മഹർ ഭാഗം 23 തിരിച്ചുള്ള യാത്രയിൽ നൂറയും റാഷിയും ഒന്നുംസംസാരിച്ചില്ല... അവൾക്ക് അവനോട് എന്തൊക്കയോ ചോദിക്കണം എന്ന് തോന്നിയെങ്കിലും എന്തോ അവനോട് സംസാരിക്കാൻ ശബ്ദം പുറത്തേക്ക് വരാത്തത് പോലെ.... പേടിയാണോ എന്ന് ചോദിച്ചാൽ അല്ല.. മറ്റൊരു വികാരം ആണ് തന്നിൽ നിറഞ്ഞു നിൽക്കുന്നത് എന്ന് തോന്നി അവൾക്ക്.... നമ്മൾ ഒരാളെ ഒരുപാട് സ്നേഹിച്ച് അയാളോട് രണ്ട് വാക്ക് സംസാരിക്കാൻ അവസരം കിട്ടുമ്പോൾ ഒന്നും പറയാൻ കഴിയാതെ നിൽക്കുന്ന ആ അവസ്ഥയിൽ ആണ് താൻ ഇപ്പോൾ നിൽക്കുന്നത് എന്ന് തോന്നി അവൾക്ക്... ഇടക്ക് മിഴികൾ കൊണ്ട് അവനെ നോക്കിയെങ്കിലും അവൻ ഡ്രൈവിങ്ങിൽ മാത്രം ശ്രദ്ധ കൊടുത്ത് ഡ്രൈവ്വ്‌ ചെയ്യുകയാണ് എന്ന് കണ്ടതും നൂറ വിൻഡോയിലൂടെ പുറത്തേക്ക് നോക്കി ഇരുന്നു.... കഴിഞ്ഞ കുറച്ചു ദിവസങ്ങൾ ആയിട്ട് തന്റെ ജീവിതത്തിൽ നടക്കുന്ന ഓരോ കാര്യങ്ങൾ ആലോചിക്കുമ്പോൾ തനിക്ക് ചുറ്റും ആരൊക്കയോ തന്റെ കൂടെ ഉണ്ട് എന്ന തോന്നൽ അവളെ സന്തോഷിപ്പിച്ചിരുന്നു.... ആ തോന്നലിൽ അവളുടെ ചുണ്ടിൽ പുഞ്ചിരി വിരിഞ്ഞു... റാഷിയുടെ മനസ്സിൽ പല വിധ ചിന്തകൾ അവനെ വരിഞ്ഞു മുറുക്കുന്നുണ്ടായിരുന്നു.... നിദയുടെ വാക്ക് കേട്ട് നൂറയെ വാക്ക് കൊണ്ട് ഒരുപാട് വേദനിപ്പിച്ചിട്ടുണ്ട്.... ഓരു പക്ഷെ അന്ന് നിദക്ക് എന്റെ മനസ്സിൽ വലിയ ഒരു സ്ഥാനം ഉണ്ടായിരുന്നു... പക്ഷെ ഇന്ന് തന്റെ മനസ്സിൽ നിദയുടെ സ്ഥാനം നൂറയുടെ അനിയത്തി എന്ന് അല്ലെ.... അങ്ങനെ മനസ്സിനെ പറഞ്ഞു പഠിപ്പിക്കാൻ നോക്കണം..... നിദ തന്നെ മറന്ന് മറ്റൊരു വിവാഹത്തിന് ഒരുങ്ങി കഴിഞ്ഞു.... നിദയെ മറന്ന് ആ ആ സ്ഥാനത്തേക്ക് നൂറയെ കാണാൻ എനിക്ക് കഴിയുമോ.... തന്റെ തൊട്ടടുത് ഇരിക്കുന്ന ഈ പാവം പെണ്ണിൽ ഇപ്പോൾ തന്നെ ഞാൻ ഒരുപാട് പ്രതീക്ഷകൾ നൽകിയിട്ടുണ്ട്.... ആ പ്രേതീക്ഷകൾക്ക് നിറം പകരാൻ തനിക്ക് കഴിയുമോ എന്ന് അറിയില്ല.... ഇനി ഒരിക്കലും ഞാൻ കാരണം അവൾ കരയാൻ പാടില്ല.... അത് ഞാൻ അവളുടെ ഉപ്പാക്ക് കൊടുത്ത വാക്ക് ആണ്.... അത് പാലിക്കാൻ പറ്റും പോലെ നോക്കണം.... ചിന്തകൾക്ക് വിരാമം ഇട്ട് കൊണ്ട് റാഷി ഒരു ഗോൾഡിന്റെ ഷോപ്പിന്റെ മുന്നിൽ കാർ നിറുത്തി.... റാഷി വണ്ടി നിറുത്തിയത് എന്തിനാണ് എന്ന് അറിയാതെ നൂറ അവനെ നോക്കി.... ഇറങ്ങ്.... നൂറയോട് അത്ര മാത്രം പറഞ്ഞു കൊണ്ട് സീറ്റ് ബെൽറ്റ്‌ ഊരി റാഷി പുറത്തേക്ക് ഇറങ്ങി.... അവൻ പുറത്തേക്ക് ഇറങ്ങിയതും നൂറയും പെട്ടന്ന് ഇറങ്ങി.... മലബാർ ഗോൾഡിന്റെ ഷോപ്പിന്റെ മുന്നിലാണ് കാർ നിറുത്തിയിരിക്കുന്നത്.... അത് കണ്ടതും അവൾ റാഷിയെ നോക്കി.... റാഷി അവളെ ഒന്ന് നോക്കി കൊണ്ട് ഷോപ്പിന്റെ അകത്തേക്ക് നടക്കാൻ തുടങ്ങിയതും നൂറയും അവന്റെ കൂടെ നടന്നു..... ഒരുപാട് ചോദ്യങ്ങൾ അവളുടെ മനസ്സിൽ ഉണ്ടങ്കിലും ഒന്നും അവനോട് ചോദിക്കാൻ ഉള്ള ധൈര്യം അവൾക്ക് ഉണ്ടായിരുന്നില്ല.... സാർ.... വരൂ.... ഷോപ്പിലെ സ്റ്റാഫ്‌ റാഷിക്കാനേ അകത്തേക്ക് ബഹുമാനത്തോടെ അകത്തേക്ക് ക്ഷണിച്ചു... നൂറയും അവന്റെ കൂടെ അകത്തേക്ക് കയറി.... സാർ വിളിച്ചു പറഞ്ഞ പ്രകാരം സാർ പറഞ്ഞ എല്ലാ അഭരങ്ങളും ഞങ്ങൾ റെഡിയാക്കി വെച്ചിട്ടുണ്ട്.... മേടം ഒന്ന് ഇട്ട് നോക്കി അതിന്റെ അളവ് ക്യാരക്റ്റ് അല്ലെ എന്ന് നോക്കാൻ മാത്രമേ ഉള്ളു..... റാഷിക്കാന്റെ മുന്നിൽ നിന്ന് വലിയ സ്റ്റാഫ്‌ എന്ന് തോന്നിപ്പിക്കുന്ന ആൾ അങ്ങനെ പറഞ്ഞതും നൂറ ഒന്നും മനസ്സിലാകാതെ റാഷിയെ നോക്കി.... നൂറ..... എല്ലാം ഇട്ട് നോക്കി അളവ് കറക്റ്റ് അല്ലെ എന്ന് നോക്ക്.... റാഷി നൂറയോട് അങ്ങനെ പറഞ്ഞതും അവൾ അതിശയത്തോടെ അവനെ നോക്കി..... മേടം വരൂ..... അങ്ങോട്ട് ഇരിക്കാം..... നൂറയെ ബഹുമാനപ്പൂരവം ഒരു ലേഡി സ്റ്റാഫ്‌ വന്ന് കൂട്ടി കൊണ്ട് പോയി.... അവരുടെ കൂടെ റാഷി പോകാൻ നില്ക്കുബോൾ ആണ് റാഷിക്ക് ഒരു കാൾ വന്നത്.... നൂറയെ ഒരു ചെയറിൽ ഇരുത്തി അവളുടെ മുന്നിലേക്ക് കുറച്ചു അഭരണങ്ങൾ അവര് വെച്ച്.... നാല് വളകളും ഒരു ബ്രയിസിലറ്റും പാദസരവും രണ്ട് മോതിരവും ഒരു ചെറിയ നെക്‌ളേസും ഉണ്ടായിരുന്നു അതിൽ.... എല്ലാം കണ്ടപ്പോൾ നൂറക്ക് സന്തോഷത്തോടപ്പം അവളുടെ കണ്ണും നിറഞ്ഞു.... അവളുടെ മനസ്സിൽ റാഷിയുടെ സ്ഥാനം വീണ്ടും ഉയരുകയായിരുന്നു.... റാഷിയുടെ മനസ്സിൽ നിദയാണ് എന്ന് അറിയാമെങ്കിലും നൂറ അവനെ സ്നേഹിച്ചു പോവുകയാണ്.... അല്ലാഹുവേ.... അർഹത ഇല്ല എന്ന് അറിഞ്ഞിട്ടും ഞാൻ റാഷിക്കാനേ മോഹിച്ചു പോവുകയാണ് റബ്ബേ.... മേടം.... ഒന്ന് ഇട്ട് നോക്കാമോ.... ലേഡി സ്റ്റാഫിന്റെ ശബ്ദം കേട്ടപ്പോൾ ആണ് നൂറ ചിന്തകളിൽ നിന്ന് ഉണർന്നത്.... അവൾ അവരുടെ കയ്യിൽ ഉള്ള വള വാങ്ങി കയ്യിൽ ഇട്ടു.... ഉപ്പ വാങ്ങി തന്ന അതെ മോഡലിൽ അത് പലെ ഉള്ള വള കണ്ടതും അവൾ റാഷിയെ ഒന്ന് നോക്കി... റാഷിക്കാന്റെ വീട്ടുകാർ സ്വർണം ഉപ്പാക്ക് തിരിച്ചു കൊടുത്തത് അറിയാതെ ഇരിക്കാൻ വേണ്ടി ആണ് അവൻ അത് പോലെ ഉള്ള അഭരങ്ങൾ തന്നെ വാങ്ങിയത് എന്ന് അവൾക്ക് മനസ്സിലായി.... കണ്ണുനീർ കാഴ്ചയെ മറച്ചപ്പോൾ ഷാൾ കൊണ്ട് ആ സ്റ്റാഫ്‌ കാണാതെ കണ്ണ് തുടച്ച് അവൾ.... അവര് തന്നെ എല്ലാ അഭരങ്ങളും നൂറയെ അണിയിച്ചു.... പാദസരം വേണ്ടി അവര് നിൽക്കുബോൾ ആണ് റാഷി അങ്ങോട്ട് വന്നത്.... നീട്ടി പിടിച്ചിരിക്കുന്ന നൂറയുടെ കാലിലേക്ക് അവരുടെകയ്യിൽ നിന്ന് പദസരം വാങ്ങി റാഷി നൂറയുടെ കാലിൽ കെട്ടികൊടുക്കുബോൾ എന്ത് കൊണ്ടോ അവൾ കണ്ണ് അടച്ചില്ല.... ആ മനോഹരമായ കാഴ്ച്ച അവളുടെ കണ്ണിൽ നൂറ ഒപ്പിയെടുത്തു.... അവളുടെ മനസ്സിലും അവൾ അത് പതിപ്പിച്ചു.... തുടരും.....❣️ ♥️Like 💌comment 📤share 𝗙𝗼𝗹𝗹𝗼𝘄╰┈➤ #നോവൽ #കഥ #📔 കഥ #💞 പ്രണയകഥകൾ