അനുരാഗം 6️⃣6️⃣ വീട്ടിൽ എത്തിയപ്പോഴേക്കും കണ്മണി മയങ്ങിയിരുന്നു... നീണ്ട നേരത്തെ യാത്ര ക്ഷീണം സിദ്ധുവിലും ഉണ്ടായിരുന്നു..... " കണ്ണേ... കണ്ണേ എഴുന്നേൽക്ക്.... " സിദ്ധു അവളെ തട്ടി വിളിച്ചു... കണ്മണി കണ്ണുകൾ തിരുമ്മി കൈകളൊന്ന് ഉയർത്തി.... കാറിന്റെ റൂഫിൽ തട്ടിയതും ഞെട്ടിയത് പോലെ അവൾ എഴുന്നേറ്റു.... " എത്തി... ഇറങ്ങു....." സിദ്ധു കണ്ണുകൾ കൊണ്ടു ആക്ഷൻ കാണിച്ചു പറഞ്ഞു.... അവൾ ചുറ്റുമൊന്നു കണ്ണോടിച്ചു കൊണ്ടു ഡോർ തുറന്നു.... ഉമ്മറ വാതിലും തുറന്നു പുറത്തേക്ക് വരുന്ന സിദ്ധുവിന്റെ അമ്മയെ കണ്ടതും അവൾ ഓടി പോയി കെട്ടിപിടിച്ചു.... " ഒന്നൂടെ തടിച്ചു ചുന്ദരിയായല്ലോ.... " കണ്മണി താടിയിൽ പിടിച്ചു കൊഞ്ചിച്ചു പറഞ്ഞു.... " കൊഞ്ചാൻ നിക്കാണ്ട് നീ വാ.... " ഭാമ ടീച്ചർ അവരെ രണ്ടു പേരെയും അകത്തേക്ക് വിളിച്ചു..... "കുളിച്ചു ഫ്രഷായി വരുമ്പോഴേക്കും ഞാൻ ചായ എടുക്കാം...." " തിരക്കില്ല അമ്മേ... ഞങ്ങൾ ചായ കുടിച്ചു.... " സിദ്ധു പറഞ്ഞു.... " എപ്പോ.... " കണ്മണി സിദ്ധു കള്ളം പറയുന്നതെന്ന് കരുതി അവനെ കൂർപ്പിച്ചു നോക്കി.... " ആഹാ നീ എഴുന്നേൽക്കാഞ്ഞിട്ടാ... ഞാൻ കുടിച്ചു.... " സിദ്ധു നിസാരമായി പറഞ്ഞെങ്കിലും കണ്മണിക്ക് ഉള്ളിലൊരു കൊളുത്തി വലി പോലെ.... വിളിക്കാമായിരുന്നു.... എന്നെ ഒഴിവാക്കിയത് പോലെ... വീണ്ടും മനസ് ഇന്നലെയിലേക്ക് കൂപ്പ് കുത്തി.... പലതും മനസിനെ പറഞ്ഞു പാകപ്പെടുത്താൻ തരത്തിൽ.... " കനിമോളെ ഫ്രഷായി വാ... ചായകുടിക്കാം.... " കണ്മണി സമ്മതം പോലെ തലയാട്ടി.... സങ്കടം മുന്നിട്ട് നിൽക്കുന്നത് കൊണ്ടു മൗനത്തെ കൂട്ട് പിടിച്ചു.... ചായ കുടിയും ഭാമ ടീച്ചറുമായി വിശേഷം പങ്കുവെക്കലും കൂടി ആയപ്പോൾ മനസ് ഒന്ന് ശാന്തമായത് പോലെ.... " മോളെ ആവശ്യമുള്ളതെല്ലാം നാളെ രാവിലെ പോയി വാങ്ങിക്കണം... അന്യ നാടാണ്... എല്ലാം പെട്ടൊന്ന് കിട്ടി എന്ന് വരില്ല... അത്യാവശ്യം മരുന്നുകളും കയ്യിൽ കരുതണം ട്ടൊ.... " ഭാമ ടീച്ചർ ആകുലതയോടെ ഓരോന്ന് പറയുമ്പോൾ കണ്മണി തലയാട്ടി.... യാത്രയുടെ സന്തോഷമോ ആകാംഷയോ ഒന്നും തന്നെ അവളിലില്ല.... ഉള്ളത് മുഴുവൻ മറ്റൊരുവളെ ഓർത്ത് ജീവിക്കുന്ന തന്റെ പ്രിയപ്പെട്ടവൻ മാത്രം.... കണ്മണി എല്ലാത്തിനും മറുപടി പുഞ്ചിരിയിലൊതുക്കി.... അവളിലെ മാറ്റം ടീച്ചർ തിരിച്ചറിയാതെ അല്ല... എങ്കിലും ഒന്നും ചോദിച്ചില്ല... എപ്പോഴും കലപില പറഞ്ഞു വരുന്ന പെണ്ണാണ് ഇന്ന് ശോകം അടിച്ചിരിക്കുന്നത്.... അവർക്കിടയിലെ ചെറിയ സൗന്ദര്യപ്രശ്നം ആണെങ്കിൽ അവർ തന്നെ പറഞ്ഞു തീർക്കട്ടെ എന്ന് അവരും കരുതി..... രാത്രിയിൽ കണ്മണി റൂമിലേക്ക് കയറി വരുമ്പോൾ സിദ്ധു ബെഡിൽ കിടക്കുകയായിരുന്നു..... കണ്മണി ഒന്നും മിണ്ടാതെ ബെഡിൽ വന്നു കിടന്നു... സിദ്ധു കിടന്ന കിടപ്പിൽ ഒന്ന് ഉയർന്നു അവളെ എത്തി നോക്കി.... " തലവേദന കുറവില്ലേ കണ്ണേ.... " കൈ എടുത്തു നെറ്റിയിൽ വെച്ചു ചോദിച്ചു.... മറുപടി മൂളലിൽ ഒതുക്കി കളഞ്ഞവൾ... വീണ്ടും വീണ്ടും സ്നേഹം വെച്ചു നീട്ടി തന്നെ പൊട്ടിയാക്കുന്നു എന്നവൾക്ക് തോന്നി.... " പിന്നെ എന്താണ് എന്റെ കണ്ണിന് ഒരു വാട്ടം...." " എനിക്ക് ഉറക്കം വരുന്നു... " കണ്മണി താല്പര്യമില്ലാതെ പറഞ്ഞു.... " യാത്രയുടെ ക്ഷീണം ആയിരിക്കും... കിടന്നോ.... " അവൻ കൈ നീട്ടി വെച്ചു... അവൾക്ക് കയറി കിടക്കാൻ പാകത്തിന്... പക്ഷെ കണ്മണി തിരിഞ്ഞു നോക്കിയില്ല... ചെരിഞ്ഞു കിടന്നു.... ഇനിയും വിഡ്ഢിയാവാൻ വയ്യാ.... യാത്രയിൽ പൗർണമി മിസ്സുമായി എല്ലാം തുറന്നു സംസാരിക്കണം.... അവർക്ക് രണ്ടുപേർക്കും ഇപ്പോഴും ഇഷ്ടമാണെങ്കിൽ താൻ ഒഴിഞ്ഞു കൊടുക്കണം... തിരിച്ചു വന്നു ശ്രീയേട്ടനെ കാര്യങ്ങൾ പറഞ്ഞു മനസിലാക്കാം.... ശ്രീയേട്ടൻ എല്ലാവരോടും കാര്യം പറഞ്ഞോളും.... വൈകി വന്ന തിരിച്ചറിവ് ആണെങ്കിലും ഇന്നതിന് തന്റെ മനസമാധാനത്തോളം വിലയുണ്ട്.... സിദ്ധുവും പൗർണമിയും ഒന്നിച്ചു ജീവിക്കുന്ന നിമിഷം മനസ്സിൽ തെളിഞ്ഞതും ഹൃദയം ചിന്നിയത് പോലൊരു വേദന... കണ്ണുകൾ നിറഞ്ഞു.... ചുണ്ടുകൾ വിതുമ്പി..... രാവിലെ കണ്ണ് തുറന്നു നോക്കുമ്പോൾ സിദ്ധുവിന്റെ കൈ തണ്ടയിൽ തലവെച്ചു അവന്റെ നെഞ്ചിലേക്ക് ഒട്ടിയാണ് കിടപ്പ്.... മറുകൈ കൊണ്ടവൻ തലയിൽ തലോടുന്നുണ്ട്.... ആ കിടപ്പിൽ ഇത്തിരി നേരം കൂടി കിടക്കാൻ തോന്നി അവൾക്ക്.... അവന്റെ നെഞ്ചിലെ മണം ആവാഹിച്ചു കൊണ്ടുള്ള കിടപ്പ്.... അങ്ങനെ എഴുന്നേൽക്കാൻ മടി തോന്നി... ഉറക്കത്തിലെന്ന പോലെ അവളൊന്നു ചെരിഞ്ഞു കിടന്നു അവനിൽ നിന്നും അടർന്നു മാറി കണ്ണുകളടച്ചു കിടന്നു.... സിദ്ധു ഒരു ചിരിയോടെ എഴുന്നേറ്റു.... മറുവശം ചെരിഞ്ഞു കിടന്നവളെ ഏന്തി വലിഞ്ഞോന്ന് നോക്കി... പിന്നെ നെറ്റിയിലൊരു ഉമ്മയും കൊടുത്തു ബാത്‌റൂമിലേക്ക് കയറി.... കണ്മണി ഒരു നിമിഷം പകച്ചു... നെറ്റിയിലൊരു കുഞ്ഞുമ്മ തന്ന് അടർന്നു മാറിപ്പോയ സിദ്ധുവിൽ കുടുങ്ങി ചിന്തകൾ.... തല പെരുക്കുന്ന പോലെ... പരസ്പരം തുറന്നു സംസാരിക്കാത്തതിന്റെ പാകപിഴവുകളിൽ അടി തെറ്റി പോയൊരുവൾ.... അവളിലെ അപക്വമായ മനസ് സ്നേഹത്തെ തേടുമ്പോൾ മറ്റൊരുവൻ പക്വമായ മനസ് കൊണ്ടു പ്രണയത്തെ വരച്ചു കാണിക്കാൻ ശ്രമിക്കുന്നു...... രണ്ടും രണ്ടു ദ്രുവങ്ങളിലെ അന്തരം പോലെയുള്ള പ്രവർത്തികളും..... കണ്മണി ഷോപ്പിംഗിന് ഇറങ്ങുമ്പോ ഭാമ ടീച്ചറെയും കൂടെ കൂട്ടി... ഒപ്പം സേതുമാഷും സിദ്ധുവും.... എല്ലാവരും കൂടെ ഒന്നിച്ചു സന്തോഷത്തോടെയുള്ള യാത്ര.... എല്ലാം വാങ്ങി മടങ്ങുമ്പോൾ സന്ധ്യ മയങ്ങിയിരുന്നു.... " കനി മോളെ വീട്ടിൽ കയറി പോയാൽ മതിയോ...? " സിദ്ധുവിന്റെ അച്ഛൻ ചോദിച്ചു... " വേണ്ട അച്ഛാ... നാളെ വൈകുന്നേരം പോകാം..... എന്നിട്ട് ഒരു ദിവസം അവിടെ നിൽക്കാം... പിറ്റേന്ന് വൈകുന്നേരം ഞങ്ങൾ കോളേജിലേക്ക് പോകണം... " സിദ്ധു പറഞ്ഞു... അത് ശരി വെക്കുന്ന പോലെ സേതുമാഷ് തലയാട്ടി.... പുറത്ത് നിന്ന് ഭക്ഷണവും കഴിച്ചാണ് വീട്ടിലേക്ക് തിരിച്ചത്..... കണ്മണി കിടക്കാനായി മുറിയിലേക്ക് ചെല്ലുമ്പോ സിദ്ധു ഒരു ട്രോളി ബാഗിൽ കൊണ്ട് പോകാനുള്ള സാധനങ്ങൾ പാക്ക് ചെയ്‌യായിരുന്നു... കണ്മണി ഡോർ ലോക്ക് ചെയ്തു ബെഡിൽ വന്നിരുന്നു.... " നിന്റെ വല്ലതും ഇനി വെക്കാനുണ്ടോ കണ്ണേ...? സിദ്ധു പാക്ക് ചെയ്യുന്നതിനിടെ ചോദിച്ചു.... കണ്മണിയുടെ പ്രതികരണം ഒന്നുമില്ലാത്തതിനാൽ സിദ്ധു മുഖമുയർത്തി അവളെ നോക്കി.... " കണ്ണേ ചോദിച്ചത് കേട്ടില്ലേ...? " തന്നെ ഉറ്റുനോക്കുന്നവളെ നോക്കി സിദ്ധു ചോദിച്ചു..... " സിദ്ധു ഏട്ടന് എന്നെ ഇഷ്ടമാണോ...? " കണ്മണിയുടെ ചോദ്യം കേട്ട് സിദ്ധുവിന്റെ ചുണ്ടിലൊരു ചിരി മിന്നി.... " നട്സും ബേക്കേറിയും ആ ബാഗിലുണ്ട്... " ഒരു ബാക്ക് ബാഗ് ചൂണ്ടി സിദ്ധു പറഞ്ഞു.... " ഇതാണോ ഞാൻ ചോദിച്ചതിനുള്ള ഉത്തരം....? " കണ്മണി ഗൗരവത്തിൽ ചോദിച്ചു.... " കിടക്കാൻ നോക്ക് നീ... " സിദ്ധു താല്പര്യമില്ലാതേ പറഞ്ഞു... " സിദ്ധു ഏട്ടന് എന്നെ ഇഷ്ടമാണോ....? " കണ്മണി ഇത്തിരി കൂടെ ഗൗരവത്തിൽ ചോദിച്ചു.... " നിനക്ക് എന്ത് തോന്നി... എനിക്ക് നിന്നെ ഇഷ്ടമാണോ? " സിദ്ധുവിന്റെ മറു ചോദ്യത്തിൽ കണ്മണിക്ക് ഉത്തരം മുട്ടി.... " എന്തെ മറുപടി ഇല്ലേ നിനക്ക്...." സിദ്ധു വീണ്ടും ചോദിച്ചു.... " എന്നെ ഇഷ്ട്ടമല്ലെങ്കി ഡിവോഴ്സ് ചെയ്തോളു.... " കണ്മണി ഒറ്റ ശ്വാസത്തിൽ പറഞ്ഞു തീർത്തു.... " എന്ത്‌...? " കേട്ടത് അത് തന്നെ ആണോ എന്ന് ഉറപ്പിക്കാൻ സിദ്ധു വീണ്ടും ചോദിച്ചു.... " എന്നെ ഇഷ്ട്ടമല്ലെങ്കി ഡിവോഴ്സ് ചെയ്തോളുന്ന്....... " " ഓഹ്... എന്റെ ഭാര്യ വല്ല്യേ വല്ല്യേ കാര്യങ്ങളെ കുറിച്ചാണല്ലോ സംസാരിക്കുന്നത്.... " സിദ്ധു കണ്മണിയുടെ തൊട്ടാരികിൽ വന്നിരുന്നു.... അവളെ സൂക്ഷിച്ചു നോക്കി.... " എന്തെ നിന്റെ ദിവ്യ പ്രേമത്തിന് നീ എക്സ്പിയറി ഡേറ്റ് ഇട്ടിട്ടുണ്ടോ....? " സിദ്ധു അവളെ പരിഹസിക്കും പോലെ പറഞ്ഞു.... " എന്റെ പ്രണയം അന്നും ഇന്നും സത്യമാണ്.... പക്ഷെ പണ്ടും സിദ്ധു ഏട്ടൻ ആവർത്തിച്ചു പറഞ്ഞിരുന്നു എന്നെ സ്നേഹിക്കില്ലെന്ന്.... " " അതിന്.... " സിദ്ധു അവളെ സംശയത്തോടെ നോക്കി.... " ഇഷ്ട്ടമല്ലെങ്കിൽ ഞാൻ ഒഴിഞ്ഞു പോവാം.... " അവളുടെ തൊണ്ടയിടറിയത് സിദ്ധു വ്യക്തമായി മനസിലാക്കി.... " പിരിയുന്നത് കൊണ്ടല്ല... പിന്നെ ഞാൻ ഒരു സെക്കൻഡ് ഹാൻഡ് പ്രോപ്പർട്ടി ആവില്ലേ...? " സിദ്ധു വല്ലാത്തൊരു ആലോചനയോടെ പറഞ്ഞു... കണ്മണിക്ക് ദേഷ്യം തോന്നി.... " നമ്മളെ സ്നേഹിക്കാനും കാത്തിരിക്കാനും ആളുണ്ടെങ്കി അതൊരു പ്രശ്നമാവില്ല.... " " എന്ത്‌ പറഞ്ഞഡി.... ആരാ നിന്നെ സ്നേഹിക്കാനും കാത്തിരിക്കാനും ഉള്ളത്.... " സിദ്ധു അവളുടെ ചെവിയിൽ പിടിച്ചു ഞെരടി.... വേദന കൊണ്ടു പിടഞ്ഞവൾ.... അവനിൽ നിന്നും പിടി വിട്ടു കണ്മണി എഴുന്നേറ്റു... ഒപ്പം സിദ്ധുവും... അവൾ ഓടും മുന്നേ അവളെ കൈപിടിയിലൊതുക്കി ചുമരിനോട് ചേർത്തു നിർത്തി.... അവളിലേക്ക് ഒന്ന് ചാഞ്ഞു സിദ്ധു..... " എന്റെ കാര്യമല്ല... സിദ്ധു ഏട്ടന്റെ കാര്യം പറഞ്ഞതാ... പൗർണമി മിസ്സ്‌ ഉണ്ടല്ലോ.... " അപ്പോഴാണ് പെണ്ണ് അത്രേം നേരം പറഞ്ഞു വരുന്നതിന്റെ പൊരുൾ അവന് കത്തിയത്.... "അവള് ഉണ്ടെന്ന് കരുതി എനിക്ക് നിന്നെ വേണ്ടെന്ന് വെക്കാൻ പറ്റില്ലെങ്കിലോ....?" കണ്മണി കണ്ണുകൾ ഉയർത്തി അവനെ നോക്കി.... വല്ലാത്തൊരു തിളക്കം പെണ്ണിന്റെ കണ്ണിന്.... "അപ്പൊ ആരെയാ ഇഷ്ട്ടം...." കണ്മണി അവനെ നോക്കി ചോദിച്ചു.... " പൗർണമിയെ.... " അവന്റെ കൈകൾ ബനിയനുള്ളിലൂടെ അവളുടെ വയറിൽ തൊട്ട് തലോടി കൊണ്ടു അവളെ ഒന്ന് കൂടെ വലിച്ചു ദേഹത്തോട് ചേർത്തു നിർത്തി കൊണ്ടു സിദ്ധു പറഞ്ഞു.... " എന്നെ ഇഷ്ടമാണെന്ന് എനിക്ക് അറിയാം.... " കണ്മണി പരാതി പോലെ പറഞ്ഞു... സിദ്ധുവിന്റെ നേർത്ത ചിരി...... അവളാ ചിരിയിലേക്ക് ആഴ്ന്ന് പോയി.... ചോദിക്കാൻ വന്നതെല്ലാം മറന്നു പോയ നിമിഷം.... സിദ്ധുവിന്റെ കൈകളവളെ തലോടി.... കണ്മണി വല്ലാത്തൊരു ആലസ്യത്തിലേക്ക് കൂപ്പ് കുത്തി.... മുഖങ്ങൾ തമ്മിലടുത്തു.... അവന്റെ അധരം നെറ്റിയിലേക്ക് ചേർക്കപ്പെട്ടു.... കണ്മണി അവനെ പുണർന്നു.... മഴ കാത്ത് നിന്ന മരുഭൂമിയെ പോലെ.... കണ്ണിൽ കവിളിൽ.... ചുണ്ട് പതിയുന്നിടം അവൾക്ക് ഇക്കിളി തോന്നി.... . ഒടുവിൽ അധരങ്ങൾ തമ്മിലൊന്ന് ഉരസി.... അവളുടെ ഉള്ളവും അവനൊന്നു ആഴത്തിൽ ചുംബിച്ചെങ്കിൽ എന്നലറി..... വീണ്ടും അവനിലേക്ക് സമർപ്പിക്കാനെന്ന വണ്ണം കണ്മണി കണ്ണുകളടച്ചു മുഖം ഉയർത്തി..... സിദ്ധു അവളെ പ്രണയത്തോടെ നോക്കി.... അവളെ ആഞ്ഞു പുൽകി ചുംബിക്കാനുള്ള വെമ്പലിൽ ശരീരം വല്ലാതെ ചൂട് പിടിച്ചു.... ഇനി തങ്ങളുടെ പ്രണയനിമിഷങ്ങളാണ് എന്നോർക്കേ സിദ്ധു അവളുടെ കവിൾ തടത്തിൽ കൈ ചേർത്തു..... കാത്തിരിക്കുക.... #📙 നോവൽ #💞 പ്രണയകഥകൾ #📝 ഞാൻ എഴുതിയ വരികൾ #📔 കഥ