#🎬ਦਿੱਗਜ਼ ਗਾਇਕ 'ਤੇ ਬਣੀ ਫ਼ਿਲਮ, ਜਲਦ ਹੋਵੇਗੀ ਰਿਲੀਜ਼ ਮੁੰਬਈ (ਏਜੰਸੀ) : 'ਕਿੰਗ ਆਫ ਪੌਪ' ਵਜੋਂ ਜਾਣੇ ਜਾਂਦੇ ਮਹਾਨ ਗਾਇਕ ਮਾਈਕਲ ਜੈਕਸਨ 'ਤੇ ਬਣੀ ਬਾਇਓਪਿਕ 'ਮਾਈਕਲ' ਵਿਸ਼ਵ ਭਰ ਵਿੱਚ ਰਿਲੀਜ਼ ਹੋਣ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਜਾਫਰ ਜੈਕਸਨ ਇਸ ਫਿਲਮ ਵਿੱਚ ਮਾਈਕਲ ਜੈਕਸਨ ਦਾ ਮੁੱਖ ਕਿਰਦਾਰ ਨਿਭਾਅ ਰਿਹਾ ਹੈ। ਇੱਥੇ ਦੱਸ ਦੇਈਏ ਕਿ ਜਾਫਰ ਜੈਕਸਨ, ਮਾਈਕਲ ਜੈਕਸਨ ਦਾ ਭਤੀਜਾ, ਜੋ ਇਸ ਫਿਲਮ ਰਾਹੀਂ ਆਪਣਾ ਡੈਬਿਊ ਕਰ ਰਿਹਾ ਹੈ। ਇਹ ਫਿਲਮ 24 ਅਪ੍ਰੈਲ, ਦਿਨ ਸ਼ੁੱਕਰਵਾਰ ਨੂੰ ਦੁਨੀਆ ਭਰ ਦੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਜਾ ਰਹੀ ਸੋਸ਼ਲ ਮੀਡੀਆ 'ਤੇ ਫਿਲਮ ਦੀ ਇੱਕ ਝਲਕ ਸਾਂਝੀ ਕਰਦਿਆਂ ਜਾਫ਼ਰ ਜੈਕਸਨ ਨੇ ਕਿਹਾ ਹੈ ਕਿ ਆਪਣੇ ਚਾਚੇ ਦੀ ਕਹਾਣੀ ਨੂੰ ਵੱਡੇ ਪਰਦੇ 'ਤੇ ਲਿਆਉਣਾ ਉਸ ਦੀ ਜ਼ਿੰਦਗੀ ਦੇ ਸਭ ਤੋਂ ਵੱਡੇ ਸਨਮਾਨਾਂ ਵਿੱਚੋਂ ਇੱਕ ਰਿਹਾ ਹੈ। ਪਹਿਲੇ ਹੀ ਦਿਨ ਤੋਂ ਇਹ ਇਕ ਅਜਿਹਾ ਅਨੁਭਵ ਰਿਹਾ ਹੈ, ਜਿਸ ਨੂੰ ਮੈਂ ਹਮੇਸ਼ਾ ਆਪਣੇ ਨਾਲ ਰੱਖਾਂਗਾ। ਜਾਫਨ ਨੇ ਦੱਸਿਆ ਕਿ ਇਸ ਪ੍ਰੋਜੈਕਟ ਵਿੱਚ ਹਰ ਇਕ ਵਿਅਕਤੀ ਨੇ ਆਪਣੀ ਜਾਨ ਲਗਾ ਦਿੱਤੀ ਹੈ। ਇਹ ਫਿਲਮ ਮਾਈਕਲ ਜੈਕਸਨ ਦੀ 1960 ਦੇ ਦਹਾਕੇ ਵਿੱਚ 'ਜੈਕਸਨ 5' (Jackson 5) ਵਿੱਚ ਸ਼ਮੂਲੀਅਤ ਤੋਂ ਲੈ ਕੇ ਉਸਦੇ ਸ਼ੁਰੂਆਤੀ ਸੋਲੋ ਕਰੀਅਰ ਤੱਕ ਦੇ ਸਫਰ ਨੂੰ ਦਿਖਾਏਗੀ। ਇਸ ਫਿਲਮ ਦਾ ਨਿਰਦੇਸ਼ਨ ਐਂਟੋਨੀ ਫੂਕੂਆ ਨੇ ਕੀਤਾ ਹੈ। ਦੱਸ ਦੇਈਏ ਕਿ ਕਿ ਸਾਲ 2009 ਵਿੱਚ 50 ਸਾਲ ਦੀ ਉਮਰ ਵਿੱਚ ਮਾਈਕਲ ਜੈਕਸਨ ਦੀ ਮੌਤ ਹੋ ਗਈ ਸੀ। ਇਹ ਵੀ ਪੜ੍ਹੋ: 1932 'ਚ ਰਿਲੀਜ਼ ਹੋਈ ਭਾਰਤੀ ਫ਼ਿਲਮ ਨੇ ਗੱਡੇ ਝੰਡੇ, ਗਿਨੀਜ਼ ਬੁੱਕ 'ਚ ਨਾਂ ਹੈ ਦਰਜ, ਹਾਲੇ ਤੱਕ ਨਹੀਂ ਟੁੱਟਿਆ ਰਿਕਾਰਡ ਮਾਈਕਲ ਜੈਕਸਨ ਇੱਕ ਪ੍ਰਸਿੱਧ ਅਮਰੀਕੀ ਗਾਇਕ, ਗੀਤਕਾਰ ਅਤੇ ਡਾਂਸਰ ਸੀ। ਉਸ ਨੇ ਪੌਪ ਸੱਭਿਆਚਾਰ ਨੂੰ ਪੂਰੀ ਤਰ੍ਹਾਂ ਬਦਲ ਦਿੱਤਾ ਸੀ। ਉਸ ਦਾ ਜਨਮ ਜੋਅ ਜੈਕਸਨ ਅਤੇ ਕੈਥਰੀਨ ਜੈਕਸਨ ਦੇ ਘਰ ਹੋਇਆ ਸੀ। ਮਾਈਕਲ ਜੈਕਸਨ ਦਾ ਦੋ ਵਾਰ ਵਿਆਹ ਹੋਇਆ ਸੀ। ਉਸ ਦੇ 3 ਬੱਚੇ ਹਨ, ਜਿਨ੍ਹਾਂ ਦੇ ਨਾਮ ਪ੍ਰਿੰਸ ਜੈਕਸਨ, ਪੈਰਿਸ ਜੈਕਸਨ ਅਤੇ ਬਲੈਂਕੇਟ ਜੈਕਸਨ ਹੈ।