🙏 ఓం శ్రీ గురుభ్యోనమః 🙏 శ్రీరస్తు - శుభమస్తు - అవిఘ్నమస్తు, తేదీ ... 09 - 06 - 2026, వారం ... భౌమవాసరే ( మంగళవారం ) శ్రీ పరాభవ నామ సంవత్సరం, ఉత్తరాయణం, గ్రీష్మ ఋతువు, అధిక జ్యేష్ఠ మాసం, బహుళ పక్షం, *_నేటి మాట_* *మానవుడు ఆనందమయ జీవితం గడపాలంటే - ఏమి వదులుకోవాలి??* నేటి ఈ ఉరుకుల పరుగుల జీవితంలో ప్రతీ ఒక్కరూ ఆనందమయమైన జీవితాన్ని గడపాలని కోరుకోవటం మానవ సహజం, దాని కోసం ప్రతి ఒక్కరు ప్రయత్నిస్తూనే ఉంటారు, అయితే మానవుడు తన ఆశకు పరిమితులని ఏర్పరుచుకోవాలి. అన్నీ ఉన్నా ఇంకా కావాలి, ఇంకా కావాలను కోవడం వలన మానవునుకి అనందం లభించదు. సంతృప్తి ప్రతి వ్యక్తికీ తప్పనిసరిగా ఉండాలి, అది లేకపోతే ఎంత ఉన్నా మనిషికి ఆనందం ఉండదు. యత్ పృథివ్యాం వ్రీహియవం హిరణ్యం పశవః స్త్రియః | ఏకస్యాపి న పర్యాప్తం తదిత్యతి త్రుషం త్యజేత్ || కోరికలను పెరగనిస్తూపోతే ప్రపంచంలోని వస్తువులన్నీ కూడా ఒక వ్యక్తికి చాలవు, అందువలన అత్యాశకు అవకాశం ఇవ్వకూడదు. _భగవత్గీతలో శ్రీ కృష్ణ పరమాత్ముడు ఇలా చెప్పారు..._ యదృచ్ఛా లాభ సంతుష్టో ద్వంద్వాతీతో విమత్సరః | సమః సిద్దా వసిద్హౌ చ కృత్వాపి న నిబధ్యతే || తనకు దక్కిన దానితో సంతోష పడటం ప్రతి వ్యక్తి నేర్చుకోవాలి. అత్యాశ లేని వ్యక్తి చాలా సంతోషంగా ఉంటాడు, అరణ్యాలలో నివసించిన ఋషులు చాలా సంతోషంగా జీవించారు. అక్కడ భౌతిక సంపదలు లేవు, అయితే వారికీ సంతృప్తి అనే సంపద ఉన్నది, అది వారికి ఆనందాన్ని ఇచ్చింది. మనిషి ఆధ్యాత్మికంగా ఎదగాలంటే సంతృప్తి అవసరం. మన కోరికలను తగ్గించుకోవటం మీద మన సంతృప్తి ఆధారపడి ఉంటుంది. అందువలన మానవుడు అత్యాశను వదిలిపెట్టి సంతృప్తిని అలవరుచుకోవటానికి ప్రయత్నించాలి... *_🌷శుభమస్తు🌷_* 🙏సమస్త లోకా సుఖినోభవంతు 🙏 రాజేష్ #నేటి రాశి ఫలాలు