🙏 ਸੋ ਕਿਉ ਮੰਦਾ ਆਖੀਏ ਜਿਤ ਜੰਮੇ ਰਾਜਾਨ 🙏
4K views • 1 months ago
#Meri_soch_mere_laffz #ਪੰਜਾਬ 1947 ਤੋਂ 1984 ਜਦੋਂ ਬਾਬਾ ਬੰਦਾ ਸਿੰਘ ਬਹਾਦੁਰ ਜੀ ਗੁਰਦਾਸ ਨੰਗਲ ਤੋਂ ਫੜ੍ਹ ਲਏ ਗਏ ਤੇ ਕੈਦ ਕੀਤੇ ਗਏ ਓਦੋਂ ਦਿੱਲੀ ਵਿਚ ਫ਼ਰੁਖ਼ਸੀਅਰ ਨੇ ਸਿੰਘਾਂ ਨੂੰ ਕਿਹਾ, ''ਮੈਨੂੰ ਪਤਾ ਲਗਿਆ ਹੈ ਕਿ ਤੁਹਾਡੇ ਵਿਚ ਇਕ ਬਾਜ਼ ਸਿੰਘ ਨਾਮ ਦਾ ਸਿੱਖ ਹੈ ਜੋ ਬਹੁਤ ਬਹਾਦਰ ਸੁਣੀਦਾ ਹੈ ਤੇ ਜਿਸ ਤੇ ਗੁਰੂ ਦੀ ਵਿਸ਼ੇਸ਼ ਕ੍ਰਿਪਾ ਹੈ।'' ਇਸ ਉਤੇ ਬਾਜ਼ ਸਿੰਘ ਤੁਰਤ ਬੋਲਿਆ, ''ਮੈਂ ਹਾਂ ਬਾਜ਼ ਸਿੰਘ, ਅਪਣੇ ਗੁਰੂ ਜੀ ਦਾ ਨਿਮਾਣਾ ਸੇਵਕ।'' ਬਾਦਸ਼ਾਹ ਨੇ ਕਿਹਾ, ''ਮੈਂ ਸੁਣਿਐ, ਤੂੰ ਤਾਂ ਬੜਾ ਬਹਾਦਰ ਆਦਮੀ ਸੀ, ਹੁਣ ਤੇਰੇ ਪਾਸੋਂ ਕੁੱਝ ਨਹੀਂ ਹੋ ਸਕਦਾ।'' ਇਹ ਸੁਣ ਬਾਜ਼ ਸਿੰਘ ਨੇ ਲਲਕਾਰਿਆ, ''ਜੇ ਤੂੰ ਮੇਰੀਆਂ ਬੇੜੀਆਂ ਖੁਲ੍ਹਵਾ ਦੇਵੇਂ ਤਾਂ ਮੈਂ ਹੁਣੇ ਤੈਨੂੰ ਨਮੂਨਾ ਵਿਖਾ ਸਕਦਾ ਹਾਂ।''
ਅਪਣੀ ਤਾਕਤ ਤੇ ਬਾਦਸ਼ਾਹੀ ਦੇ ਗ਼ਰੂਰ ਵਿਚ ਅੰਨ੍ਹੇ ਹੋਏ ਬਾਦਸ਼ਾਹ ਨੇ ਬੇੜੀਆਂ ਖੋਲ੍ਹਣ ਲਈ ਕਿਹਾ। ਜਿਉਂ ਹੀ ਕੁੱਝ ਬੇੜੀਆਂ ਖੋਲ੍ਹੀਆਂ ਗਈਆਂ ਤਾਂ ਅਪਣੀਆਂ ਹੱਥਕੜੀਆਂ ਨਾਲ ਹੀ ਬਾਜ਼ ਸਿੰਘ ਨੇ ਪਾਸ ਖੜੇ 2-3 ਮੁਗ਼ਲ ਫ਼ੌਜੀਆਂ ਨੂੰ ਮੌਤ ਦੇ ਘਾਟ ਉਤਾਰ ਦਿਤਾ। ਫਿਰ ਇਕ ਸਿਪਾਹੀ ਦੀ ਤਲਵਾਹ ਖੋਹ ਕੇ ਫ਼ਰੁਖ਼ਸੀਅਰ ਉਤੇ ਹਮਲਾ ਕਰ ਕੇ ਮਾਰਨ ਦਾ ਯਤਨ ਕੀਤਾ। ਇਹ ਵੇਖ ਫ਼ਰੁਖ਼ਸੀਅਰ ਨੂੰ ਹੱਥਾਂ ਪੈਰਾਂ ਦੀ ਪੈ ਗਈ ਤੇ ਉਹ ਸਿੰਘਾਸਣ ਛੱਡ ਕੇ ਪਰੇ ਹੋ ਗਿਆ।
39 shares
