*ಜನ ಮೆಚ್ಚಿದ ಪೀಟರ್*
*ಸಿನಿ ವಿಮರ್ಷಕರಿಂದ ಪ್ರಶಂಸೆ*
*ಯಶಸ್ವಿ ಎರಡನೇ ವಾರದತ್ತ ಪೀಟರ್*
ಕನ್ನಡ ಚಿತ್ರರಂಗದಲ್ಲಿ ಈ ವರ್ಷ ಈವರೆಗೂ 60ಕ್ಕೂ ಹೆಚ್ಚು ಚಿತ್ರಗಳು ಬಿಡುಗಡೆಯಾಗಿವೆ. ಈ ಪೈಕಿ ಬೆರಳೆಣಿಕೆಯಷ್ಟು ಚಿತ್ರಗಳು ಮಾತ್ರ ಪ್ರೇಕ್ಷಕರ ಗಮನ ಸೆಳೆದು... ನಿರ್ಮಾಪಕರಿಗೂ ಹೆಸರು ಹಣ ತಂದುಕೊಟ್ಟಿವೆ... ಇದೀಗ ಈ ಸಾಲಿಗೆ ಪೀಟರ್ ಸಿನಿಮಾ ಸೇರ್ಪಡೆಯಾಗಿದೆ. ಕೆ.ವಿ.ಎನ್ ವಿತರಣೆಯಲ್ಲಿ ಏಪ್ರಿಲ್ 10ರಂದು ರಾಜ್ಯದಾದ್ಯಂತ ಬಿಡುಗಡೆಯಾದ ಪೀಟರ್ ಚಿತ್ರಕ್ಕೆ ಕನ್ನಡ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆಗಳು ವ್ಯಕ್ತವಾಗ್ತಿವೆ.
ವಿಶೇಷವಾಗಿ ಮಲ್ಟಿಪ್ಲೆಕ್ಸ್ ಗಳಲ್ಲಿ ಈ ಚಿತ್ರಕ್ಕೆ ನಿರೀಕ್ಷೆಗೂ ಮೀರಿದ ಜನ ಮನ್ನಣೆ ಸಿಕ್ತಿದೆ. ಅಲ್ಲದೆ ಸಿಂಗಲ್ ಸ್ಕ್ರೀನ್ ಗಳಲ್ಲೂ ಪೀಟರ್ ಪಿಕ್ ಅಪ್ ಆಗಿದೆ. ಮಂಡ್ಯ, ಮೈಸೂರು, ದಾವಣಗೆರೆ, ಶಿವಮೊಗ್ಗ ಸೇರಿದಂತೆ ಬೆಂಗಳೂರಿನ ಚಿತ್ರಮಂದಿರಗಳಿಗೆ ಜನ ಬರೋದಕ್ಕೆ ಪ್ರಾರಂಭಿಸಿದ್ದಾರೆ..
ಸ್ಟಾರ್ ಗಳಿಲ್ಲದ ಈ ಸಿನಿಮಾ ಕಂಟೆಂಟ್ ಮತ್ತು ಕ್ವಾಲಿಟಿ ವಿಚಾರಕ್ಕೆ ಹೆಚ್ಚು ಸುದ್ದಿಯಲ್ಲಿದೆ.. ಮಾಧ್ಯಮಗಳಲ್ಲಿ ವ್ಯಕ್ತವಾದ ಸಿನಿಮಾ ವಿಮರ್ಷೆಗಳು ಮತ್ತು ಪ್ರೇಕ್ಷಕರ ಅಭಿಪ್ರಾಯಗಳು ನೋಡುಗರನ್ನ ಥಿಯೇಟರಿನತ್ತ ಸೆಳೆಯುತ್ತಿದೆ.. ಮೊದಲ ವಾರ ಯಶಸ್ವಿಯಾಗಿ ಎರಡನೇ ವಾರಕ್ಕೆ ಕಾಲಿಡ್ತಿರೋ ಪೀಟರ್ ಇದೇ ವೇಗವನ್ನ ಕಾಯ್ದುಕೊಂಡಿದ್ದಲ್ಲಿ ಮುಂದಿನ ವಾರ ಚಿತ್ರಮಂದಿಗಳ ಸಂಖ್ಯೆಯನ್ನ ಹೆಚ್ಚಿಸೋ ನಿರೀಕ್ಷೆ ಇದೆ...
ಪೀಟರ್.. ಕಥಾವಸ್ತು, ಚಿತ್ರಕಥೆ ವಿಶಿಷ್ಟವಾಗಿದ್ದು, ಚಿತ್ರದಲ್ಲಿನ ಪ್ರತಿ ಪಾತ್ರವೂ ವಿಶೇಷವಾಗಿ ಪ್ರೇಕ್ಷಕರ ಮನಸೊರೆಗೊಳ್ತಿವೆ... ತಾಂತ್ರಿಕವಾಗಿ ಪರಭಾಷಾ ಸಿನಿಮಾಗಳನ್ನ ಮೀರಿಸುವ ಗುಣಮಟ್ಟ ಪೀಟರ್ ನಲ್ಲಿದೆ..
ದೂರದರ್ಶನದಂತಹ ಅಚ್ಚುಕಟ್ಟು ಸಿನಿಮಾ ಮಾಡಿ ಪ್ರಶಂಸೆ ಪಡೆದಿದ್ದ ನಿರ್ದೇಶಕ ಸುಕೇಶ್ ಶೆಟ್ಟಿ,
ಒಂದು ಸಿನಿಮಾವನ್ನ ಪ್ರೇಕ್ಷಕರ ನಾಡಿಮಿಡಿತಕ್ಕೆ ತಕ್ಕಂತೆ ಮಾಡುವ ಉದ್ದೇಶವನ್ನಿಟ್ಟುಕೊಂಡು, ವೃದ್ಧಿ ಸ್ಟುಡಿಯೋಸ್ ಸಂಸ್ಥೆ ಜೊತೆಗೆ, ಪೀಟರ್ ಸಿನಿಮಾ ಮಾಡಿರೋ ರೀತಿ, ಪ್ರೇಕ್ಷಕರ ಬೇಡಿಕೆಯನ್ನ ಈಡೇರಿಸುತ್ತಿದೆ.. ಈಕಾರಣಕ್ಕೆ ಇತ್ತಿಚೆಗೆ ಬಂದಂತಹ ಕನ್ನಡದ ಕಂಟೆಂಟ್ ಎಂಟರ್ಟೈನ್ಮೆಂಟ್ ಗಳಲ್ಲಿ ಪೀಟರ್ ವಿಶಿಷ್ಠವಾಗಿ ಗಮನಸೆಳೆಯುತ್ತಿದೆ. #movie
