മഹർ ഭാഗം 44 വീട്ടിൽ എത്തിയതിനു ശേഷവും റാഷി നൂറയെ വളരെ ശ്രദ്ധയോടെ തന്നെ ആയിരുന്നു നോക്കിയിരുന്നത്..... ഒരു ആഴ്ച്ച തന്നെ റാഷി നൂറക്ക് വേണ്ടി ലീവ് എടുത്ത് അവളെ പരിചരിച്ചു.... ഭക്ഷണം എല്ലാം മുറിയിലേക്ക് കൊണ്ട് വന്ന് കൊണ്ട് വന്ന് കൊടുക്കുകയായിരുന്നു അവൻ.... സത്യത്തിൽ നൂറ ബാത്‌റൂമിലേക്ക് പോവാൻ വേണ്ടി മാത്രം ആയിരുന്നു ബെഡിൽ നിന്ന് എഴുന്നേറ്റിരുന്നത്.... ഒരു ആഴ്ച്ച നല്ല പോലെ റസ്റ്റ്‌ എടുത്തത് കൊണ്ട് തന്നെ നൂറക്ക് അവളുടെ തലയുടെ വേദന ഒക്കെ നന്നായി മാറിയിരുന്നു.... ഇന്ന് റാഷിക്ക ഹോസ്പിറ്റലിലേക്ക് വീണ്ടും പോയി തുടങ്ങുകയാണ്.... ഹോസ്പിറ്റലിൽ നിന്ന് വന്നത് മുതൽ ഒരു നിഴൽ പോലെ റാഷിക്ക കൂടെ ഉണ്ടായിരുന്നത് കൊണ്ട് ഇന്ന് റാഷിക്ക ഹോസ്പിറ്റലിൽ പോയി തുടങ്ങുകയാണ് എന്ന് പറഞ്ഞപ്പോൾ ഇനി ഈ മുറിയിൽ റാഷിക്ക ഹോസ്പിറ്റലിൽ നിന്ന് വരുന്നത് വരെ ഞാൻ ഒറ്റക്ക് ആണ് എന്ന ചിന്ത അവളെ സങ്കടപെടുത്തി.... സഫിയയും ഹസീനയും അവളുടെ കാര്യം അന്വേഷിച്ചു വരാറില്ല.... അത് അവൾക്ക് പ്രതീക്ഷയും ഇല്ലായിരുന്നു.... ഫിദയും അവളുടെ ഉപ്പയും ഇവിടെ ഇല്ല.... അത് അവൾക്ക് ഒരു ആശ്യാസം തന്നെ ആയിരുന്നു..... ഒന്നും പറയാതെ തന്നെ തന്റെ കാര്യങ്ങൾ എല്ലാം റാഷിക്ക അറിഞ്ഞു ചെയ്ത് തരുമായിരുന്നു....പല കാര്യങ്ങളിലും താൻ റാഷിക്കാനേ അവഗണിക്കുമ്പോൾ അതൊന്നും വഗ വെക്കാതെ തന്നെ കൂടുതൽ ചേർത്ത് പിടിക്കുകയാണ് റാഷിക്ക..... അറിയില്ല തനിക്ക് തന്റെ മനസ്സ് മുഴുവൻ ഇപ്പോൾ റാഷിക്ക ആണ്.... ആ മനുഷ്യനെ താൻ ഒരുപാട് സ്നേഹിക്കുന്നുണ്ട്...... ഇനി തനിക്ക് റാഷിക്കാനേ പിരിഞ്ഞു ഒരു ജീവിതം ഉണ്ടാവുമോ....? തനിക്ക് അതിന് കഴിയുമോ.....? തന്റെ മനസ്സ് ഒരുപാട് ചോദ്യങ്ങൾ ചോദിക്കുമ്പോൾ മുഖത്തേക്ക് വീണ വെള്ള തുള്ളികൾ ആണ് നൂറയെ സ്വാബോധത്തിലേക്ക് എത്തിച്ചത്.... തല ഉയർത്തി മുന്നിലേക്ക് നോക്കുമ്പോൾ തന്റെ മുന്നിൽ കുളിച്ചു വന്ന് നിൽക്കുന്ന റാഷിക്കയെ കണ്ട് നൂറ ഒന്ന് പതറി.... അവന്റെ നോട്ടം താങ്ങാൻ കഴിയാത്ത പോലെ നൂറ പെട്ടന്ന് നോട്ടം മാറ്റി.... എന്തോ വലിയ ചിന്തയിൽ ആണല്ലോ.... എന്ത് പറ്റി..... എന്റെ കൂടെ ഹോസ്പിറ്റലിലേക്ക് വരാൻ വല്ല പ്ലാനും ഉണ്ടോ.....? റാഷി പെട്ടന്ന് നൂറയെ നോക്കി അത് ചോദിക്കുമ്പോൾ നൂറ വെപ്രാളത്തോടെ അവനെ ഒന്ന് നോക്കി.... എന്തിന്.... ഞാൻ എന്തിനാ ഹോസ്പിറ്റലിലേക്ക് വരുന്നത്..... മുഖത്തെ പതർച്ച മാറ്റി നൂറ അത് ചോദിക്കുമ്പോൾ റാഷിയുടെ ചുണ്ടിൽ ഒരു പുഞ്ചിരി ഉണ്ടായിരുന്നു...... അല്ല രാവിലെ മുതൽ ഞാൻ ഇന്ന് ഹോസ്പിറ്റലിൽ പോയി തുടങ്ങുകയാണ് എന്ന് പറഞ്ഞപ്പോൾ ഇവിടെ ആരുടെയോ മുഖം വാടുന്നത് ഒക്കെ കണ്ടു....പിന്നെ ഭയങ്കര ചിന്തയിൽ ഒക്കെ ആണ് ..... അത് കൊണ്ട് ചോദിച്ചതാ.... കണ്ണാടിൽ നോക്കി തല മുടി ചീക്കുന്നതിന് ഇടയിൽ റാഷി അത് പറയുമ്പോൾ നൂറക്ക് പെട്ടന്ന് അവനോട് എന്ത് പറയണം എന്ന് അറിയില്ലായിരുന്നു..... സത്യം റാഷിക്ക പറഞ്ഞത് തന്നെ ആണ് എന്ന് അവൾക്കും അറിയാമായിരുന്നു.... പക്ഷെ അവന്റെ മുന്നിൽ അത് സമ്മതിച്ചു കൊടുക്കാൻ അവൾക്കും കഴിഞ്ഞില്ല.... നിങ്ങൾ ഹോസ്പിറ്റലിലേക്ക് പോകുന്നതിന് എന്റെ മുഖം എന്തിനാ വാടുന്നത്.... നിങ്ങൾ ജോലിക്ക് പോവുകയല്ലേ... അതിന് ഞാൻ എന്തിനാ സങ്കടപെടുന്നത്..... ഉള്ളിലെ പതർച്ച പുറത്ത് കാട്ടാതെ നൂറ അത് പറയുമ്പോൾ അവളുടെ മുഖഭാവം കണ്ട് റാഷിക്ക് ചിരി വരുന്നുഉണ്ടായിരുന്നു.... അതിന് ഞാൻ പറഞ്ഞോ ഞാൻ ജോലിക്ക് പോകുന്നതിന് നിനക്ക് സങ്കടം ആണ് എന്ന്..... ഞാൻ നിന്നെ കുറിച്ചൊന്നും അല്ല പറഞ്ഞത്.... ചിരി അടക്കി പിടിച്ചു റാഷി അത് പറയുമ്പോൾ നൂറ അവനെ കൂർപ്പിച്ചോന്ന് നോക്കി..... റാഷിക്ക ഇപ്പോൾ ഇങ്ങനെ ആണ്.... എന്തെങ്കിലും കാരണം ഉണ്ടാക്കി എന്നോട് വഴക്ക് കൂടാൻ വരും....അത് എന്നോട് കൂടുതൽ അടുക്കാൻ വേണ്ടി ആണ് എന്ന് എനിക്ക് അറിയാം.... പിടി കൊടുക്കാതെ ചിലപ്പോൾ മറുപടി കൊടുക്കാതെ ഒക്കെ ഇരിക്കുമ്പോൾ തന്നെ കൂടുതൽ ചൊടിപ്പിക്കുന്ന രീതിയിൽ ആയിരിക്കും റാഷിക്കാന്റെ ഓരോ സംസാരവും.... അപ്പോൾ താനും വിട്ട് കൊടുക്കാതെ മറുപടി പറയുമ്പോൾ ആ ചുണ്ടിൽ ഒരു പുഞ്ചിരി ഉണ്ടാകാറുണ്ട്.... ഒരു പക്ഷെ പിന്നീട് ഒക്കെയും ഞാനും ആ പുഞ്ചിരിക്ക് വേണ്ടി റാഷിക്കനോട് സംസാരിക്കാൻ ഇപ്പോൾ തുടങ്ങിയിരിക്കുന്നു.... വീണ്ടും ചിന്തകൾ കടന്ന് വരുമ്പോൾ മനം മയക്കുന്ന പെർഫ്യൂമിന്റെ സ്മെൽ മുക്കിലേക്ക് തുളച്ചു കയറിയതും നൂറ പെട്ടന്ന് തിരിഞ്ഞതും റാഷിയുടെ ദേഹത്ത് തട്ടി നിന്നു.... തന്റെ തൊട്ടടുത് റാഷിക്ക നിൽക്കുന്നത് കണ്ട് നൂറ അത്ഭുതതത്തോടെ അവനെ നോക്കി.... ആദ്യം ആയി ആണ് റാഷിക്ക ഇത്രയും അടുത്ത് തന്റെ ശരീരത്തോട് ചേർന്ന് നിൽക്കുന്നത് എന്ന് തോന്നി അവൾക്ക്.... എന്റെ ഭാര്യ എന്താ എന്നെ ഇങ്ങനെ തുറിച്ചു നോക്കുന്നത്... ആ രണ്ട് കൃഷ്ണമണിയും ഇപ്പോൾ താഴെ വീഴും..... ഒന്ന് മയത്തിൽ ഒക്കെ നോക്ക് എന്റെ ഭാര്യയെ..... റാഷി പറയുന്ന ഓരോ വാക്കുകളും ചെവിയിലേക്ക് തുളച്ചു കയറുമ്പോഴും നൂറ അവന്റെ കണ്ണുകളിലേക്ക് നോക്കി നിൽക്കുകയാണ്.... ആ കണ്ണിൽ നിന്ന് തന്റെ കണ്ണുകളെ മാറ്റാൻ കഴിയാത്തത് പോലെ.... റാഷിക്കാന്റെ കണ്ണുകളിൽ നിറഞ്ഞു നിൽക്കുന്ന വികാരം എന്താണ് എന്ന് മനസ്സിലാകാതെ നോക്കി നിൽക്കുമ്പോൾ ഡോർ കനോക്ക് ചെയ്ത് വരുന്ന ആളെ കണ്ട് നൂറ പെട്ടന്ന് റാഷിയിൽ നിന്ന് വിട്ട് നിൽക്കുമ്പോൾ റാഷിയുടെ കയ്യിൽ നൂറയുടെ കൈ ഭദ്രം ആയിരുന്നു..... തുടരും.....❣️ കുറച്ചു തിരക്കിൽ ആയിരുന്നു കൂട്ടുകാരെ 😊 #📔 കഥ #നോവൽ #💞 പ്രണയകഥകൾ #കഥ