ବିବାଦରେ କନ୍ନଡ ଅଭିନେତ୍ରୀ କ୍ରିଶି ଥାପଣ୍ଡା। ବେଙ୍ଗାଲୁରୁର ରାଜାରାଜେଶ୍ୱରୀ ନଗର ସ୍ଥିତ କ୍ରିଶିଙ୍କ ଘର ଭିତରୁ ମିଳିଛି ଜଣେ ଯୁବ ବ୍ୟବସାୟୀଙ୍କ ମୃତଦେହ। ଏହି ବ୍ୟବସାୟୀ ଜଣଙ୍କ ବେଶ କିଛି ଦିନ ହେଲା କ୍ରିଶିଙ୍କ ଘରେ ରହୁଥିଲେ। ସେ ମାନସିକ ଅବସାଦ ସହ ସଂଘର୍ଷ କରୁଥିଲେ। କିନ୍ତୁ ଏବେ ସେ ଅଭିନେତ୍ରୀଙ୍କ ଘରେ ହିଁ ଆତ୍ମହତ୍ୟା କରିଥିବା କୁହାଯାଉଛି। ପୁଲିସ୍ କହିଛି ଯେ ପୂରା ଘଟଣା ବୁଧବାର ରାତି ପ୍ରାୟ ୮.୩୦ରେ ଘଟିଛି। ଘଟଣା ବେଳେ କ୍ରିଶି ଥାପଣ୍ଡା ଘରେ ନଥିଲେ। ସେ ୟେଲାହାଙ୍କାରେ ଥିଲେ। ମୃତକ ଜଣଙ୍କ ହେଲେ ବୈଶାଖ ଓ ସେ ଅଭିନେତ୍ରୀଙ୍କ ବାସଭବନରେ ପ୍ରାୟ ଗୋଟିଏ ସପ୍ତାହ ହେଲା ରହୁଥିଲେ। କିନ୍ତୁ ସେ ଅଭିନେତ୍ରୀଙ୍କ ଘରେ କ’ଣ ପାଇଁ ରହୁଥିଲେ, ସେକଥା ସ୍ପଷ୍ଟ ହୋଇନି। ପୁଲିସ୍ ମଧ୍ୟ ଏ ସମ୍ପର୍କରେ କିଛି ବି କହିନି।ପୁଲିସ ମୃତଦେହକୁ ଜବତ କରିଥିବା ବେଳେ ଘର ଭିତରୁ କୌଣସି ପ୍ରକାରର ସୁଇସାଇଡ ନୋଟ ଜବତ କରିନାହିଁ। ମୃତଦେହକୁ ଜବତ କରିବା ପରେ ବ୍ୟବଚ୍ଛେଦ ପାଇଁ ଭିକ୍ଟୋରିଆ ହସ୍ପିଟାଲକୁ ବ୍ୟବଚ୍ଛେଦ ପାଇଁ ପଠାଯାଇଛି। #🏢ଅଭିନେତ୍ରୀଙ୍କ ଘରୁ ମିଳିଲା ମୃତଦେହ😱
