മഹർ ഭാഗം 48 മുറിയിലെ നിശബ്ദ ബേദിച്ചു കൊണ്ട് ഡോറിൽ തുടരെ ഉള്ള തട്ട് കേട്ട് മുറിയുടെ നിലത്ത് ഇരിക്കുകയായിരുന്ന നൂറ പെട്ടന്ന് എഴുന്നേറ്റു....തന്റെ കണ്ണുകൾ തുടച്ചു ഡോർ തുറക്കാൻ വേണ്ടി പതിയെ നടക്കുമ്പോൾ റാഷിയെ ഒന്ന് നോക്കാൻ അവൾ മറന്നിരുന്നില്ല.... ഡോർ തുറന്നതും മുന്നിൽ നിൽക്കുന്ന ഫിദയെ കണ്ട് ഒരു നിമിഷം നൂറ അവളെ നോക്കി.... നൂറയെ തള്ളി മാറ്റി ഫിദ റാഷിയുടെ അടുത്തേക്ക് വേഗത്തിൽ നടക്കുമ്പോൾ നൂറക്ക് പെട്ടന്ന് അവളോട് ദേഷ്യം തോന്നിയിരുന്നു.... റാഷിക്ക എന്താണ് ഇത്... എനിക്ക് ഇതൊന്നും കാണാൻ വയ്യ.... റാഷിയുടെ തലയിൽ ഉള്ള മുറിവിൽ തൊട്ട് നോക്കി അവൾ വേവലാതിയോടെ ചോദിക്കുമ്പോൾ റാഷി അവളെ നോക്കി ഒന്ന് നോക്കി ചിരിച്ചു.... അത് പേടിക്കാൻ ഒന്നും ഇല്ല.... ചെറിയ മുറിവേ ഉള്ളൂ.... എന്താ റാഷിക്ക ഡ്രൈവ് ചെയ്യുമ്പോൾ ശ്രദ്ദിക്കേണ്ടേ.... വേറെ എന്തെങ്കിലും സംഭവിച്ചിരുന്നങ്കിലോ.... സഫിമ്മ വിളിച്ചു പറഞ്ഞപ്പോൾ ഞാൻ പേടിച്ചു പോയി.... അത് കൊണ്ടാണ് ഞാൻ ഇപ്പോൾ തന്നെ വന്നത്.... റാഷിക്കാനേ ഈ അവസ്ഥയിൽ എനിക്ക് കാണാൻ വയ്യ..... ഫിദ കണ്ണ് നിറച്ചു കൊണ്ട് അത് പറയുമ്പോൾ റാഷി അവളെ സമാദാനിപ്പിക്കുന്നത് നൂറ ഒരു നിമിഷം നോക്കി നിന്നു.... ഫിദയുടെ അഭിനയം വീണ്ടും കണ്ടു നിൽക്കാൻ താല്പര്യം ഇല്ലാതെ നൂറ മുറിയിൽ നിന്ന് പുറത്തേക്ക് നടക്കുമ്പോൾ ഫിദയുടെ ചുണ്ടിൽ ഒരു വിജയ ചിരി ഉണ്ടായിരുന്നു.... സ്റ്റേയർ ഇറങ്ങി താഴേക്ക് നടക്കുമ്പോൾ റാഷിയുടെ അവഗണന അവളെ പാടെ തളർത്തിയിരുന്നു.... നൂറ മുറിയിൽ നിന്ന് പോവുന്നത് റാഷിയും കണ്ടിരുന്നു.... ഫിദ എനിക്ക് ഒന്ന് ഉറങ്ങണം.... നീ താഴേക്ക് ചെല്ല്.... റാഷി ഫിദയോട് അത് പറയുബോൾ അവളുടെ മുഖം പെട്ടന്ന് മങ്ങി.... മനസ്സിൽ തോന്നിയ പല പ്ലാനുകളും നടത്താൻ കഴിയാത്ത രീതിയിൽ ഫിദ ആ മുറി വിട്ട് പോവാൻ നിൽക്കുമ്പോൾ ടേബിളിൽ ഇരിക്കുന്ന നൂറയുടെ ഫോൺ അടിക്കുന്ന ശബ്ദം കേട്ട് അവൾ ഒരു നിമിഷം നിന്നു.... പിന്നെ എന്തോ ചിന്തിച്ചു കൊണ്ട് ഫോണിന്റെ അടുത്തേക്ക് നടക്കുമ്പോൾ ഡിസ്പ്ലേയിൽ ഇഷ എന്ന് എഴുതിയ പേര് കണ്ടതും ഫിദ ആ കാൾ അറ്റന്റ് ചെയ്തു.... നൂറ എന്തായി.... റാഷിക്കയോട് സംസാരിച്ചോ... പ്രേശ്നങ്ങൾ എല്ലാം സോൾവ് ആയില്ലേ.... നൂറ..... നീ കേൾക്കുന്നില്ലേ.... ഫോൺ എടുത്ത ഉടനെ ഇഷാനിയുടെ വാക്കുകൾ ഫിദ കേട്ടതും അവൾ ഒന്നും പറയാതെ നിന്നു.... സഫിമ്മ വിളിച്ചു പറഞ്ഞത് എല്ലാം ശരിയാണ് എന്ന് ഉറപ്പിച്ചു ഫിദ.... ഫിദ പെട്ടന്ന് ഫോൺ കട്ട് ചെയ്ത് ഫോൺ അവിടെ വെച്ച് മുറിയിലേക്ക് നടന്നു.... ഒരു കാര്യത്തിൽ അവൾക്ക് ആശ്യാസം തോന്നുണ്ടായിരുന്നു.... നൂറയും റാഷിക്കയും തമ്മിൽ എന്തോ ഇഷ്യൂ ഉണ്ട്.... ഈ സമയം ഞാൻ നന്നായി മുതൽ എടുക്കണം.... ഈ സമയം ഞാൻ റാഷിക്കാന്റെ കൂടെ നിന്നാൽ നല്ലൊരു കാരണം ഉണ്ടാക്കി അവളെ ഞാൻ റാഷിക്കാന്റെ ജീവിതത്തിൽ നിന്ന് പുറത്താക്കും.... റാഷിക്കാന്റെ ഭാര്യ പദവി എനിക്ക് കിട്ടിയാൽ പിന്നെ ഇഷാനിയെ ഈ വീട്ടിലേക്ക് അടുപ്പിക്കില്ല ഞാൻ.... മുറിയിൽ ഇരുന്ന് ഫിദ ഓരോ കാര്യങ്ങൾ കണക്ക് കൂട്ടുമ്പോൾ ഇഷാനി അഷ്‌റഫ്‌ന് വേണ്ടി നല്ലൊരു കെണി തന്നെ ഒരുക്കുകയായിരുന്നു.... നൂറ വീട്ടിൽ നിന്ന് പുറത്തേക്ക് ഇറങ്ങി അറക്കൽ വീടിന്റെ ഭംഗിയെ വിളിച്ചോതുന്ന ആ മനോഹരമായ ഗാർഡനിലേക്ക് നടക്കുമ്പോൾ അവിടെ വിരിഞ്ഞു നിൽക്കുന്ന ഓരോ പൂക്കളും അവളുടെ സങ്കടത്തെ തിരിച്ചറിഞ്ഞ പോലെ അവളെ തഴുകി ആശ്യസിപ്പിക്കുന്നുണ്ടായിരുന്നു.... ഗാർഡനിൽ സെറ്റ് ചെയ്ത ചെയറിൽ നൂറ ഇരിക്കുമ്പോൾ അവിടെ ഉള്ള മഞ്ഞ ബൾബുകളുടെ പ്രകാശത്തിൽ അവളുടെ കണ്ണിൽ നിന്ന് കണ്ണുനീർ ഒഴുകുന്നത് വളരെ വ്യക്തമായിരുന്നു.... ഹാളിൽ ഇരിക്കുന്ന ബഷീർ നൂറ വീട്ടിൽ നിന്ന് പുറത്തേക്ക് ഇറങ്ങി വരുന്നത് കണ്ടിരുന്നത്.... ഈ രാത്രിയിൽ നൂറ എവിടേക്ക് ആണ് എന്നുള്ള ചിന്തയിൽ അവളെ പിന്തുടർന്ന് എത്തിയപ്പോൾ ഗാർഡനിൽ ഇരിക്കുന്നത് കണ്ടതും ബഷീർ അവളുടെ അടുത്തേക്ക് നടന്നു.... നൂറയുടെ അടുത്തേക്ക് എത്താറായപ്പോൾ തന്നെ അവൾ കരയുകയാണ് എന്ന് ബഷീറിന് മനസ്സിലായിരിന്നു.... ഉപ്പ അടുത്തേക്ക് വരുന്നത് കണ്ടതും നൂറ പെട്ടന്ന് കണ്ണ് തുടച്ചു ചെയറിൽ നിന്ന് എഴുന്നേറ്റു.... എന്താ മോളെ.... ഈ സമയത്ത് ഇവിടെ വന്ന് ഇരിക്കുന്നത്.... എന്താ നിന്റെ മുഖം എല്ലാം വല്ലാതെ ഇരിക്കുന്നത്.... നിനക്ക് സുഖം ഇല്ലേ.... ഞാൻ മുറിൽ വെറുതെ ഇരുന്നപ്പോൾ ഇങ്ങോട്ട് ഇറങ്ങിയത് ആണ്.... കുറച്ച് ദിവസങ്ങൾ ആയില്ലേ പുറത്തേക്ക് ഒക്കെ ഇറങ്ങിയിട്ട്.... മ്മ്.... പുറത്തേക്ക് ഇറങ്ങിയതിന്റെ സന്തോഷത്തിൽ ആണോ നിന്റെ കണ്ണ് നിറഞ്ഞിരിക്കുന്നത്.... പെട്ടന്ന് ബഷീറിന്റെ ചോദ്യം കേട്ടതും അവൾ ഉപ്പയെ ഒന്ന് നോക്കി.... അല്ല.... അത്... പിന്നെ... ഉപ്പാക്ക് തോന്നുന്നത് ആ.... എന്റെ കണ്ണൊന്നും നിറഞ്ഞിട്ടില്ല.... മ്മ്... ഞാൻ വെറുതെ ചോദിച്ചെന്നെ ഉള്ളൂ.... പിന്നെ എന്താ നീയും റാഷിയും തമ്മിൽ പ്രശ്നം.... ബഷീറിന്റെ ചോദ്യം കേട്ടതും നൂറ എന്ത് പറയണം എന്ന് അറിയാതെ അദ്ദേഹത്തെ നോക്കി.... അതിൽ ഉപരി ഉപ്പ എങ്ങനെ ഞാനും റാഷിക്കയും തമ്മിൽ ഉള്ള പ്രശ്നം അറിഞ്ഞു എന്നുള്ള ചോദ്യവും അവളിൽ നിറഞ്ഞു.... അത്.... പിന്നെ... ഞങ്ങൾ തമ്മിൽ ചെറിയ ഒരു പിണക്കം.... അല്ലാതെ ഒന്നും ഇല്ല.... മ്മ്... എനിക്ക് എന്തോ നിങ്ങൾ തമ്മിൽ എന്തോ അകലം ഉള്ളത് പോലെ തോന്നി.... പിന്നെ എന്റെ മോനെ എനിക്ക് അറിയാം... അവൻ അത്രയും ശ്രദ്ധയോടെ മാത്രമേ ഡ്രൈവ് ചെയ്യാറുള്ളു.... ഇന്ന് സംഭവിച്ച ആക്‌സിഡന്റ് അവന്റെ ഭാഗത്ത് നിന്ന് വന്ന പിഴവ് ആണ് എല്ലാവരും പറയുന്നു...അവന്റെ മനസ്സ് കൈ വിട്ട് പോവാൻ എന്തെങ്കിലും കാരണം ഉണ്ടായിട്ടുണ്ടാവും.... എന്നാണ് ഞാൻ വിശ്വസിക്കുന്നത്... അത് കൊണ്ടാണ് നിങ്ങൾ തമ്മിൽ എന്തെങ്കിലും പ്രശ്നം ഉണ്ടോ എന്ന് ഞാൻ ചോദിച്ചത്..... ഉപ്പയുടെ വാക്കുകൾ കേൾക്കുമ്പോൾ രാവിലെ താൻ പറഞ്ഞ വാക്കുകൾ റാഷിക്കാന്റെ മനസ്സ് കൈ വിട്ട് പോവാൻ കാരണം ആയിട്ട് ഉണ്ടാവുമോ എന്ന് ചിന്തിക്കുകയായിരുന്നു നൂറ.... ഒരു പക്ഷെ ഞാൻ കാരണം ആണോ റാഷിക്കാക്ക് ഈ ആക്‌സിഡന്റ് സംഭവിച്ചത്.... നൂറ അവളോട് തന്നെ ആ ചോദ്യം ചോദിച്ചു കൊണ്ടിരിക്കുമ്പോൾ അവളുടെ മനസ്സ് വല്ലാതെ നീറി പുകയുന്നുണ്ടായിരുന്നു.... തുടരും....❣️ #💞 പ്രണയകഥകൾ #കഥ #നോവൽ #📔 കഥ