#✊🏻 ED പരിശോധന പൂർണം; വാഹനങ്ങൾ തകർത്ത് CPM പ്രവർത്തകർ, മുഷ്ടി ചുരുട്ടി പിണറായി! ആഭ്യന്തരവകുപ്പിന് വീഴ്ച പറ്റി എന്ന് ആഭ്യന്തരമന്ത്രി പറയാതെ പറഞ്ഞു! " കണ്ണൂരും കോഴിക്കോടും ഒന്നും നടന്നില്ലല്ലോ. ഇവിടെ തിരുവനന്തപുരത്ത് ആസൂത്രിതമായിരുന്നു കാര്യങ്ങൾ. എന്നാലും അക്രമികളെ പിടികൂടും." എന്നു പറഞ്ഞ് അദ്ദേഹം നൈസ് ആയി സ്ലിപ്പായി ! ED റെയ്ഡിന്റെ കാര്യം സംസ്ഥാനത്തെ അറിയിച്ചാലും ഇല്ലെങ്കിലും തിരുവനന്തപുരത്ത് പിണറായി വിജയൻ താമസിക്കുന്ന വീട്ടിൽ റെയ്ഡ് നടക്കുമ്പോൾ ഓരോ നിമിഷവും ആഹ്വാനം അനുസരിച്ച് അവിടെ എത്തിക്കൊണ്ടിരുന്ന പ്രവർത്തകരെ, അവരിലെ അക്രമികളെ, പത്തുകൊല്ലം അവർ കെട്ടിയിട്ടിരുന്ന അക്രമവീര്യത്തെ, കണ്ടില്ലെന്ന് നടിക്കാൻ ക്രമ സമാധാനം പാലിക്കേണ്ട കേരള പോലീസിന് കഴിഞ്ഞതിലാണ് അത്ഭുതം! ആദ്യം മുതൽ തന്നെ ആവശ്യത്തിന് സേനയെ അവിടെ വിന്യസിക്കണമായിരുന്നു. ED ഉദ്യോഗസ്ഥർക്ക് പുറത്തിറങ്ങാനുള്ള സുരക്ഷിതമായ സാഹചര്യം ഒരുക്കണമായിരുന്നു. അവിടെ കൂടിയിരുന്ന നേതാക്കളെയും പ്രവർത്തകരെയും അവരിലെ അക്രമികളെയും ആദ്യമേ നീക്കം ചെയ്യാൻ ശ്രമിക്കണമായിരുന്നു. ED റെയ്ഡ് നേരത്തെ അറിയിച്ചാലും ഇല്ലെങ്കിലും ആ ഒരു സാഹചര്യത്തിൽ വേണ്ടത് നടന്നില്ല. അവിടെ നിയന്ത്രണം ആർക്കായിരുന്നു എന്ന് വീഡിയോ കണ്ടവർക്ക് വ്യക്തമാണ്. എന്തു ചെയ്യണം എന്നറിയാതെ ആ നിമിഷങ്ങളിൽ ആഭ്യന്തര വകുപ്പ് പകച്ചു പോയോ എന്ന് സംശയം ! ദുർബലമായി പ്രതിരോധിക്കുന്ന പോലീസിനെയാണ് ED ഉദ്യോഗസ്ഥർ ഇറങ്ങിവരുന്ന നേരത്തും നമ്മൾ കണ്ടത് ! ആവശ്യത്തിന് സേന അവിടെ എത്തിയതുമില്ല. എത്ര നെഞ്ചിടിപ്പോടെയാവും ആ ഉദ്യോഗസ്ഥരും ഡ്രൈവർമാരും ആ നിമിഷം പുറത്തിറങ്ങിയത് ! അതുകഴിഞ്ഞ് പാളയത്ത് പക്ഷേ പോലീസിന്റെ കാർക്കശ്യത്തിന് മുന്നിൽ CPM നേതാക്കൾക്ക് വഴങ്ങേണ്ടിവന്നു. മനപ്പൂർവമല്ലാത്ത വിധത്തിൽ അക്രമികളെ അവർ പുറത്തിറക്കിക്കൊടുത്തു ! അങ്ങനെ ആറേഴു പേരെ പിടികൂടി. അല്ലെങ്കിൽ ഒരു പക്ഷേ പോലീസ് അകത്തുകയറുമെന്നും തങ്ങൾക്ക് നാണക്കേടാകുമെന്നും നേതാക്കൾ കരുതിക്കാണണം ! അതോ അപ്പോഴും എല്ലാം കശക്കിയെറിയും എന്ന വാശിയിലായിരുന്നോ ? ഒരു റുട്ടീൻ റെയ്ഡ് , ഹൈക്കോടതിയുടെ ഉത്തരവിന് ശേഷം നടക്കുമ്പോൾ എന്തിനാണ് സിപിഎം ഇത്രയധികം വിറളി കൊള്ളുന്നത് ! അവർ റെയ്ഡ് നടത്തും, പോകും. ബാക്കി നടപടികൾ നിയമപരമായി സ്വീകരിക്കും. ആ നിയമപരമായ നടപടികളെ ഇതുപോലെ അക്രമം കൊണ്ട് നിങ്ങൾക്ക് നേരിടാൻ കഴിയുമോ? അതോ ഈ അക്രമം പേടിച്ച്, നിയമപരമായ നടപടികൾ അവർ നിർത്തിവയ്ക്കും എന്നാണോ? കഴിഞ്ഞ കുറെ വർഷങ്ങളിൽ കേരളത്തിൽ ഇതുപോലെ പാതിരാത്രിയിലും നട്ടപ്പാതിരയ്ക്കും എത്ര നേതാക്കളുടെ വീട്, എത്ര മാധ്യമ പ്രവർത്തകരുടെ വീട്, ഇതുപോലെ റെയ്ഡ് നടത്തി അവരെ അറസ്റ്റ് ചെയ്തു? അപ്പോഴൊന്നും ഇതുപോലുള്ള അക്രമങ്ങൾ കണ്ടില്ലല്ലോ! അടുത്ത അഞ്ചു വർഷത്തിനുശേഷം വീണ്ടും അധികാരത്തിൽ വരില്ല എന്ന് ഓരോ നിമിഷവും ഇങ്ങനെ ഉറപ്പാക്കുക. അഭിവാദ്യങ്ങൾ !