@12batmya
@12batmya

12 गावच्या 12 बातम्या

चालू घडामोडी

अंडरवर्ल्ड डॉन रवी पुजारीला आज आणणार भारतात, पुन्हा सेनेगलमध्ये अटक मुंबईः अंडरवर्ल्ड डॉन रवी पुजारीला पुन्हा एकदा सेनेगलमध्ये अटक करण्यात आली आहे. स्थानिक यंत्रणांच्या मदतीने रॉ या भारतीय गुप्तचर संस्थेचे अधिकारी आणि कर्नाटक पोलिसांच्या पथकानं संयुक्तपणे केलेल्या कारवाईत रवी पुजारीला बेड्या ठोकण्यात आल्यात. सध्या अधिकारी त्यांच्या प्रत्यार्पणाची तयारी करत आहेत. आज संध्याकाळी किंवा उशिरा रात्री त्याला घेऊन पोलीस भारतात परततील, अशी शक्यता वर्तवण्यात आली आहे. रवी पुजारीला भारतात आणण्याचे सर्व कागदपत्रं पूर्ण झाल्याचं सूत्रांकडून सांगण्यात येत आहे. आज रविवारी त्याला भारतात आणण्यात येईल. जेव्हा रवी पुजारीला भारतात आणलं जाईल तेव्हा तो कर्नाटक पोलिसांच्या ताब्यात असणार आहे. रवी पुजारीला 21 जानेवारी 2019 ला सेनेगलची राजधानी डकारमधील एका हेअर कटिंग सलूनधून अटक करण्यात आली होती. तेव्हापासून त्याला भारतात आणण्याचे प्रयत्न सुरू होते. दरम्यान, कोर्टाकडून जामीन मिळाल्यानंतर जून 2019 मध्ये तो फरार झाला होता. मिळालेल्या माहितीनुसार, अंडरवर्ल्ड डॉन रवी पुजारी अँटोनी फर्नांडिसच्या नावानं पासपोर्ट बनवून सेनेगलमध्ये राहत होता. हा पासपोर्ट 10 जुलै 2013 रोजी जारी करण्यात आला होता, जो 8 जुलै 2023 पर्यंत वैध आहे.रवी पुजारीच्या वतीने प्रत्यार्पणास आव्हान देणारी याचिका सेनेगलच्या सुप्रीम कोर्टात दाखल करण्यात आली होती. पण ही याचिका सुप्रीम कोर्टाने फेटाळून लावली. त्यामुळे रवी पुजारीला भारतात आणण्याचे मार्ग मोकळे झालेत.
#

🌐 देश- विदेश बातम्या

🌐 देश- विदेश बातम्या - անսկա սի Վատ - ShareChat
435 जणांनी पाहिले
14 तासांपूर्वी
शिवसेनापक्ष प्रमुख आणि मुख्यमंत्री उद्धव ठाकरे 7 मार्चला अयोध्या दौऱ्यावर जाणार आहेत. मुख्यमंत्री सर्व खासदारांसह अयोध्येत जाऊन रामलल्लांच दर्शन करणार आहेत. अशी माहिती शिवसेना खासदार संजय राऊत यांनी दिली आहे. ट्विटर ट्विट करत राऊतांनी ही माहिती दिली.  यावेळी त्यांच्यासोबत असंख्य शिवसैनिकही सोबत असतील असंही राऊत म्हणालेत. मुख्यमंत्री उद्धव ठाकरे हे 7 मार्चला अयोध्येला जाणार आहेत. ते विशेष विमानाने अयोध्येत पोहोचतील. दुपारी श्रीरामाचं दर्शन आणि संध्याकाळी शरयू आरती करणार आहेत. हा सोहळा ऐतिहासिक असून सगळ्यांनी त्यात सहभागी व्हावे असं आवाहनही संजय राऊत यांनी केलं आहे. शुक्रवारीच  मुख्यमंत्री ठाकरे आणि आदित्य ठाकरे यांनी पंतप्रधान नरेंद्र मोदी, भाजपचे ज्येष्ठ नेते लालकृष्ण अडवाणी आणि काँग्रेसच्या हंगामी अध्यक्षा सोनिया गांधी यांची भेट घेतली होती.
#

👆उद्धव ठाकरे

👆उद्धव ठाकरे - ShareChat
8.3k जणांनी पाहिले
1 दिवसांपूर्वी
ऑपरेशन बांगलादेशी! पुण्यात मनसेच्या ५० कार्यकर्त्यांनी टाकली धाड पुण्याच्या धनकवडीतील बालाजीनगरमध्ये महाराष्ट्र नवनिर्माण सेनेने बांग्लादेशी घुसखोरांचा शोध सुरू केला आहे. आज सकाळी मनसेचे तब्बल 50 कार्यकर्ते पुण्यातील बालाजीनगर परिसरात नागरिकांचे ओळखपत्र तपासत होते. त्यातील तीन संशयित बांगलादेशी घुसरखोरांना मनसे कार्यकर्त्यांनी पोलिसांच्या ताब्यात दिल्याची माहिती समोर आली आहे. ही कुटुंब धनकवडीतील बालाजीनगरमध्ये राहतात. त्यांनी आम्ही बांगलादेशी नसून पश्चिम बंगालचे असल्याचा दावा केला आहे. तशी ओखळपत्रंही त्या कुटुंबाकडून  दाखविण्यात आली आहे. याबाबत पोलिसांनी पुढील चौकशी सुरू केली आहे. काही दिवसांपूर्वी मनसेने ठाणे, बोरिवली या भागातील बांगलादेशी घुसखोरांची शोधमोहीम केली होती. यावेळी ठाण्यातील किंगकॉंगनगर येथे राहणाऱ्या तीन बांगलादेशी कुटुंबांना मनसे कार्यकर्त्यांनी पोलिसांच्या ताब्यात दिले होते. यावेळी त्या कुटुंबाकडे ओळखपत्र, पॅनकार्ड, आधार कार्ड आदी गोष्टी मिळाल्या. मात्र त्यांच्याकडे बांगलादेशाचा पासपोर्टही आढळून आल्याची माहिती मनसेचे जिल्हाध्यक्ष अविनाश जाधव यांनी दिली होती.
#

🗞ऑपरेशन बांगलादेशी

🗞ऑपरेशन बांगलादेशी - ShareChat
11.3k जणांनी पाहिले
1 दिवसांपूर्वी
उत्तरप्रदेशच्या सोनभद्र परिसरात सोन्याची खाण सापडली आहे. या खाणीचा परिसर सुमारे १०८ हेक्टर असून तिथे तीन हजार टन सोने असेल असा अंदाज आहे. १९८० च्या सुमाराला या भागात सोन्याचे दगड सापडल्यानंतर इथे सोन्याची खाण असल्याचा अंदाज व्यक्त करण्यात येत होता. त्यानंतर या सोन्याचा शोध घेणे सुरू झाले.खनिज शोध अधिकारी विजय कुमार यांच्या नेतृत्वात नऊ जणांच्या चमूने पडरक्ष गावाच्या डोंगराळ भागात सोन्याची खाण असल्याला दुजोरा दिला. या खाणीत सोन्याचे दगड सापडतील असे सांगितले. या भागात जमिनीत नुसते सोने नाही तर इतर खनिज संपत्तीदेखील असण्याची शक्यता आहे. १५ दिवसांपासून येथे हवाई सर्वेक्षणदेखील सुरू आहे. येथे युरेनियम असण्याचीदेखील शक्यता आहे. उत्तरप्रदेशमधील सोनभद्र जिल्हा खनिज संपदेसाठी देशात प्रसिद्ध आहे. खाणीच्या सीमा ठरवल्यानंतर ई-टेंडरिंगची प्रक्रिया सुरू होईल. त्यानंतर खाणीचे खोदकाम सुरू होईल.
#

🌐 देश- विदेश बातम्या

🌐 देश- विदेश बातम्या - ShareChat
104.8k जणांनी पाहिले
1 दिवसांपूर्वी
संघाच्या अंगणात भीम आर्मीचा मेळावा; अटी-शर्थींसह चंद्रशेखर आझाद यांच्या सभेला न्यायालयाची परवानगी सीएए आणि एनआरसी विरोधात नागपूरच्या रेशीमबागेत भीम आर्मीचा कार्यकर्ता मेळावा पार पडणार आहे. भीम आर्मीचे अध्यक्ष चंद्रशेखर आझाद उर्फ रावण यांच्या उपस्थितीत हा मेळावा होणार आहे. नागपूर पोलिसांनी कायदा आणि सुव्यवस्थेच्या मुद्द्यावर या मेळाव्याला परवानगी नाकारली होती. मात्र, उच्च न्यायालयात भीम आर्मीला काही अटी शर्थी घालत मेळाव्याला परवानगी दिली आहे. दुपारी 3 ते संध्याकाळी 7 असा हा मेळावा पार पडणार आहे.
#

🗞भीम आर्मी मेळावा

🗞भीम आर्मी मेळावा - ERROL ROLLERET C - ShareChat
9.4k जणांनी पाहिले
1 दिवसांपूर्वी
इतर अॅप्स वर शेअर करा
Facebook
WhatsApp
लिंक कॉपी करा
काढून टाका
Embed
मला ही पोस्ट रिपोर्ट करावी वाटते कारण ही पोस्ट...
Embed Post
इतर अॅप्स वर शेअर करा
Facebook
WhatsApp
अनफॉलो
लिंक कॉपी करा
रिपोर्ट करा
ब्लॉक करा
रिपोर्ट करण्याचे कारण..