*ഭാര്യയുടെ ദേഹത്ത് ആസിഡ് ഒഴിച്ചു; ചികിത്സയിലിരിക്കെ മരണം; ഭർത്താവ് അറസ്റ്റിൽ* 📡 കോട്ടയം: തീക്കോയിയിൽ കുടുംബവഴക്കിനെ തുടർന്ന് ഭാര്യയുടെ ദേഹത്ത് ആസിഡ് ഒഴിച്ച സംഭവത്തിൽ ഭർത്താവ് പൊലീസ് പിടിയിലായി. കൊല്ലംപാറ സ്വദേശിനി ബാലാമണി (50) ഗുരുതര പൊള്ളലേറ്റ് ചികിത്സയിലിരിക്കെ മരിച്ചതോടെയാണ് ഭർത്താവ് ജോൺ (47) അറസ്റ്റിലായത്. മെയ് 15-ന് രാവിലെ 11ഓടെ വീട്ടിൽ മറ്റാരും ഇല്ലാത്ത സമയത്താണ് സംഭവം നടന്നത്. കുടുംബകലഹത്തെ തുടർന്നുണ്ടായ തർക്കത്തിനിടെ ജോൺ ബാലാമണിയുടെ ദേഹത്ത് ആസിഡ് ഒഴിച്ചെന്നാണ് പൊലീസ് പറയുന്നത്. ഗുരുതരമായി പൊള്ളലേറ്റ ബാലാമണിയെ ഉടൻ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും ചികിത്സയിലിരിക്കെ ബുധനാഴ്ച രാവിലെ മരണത്തിന് കീഴടങ്ങി. സംഭവത്തെ തുടർന്ന് ഈരാറ്റുപേട്ട പൊലീസ് ജോണിനെ അറസ്റ്റ് ചെയ്ത് റിമാൻഡ് ചെയ്തു. മരംവെട്ട്-ലോഡിങ് തൊഴിലാളിയാണ് ജോൺ. ഈരാറ്റുപേട്ടയിലെ ഒരു തയ്യൽ സ്ഥാപനത്തിൽ ജോലി ചെയ്യുകയായിരുന്നു ബാലാമണി. ബാലാമണിയുടെ സംസ്കാരം നടത്തി. മക്കൾ: സജോ, സോന 📡💢 #ക്രൈം വാർത്തകൾ #NEWS TODAY💢💢💢 #ഇന്നത്തെ പ്രധാന വാർത്തകൾ #ഫ്ലാഷ് ന്യൂസ്‌ 📯📯📯