#😇My Status మూడో బిడ్డ పుడితే - 30,000 నాలుగో బిడ్డ పుడితే - 40,000 --------------------------- ✍️రవితేజ బొప్పూడి బిడ్డ పుట్టినప్పుడు ఖర్చు = Rs. 50000 (avg.) వ్యాక్సిన్లు, సంవత్సరం నుండి మూడు సంవత్సరాల లోపు వచ్చే జ్వరాల తాలూకు హాస్పిటల్, మందుల ఖర్చులు = కనీసం Rs. 1,00,000 LKG నుండి 10th వరకు సగటున 70 వేలు వేసుకున్నా = 70,000 x 12 = Rs. 8,40,000 ఇంటర్మీడియట్ ఒక్కో సంవత్సరం ఫీజు... లక్షన్నర నుండి రెండు లక్షలు = Rs. 3,00,000 పిల్లల బొమ్మలు, బట్టలు, extra ఆటల కోచింగ్, హాస్పిటల్ ఖర్చులు = కనీసం Rs. 50,000 per year = 8 lakhs till intermediate. ఇవన్నీ కలుపుకుంటే... ఒక పిల్లాడు ఇంటర్మీడియట్ కి వచ్చేవరకు అయ్యే కనీస ఖర్చు = 21 లక్షలు ఇది చాలా కన్సర్వేటివ్ గా వేసిన అంచనా. ఇంకా బోలెడన్ని hidden costs కూడా ఉంటాయి. పైగా నేటి రేట్ల ప్రకారం వేసిన అంచనా. పిల్లలు పెద్దయ్యేసరికి... ద్రవ్యోల్బణం కారణంగా ఈ అంచనా 30-35 లక్షల వరకు పెరుగుతుంది. సరే... ఇదంతా ఒక్క పిల్లాడి మీద ఖర్చు. మరి నలుగురు పిల్లలు అంటే 4 x 21 lakhs (నేటి అంచనా ప్రకారం) = 84 లక్షలు. ఆ తరువాత ఈ పిల్లలు గ్రాడ్యుయేషన్ చేయడానికి అయ్యే ఖర్చు? అప్పుడప్పుడు వెళ్ళే సినిమాలు, హోటళ్ళు, టిప్స్, ఫంక్షన్స్... ఇవన్నీ ఉంటాయి. కుటుంబ బాధ్యతలు... అనగా భార్య, భర్త ఆరోగ్యం తాలుకు ఖర్చులు. పౌష్టిక ఆహారం కోసం చేసే ఖర్చు, డిజిటల్ ఖర్చు. ఓ ప్లాటో, ఇల్లో, కొంచెం బంగారమో, కారో కొనుక్కోవాలనే ఆశ. వీటన్నిటికీ ఎంత ఖర్చు అవుతుంది? ఆర్థిక లెక్కలు పక్కన పెట్టి... ఒక్క పిల్లాడిని ఆయాలు, డొమెస్టిక్ హెల్ప్ లేకుండా పెంచడం ఎంత కష్టమో పెంచే వారికే తెలుస్తుంది. ఎంత మెంటల్ స్ట్రెస్ ఉంటుందో పడే వారికే తెలుస్తుంది. అలాంటిది నలుగురు పిల్లల్ని పెంచడం అంటే... అమ్మలు, నాన్నలు మానసికంగా ఏమైపోతారో కూడా ఊహించలేను. ఇంత మానసిక, శారీరక, ఆర్థిక ఖర్చు పెట్టుకుని 3వ పిల్లాడికి 30వేలు, 4వ పిల్లాడికి 40వేలు... అంటే మొత్తం మీద 70వేలు. ఒక్క పిల్లాడి సంవత్సరం ఖర్చుకు కూడా సరిపోదు సార్. మీరన్న పాయింట్, India has less/declining younger population అన్నది వాస్తవం కావచ్చు. But, 70,000 ఇస్తాను నాలుగు పిల్లల్ని కంటే అనడం... ఏమో! It's illogical!