#jesus #✝ಯೇಸು ವಾಕ್ಯಗಳು📖 #jesus quotes #jesus loves you #bible ಪರಮಪ್ರಸಾದ"* *(Holy Eucharist)* ➖➖➖➖➖➖➖➖➖➖ ✍️ *ಮಥಿಯಾಸ್ ಕುಮಾರ್* ಮೖೆಸೂರು ➖➖➖➖➖➖➖➖➖➖ ಪವಿತ್ರ ಪರಮಪ್ರಸಾದವು ಕಥೋಲಿಕ ಧರ್ಮಸಭೆಯ🫀 ಹೃದಯವಾಗಿದೆ. ಇದು ಕೇವಲ ಒಂದು ಸ್ಮರಣೆ ಅಥವಾ ಆಚರಣೆ ಅಲ್ಲ; ಇದು ಯೇಸುಕ್ರಿಸ್ತರ ನಿಜವಾದ ಸಾನ್ನಿಧ್ಯ.! ಪವಿತ್ರ ಧರ್ಮಸಭೆ ಬೋಧಿಸುವಂತೆ, ಪರಮಪ್ರಸಾದದಲ್ಲಿ ರೊಟ್ಟಿ ಮತ್ತು ದ್ರಾಕ್ಷಾರಸವು ಪ್ರಭುಕ್ರಿಸ್ತರ ದೇಹ ಮತ್ತು ರಕ್ತವಾಗುತ್ತವೆ..!! ಪ್ರಭುಯೇಸು ತನ್ನ ಕೊನೆಯ ಭೋಜನದಲ್ಲಿ ಹೇಳಿದರು: *“ಇದು ನನ್ನ ಶರೀರ … ಇದು ನನ್ನ ರಕ್ತ…”*(ಮತ್ತಾಯ 26:26–28). ಈ ವಾಕ್ಯಗಳು ಪರಮಪ್ರಸಾದದ ಮೂಲಾಧಾರವಾಗಿವೆ. ಆದಿ ಕ್ರೈಸ್ತರು ಸಹ ಭೋಜನವನ್ನು ಗ್ರೀಕ್ ಭಾಷೆಯಲ್ಲಿ ಅಗಾಪೆ (Agape) ಎಂದು ಕರೆದರು. ಅಗಾಪೆ ಎಂದರೆ 'ಸ್ನೇಹ ಭೋಜನ' ಎಂದರ್ಥ. ಕ್ರೈಸ್ತರೆಲ್ಲರೂ ಸೇರಿ ಒಟ್ಟಾಗಿ ಪರಮಪ್ರಸಾದದಾಚರಣೆ (ದಿವ್ಯ ಬಲಿಪೂಜೆ)ಯಲ್ಲಿ ಪಾಲ್ಗೊಳ್ಳುತ್ತಿದ್ದುದರಿಂದ ಇದನ್ನು ಸಹಭೋಜನವೆಂದು ಕರೆಯಲಾಯಿತು. ಕಥೋಲಿಕ ಧರ್ಮಸಭೆಯ ಬೋಧನೆ *ಕಥೋಲಿಕ ಧರ್ಮೋಪದೇಶ* *CCC* (Catechism of the Catholic Church) ಪರಮಪ್ರಸಾದದ ಕುರಿತು ಸ್ಪಷ್ಟವಾಗಿ ಹೇಳುತ್ತದೆ: CCC 1324: - *“ಪರಮಪ್ರಸಾದವು ಕ್ರೈಸ್ತ ಜೀವನದ ಮೂಲ ಮತ್ತು ಶಿಖರವಾಗಿದೆ.”* CCC 1374: - *“ಕ್ರಿಸ್ತರು ಪರಮಪ್ರಸಾದದಲ್ಲಿ ನಿಜವಾಗಿ, ಸಂಪೂರ್ಣವಾಗಿ ಮತ್ತು ಸಾರ್ಥಕವಾಗಿ ಹಾಜರಿದ್ದಾರೆ.”* CCC 1367: - *“ಕ್ರಿಸ್ತರ ಶಿಲುಬೆಯ ಬಲಿಯು ಮತ್ತು ಪರಮಪ್ರಸಾದದ ಬಲಿಯು ಒಂದೇ ಬಲಿಯಾಗಿವೆ.”* ನಿಜವಾದ ಸಾನ್ನಿಧ್ಯ(Real Presence) ಕಥೋಲಿಕ ಚರ್ಚ್ ಬೋಧಿಸುವಂತೆ, ಪರಮಪ್ರಸಾದದಲ್ಲಿ *"ಸತ್ವ ಪರಿವರ್ತನಾ ಕ್ರಿಯೆ"* *“[Transubstantiation]”* ಬದಲಾವಣೆ ಅಥವಾ ರೂಪಾಂತರ ನಡೆಯುತ್ತದೆ. ಅಂದರೆ: *ರೊಟ್ಟಿ → ಕ್ರಿಸ್ತರ ದೇಹವಾಗುತ್ತದೆ.!!* *ದ್ರಾಕ್ಷಾರಸ → ಕ್ರಿಸ್ತರ ರಕ್ತವಾಗುತ್ತದೆ..!!* ರೊಟ್ಟಿ ರಸಗಳೆರಡೂ ಸಂಪೂರ್ಣ ಪ್ರಭುಯೇಸುವಾಗಿ ಮಾರ್ಪಡುತ್ತದೆ.!! ಇದು ಕೇವಲ ಸಂಕೇತವಲ್ಲ, ನಿಜವಾದ ಪರಿವರ್ತನೆ. ಯೋವಾನ್ನ 6:55ರಲ್ಲಿ ಪ್ರಭುಯೇಸು ಹೇಳುತ್ತಾರೆ: *“ನನ್ನ ದೇಹವು ನಿಜವಾದ ಆಹಾರ ಮತ್ತು ನನ್ನ ರಕ್ತವು ನಿಜವಾದ ಪಾನೀಯ.”* ಪರಮಪ್ರಸಾದವು ಆತ್ಮಿಕ ಆಹಾರ ಪರಮಪ್ರಸಾದವು ಆತ್ಮಕ್ಕೆ ಜೀವ ನೀಡುತ್ತದೆ. *ಏಕತೆ (Unity)* ಇದು ವಿಶ್ವಾಸಿಗಳನ್ನು ಕ್ರಿಸ್ತರೊಂದಿಗೆ ಮತ್ತು ಪರಸ್ಪರ ಒಂದಾಗಿಸುತ್ತದೆ. *ಪಾಪ ಕ್ಷಮೆ (Forgiveness)* ಸಣ್ಣ ಪಾಪಗಳನ್ನು ಕ್ಷಮಿಸುತ್ತದೆ ಮತ್ತು ಆತ್ಮಿಕ ಶಕ್ತಿಯನ್ನು ಹೆಚ್ಚಿಸುತ್ತದೆ. *ಬಲಿಯ ಸ್ಮರಣೆ* ಇದು ಕ್ರಿಸ್ತರ ಶಿಲುಬೆಯ ಬಲಿಯ ಜೀವಂತ ಸ್ಮರಣೆ. ಪರಮಪ್ರಸಾದವನ್ನು ಸ್ವೀಕರಿಸುವ ಅರ್ಹತೆಗೆ ಕಥೋಲಿಕ ಚರ್ಚ್ ಕೆಲವು ನಿಯಮಗಳನ್ನು ಸೂಚಿಸುತ್ತದೆ: *ಗಂಭೀರ ಪಾಪದಲ್ಲಿರಬಾರದು.* (ಮಾರಕ ಪಾಪ ಇದ್ದರೆ ಪಾಪವಿಖ್ಯಾಪನೆ ಸ್ವೀಕಾರ ಅಗತ್ಯ) *ಉಪವಾಸ ನಿಯಮ ಪಾಲಿಸಬೇಕು.* (ಕನಿಷ್ಠ 1 ಗಂಟೆ) *ಗೌರವ ಮತ್ತು ಭಕ್ತಿಯಿಂದ ಸ್ವೀಕರಿಸಬೇಕು* CCC 1385: “ಪರಮಪ್ರಸಾದವನ್ನು ಸ್ವೀಕರಿಸುವ ಮೊದಲು ವ್ಯಕ್ತಿಯು ತನ್ನನ್ನು ಪರಿಶೀಲಿಸಬೇಕು.” ಪರಮಪ್ರಸಾದದ ಆಚರಣೆ (Mass) ಪರಮಪ್ರಸಾದವು ಪವಿತ್ರ ದಿವ್ಯಬಲಿಪೂಜೆಯಲ್ಲಿ ಆಚರಿಸಲಾಗುತ್ತದೆ. ಬಲಿಪೂಜೆಯ ಮುಖ್ಯ ಭಾಗಗಳು: 1. *ಪ್ರವೇಶ ವಿಧಿ* (Introductory Rites / Entrance) 2. *"ದೖೆವ ವಾಕ್ಯದ ವಿಧಿ"* (Liturgy of the Word) 3.*"ಪರಮಪ್ರಸಾದದ ವಿಧಿ"* (Liturgy of the Eucharist) 4. *ಮುಕ್ತಾಯ ವಿಧಿ* (Concluding Rites) *GIRM 28* ಪ್ರಕಾರ ಪವಿತ್ರ ದೈವ ವಾಕ್ಯದ ವಿಧಿ ಹಾಗೂ ಪರಮ ಪ್ರಸಾದ ವಿಧಿಯ ಮುಖ್ಯ ಭಾಗಗಳು ಇವೆರಡು ಒಂದಕ್ಕೊಂದು ಪೂರಕವಾಗಿದ್ದು ಆರಾಧನೆ ಒಂದೇ ಕ್ರಿಯೆಯಾಗಿದೆ . ಉಳಿದೆರಡು ವಿಧಿಗಳು ಪ್ರಾರಂಭ ಮತ್ತು ಅಂತ್ಯವನ್ನು ಸೂಚಿಸುತ್ತವೆ. ಬಲಿಯಲ್ಲಿ ಎರಡು ಮುಖ್ಯ ಭಾಗಗಳಿವು.! — *ದೖೆವವಾಕ್ಯದ ವಿಧಿ:* ಮತ್ತು — *ಪರಮಪ್ರಸಾದದ ವಿಧಿ:* ಆದರೆ ಬೋಧನೆಗಾಗಿ ಅದನ್ನು ನಾಲ್ಕು ಭಾಗಗಳಾಗಿ ವಿಭಜಿಸಲಾಗುತ್ತದೆ: ಈ ಸಂದರ್ಭದಲ್ಲಿ ಯಾಜಕರು ಯೇಸುವಿನ ಮಾತುಗಳನ್ನು ಉಚ್ಚರಿಸುವಾಗ ರೊಟ್ಟಿ ಮತ್ತು ದ್ರಾಕ್ಷಾರಸವು ಪರಿವರ್ತನೆಯಾಗುತ್ತದೆ. *ಪರಮಪ್ರಸಾದವು:* ಕ್ರಿಸ್ತರ ನಿಜವಾದ ಸಾನ್ನಿಧ್ಯ.! ಧರ್ಮಸಭೆಯ ಏಕತೆಯ ಸಂಕೇತ ಆತ್ಮಿಕ ಜೀವನದ ಆಹಾರ ಮತ್ತು ಶಿಲುಬೆಯ ಬಲಿಯ ಮುಂದುವರಿಕೆಯಾಗಿದೆ. ಆದ್ದರಿಂದ, *ಪರಮಪ್ರಸಾದವು ಕೇವಲ ಆಚರಣೆ ಅಲ್ಲ; ಅದು ಕ್ರೈಸ್ತ ಜೀವನದ ಕೇಂದ್ರ ಮತ್ತು ಶಕ್ತಿ.* ಪರಮಪ್ರಸಾದವನ್ನು ನಾವು ಕೇವಲ ಸ್ವೀಕರಿಸುವುದಲ್ಲ —ನಾವು ಕ್ರಿಸ್ತರನ್ನು ಸ್ವೀಕರಿಸುತ್ತೇವೆ. ಪರಮಪ್ರಸಾದ –ಜೀವದಾಯಕ ರೊಟ್ಟಿ ಇದು ಕೇವಲ ಒಂದು ವಿಧಿ ಅಲ್ಲ, ಇದು ದೇವರ ಮಹತ್ತರ ರಹಸ್ಯ. *ಇದು ನಮ್ಮ ಕಣ್ಣುಗಳಿಗೆ ರೊಟ್ಟಿ ಮತ್ತು ದ್ರಾಕ್ಷಾರಸವಾಗಿ ಕಾಣಬಹುದು, ಆದರೆ ಅವರ ಶರೀರ, ರಕ್ತ, ಆತ್ಮ ಮತ್ತು ದೈವತ್ವ ಇವೆಲ್ಲವೂ ಬದಲಾದ ಪರಮಪ್ರಸಾದದಲ್ಲಿ ಐಕ್ಯಗೊಂಡಿದೆ.* ಹೀಗೆ ಪರಮಪ್ರಸಾದ ಸ್ವೀಕರಿಸುವವರು ಎರಡು ವಿಭಾಗಗಳನ್ನೂ ಸಂಪೂರ್ಣವಾಗಿ ಸ್ವೀಕರಿಸುತ್ತಾರೆ. ಇನ್ನೂ ಮುಂದುವರೆದು ಪರಮಪ್ರಸಾದದ ವಿಷಯದಲ್ಲಿ ಹೇಳುವುದಾದರೆ, *ಪರಮ ಪ್ರಸಾದದ ಸಣ್ಣ ಕಣ ಅಥವಾ ಅಭಿಷೇಕಗೊಂಡ ಸಣ್ಣ ತೊಟ್ಟು ದ್ರಾಕ್ಷಾರಸದಲ್ಲೂ ಕ್ರಿಸ್ತ ಸಂಪೂರ್ಣವಾಗಿದ್ದಾರೆ. ಇಲ್ಲಿ ಸಣ್ಣ ಕಣ ಅಥವಾ ಒಂದು ಹನಿ ಎಂದೊಡನೆ ಯೇಸುವು ಇಬ್ಬಾಗವಾಗಿದ್ದಾರೆ ಎಂದರ್ಥವಲ್ಲ. ಅವರು ಒಂದೇ ಆಗಿದ್ದಾರೆ.* ಅದೇ ರೀತಿ ಇರುತ್ತಾರೆ ಎಂದರ್ಥ. ನಂಬಿಕೆಯ ಕಣ್ಣುಗಳಿಂದ ನೋಡಿದರೆ —ಅದು ನಮ್ಮ ಕರ್ತರಾದ ಪ್ರಭುಯೇಸು ಕ್ರಿಸ್ತರೇ..!! ಕೊನೆಯ ಭೋಜನದ ರಹಸ್ಯ ಪವಿತ್ರ ಶಾಸ್ತ್ರದಲ್ಲಿ ನಾವು ಓದುತ್ತೇವೆ: *“ಬಳಿಕ ರೊಟ್ಟಿಯನ್ನು ತೆಗೆದುಕೊಂಡು, ದೇವರಿಗೆ ಕೃತಜ್ಞತಾ ಸ್ತೋತ್ರವನ್ನು ಸಲ್ಲಿಸಿ, ಅದನ್ನು ಮುರಿದು, ಶಿಷ್ಯರಿಗೆ ಕೊಡುತ್ತಾ ಇದು ನಿಮಗಾಗಿ ಒಪ್ಪಿಸಲಾಗುವ ನನ್ನ ಶರೀರ, ನನ್ನ ಸ್ಮರಣೆಗಾಗಿ ಇದನ್ನು ಮಾಡಿರಿ ಎಂದರು. ಅಂತೆಯೇ ಊಟವಾದ ಮೇಲೆಪಾನಪಾತ್ರೆಯನ್ನು ತೆಗೆದುಕೊಂಡುಈ ಪಾತ್ರೆಯು ನಿಮಗಾಗಿ ಸುರಿಸಲಾಗುವ ನನ್ನ ರಕ್ತದಿಂದ ಮುದ್ರಿವಾದ ಹೊಸ ಒಡಂಬಡಿಕೆ."*(ಲೂಕ22:19-20) ಸಹೋದರರೇ, ಇದು ಕೇವಲ ಮಾತುಗಳಲ್ಲ. ಇದು ಒಡಂಬಡಿಕೆಯ ಸ್ಥಾಪನೆ. ಪ್ರಭು ಯೇಸು ಹೇಳಲಿಲ್ಲ “ಇದು ನನ್ನ ದೇಹದ ಸಂಕೇತ” ಎಂದು — ಅವರು ಸ್ಪಷ್ಟವಾಗಿ ಹೇಳಿದರು: *“ಇದು ನನ್ನ ಶರೀರ.ಇದು ನನ್ನ ರಕ್ತ ”* ಇದರಲ್ಲಿ ನಾವೊಂದು ಮಹಾ ಸತ್ಯವನ್ನು ನೋಡುತ್ತೇವೆ: 👉 ದೇವರು ತನ್ನನ್ನೇ ನಮಗೆ ಆಹಾರವಾಗಿ ಕೊಟ್ಟರು. ಯೇಸು ಹೇಳುತ್ತಾರೆ: *“ನಾನೇ ಜೀವದಾಯಕ ರೊಟ್ಟಿ”* (ಯೋವಾನ 6:35) ಮತ್ತೆ ಅವರು ಮುಂದುವರಿಸುತ್ತಾರೆ: *“ನನ್ನ ಮಾಂಸವನ್ನು ತಿಂದು, ನನ್ನ ರಕ್ತವನ್ನು ಕುಡಿಯುವವನಲ್ಲಿ ನಿತ್ಯ ಜೀವ ಇರುತ್ತದೆ. ಅಲದೆ ಅಂತಿಮ ದಿನದಂದು ನಾನು ಅವನನ್ನು ಜೀವಕ್ಕೆ ಎಬ್ಬಿಸುತ್ತೇನೆ. 'ನನ್ನ ಮಾಂಸವೇ ನಿಜವಾದ ಆಹಾರ; ನನ್ನ ರಕ್ತವೇ ನಿಜವಾದ ಪಾನ. ''ನನ್ನ ಮಾಂಸವನ್ನು ತಿಂದು, ನನ್ನ ರಕ್ತವನ್ನು ಕುಡಿಯುವವನು ನನ್ನಲ್ಲಿ ನೆಲೆಸಿರುತ್ತಾನೆ. ನಾನು ಅವನಲ್ಲಿ ನೆಲೆಸಿರುತ್ತೇನೆ.”* (ಯೋವಾನ 6:54) ಇಲ್ಲಿ ಪ್ರಭು ಯೇಸು ತನ್ನ ಮಾತುಗಳನ್ನು ಬದಲಾಯಿಸಲಿಲ್ಲ. ಅನೇಕ ಶಿಷ್ಯರು ಇದನ್ನು ಕೇಳಿ ದೂರ ಹೋದರು. ಆದರೂ ಪ್ರಭುಯೇಸು ತನ್ನ ಬೋಧನೆಯನ್ನು ಹಿಂತೆಗೆದುಕೊಳ್ಳಲಿಲ್ಲ. ಇದು ನಮಗೆ ಏನನ್ನು ತಿಳಿಸುತ್ತದೆ? 👉 ಪರಮಪ್ರಸಾದವು ಸಂಕೇತವಲ್ಲ — ಅದು ನಿಜವಾದ ಜೀವದಾಯಕ ರೊಟ್ಟಿ ಪರಮಪ್ರಸಾದವು ಶಿಲುಬೆಯ ಬಲಿಯ ಸ್ಮರಣೆ ಮಾತ್ರವಲ್ಲ — ಅದು ಆ ಬಲಿಯ ಜೀವಂತ ಉಪಸ್ಥಿತಿ. ಬಲಿಪೂಜೆಯಲ್ಲಿ ನಾವು ಹೊಸ ಬಲಿಯನ್ನು ಮಾಡುವುದಿಲ್ಲ; ನನ್ನ ಸ್ಮರಣೆಗಾಗಿ ಮಾಡಿರಿ, (ಲೂಕ22:19) ಎಂದ ಪ್ರಭುವಿನ ಸ್ಮರಣೆ ಮತ್ತು 👉 ನಾವು ಪ್ರಭುವಿನ ಶಿಲುಬೆಯ ಬಲಿಯಲ್ಲಿ ಆಧ್ಯಾತ್ಮಿಕವಾಗಿ ಪಾಲ್ಗೊಳ್ಳುತ್ತೇವೆ.!! ಪ್ರೇಷಿತ ಸಂತ ಪೌಲರು ಹೇಳುತ್ತಾರೆ: *“ಯಾರಾದರೂ ಅಯೋಗ್ಯವಾಗಿ ಈ ರೊಟ್ಟಿಯನ್ನು ಭುಜಿಸಿದರೆ ಅಥವಾ ಪ್ರಭುವಿನ ಪಾತ್ರೆಯಿಂದ ಪಾನಮಾಡಿದರೆ ಅವನು ಪ್ರಭುವಿನ ಶರೀರಕ್ಕೂ ರಕ್ತಕ್ಕೂ ದ್ರೋಹವೆಸಗುತ್ತಾನೆ ಪ್ರತಿಯೊಬ್ಬನೂ ಮೊಟ್ಟ ಮೊದಲು ತನ್ನನ್ನು ಪರಿಶೋಧಿಸಿ ಕೊಂಡು ಅನಂತರ ಆ ರೊಟ್ಟಿಯನ್ನು ಭುಜಿಸಲಿ, ಮತ್ತು ಆ ಪಾತ್ರೆಯಿಂದ ಪಾನಮಾಡಲಿ. ಏಕೆಂದರೆ ಅದು ಪ್ರಭುವಿನ ಶರೀರವೆಂದು ಪರಿಗ್ರಹಿಸದೆ, ಭುಜಿಸಿ ಪಾನ ಮಾಡುವಾತನು ನ್ಯಾಯತೀಪನ್ನು ತನ್ನ ಮೇಲೆ ಬರಮಾಡಿಕೊಳ್ಳುವುದಕ್ಕಾಗಿಯೇ ತಿನ್ನುತ್ತಾನೆ ಕುಡಿಯುತ್ತಾನೆ ನಿಮ್ಮಲ್ಲಿ ಅನೇಕರು ಈ ಕಾರಣದಿಂದಲೇ ದುರ್ಬರು, ಅಸ್ವಸ್ಥರು ಆಗಿದ್ದೀರಿ ಮತ್ತು ಎಷ್ಟೋ ಮಂದಿ ಸತ್ತಿದ್ದಾರೆ."* (1 ಕೊರಿಂಥ 11:27–29) ಇದು ಗಂಭೀರವಾದ ವಿಷಯ. 👉 ಪರಮಪ್ರಸಾದವು ಪವಿತ್ರ. 👉 ಅದನ್ನು ಗೌರವದಿಂದ, ಶುದ್ಧ ಹೃದಯದಿಂದ ಸ್ವೀಕರಿಸಬೇಕು. ಪೌಲರು ಮತ್ತೆ ಹೇಳುತ್ತಾರೆ: *“ರೊಟ್ಟಿ ಒಂದೇ: ಆದ್ದರಿಂದ ನಾವು ಅನೇಕರಿದ್ದರೂ ಒಂದು ಶರೀರವಾಗುತ್ತೇವೆ. ಏಕೆಂದರೆ ನಾವೆಲ್ಲರೂ ಆ ಒಂದೇ ರೊಟ್ಟಿಯಲ್ಲೀ ಭಾಗಿಗಳಾಗುತ್ತೇವೆ.”* (1ಕೊರಿಂಥ 10:17) ಪರಮಪ್ರಸಾದವು ನಮಗೆ ಕೇವಲ ದೇವರೊಂದಿಗೆ ಮಾತ್ರವಲ್ಲ — 👉 ಪರಸ್ಪರ ಒಂದಾಗಿಸುತ್ತದೆ. ಇದು ಚರ್ಚಿನ ಏಕತೆಯ ಬಲವಾದ ಸಂಕೇತ. ಸಹೋದರರೇ, ನಾವು ಪರಮಪ್ರಸಾದವನ್ನು ಸ್ವೀಕರಿಸಿದಾಗ: ನಾವು ಕ್ರಿಸ್ತರನ್ನು ಸ್ವೀಕರಿಸುತ್ತೇವೆ ನಮ್ಮ ಜೀವನ ಬದಲಾಗಬೇಕು ನಾವು ಕ್ರಿಸ್ತರಂತೆ ಆಗಬೇಕು.!! ನಮ್ಮ ಪ್ರತಿಕ್ರಿಯೆ ಏನು? ಹಾಗಾದರೆ, ನಾವು ಹೇಗೆ ಪ್ರತಿಕ್ರಿಯಿಸಬೇಕು? ✔ ಭಕ್ತಿಯಿಂದ ಸಮೀಪಿಸೋಣ ✔ ಪಾಪಸ್ವೀಕಾರದ ಮೂಲಕ ಹೃದಯವನ್ನು ಶುದ್ಧಗೊಳಿಸೋಣ ✔ ನಂಬಿಕೆಯಿಂದ ಸ್ವೀಕರಿಸೋಣ ✔ ಪ್ರೀತಿಯಿಂದ ಬದುಕೋಣ ಪರಮಪ್ರಸಾದವು ಸ್ವರ್ಗದ ಉಡುಗೊರೆ. ಅಲ್ಲಿ ಯೇಸು ನಮಗೆ ಹೇಳುತ್ತಾರೆ: 👉 “ನಾನು ನಿಮ್ಮೊಂದಿಗೆ ಇದ್ದೇನೆ” 👉 “ನಾನು ನಿಮ್ಮ ಜೀವನ” ಆದ್ದರಿಂದ, ನಾವು ಪ್ರತೀ ಬಾರಿ ಬಲಿಪೂಜೆಯಲ್ಲಿ ಭಾಗವಹಿಸುವಾಗ, ನಾವು ಕೇವಲ ವಿಧಿಯನ್ನು ನೆರವೇರಿಸುವುದಿಲ್ಲ — 👉 ನಾವು ಕ್ರಿಸ್ತನನ್ನು ಎದುರುಗೊಳ್ಳುತ್ತೇವೆ. ಆದ್ದರಿಂದ, ಭಯಭಕ್ತಿಯಿಂದ, ಶ್ರದ್ಧೆಯಿಂದ ಮತ್ತು ಪ್ರೀತಿಯಿಂದ ಅಂಗೀಕರಿಸೋಣ. ನಮ್ಮ ಹೃದಯಕ್ಕೆ ಬರಮಾಡಿಕೊಳ್ಳೋಣ.🙏