നിങ്ങൾക്ക് പണം തരാൻ ഉണ്ട് എന്ന് കരുതി എൻ്റെ അച്ഛൻ നിങ്ങളെ വിവാഹം ചെയ്യാൻ എന്നോട് പറയും എന്നാണോ നിങ്ങൾ കരുതിയത്. അത് ഒരിക്കലും നടക്കില്ല. " " എന്നാൽ നീ ഇത് കേട്ടോ നീയും ഞാനും ആയുള്ള കല്യാണത്തിന് നിൻ്റെ അച്ഛൻ സമ്മതിച്ചു എന്ന് മാത്രമല്ല, കല്യാണ കാർഡും അയാൾ അടിച്ചു കഴിഞ്ഞു. " അത് കേട്ടതും അവൾ ആകെ തകർന്നു. "ഇല്ല. എൻ്റെ അച്ഛൻ അതിന് ഒരിക്കലും സമ്മതിക്കില്ല." "അതൊക്കെ നീയും നിൻ്റെ അച്ഛനും തമ്മിലുള്ള കാര്യം. അതിൽ ഞാൻ ഇടപെടാൻ വരുന്നില്ല. നിനക്ക് വിശ്വാസമില്ലെങ്കിൽ നീ തന്നെ നിൻ്റെ അച്ഛനോട് ചോദിക്ക്. അപ്പോ മിസ് ഗൗരി വിശ്വാനാഥൻ നാളെ മിസിസ് ഗൗരി അഭിമന്യൂ ആവാൻ റെഡി ആയിക്കോള്ളൂ. അയാൾ അവളെ നോക്കി ഒന്ന് ക്രൂരമായി ചിരിച്ച് മുറിയിൽ നിന്നും ഇറങ്ങി പോയി. അയാൾ പോയതും ഗൗരി താഴേ അച്ഛൻ്റെ അടുത്തേക്ക് ഓടി. "അച്ഛാ അയാൾ എന്തോക്കെയാണ് ഈ പറയുന്നേ. അച്ഛൻ എന്നേ അയാൾക്ക് കല്യാണം കഴിച്ച് കൊടുക്കാം എന്ന് പറഞ്ഞുവത്രേ".ഗൗരിയുടെ ചോദ്യത്തിന് മുന്നിൽ ആ അച്ഛന് തല കുനിച്ച് നിൽക്കാനേ കഴിഞ്ഞുള്ളൂ. " അച്ഛനോട് ക്ഷമിക്ക് മോളേ ". അച്ഛൻ്റെ ആ വാക്കുകളിൽ നിന്നും ഗൗരിക്ക് എല്ലാം മനസിലായി.അവൾ തിരിച്ച് മുറിയിലേക്ക് നടന്ന് വാതിൽ അടച്ചു. (ഇത് ഗൗരി.ഗൗരി വിശ്വനാഥൻ .ഇപ്പോൾ പി.ജിക്ക് പിഠിക്കുന്നു. അച്ഛനും അമ്മയും ചേച്ചിയും അനിയത്തിയും അടങ്ങുന്ന ഒരു ചെറിയ കുടുംബമാണ് ഞങ്ങളുടേത്. ഞങ്ങൾ മൂന്ന് പെൺമക്കൾ ആണ്. പാർവതി, ഗൗരി, ലക്ഷ്മി.എൻ്റെ ചേച്ചി പാർവ്വതി കാണാൻ നല്ല സുന്ദരി ആയിരുന്നു.അതു കൊണ്ട് തന്നെ ഞങ്ങളുടെ നാട്ടിലെ അഭിമന്യൂ ഗ്രൂപ്പ് ഓഫ് കമ്പനീസിൻ്റെ MD ആയ അഭിമന്യൂ വർമ്മയുമായി എൻ്റെ ചേച്ചിയുടെ കല്യാണം ഉറപ്പിച്ചു. ഒരു സാധാരണ മിഡിൽ ക്ലാസ് ഫാമിലി ആണ് ഞങ്ങൾ. അതു കൊണ്ട് തന്നെ ഞങ്ങൾക്ക് സ്വപ്നം കാണാൻ പോലും കഴിയാത്ത ഒരു ബന്ധമായിരുന്നു അത്. കല്യാണ ദിവസത്തിൻ്റെ ഒരാഴ്ച്ച മുൻപ് ചേച്ചി മറ്റൊരു പയ്യനുമായി ഒളിച്ചോടി. ആരോടും അധികം സംസാരിക്കാത്ത പാവം ആയിരുന്ന ചേച്ചി ഒരാളുടെ കൂടെ ഒളിച്ചോടി എന്ന് അറിഞ്ഞപ്പോൾ ഞങ്ങൾ എല്ലാവരും അക്ഷരാർത്ഥത്തിൽ ഞെട്ടി. ചേച്ചിയുടേയും എൻ്റെയും വിദ്യാഭ്യാസത്തിന് വേണ്ടി അച്ഛൻ കുറച്ച് വലിയ തുക ബാങ്കിൽ നിന്നും എടുത്തിരുന്നു. കല്യാണം ഉറപ്പിച്ചതിനു ശേഷം ആ ലോൺ മുഴുവൻ അവരാണ് അടച്ചു തീർത്തത്. ചേച്ചിയുടെ ഒളിച്ചോട്ടത്തോടെ കല്യാണം മുടങ്ങി.അതിനിൽ നിശ്ചയിച്ച ദിവസത്തിൽ തന്നെ കല്യാണം നടത്താനായി അഭിമന്യുവിന് വേണ്ടി അവർ എന്നെ കല്യാണം ആലോചിച്ചു. എന്നാൽ ചെറുപ്പം മുതൽ ഞാനും എൻ്റെ മുറച്ചെറുക്കനും ആയ അരുണും തമ്മിലുള്ള വിവാഹം പറഞ്ഞു വച്ചതിനാൽ അച്ഛൻ അത് എതിർത്തു. ചേച്ചിയുടെ ഒളിച്ചോട്ടവും ,അച്ഛൻ്റെ എതിർപ്പും അയാളിൽ പക ഉണ്ടാക്കുകയും അതിൻ്റെ ഭാഗമായി ഒന്നെങ്കിൽ കല്യാണം അല്ലെങ്കിൽ നൽകിയ പണം ഒരാഴ്ച്ചക്കുള്ളിൽ കൊടുത്തു തീർക്കണം എനിക്ക് താഴേ വളർന്ന് വരുന്ന ഒരു മകളുടെ കാര്യം കൂടി ഉള്ളതിനാൽ അച്ഛന് ഈ കല്യാണത്തിന് സമ്മതിക്കേണ്ടി വന്നു.) നിറഞ്ഞ താലപൊലിയുടേയും, വാദ്യമേളങ്ങളുടെയും അകമ്പടിയോടെ ഗൗരി കല്യാണമണ്ഡപത്തിലേക്ക് വന്നു. പൂജാരി എടുത്ത് കൊടുത്ത താലി അഭിമന്യൂ ഗൗരിയുടെ കഴുത്തിൽ ചാർത്തി. കുങ്കുമം കൊണ്ട് അവളുടെ സീമന്തരേഖ ചുവപ്പിച്ചു അഭിമന്യൂവിൻ്റെ മുഖത്ത് ഒരു പുഞ്ചിരി ഉണ്ടായിരുന്നു .ഇന്നലെ കണ്ട ആ അഭിമന്യു അല്ല ഈ നിൽക്കുന്നത് എന്ന് ഗൗരിക്ക് തോന്നി പോയി. ആ ആൾകൂട്ടത്തിനിടയിൽ രണ്ട് നിറകണ്ണുകൾ അവളെ നോക്കി നിൽക്കുന്നത് ഗൗരി കണ്ടു. തന്നോടുള്ള അടങ്ങാത്ത പകയാണ് ആ കണ്ണുകളിൽ ഉള്ളത് എന്ന് മനസിലാവാതെ. ഉച്ചക്ക് വീട്ടിലെ എല്ലാവരോടും യാത്ര പറഞ്ഞ് ഗൗരി അഭിമന്യുവിനൊപ്പം യാത്രയായി. അവരുടെ കാർ ഒരു വലിയ വീടിനു മുന്നിൽ ചെന്ന് നിന്നു. " വീട് എത്തി. വാ ഇറങ്ങ് ". അഭിമന്യുവിൻ്റെ ആ ഭാവമാറ്റം ഗൗരിയിൽ ഭയം ഉളവാക്കി.അഭിമന്യുവിൻ്റെ അമ്മ വിളക്കുമായി അവരുടെ അരികിലേക്ക് വന്നു.ഗൗരി വിളക്ക് വാങ്ങി വലത് കാൽ വച്ച് അകത്ത് കയറി.വിളക്ക് പൂജാമുറിയിൽ വച്ച് പ്രാർത്ഥിച്ചു. എൻ്റെ കൃഷ്ണ... എന്നോടുള്ള സ്നേഹം കൊണ്ട് അല്ല ആ അഭിമന്യൂ എന്നെ കല്യാണം കഴിച്ച് ഈ വീട്ടിൽ കൊണ്ട് വന്നത് എന്ന് എനിക്കറിയാം. എൻ്റെ ചേച്ചി ചെയ്ത തെറ്റിനുള്ള ശിക്ഷയായാണ് അയാൾ ഇങ്ങനെ ചെയ്യുന്നത്. അയാൾക്ക് മുന്നിൽ തളരാതെ ധൈര്യത്തോടെ പിടിച്ച് നിൽക്കാൻ എനിക്ക് കഴിയണേ ഭഗവാനേ ഗൗരി പ്രാർത്ഥിച്ചതിന് ശേഷം പൂജാമുറിയിൽ നിന്നും ഇറങ്ങി. "മോനേ അഭി മോൾക്ക് മുറി കാണിച്ച് കൊടുക്ക് " . " വാ അമ്മു "അഭി മുറിയിലേക്ക് നടന്നു. അമ്മുവോ ഇയാൾ ഇത് എന്തൊക്കെയാ എന്നെ വിളിക്കുന്നേ എൻ്റെ പേര് ഗൗരി എന്ന് അല്ലേ.ഇനി ഇയാൾക്ക് ഓർമ്മക്കുറവോ വല്ലതും ഉണ്ടോ .അതോ ഇനി ഇയാൾക്ക് വട്ട് ആണോ. ഈശ്വരാ എന്നേ കാത്തോണേ ഗൗരി ഓരോന്ന് ആലോചിച്ച് അഭിയുടെ പുറകെ നടന്നു മുറിയിൽ കയറിയതും അഭിമന്യു വാതിൽ അടച്ചു.ഗൗരി നേരെ കട്ടിലിൽ ചെന്ന് ഇരുന്നു. ''ഡി ആരോട് ചോദിച്ചിട്ടാ നീ എൻ്റെ ബെഡിൽ കയറി ഇരുന്നേ''. ഇയാൾക്ക് ശരിക്കും ഓന്തിൻ്റെ സ്വഭാവം ആണല്ലോ.കുറച്ച് മുൻപേ കണ്ട ആളല്ല ഇത്. സീരിയലിലെ ഭാര്യയെ പോലെ കണ്ണീര് ഒലിപ്പിച്ച് നിന്നാൽ ഇയാൾ എൻ്റെ തലയിൽ കയറും അതോണ്ട് ഒരു ന്യൂ ജനറേഷൻ ഭാര്യ ആവാം. ''ഓഹ് എനിക്ക് ഒന്നും വേണ്ട നിങ്ങടെ ബെഡ്" .ഗൗരി ബെഡിൽ നിന്നും എഴുന്നേറ്റ് ബെഡിലെ ഷീറ്റ് താഴേക്ക് വലിച്ചിട്ടു. "ഡി നീ എന്തിനാ എൻ്റെ ബെഡ്ഷീറ്റ് താഴേക്ക് വലിച്ചിട്ടത് .മര്യാദക്ക് അത് എടുത്ത് വിരിക്ക്.'' " പറ്റില്ല. നിങ്ങളെ ബെഡ് ആണ് എന്നല്ലേ പറഞ്ഞേ അപ്പോ സ്വയം അങ്ങോട്ട് വിരിച്ചിട്ടാൽ മതി.'' " നീ മര്യാദക്ക് ഈ ഷീറ്റ് എടുത്ത് വിരിക്കുന്നോ അതോ ഞാൻ നിന്നെ കൊണ്ട് വിരിപ്പിക്കണോ" "മോനേ അഭി"അഭിയുടെ അമ്മ വാതിലിൽ വന്ന് മുട്ടി. അഭി ചെന്ന് വാതിൽ തുറന്നു. "അഭി ,മോള് എവിടെ ". " ഞാൻ ഇവിടെ ഉണ്ട് അമ്മേ ".ഗൗരി അമ്മയുടെ അടുത്തേക്ക് നടന്നു. " ഇത് റിസപ്ഷനുള്ള ഡ്രസ്സാണ് ". ഗൗരി ആ ഡ്രസ്സ് വാങ്ങിച്ചു . "മോൾക്ക് എന്തെലും ബുദ്ധിമുട്ട് ഉണ്ടെങ്കിൽ അമ്മയോട് പറയാൻ മടിക്കണ്ട ''. " എയ് അവൾക്ക് ബുദ്ധിമുട്ടൊന്നും ഇല്ല അമ്മേ". ''അതിന് നിന്നോട് ആരാ ചോദിച്ചേ.ഞാൻ എൻ്റെ മോളോടാ ചോദിച്ചേ ". "എനിക്ക് ഒരു ബുദ്ധിമുട്ട് ഉണ്ട് അമ്മ". "എന്താ മോളേ ". " എന്നോട് ബെഡിൽ ഇരിക്കണ്ട എന്ന് പറഞ്ഞു അമ്മേ". അഭിമന്യുവിനെ നോക്കി ഗൗരി പറഞ്ഞു. " നീ എന്തിനാടാ അങ്ങനെ പറഞ്ഞേ. നിൻ്റെ ഭാര്യ അല്ലേ ഇവൾ. അപ്പോ നിൻ്റെ ബെഡിൽ ഇരുന്നാൽ എന്താ ". " അത് 'അമ്മേ .അത് ബെഡ് ഷീറ്റിൽ നിറയെ പൊടി ആയിരുന്നു. അതാ ബെഡിൽ ഇരിക്കണ്ട എന്ന് പറഞ്ഞേ ". " അപ്പോ നിനക്ക് ഷീറ്റ് മാറ്റി വിരിക്കാമായിരുന്നില്ലേ ". " മാറ്റി വിരിക്കാം അമ്മേ ". " എന്നാ നീ മാറ്റി വിരിക്ക്. എന്നിട്ടേ ഞാൻ പോവുന്നുള്ളൂ." അഭി കബോഡിൽ നിന്നും ഒരു ഷീറ്റ് എടുത്ത് മാറ്റി വിരിച്ചു .അമ്മ പോയതും ഗൗരി വേഗം വാതിൽ അടച്ചു ''ഇപ്പോ എങ്ങനെ ഉണ്ട്.ഞാൻ നിങ്ങളെ കൊണ്ട് തന്നെ വിരിപ്പിച്ചതു കണ്ടില്ലേ.അതാണ് ഈ ഗൗരി ". ഡ്രസ്സിൻ്റെ കോളർ പൊക്കി കൊണ്ട് പറഞ്ഞു. തിരിച്ച് ഒന്നും പറയാൻ ഇല്ലാത്തതിനാൽ അഭി ചവിട്ടി തുള്ളി ബാത്ത് റൂമിലേക്ക് പോയി. അവൾ വീണ്ടും ബെഡിൽ ഇരുന്നു. ഈ ബെഡ് സൂപ്പർ ആണല്ലോ.ഗൗരി ബെഡിൽ കേറി നിന്ന് ചാടി കളിക്കാൻ തുടങ്ങി .ഫ്രഷ് ആയി ബാത്ത് റൂമിൽ നിന്നും ഇറങ്ങിയ അഭിമന്യു ബെഡിൽ ചാടി കളിക്കുന്ന ഗൗരിയെ ആണ്. "ഡീ..... " അഭിമന്യൂ ദേഷ്യത്തോടെ വിളിച്ചു. ഡീ.... നിനക്ക് എന്താ പറഞ്ഞാ മനസിലാവില്ലേ. നിന്നോട് ഞാൻ പറഞ്ഞതല്ലേ എൻ്റെ ബെഡിൽ കയറരുത് എന്ന് " . ''അത് പോയി അങ്ങ് പള്ളിയിൽ പോയി പറഞ്ഞാ മതി. ഇത് നിങ്ങളെ സ്വന്തം ബെഡ് ആയിരുന്നു ഇന്നലെ വരെ. പക്ഷേ ഇത് ഇന്ന് മുതൽ എൻ്റെയും കൂടി ആണ്. " "എൻ്റെ ദൈവമേ ഏത് നേരത്താണാവോ എനിക്ക് ഈ കുട്ടി പിശാചിനെ എൻ്റെ തലയിൽ കേറ്റി വക്കാൻ തോന്നിയത് .ശല്യം". "തൻ്റെ പറച്ചില് കേട്ടാൽ തോന്നും ഞാൻ നിങ്ങളെ കൊണ്ട് നിർബന്ധിച്ച് കെട്ടിച്ചതാണ് എന്ന്. നിങ്ങൾ അല്ലേ എന്നേ കെട്ടിയേ പറ്റൂ എന്ന് പറഞ്ഞ് നടന്നിരുന്നത് ". "ഡീ നീ എന്നേ എന്താ വിളിച്ചേ നീ എന്നോ.മര്യാദക്ക് എന്നെ ചേട്ടാ എന്ന് വിളിച്ചോ". "ഓഹ് പിന്നെ. എൻ്റെ പട്ടി വിളിക്കും നിങ്ങളെ എട്ടാ എന്ന്. പിന്നെ ഒരു കാര്യം ഇങ്ങനെ എടീ പോടി എന്നോക്കെ വിളിക്കാൻ നിങ്ങടെ മടിയിൽ ഇരുത്തി ഒന്നും അല്ല എനിക്ക് പേര് ഇട്ടത്. call me gauri. . .ok? "Oh really. എന്നാ നീ കേട്ടോ ഡി.ഡി ഡീ.... " " ചേച്ചി. ചേച്ചിയോട് അമ്മ വേഗം ഫ്രഷ് ആയി വരാൻ പറഞ്ഞു. റിസപ്ഷന് ചേച്ചിയെ ഒരുക്കാൻ ബ്യൂട്ടീഷൻ ഇപ്പോ വരും''. വാതിലിന് പുറത്ത് നിന്ന് ഒരു കുട്ടി വിളിച്ചു പറഞ്ഞു . " ആ .ഞാൻ ദാ വരുന്നു." ഗൗരി വേഗം ബാത്ത് റൂമിലേക്ക് ഡ്രസ്സ് എടുത്ത് നടന്നു. ബാത്ത് റൂമിൻ്റെ വാതിലിനടുത്ത് എത്തിയതും ഗൗരി അഭിക്ക് നേരെ തിരിഞ്ഞു നിന്നു. ''എനിക്ക് ഇപ്പോ സമയം ഇല്ലാത്ത കാരണം ഞാൻ നിങ്ങൾ പറഞ്ഞതിന് മറുപടി പറയുന്നില്ല." ഗൗരി ബാത്ത് റൂമിലേക്ക് കയറി. ഗൗരിയുടെ ഭാവം കണ്ട് അഭിയുടെ ചുണ്ടിൽ ഒരു പുഞ്ചിരി വിരിഞ്ഞു .ഫ്രഷ് ആയി ഗൗരി ഇറങ്ങിയപ്പോൾ റൂമിൽ അഭിയുടെ അനിയത്തി അഭിരാമിയും പരിചയമില്ലാത്ത മറ്റൊരു സ്ത്രീയും ഉണ്ടായിരുന്നു. " ഇത് ചേച്ചിയെ റിസപ്ഷന് ഒരുക്കാൻ വന്ന ബ്യൂട്ടീഷൻ ആണ് ".ഗൗരി അവരെ നോക്കി ഒന്ന് ചിരിച്ചു "അഭിമന്യു സാർ സിംപിൾ മേക്ക് അപ്പ് മതി എന്ന് പറഞ്ഞിട്ടുണ്ട്. മാഡത്തിൻ്റെ ഇഷ്ടവും അതാണോ ". " ആ അതെ''. ഗൗരി തലയാട്ടി. രണ്ട് മണിക്കൂറിനുള്ളിൽ അവർ ഗൗരിയെ ഒരുക്കി. ബ്യൂട്ടീഷൻ പുറത്തേക്ക് പോയതും അഭി മുറിക്ക് ഉള്ളിലേക്ക് വന്നു . " ചേച്ചി സുന്ദരി ആയിട്ടുണ്ട് .ആരും ചേച്ചിയെ കണ്ണുവക്കണ്ട." അഭിരാമി പറയുന്നത് കേട്ടാണ് അഭി റൂമിനുള്ളിലേക്ക് വന്നത്. " ആ ബെസ്റ്റ് .നീ പറഞ്ഞത് ശരിയാ ആമി ഇവളെ കണ്ടാൽ ആരും കണ്ണ് വക്കും. ഇപ്പോ ഇവളെ കണ്ടാൽ ശരിക്കും പാടത്ത് കണ്ണ് തട്ടാതിരിക്കാൻ വേണ്ടി വക്കുന്ന കോലം പോലെ ഉണ്ട്." "ഇല്ല ട്ടോ ചേച്ചി. ഈ അഭിയേട്ടൻ വെറുതെ പറയാ. ഞാൻ താഴേക്ക് പോവാണേ. റിസപ്ഷന് റെഡിയാവണം". അഭിരാമി താഴേക്ക് പോയതും ഗൗരി വാതിൽ അടച്ചു . "അതെയ്യ് എന്നേ ഇപ്പോ കണ്ടാൽ ശരിക്കും അതുപോലെ ഉണ്ടോ ". " എന്ത് പോലെ ". അഭി സംശയത്തോടെ ചോദിച്ചു. " അത് ഈ പാടത്ത് വക്കുന്ന കോലം പോലെ ". '' yes . . . ofcourse". " അല്ല. നിങ്ങൾ അസൂയ കൊണ്ട് വെറുതെ പറയുന്നതാ." ''ഞാൻ എന്തിന് അസൂയ പെടണം. എന്തൊക്കെ പറഞ്ഞാലും നിൻ്റെ ചേച്ചിടെ അത്ര ഭംഗി ഒന്നും നിനക്ക് ഇല്ല ". ആ വാക്കുകൾ ഗൗരിയെ വേദനിപ്പിച്ചു .ഇഷ്ടമില്ലാതെ വിവാഹം കഴിച്ചതാണെങ്കിലും അയാൾ തന്നെക്കാൾ ഭംഗി ചേച്ചിക്കാണ് എന്ന് പറഞ്ഞപ്പോൾ മനസിൽ എവിടെയോ ഒരു വേദന പോലെ. പക്ഷേ അത് മറിച്ച് വച്ച് കൊണ്ട് ഗൗരി അഭിക്ക് നേരെ കൈ ചൂണ്ടി കൊണ്ട് പറഞ്ഞു. ''നിങ്ങൾക്ക് എൻ്റെ ഫാൻസ് പവർ അറിയില്ല. എൻ്റെ കോളേജിൽ എത്ര ആൺ പിള്ളേർ എൻ്റെ ഒരു നോട്ടത്തിന് വേണ്ടി കാത്ത് നിൽക്കുന്നുണ്ട് എന്ന് നിങ്ങൾക്ക് അറിയോ ". " അപ്പോ നീ ബ്ലയിൻ്റ് സ്കൂളിൽ ആണോ പഠിച്ചത് .അല്ലാതെ നിന്നെ ഒക്കെ ആര് നോക്കാനാ ". അഭി ഗൗരിയെ നോക്കി ഒന്ന് പുഛിച്ചു.ഗൗരി ഒന്നും പറയാതെ മുറിക്ക് പുറത്തേക്ക് പോയി. താഴേ അമ്മയും അഭിരാമിയും നിൽക്കുന്നുണ്ടായിരുന്നു. ''ചേച്ചി വന്നോ.ഇവിടെ ഇരിക്ക് '' .അഭിരാമി ഗൗരിയെ അവളുടെ അരികിൽ പിടിച്ച് ഇരുത്തി. " ചേച്ചിക്ക് എന്താ പറ്റിയെ .മുഖം ഒക്കെ വാടിയിരിക്കുന്നു." "ഏയ് ഒന്നൂല്ല ആമി". "അഭി എട്ടൻ കളിയാക്കിയത് കൊണ്ടാണോ. അത് സാരില്ലാ ചേച്ചി. എട്ടൻ വെറുതെ പറഞ്ഞതാ .ചേട്ടൻ ഇനി അങ്ങനെ കളിയാക്കാതിരിക്കാൻ ഞാൻ ചേച്ചിക്ക് ഒരു ഐഡിയ പറഞ്ഞ് തരാം". "എന്താ ഐഡിയ ".ഗൗരി ആകാംഷയോടെ ചോദിച്ചു. "അഭി എട്ടന് എട്ടനെ ആരും മനു എന്ന് വിളിക്കുന്നത് ഇഷ്ടമല്ല." " അത് എന്താ ഇഷ്ടം അല്ലാത്തെ ". " അത് അറിയില്ല. ചെറുപ്പത്തിൽ ചേട്ടനെ മനു എന്നാ വിളിച്ചിരുന്നത് പിന്നെ എപ്പോഴോ അത് അഭിയായി. " " അത് എന്താ ആവോ അങ്ങനെ. മനു എന്ന പേര് നല്ലതാണല്ലോ.എനിക്ക് മനു എന്ന പേര് നല്ല ഇഷ്ടം ആണ്. ചെറുപ്പത്തിൽ എനിക്ക് മനു എന്ന് പേരുള്ള ഒരു കളി കൂട്ടുകാരൻ ഉണ്ടായിരുന്നു. ഇപ്പോ എവിടേ ആണോ എന്തോ?" .അപ്പോഴേക്കും അഭിമന്യൂ താഴേക്ക് ഇറങ്ങി വന്നു. വീട്ടിലെ എല്ലാവരും റിസപ്ഷന് ഇറങ്ങി. ഓഡിറ്റോറിയത്തിൽ എത്തിയപ്പോൾ അവിടെ നിറയെ ആളുകൾ ഉണ്ടായിരുന്നു. അവരെ ഒക്കെ കണ്ടാൽ തന്നെ അറിയാം വലിയ പണക്കാർ ആണ് എന്ന്. ഗൗരിയും, അഭിയും സ്റ്റേജിലേക്ക് കയറിയതും രണ്ട്, മൂന്ന് പെൺ കുട്ടികൾ വേഗം വന്ന് അഭിയുടെ കൈയ്യിൽ പിടിച്ചു.ഇത് കണ്ട് ഗൗരിയുടെ മനസിൽ കുശുമ്പും, അസൂയയും നിറഞ്ഞു. ഇയാൾ ആരാ കൃഷ്ണനോ .ചുറ്റും ഗോപികമാരും കൂടി ഉണ്ട്.ഇയാൾക്ക് നാണം ഇല്ലേ ഞാൻ ഇവിടെ നിൽക്കുമ്പോൾ അവള്മാരോട് ഇങ്ങനെ കൊഞ്ചി കുഴയാൻ.വലിയ MD ആണത്രേ. എന്നിട്ട് എന്താ കാര്യം സ്വഭാവം തനി കോഴിടേ അല്ലേ. കഷ്ടം. "Anjali, Reshma,nikitha, meet my sweet wife Gauri. " അഭി അവൻ്റെ ഫ്രണ്ട്സിന് ഗൗരിയെ പരിചയപ്പെടുത്തി കൊടുത്തു. ഗൗരി അവരെ നോക്കി ഒന്ന് പുഞ്ചിരിച്ചു. ഇയാൾക്ക് എന്താ പെൺകുട്ടികൾ മാത്രമേ ഫ്രണ്ട്സ് ആയിട്ട് ഉള്ളൂ. ഫോട്ടോ എടുത്തതിന് ശേഷം അവർ സ്റ്റേജിൽ നിന്നും ഇറങ്ങി പോയി. അപ്പോഴേക്കും ഒരു ഗിഫ്റ്റ് ബോക്സുമായി സ്റ്റേജിലേക്ക് ഒരു ചെറുപ്പക്കാരൻ കടന്നു വരുന്നുണ്ട്. അവനെ കണ്ടതും അഭി ഗൗരിയോട് ചേർന്ന് നിന്നു. "എടീ നിൻ്റെ പഴയ മുറച്ചെറുക്കൻ കാമുകൻ വരുന്നുണ്ട് ". അഭി അങ്ങനെ പറഞ്ഞപ്പോൾ ഗൗരിക്ക് എന്തോ വല്ലായ്മ തോന്നി. അവൾ അഭിയെ തുറിച്ച് നോക്കി. ആ ചെറുപ്പക്കാരൻ അവർക്ക് അരികിലേക്ക് നടന്ന് വന്നു. "Happy married life Gauri". അയാൾ ഗിഫ്റ്റ് ഗൗരിക്ക് നേരെ നീട്ടി. "Thanks Arun എട്ടാ ".അവൾ ഗിഫ്റ്റ് വാങ്ങി. അഭിയെ നോക്കി ഒന്ന് പുഞ്ചിരിച്ച ശേഷം അരുൺ സ്റ്റേജിൽ നിന്നും ഇറങ്ങി പോയി. "എന്താടി നിൻ്റെ കാമുകൻ സങ്കടപ്പെട്ട് പോകുന്നത് കണ്ട് നിനക്ക് ഒരു ഭാവ മാറ്റമോ, വിഷമമോ ഇല്ലാത്തെ ". ഗൗരി ഒന്നും പറയാതെ മുഖം തിരിച്ച് നിന്നു.ഞാൻ ഒരിക്കലും അരുണേട്ടനെ സ്നേഹിച്ചിട്ടില്ല. എൻ്റെ മനസ് മുഴുവൻ എൻ്റെ മനു മാത്രമാണേന്ന് അപ്പോഴും ഗൗരിയുടെ മനസ് മന്ത്രിച്ചു. റിസ്പഷൻ കഴിഞ്ഞ് വീട്ടിലെത്തിയതും ഗൗരി വളരെ അധികം ക്ഷീണിച്ചിരുന്നു. അവൾ വന്നതും മുറിയിലെത്തി ഫ്രഷ് ആവാൻ കയറി. റിസപ്ഷൻ്റെ ഡ്രസ്സും ഓർണന്മെൻസും അഴിച്ച് വച്ചപ്പോൾ തന്നെ അവൾക്ക് പാതി ആശ്വാസമായി. റിസപ്ഷൻ കഴിഞ്ഞ് മുറിയിൽ എത്തിയതും അഭി ലാപ്ടോപ്പ് എടുത്ത് വർക്ക് ചെയ്യാൻ തുടങ്ങി. എൻ്റെ ഭഗവാനേ ഇയാൾ എന്താ മനുഷ്യ ജീവി അല്ലേ. ഇത്ര നേരം റിസപ്ഷന് നിന്ന് നിന്ന് മനുഷ്യന് വയ്യാതെ ആയി.ഇയാൾക്ക് ഒരു ക്ഷീണവും ഇല്ലേ.ഗൗരി ഓരോന്ന് ആലോചിച്ച് അഭിമന്യുവിനെ തന്നെ നോക്കി നിന്നു. "എടീ നിനക്ക് നാണം ഇല്ലേടീ സ്വന്തം ഭർത്താവിനെ ഇങ്ങനെ വായ നോക്കാൻ ".അഭിപറയുന്നത് കേട്ടാണ് ഗൗരി ആലോചനയിൽ നിന്നും ഉണർന്നത്. " ഓഹ് പിന്നേ വായ നോക്കാൻ പറ്റിയ ഒരു ചളുക്ക്. കഴുതടെ തലയും, ഹിപ്പോപൊട്ടാമസിൻ്റെ ശരീരവും വച്ച് ഇറങ്ങിയിരിക്കാ കോന്തൻ ". "എന്താടീ നീയെന്നെ വിളിച്ചെ കോന്തൻ എന്നോ ". " നിന്നോട് ഞാൻ പലവട്ടം പറഞ്ഞിട്ടുണ്ട് എന്നേ എടീ എന്ന് വിളിക്കണ്ട എന്ന് " . ''നീ ഒന്ന് പോടീ ഞാൻ ഇനിയും വിളിക്കും ". " നീ പോടാ പട്ടി, തെണ്ടി". " ചേച്ചി " അഭിരാമിയുടെ വിളി കേട്ട് ഗൗരി തിരിഞ്ഞു നോക്കി. ഈശ്വരാ ഞാൻ പറഞ്ഞത് ഇവൾ കേട്ടു കാണുമോ എന്തോ.മുഖഭാവം കണ്ടിട്ട് കേട്ടിട്ടില്ല തോന്നുന്നു. "എന്താ മോളേ ". " ചേച്ചിയോട് അമ്മ ഒന്ന് താഴേക്ക് വരാൻ പറഞ്ഞു. " " ആ ദാ വരുന്നു" .അഭിയെ നോക്കി ഒന്ന് കൊഞനം കുത്തിയിട്ട് ഗൗരി താഴേക്ക് പോയി. ഈ സമയം അഭി ടവലുമെടുത്ത് ബാത്ത് റൂമിൽ കുളിക്കാനായി കയറി. താഴേ എത്തിയ ഗൗരി അമ്മയെ അവിടെയൊക്കെ തിരഞ്ഞിട്ടും കാണാതെ അടുക്കളയിലേക്ക് നടന്നു.വൈകുന്നേരം ഇവിടെ കണ്ട ആരും ഇപ്പോ ഇവിടെ ഇല്ല. എല്ലാ ബന്ധുക്കാരും പോയി തോന്നുന്നു. ഓരോന്ന് ആലോചിച്ച് ഗൗരി അടുക്കളയിലേക്ക് നടന്നു.അവിടെ അമ്മ നിൽക്കുന്നുണ്ടായിരുന്നു. "അമ്മേ. അമ്മ എന്നെ വിളിച്ചു എന്ന് ആമി പറഞ്ഞു ". " ആ വിളിച്ചിരുന്നു മോളേ.ഇതാ ഇത് പിടിക്ക് " .ഒരു പാൽ ഗ്ലാസ് അവൾക്ക് നേരെ അമ്മ നീട്ടി. "ഇതൊക്കെ എന്തിനാ അമ്മേ ". "നിങ്ങൾ ഒക്കെ ന്യൂജനറേഷൻ ആയത് കൊണ്ട് നിങ്ങൾക്ക് ഇതിലൊന്നും വിശ്വാസം ഇല്ല എന്ന് അമ്മക്ക് അറിയാം .പക്ഷേ ചടങ്ങുകൾ ഒന്നും നമ്മളായിട്ട് തെറ്റിക്കണ്ട. ഗൗരി ആ പാൽഗ്ലാസ് വാങ്ങി. " എന്നാൽ മോള് മുറിയിലേക്ക് പൊയ്ക്കോ".ഗൗരി തിരിച്ച് മുറിയിലേക്ക് നടന്നു. അവളുടെ മനസിൽ എന്തോ വല്ലാത്ത ഒരു പേടി തോന്നി. All is well.all is well ഗൗരി നീ ഒന്നു കൊണ്ടും പേടിക്കണ്ട.ഈ ആദ്യ രാത്രി എന്ന് പറയുന്നത് അത്ര വലിയ സംഭവം ഒന്നും അല്ല. ഈ സിനിമയിൽ ഒക്കെ കണ്ടിട്ടില്ലേ. ഈ പാലു കൊണ്ട് നേരേ മുറിയിൽ പോകുന്നു. കല്യാണ ചെക്കൻ പാല് കുടിക്കുന്നു. ബാക്കി പാല് കല്യാണ പെണ്ണ് കുടിക്കുന്നു. ലൈറ്റ് ഓഫ് ചെയ്യ്ത് കിടന്നുറങ്ങുന്നു .ഇത്രയേ ഉള്ളൂ. നീ പേടിക്കല്ലേ ഗൗരി. ഓരോന്ന് ആലോചിച്ച് അവൾ മുറിയുടെ മുന്നിൽ എത്തി. വാതിൽ തുറന്ന് അകത്ത് കയറിയപ്പോൾ അവൾ ശരിക്കും ഞെട്ടി. ഞാൻ താഴേക്ക് പോയപ്പോൾ ഉണ്ടായിരുന്ന മുറിയല്ല ഇപ്പോൾ. ബെഡിൽ മുഴുവൻ മുല്ലപ്പൂ വിതറിയിരിക്കുന്നു. ഫുൾ ഒന്ന് നോക്കിയാൽ സിനിമയിൽ ഒക്കെ കാണുന്ന പോലെ ഒരു മണിയറ .ഇയാൾ ഇതെവിടെ പോയി. ഗൗരി അഭിയെ മുറിയിൽ നോക്കി കണാനില്ല. അപ്പോഴേക്കും അഭി ബാത്ത് റൂം തുറന്ന് പുറത്തേക്ക് വന്നു. മുറി കണ്ട് അഭിയും ഒന്ന് ഞെട്ടി. "നിനക്ക് എന്താടി വട്ട് ആണോ. എൻ്റെ മുറി ഇങ്ങനെ ആക്കാൻ നിന്നോട് ആരാ പറഞ്ഞ് ". " ഇത് നല്ല കൂത്ത്. ഞാൻ ഇവിടെ ഇപ്പോ വന്നേ ഉള്ളൂ .അപ്പോൾ ഉണ്ട് ഇവിടെ ഇങ്ങനെ ഒക്കെ അലങ്കരിച്ചിരിക്കുന്നു '. അഭി പതിയെ ഗൗരിയുടെ അരികിലേക്ക് നടന്ന് വന്നു.ഗൗരി തൻ്റെ ഇരു കൈകൾ കൊണ്ടും മുഖം പൊത്തി. "എടോ തനിക്ക് നാണം ഇല്ലേടോ ഒരു പ്രായപൂർത്തിയായ പെൺകുട്ടിയുടെ മുന്നിൽ ഇങ്ങനെ ഒരു ടവൽ ഉടുത്ത് വന്ന് നിൽക്കാൻ . കഷ്ടം". "എൻ്റെ പുന്നാര ഭാര്യക്ക് അപ്പോഴേക്കും നാണം വന്നോ ". അഭി ഗൗരിയുടെ അടുത്തേക്ക് വന്ന് നിന്ന് അവളുടെ ഇടുപ്പിൽ ഇരു കൈകൾ കൊണ്ടും പിടിച്ചു. 📖 കഥയുടെ ബാക്കി ഭാഗങ്ങൾ ഇവിടെ വായിക്കാം: 👉 https://share.aksharathalukal.in/s/51445/view വായിച്ചിട്ട് അഭിപ്രായം പറയണേ 🥰 #💞 പ്രണയകഥകൾ #📔 കഥ #📙 നോവൽ