൽ അന്നത്തെ പോലെ വല്ല ഉടായിപ്പും ഉണ്ടോ ആവോ? നിഖിൽ ഭക്ഷണം കഴിക്കുമ്പോൾ പറഞ്ഞു. പിന്നെ നല്ല കഥയായി. വല്ല്യച്ചൻ അങ്ങനെ ചെയ്യോ ഏട്ടാ?ചെറുപ്പം തൊട്ടേ നമ്മൾക്കറിയുന്നതല്ലേ ആ സ്നേഹവും കരുതലുമൊക്കെ. നല്ലത് തന്നെ ആവും. നീ ആണെങ്കിൽ സമ്മതിക്കോ? നിന്നെക്കാൾ പത്ത് വയസ്സ് കൂടിയ ആളെ കെട്ടാൻ? നിഖിൽ പെട്ടെന്ന് ചോദിച്ചതും നിത്യക്ക് ഉത്തരം മുട്ടി. അതൊന്നും പ്രശ്നം അല്ലാത്ത ആൾക്കാർ ഉണ്ടാവില്ലേ ഏട്ടാ! ഈ കക്ഷി ആ കൂട്ടത്തിൽ പെട്ടത് ആവുമെന്ന് കരുതാം. ആയ്ക്കോട്ടെ.. എനിക്ക് പിന്നെ പ്രത്യേകിച്ച് അഭിപ്രായമൊന്നും ഇല്ലല്ലോ!നിഖിൽ അർത്ഥം വെച്ച് പറഞ്ഞു. ഏട്ടന് ഹരിതയെ അത്രക്കും ഇഷ്ടം ആയിരുന്നു. അല്ലേ? പെട്ടെന്ന് നിത്യ ചോദിച്ചു നിർത്തി. ഇപ്പോൾ കല്യാണമൊക്കെ കഴിഞ്ഞു കുട്ടികളൊക്കെ ആയി കാണും. നിത്യ പറഞ്ഞപ്പോൾ നിഖിൽ മറുപടി ഒന്നും പറഞ്ഞില്ല. കഴിച്ചു കഴിഞ്ഞെങ്കിൽ എഴുന്നേൽക്കാൻ നോക്ക്... അർത്ഥം വെച്ച് പറഞ്ഞു നിഖിൽ എഴുന്നേറ്റു ചെന്നു കൈകഴുകി. പാത്രങ്ങൾ കഴുകി വെച്ച് ഫ്രിഡ്ജിൽ ഇരുന്ന മാമ്പഴം എടുത്തു മുറിച്ചു. എല്ലാം ഒത്തുവരികയാണെങ്കിൽ ഏട്ടനായിട്ട് മുടക്കം പറയരുത്. രണ്ട് പേർക്കും സമ്മതമാണെങ്കിൽ മാത്രം മതി. നിത്യ സ്നേഹത്തോടെ മാമ്പഴം നിഖിലിനു നേരെ നീട്ടി പറഞ്ഞു. #📙 നോവൽ #💞 പ്രണയകഥകൾ #📔 കഥ "ചാരുലത", എന്ന രചന പ്രതിലിപിയില്‍ വായിക്കൂ:, https://pratilipi.app.link/WmUzR4PCV3b ഒട്ടേറെ രചനകള്‍ വായിക്കുകയും എഴുതുകയും കേള്‍ക്കുകയും ചെയ്യൂ, സൗജന്യമായി! നമ്മുടെ പറമ്പിലെ അല്ലേ? സ്വാദ് നോക്കി നിഖിൽ ചോദിച്ചു. അല്ല. ദേഷ്യത്തോടെ നിത്യ പറഞ്ഞു. ഇങ്ങനെയൊക്കെ എന്നോട് പറയാൻ നിന്നെ ഏല്പിച്ചത് അമ്മയല്ലേ? അല്ല. അവരു രണ്ട് പേരും ഒന്നും പറയില്ല. അന്നത്തെ സംഭവം മനസ്സിൽ ഉള്ളത് കൊണ്ട്. അതുകൊണ്ട് അവർക്ക് ഈ കാര്യത്തിൽ പ്രതീക്ഷയുമില്ല. നിത്യ ചിരിയോടെ പറഞ്ഞു. എനിക്കുമില്ല. എന്താകുമോ എന്തോ? എന്തായാലും പോയി കാണാം. നിഖിൽ അലസമായി പറഞ്ഞു. നീ വരുവൊന്നും വേണ്ട. തല്ക്കാലം ഞാനും വല്യച്ഛനും പോയാൽ മതി. അശ്വിനെയും കൂട്ടാം. ഞാൻ വരുന്നുണ്ട്. വല്യച്ഛൻ പറഞ്ഞു എന്നോട് പോന്നോളാൻ.. മൂന്നു പേരായിട്ട് പോവാൻ പാടില്ല. മിനിമം നാല് പേര് വേണം. ഓ പിന്നെ ഓരോ അന്ധവിശ്വാസങ്ങൾ... നിഖിൽ പിറുപിറുത്തു. ആ ഇപ്പോഴാണ് ഓർത്തത്. പത്തിൽ ഒമ്പത് പൊരുത്തം ആണത്രേ. നിത്യ പറഞ്ഞു. ആ ബെസ്റ്റ്... മുകളിലെക്ക് കയറി പോവുമ്പോൾ നിഖിൽ പറഞ്ഞു.. കാത്തിരിക്കൂ