#🌅శుభోదయం #✌️నేటి నా స్టేటస్ #🌼ఆదివారం స్పెషల్ విషెస్ #☸🙏సూర్యనారాయణ స్వామి #🙏దేవుళ్ళ స్టేటస్ సూర్య సోత్రం* శుకతుండచ్ఛవి-సవితుశ్చండరుచేః పుండరీకవనబంధోః . మండలముదితం వందే కుండలమాఖండలాశాయాః .. 1.. యస్యోదయాస్తసమయే సురముకుటనిఘృష్టచరణకమలోఽపి . కురుతేంజలిం త్రినేత్రః స జయతి ధామ్నాం నిధిః సూర్యః .. 2.. ఉదయాచలతిలకాయ ప్రణతోఽస్మి వివస్వతే గ్రహేశాయ . అంబరచూడామణయే దిగ్వనితాకర్ణపూరాయ .. 3.. జయతి జనానందకరః కరనికరనిరస్తతిమిరసంఘాతః . లోకాలోకాలోకః కమలారుణమండలః సూర్యః .. 4.. ప్రతిబోధితకమలవనః కృతఘటనశ్చక్రవాకమిథునానాం . దర్శితసమస్తభువనః పరహితనిరతో రవిః సదా జయతి .. 5.. అపనయతు సకలకలికృతమలపటలం సప్రతప్తకనకాభః . అరవిందవృందవిఘటనపటుతరకిరణోత్కరః సవితా .. 6.. ఉదయాద్రిచారుచామర హరితహయఖురపరిహితరేణురాగ . హరితహయ హరితపరికర గగనాంగనదీపక నమస్తేఽస్తు .. 7.. ఉదితవతి త్వయి వికసతి ముకులీయతి సమస్తమస్తమితబింబే . న హ్యన్యస్మిందినకర సకలం కమలాయతే భువనం .. 8.. జయతి రవిరుదయసమయే బాలాతపః కనకసన్నిభో యస్య . కుసుమాంజలిరివ జలధౌ తరంతి రథసప్తయః సప్త .. 9.. ఆర్యాః సాంబపురే సప్త ఆకాశాత్పతితా భువి . యస్య కంఠే గృహే వాపి న స లక్ష్మ్యా వియుజ్యతే .. 10.. ||ఇతి శ్రీయాజ్ఞవల్క్యవిరచితం సూర్యార్యాస్తోత్రం సంపూర్ణం || *శుభ సూర్యోదయం*