ఈరోజు “ఫ్రీడమ్” అనే ముసుగులో మన పిల్లల భవిష్యత్తునే మనమే కాల్చేస్తున్నాం! స్వేచ్ఛ అంటే విలువల్ని వదిలేయడం కాదు… స్వేచ్ఛ అంటే సంస్కారాన్ని చంపేయడం కాదు… స్వేచ్ఛ అంటే పెద్దలను అవమానించడం కాదు! కానీ నేటి పరిస్థితి ఏమిటి? చిన్న వయసులోనే అహంకారం, అశ్లీలత, అడ్డదిడ్డంగా ప్రవర్తించడం… దానికి తల్లిదండ్రులే మద్దతు ఇస్తూ “మా పిల్లలు మోడర్న్… ఫ్రీగా పెరుగుతున్నారు” అని గొప్పలు చెప్పుకుంటున్నారు! నిజం చెప్పాలంటే — ఇది ఫ్రీడమ్ కాదు… ఇది పతనం! పిల్లలకు ఫోన్ ఇచ్చి, ఫ్రీడమ్ ఇచ్చామని అనుకుంటున్నారు… కానీ మీరు ఇచ్చింది ఫోన్ కాదు ఆది వారి భవిష్యత్తుని నాశనం చేసే ఆయుధం! ఒకప్పుడు గురువు ముందు నిలబడితే గౌరవంతో తల వంచేవారు… ఇప్పుడు తల్లిదండ్రుల ముందే తల ఎత్తి మాట్లాడుతున్నారు! ఒకప్పుడు పాఠశాలలు వ్యక్తిత్వాన్ని నిర్మించేవి… ఇప్పుడు పిల్లలకి , వారి తల్లితండ్రులకు భయపడే కేంద్రాలుగా మారిపోయాయి “సంస్కారం” అనే పదం ఈ తరం లో మచ్చుకైనా కనిపించడం లేదు, వినిపించడం లేదు… “మర్యాద” అనే మాట నవ్వుల పాలైంది… “బాధ్యత” అనే మాటకి అర్థమే లేకుండా పోయింది! ఇది చూసి బాధపడటం సరిపోదు… ఇది చూసి మనసు మండిపోవాలి! ఎందుకంటే మనం కోల్పోతున్నది ఒక్క తరాన్నే కాదు మొత్తం సమాజాన్ని ... ఇలాంటి పరిస్థితుల్లో పిల్లలను తిరిగి మంచితనం వైపు తిప్పడం, తల్లిలా ప్రేమతో, గురువులా కఠినంగా మార్గనిర్దేశం చేయడం ఇది ఒక యుద్ధం! అవును… ఇది సమాజాన్ని కాపాడే యుద్ధం! ఇప్పటికైనా తల్లిదండ్రులు మేల్కొనాలి… లేకపోతే రేపు మీ కళ్ల ముందే మీ పిల్లలు దారి తప్పినప్పుడు కన్నీళ్లు కార్చడం తప్ప మరేమీ మిగలదు! “ఫ్రీడమ్” అనే పేరుతో పిల్లలను నాశనం చేయొద్దు… సంస్కారం నేర్పండి… మర్యాద నేర్పండి… మనిషిగా ఎలా ఉండాలో నేర్పండి! లేకపోతే రేపటి సమాజం మన చేతుల్లో కాదు… మన తప్పిదాల చేతుల్లో, వ్యసనాల చెప్పుచేతల్లో ఉంటుంది! తస్మాత్ జాగ్రత్త..... #🇮🇳 మన దేశ సంస్కృతి #🇮🇳దేశం #💪పాజిటీవ్ స్టోరీస్