‎‎ *തിൻമ ചെയ്തവൻ സ്വർഗ്ഗത്തിലും* *നൻമ ചെയ്തവൻ നരകത്തിലും* ✍🏼അബൂഹുറൈറ (റ) ൽ നിന്ന്  നിവേദനം. നബി ﷺ പറയുന്നതായി ഞാൻ കേട്ടു... ബനൂ ഇസ്രാഈല്യരിൽ രണ്ട് സുഹൃത്തുക്കളുണ്ടായിരുന്നു. ഒരാൾ കുറ്റകൃത്യങ്ങൾ ചെയ്യുന്നവനും മറ്റെയാൾ ആരാധനകളിൽ കഠിന ത്യാഗിയുമായിരുന്നു. കുറ്റം ചെയ്യുന്ന ആളെ കാണുമ്പോഴൊക്കെ മറ്റെ സുഹൃത്ത് പറയും. നീ (ഈ ചെയ്യുന്ന തിൻമ) അവസാനിപ്പിക്കുക. ഒരു ദിവസം തിൻമയിൽ മുഴുകി കൊണ്ടിരിക്കുന്ന അവസ്ഥയിൽ തന്റെ സുഹൃത്തിനെ കണ്ടപ്പോൾ മറ്റെയാൾ പറഞ്ഞു. നീ അവസാനിപ്പിക്കുക. അപ്പോൾ (തിൻമയിൽ മുഴുകിയ) സൃഹൃത്ത് പറഞ്ഞു. എന്നെ എന്റെ പാട്ടിൽ വിടുക. എന്റെ റബ്ബുമായി ബന്ധപ്പെട്ട കാര്യം ഞാൻ നോക്കിക്കൊള്ളാം. എന്റെ കാര്യത്തിൽ നിരീക്ഷകനായി നിന്നെ ഏൽപ്പിക്കപ്പെട്ടിട്ടുണ്ടോ..? ഉടനെ മറ്റെയാൾ പറഞ്ഞു: അല്ലാഹുﷻവാണ് സത്യം, അവൻ നിനക്ക് പൊറുത്ത് തരുകയില്ല. അല്ലാഹു ﷻ നിന്നെ സ്വർഗ്ഗത്തിൽ പ്രവേശിപ്പിക്കുകയുമില്ല. അങ്ങിനെ രണ്ടുപേരും മരിച്ചു. അല്ലാഹുﷻവിന്റെ മുമ്പിൽ അവരെ ഒരുമിച്ചു  കൂട്ടി. ആരാധനയിൽ ത്യാഗം സഹിച്ച വ്യക്തിയോട്  അല്ലാഹു ﷻ ചോദിച്ചു. എന്റെ കാര്യത്തിൽ അറിവുള്ളവനായിരുന്ന നീ.. എന്റെ കയ്യിലുള്ള കാര്യത്തിൽ കഴിവുള്ളവനായിരുന്നോ നീ..? തിൻമയിൽ മുഴുകിയവനോട് അല്ലാഹു ﷻ പറഞ്ഞു: എന്റെ കാരുണ്യം കൊണ്ട് നീ സ്വർഗ്ഗത്തിൽ പ്രവേശിക്കുക. മറ്റേ വ്യക്തിയോട് അല്ലാഹു ﷻ പറഞ്ഞു: ഇവനെ നരകത്തിലേക്ക് കൊണ്ടുപോവുക. (അബൂ ദാവൂദ്. അൽബാനി സ്വഹീഹിന്റെ  വിധി നൽകി) *👉🏼 ഗുണപാഠങ്ങൾ* *1)* അല്ലാഹുﷻവിന് മാത്രമറിയാവുന്ന കാര്യങ്ങളിൽ നാം അഭിപ്രായം പറയരുത്. അത് മഹാപാപമാണ്. കർമ്മങ്ങൾ തകർത്തു കളയും. *2)* ചീത്ത പര്യവസാനത്തെ എപ്പോഴും ഭയപ്പെടണം. *3)* ശിർക്കല്ലാത്ത പാപങ്ങളെല്ലാം അല്ലാഹു ﷻ പൊറുത്ത് കൊടുക്കും. അത്കൊണ്ടാണ് കുറ്റം ചെയ്തവന് മാപ്പ് ലഭിച്ചത്. *☝🏼അല്ലാഹു അഅ്ലം☝🏼* 🌹 *اللَّهُمَّ صَلِّ عَلَى سَيِّدِنَا مُحَمَّدٍ* *وَعَلَى آلِ سَيِّدِنَا مُحَمَّدٍ* *وَبَارِكْ وَسَلِّمْ عَلَيْه* 🌹 #എന്റെ തൂലിക* #🕋 ഇസ്ലാമിക് സ്റ്റാറ്റസ്