#സ്നേഹത്തിന്റെ സുഗന്ധങ്ങൾ സമ്മാനിച്ച് ആ ദിനവും കടന്നു പോയി..!! വീണ്ടും പ്രതീക്ഷയോടെ ലോകം പ്രണയത്തെ ആഘോഷിക്കുന്ന വാലെന്റൻസ് ഡേ യിലേക്കുള്ള യാത്ര..!! പ്രണയം എന്നത് വെറുമൊരു വാക്കല്ല..!! അതൊരു അനുഭൂതിയാണ്..!! ഒരാളുടെ മൗനത്തെ പോലും മറ്റൊരാൾക്ക്‌ വായിച്ചെടുക്കാൻ കഴിയുന്ന ആത്മബന്ധത്തിന്റെ നൂലിഴയാണത്..!! നമ്മെ നമ്മളായി അംഗീകരിക്കുന്ന നമ്മുടെ വീഴ്ചകളിൽ താങ്ങായി നിൽക്കുന്ന ഓരോ നിമിഷവും നമ്മെ പുഞ്ചിരിപ്പിക്കാൻ പ്രേരിപ്പിക്കുന്ന ആ മനോഹരമായ വികാരത്തിന് നമ്മുക്ക് നന്ദി പറയാം..!! ഓർക്കുക...!! ഏറ്റവും വലിയ പ്രണയമെന്നത് മറ്റൊരാളെ സ്‌നേഹിക്കുന്നതിനൊപ്പം തന്നെ സ്വന്തം സന്തോഷത്തെ കാത്തു സൂക്ഷിക്കുകയെന്നത് കൂടിയാണ്..!! നിങ്ങൾ എപ്പോഴും പറയാറുള്ളത് പോലെ നമ്മുടെ സന്തോഷം മറ്റൊരാൾക്ക്‌ വിട്ട് കൊടുക്കാതിരിക്കുകയെന്നതാണ് ഏറ്റവും വലുത്..!! ഹൃദയം തുറന്ന് സംസാരിക്കൂ..!! ചേർത്തുപിടിക്കൂ..!!✍🏾🤗 #ഒരുപാട് സ്നേഹത്തോടെ ശുഭദിനം.. 💜💜 #🙋‍♀️ എൻ്റെ സ്റ്റാറ്റസുകൾ #❤ സ്നേഹം മാത്രം 🤗

സൗഹൃദമായി നീയെന്നിലേക്കെത്തി പിന്നീട്. .. പ്രണയമായ് പെയ്തു നീയെൻ നെഞ്ചിൽ, മൗനങ്ങൾ വാചാലമാകും നേരത്ത്, എന്റെ നിഴലായ് നീ മാറി നിന്നു. കണ്ണുനീർ തുള്ളികൾ വിട ചൊല്ലുവാൻ, നിൻ സൗഹൃദത്തിൻ തൂവൽ സ്പർശം മതി... മനസ്സിലെ നൊമ്പരക്കടലുകൾ മായുവാൻ, നിൻ പുഞ്ചിരിതൻ ഒരു നോട്ടം മതി. ഒരേ തണലിൽ നമുക്കിരുന്നിടാം, സുഹൃത്തായ് കഥകൾ പറഞ്ഞിടാം... ഒരേ പാതയിൽ നമുക്ക് നടന്നിടാം, പ്രണയമായ് കൈകൾ കോർത്തിടാം. വിധിക്കില്ല നീയെന്നെ ഒരിക്കലും, തിരുത്താൻ നീയുണ്ടാകും എപ്പോഴും... പ്രണയവും സൗഹൃദവും ഒന്നായിടുമ്പോൾ, നീയെന്റെ ലോകമായ് മാറിടുന്നു........ #❤ സ്നേഹം മാത്രം 🤗 #🙋‍♀️ എൻ്റെ സ്റ്റാറ്റസുകൾ

ന്റെ പ്രേമം.. 8B യിലെ ആദ്യ ദിവസം തന്നെ ഞാൻ MBBS അഡ്മിഷൻ എടുത്തു ജനാലിന്റെ അടുത്ത് ന്റെ സീറ്റ് ഉറപ്പിച്ചു.. അഞ്ചാം ക്ലാസ് മുതൽ ഞാൻ MBBS ആണ് (മെമ്പർ ഓഫ് ബാക് ബെഞ്ച് സ്റ്റുഡന്റ് ) അതാവുമ്പോ ക്ലാസ്സിലെ എല്ലാം ഭാഗവും കാണാൻ കഴിയും.. പെട്ടന്ന് തന്നെ ബാക്കിയുള്ള mbbs മെമ്പർ മാരെ പരിചയപെട്ടു ക്ലാസ്സിലെ ബാക്കിയുള്ള കുട്യോളെ നിരീക്ഷണം തുടങ്ങി.. ബോയ്സ് പണ്ടേ ന്റെ കണ്ണിൽ പിടിക്കാത്തത് കൊണ്ട് ഒരേ ഞാൻ നിരീക്ഷത്തിൽ നിന്നും ഒഴിവാക്കി ന്റെ ആത്മാർത്ഥത മുഴുവൻ ക്ലാസ്സിലെ ഗേൾസിലേക്ക് കേന്ദ്രീകരിച്ചു.. അപ്പോളാണ് രണ്ടാമത്തെ ബെഞ്ചിൽ തൂക്കൽ പിടിച്ച കോഴിയെ പോലെ ഒരു സാധനം തലയും താഴ്ത്തി ഇട്ടിക്കുന്നു...എങ്ങനെ നോക്കിയിട്ടും ആ കുരിപ്പിന്റെ മുഖം ഒന്ന് കാണാൻ പറ്റിയതും ഇല്ല .. ടീച്ചർ വന്നു പരിചയപെട്ടു കഴിഞ്ഞിട്ടും ആ സാധനം ഒന്ന് തല അങ്ങോട്ടോ ഇങ്ങോട്ടോ തിരിഞ്ഞത് പോലുമില്ല .. ഓളെ മുഖം പോലും കാണാതെ ന്റെ ഹൃദയത്തിൽ ഓള് കേറിക്കൂടിയൊന്ന് വരെ എനിക്ക് സംശയം ആയി... എപ്പളും നോട്ടം ഓളുടെ മുഖം ഒന്ന് കാണാൻ വേണ്ടി മാത്രമായി ... ഇന്റർവെൽ സമയത്ത് പുറത്ത് പോയി വേഗം തിരിച്ചു കയറുമ്പോൾ ഓളുടെ മുഖത്തേക്ക് നോക്കി ആപ്പോ തന്നെ ഓളും ന്നെ നോക്കി ഓൾടെ ഉണ്ടകണ്ണ് കണ്ടതും ഞാൻ മനസ്സിൽ ഉറപ്പിച്ചു ഇയ്യ്‌ ന്റെ പെണ്ണാണ്.. അന്നേ കൊണ്ടേ ഞാൻ പോവൂ ന്ന് ഓൾടെ പേര് ഷംന... ന്റെ ഉണ്ടക്കണ്ണി... അന്ന് മുതൽ ഓളെ ഇമ്പ്രെസ്സ് ചെയ്യിക്കാൻ ഉള്ള ആലോചനയായിരുന്നു.. എന്നും നേരത്തെ എണീറ്റ് സ്കൂളിൽ പോകുന്നത് കണ്ടിട്ട് ന്റുമ്മാക് ഒരു സംശയം ഞാൻ വല്ല പ്രേതത്തെയും കണ്ട് പേടിച്ചുപോയോ ന്ന്.. അല്ലെങ്കിൽ ആഴ്ചയിൽ ഒരു പല്ല് വേദന ഒരു തലവേദന.. പനി തലചുറ്റൽ.. എന്ന് വേണ്ട പ്രസവം വേദന ഒഴിച് എല്ലാം വേദനയും പറഞ്ഞു ലീവ് എടുക്കുന്ന ഞാൻ എന്നും ഡീസന്റായി ക്ലാസ്സിൽ പോക്ക് തുടങ്ങി... പാവം ന്റെ ഉമ്മാക് അറിയൂലാലോ ഉമ്മാക്ക് ഉള്ള ഭാവി മരുമോളെ സെറ്റാക്കാൻ ആണ് പുന്നാര മോൻ ഇത്രയും ആത്മാർത്ഥമായി സ്കൂളിൽ പോകുന്നത് എന്ന്... കുറച്ചു ദിവസങ്ങൾ കൊണ്ട് തന്നെ ക്ലാസ്സിലെ എല്ലാർക്കും ന്റെ പ്രേമം മനസിലായി..പക്ഷെ ഓൾക്ക് മാത്രം മനസിലായില്ല ... അല്ല ഓളെ കുറ്റം പറഞ്ഞിട്ടും കാര്യല്ല.. ഓളോട് ന്തെങ്കിലും പറഞ്ഞാൽ അല്ലെ ഓള് അറിയൂ... എങ്ങനെ പറയാനാ.. ഓള് അടുത്ത് വരുമ്പോൾ ന്റെ നെഞ്ചിടിപ്പ് കൂടും.. കാലും കയ്യും വിറക്കാൻ തുടങ്ങും... എല്ലാം ദിവസവും ഓളോട് ഇഷ്ട്ടം ആണെന്ന് പറയാൻ വേണ്ടി കത്ത് നിക്കും പക്ഷെ ഓള് വരുന്നത് കണ്ടാൽ ന്റെ bp ലോ ആവും... അങ്ങനെ അവസാനം ഓണ പരീക്ഷയും കഴിഞ്ഞു ക്രിസ്മസ് പരീക്ഷയും കഴിഞ്ഞു.. ന്റെ പ്രേമം മാത്രം തൊടങ്ങീല... ഒരു ദിവസം ഉച്ചയ്ക്ക് അവൾ ഒറ്റക്ക് ക്ലാസ്സിൽ ഇരിക്കുന്നത് കണ്ടപ്പോൾ ഓൾടെ അടുത്ത് ചെന്ന് ഞാൻ പറഞ്ഞു ഷംന... ഇൻക് അന്നേ വയങ്കര ഇഷ്ട്ടാണ്.. I love u...ന്ന്.. അത് കേട്ടതും നന്ദനം സിനിമയിലെ ബാലമണിയെ പോലെ ഞാനെ കണ്ടുള്ളു ഞാൻ മാത്രേ കണ്ടുള്ളു എന്ന ഡയലോഗ് പോലെ ഓളെ ഉണ്ടക്കണ്ണ് നിറച്ചോണ്ട് കരയാൻ തുടങ്ങി.. അപ്പൊ തന്നെ ബാക്കിയുള്ള പെൺകുട്ടികൾ ക്ലാസ്സിൽ കേറി വരുമ്പോൾ കാണുന്നത് ഷംന കരയുന്നു ഞാൻ അടുത്ത് നില്കുന്നു.. അതോടെ വാർത്ത കാട്ട് തീപ്പോലെ പടർന്നു.. ഞാൻ ഓളെ കേറി പിടിച്ചു ന്നാ കേസ്.. വിജയൻ മാഷിന്റെ ചൂരൽ വടികൊണ്ട് ന്റെ ചന്തിമ്മൽ പിക്കാസോയുടെ കരവിരുതോടെടെ ചിത്ര പണികൾ പണിതു വിട്ട അന്ന് ക്ലാസ്സിൽ ഇരിക്കുമ്പോ കാ‍ന്താരി മുളക് കടിച്ച ഫീലിംഗ് ആയിരുന്നു... പക്ഷെ ആ അടികൊണ്ടു ഒരു കാര്യം ണ്ടായി ഓൾക് ന്നോട് സഹതാപ പ്രേമം തുടങ്ങി... പക്ഷെ അന്ന് ഞാനൊരു സത്യം മനസിലാക്കി.. ഒരാൾ പ്രേമിച്ചാൽ ഒരുപാട് സ്വപ്നം കാണാം പക്ഷെ രണ്ടാളും പ്രേമിച്ചു തുടങ്ങിയാൽ അധ്വാനം കൂടുതൽ ആണെന്ന് ഓൾക് മഞ്ചും എക്ലയറും വാങ്ങിച്ചു കൊടുക്കാൻ വേണ്ടി ബസ്സിന് പോകാൻ തരുന്ന പൈസ ലാഭിക്കാൻ എന്നും വീട്ടിലേക്ക് നടന്നു പോകേണ്ടി വന്നു... ഞാൻ മൂന്ന് കിലോമീറ്റർ നടന്നു പോയി ആ പൈസ കൊണ്ട് വാങ്ങിച്ചു കൊടുക്കുന്ന എക്ലെയർ മൂന്ന് സെക്കന്റ്‌ കൊണ്ട് ഓള് അലിച്ചിറക്കി തിന്നുമ്പോൾ നോക്കി നിക്കാ ന്നല്ലാതെ വേറെ ഒരു വഴിയും ല്ലാലോ.. ന്നാലും മണ്ടില്ല.. അന്നേം കെട്ടി ന്റെ കുട്യോളേം കളിപ്പിച്ചു ഉമ്മറത്തിരിക്കുമ്പോ ഇയ്യ് എനിക്ക് ചായ കൊണ്ട് തരൂലേ അപ്പൊ ഞാൻ ഇതിന് പകരം വീട്ടുമെടി ന്നൊക്കെ മനസ്സിൽ കരുതും.. സ്കൂളിലെ സ്റ്റേജിന്റെ ബാക്കിൽ വാതിലിൽ ബ്ലേഡ് കൊണ്ട് ചുരണ്ടി അതിൽ ഒരു ലവ് ചിഹ്നം വരച്ചു ഷംന ലവ് സൽമാൻ ന്നെഴുതിയത് ഓള് കാണുന്നതിന് മുൻപ് പുരുഷോത്തമൻ മാഷ് കണ്ടപ്പോൾ ന്നെ കാണാൻ വന്നത് ന്റെ ഭാവി അളിയന്മാരായിരുന്നു... അവർ ഞങ്ങളുടെ പ്രേമത്തെ അഭിനന്ദിച്ചു കൊണ്ട് കയ്യടിച്ചപ്പോൾ അതിനിടയിൽ പെട്ട ന്റെ മോന്ത വണ്ടികടിയിൽ പെട്ട തവളയെ പോലെ ആയി.. ന്റെ ഭാവി അളിയന്മാരായത് കൊണ്ട് അന്ന് ഞാൻ ക്ഷമിച്ചു... ഇല്ലേൽ കാണായിരുന്നു അവർ ന്റെ കയ്യും കാലും തല്ലി ഓടിച്ചേനെ... നാരായണൻ മാഷുടെ വീട്ടിലെ ചാമ്പക്ക, പിന്നെ മാമ്മദ്ക്കന്റെ തൊടിയിലെ മാങ്ങ.. കനാലിന്റെ സൈഡിലെ പുളി മരത്തിൽ നിന്നും വീണ പുളി ഇതൊക്കെ ന്റെ ഷംനക്ക് വേണ്ടി പെറുക്കി കീശയിലാക്കി ആണ് സ്കൂളിൽ എത്തുക ... അങ്ങനെ ന്റെ എക്ലയറും ചാമ്പക്കയും പുളിയും ഒക്കെ തിന്ന് ഓള് തടിച്ചു വണ്ണം വെച്ചു ബസ്സില് പോകാതെ നടന്നു നടന്നു ഞാൻ ബാലഭൂമിയിലെ നമ്പോലന്റെ ലുക്കും ആയി... ന്റെ കോലം കണ്ടിട്ട് പാവം ന്റുമ്മ ദിവസോം കോഴി മുട്ട പുഴുങ്ങിയൊക്കെ തന്നു പക്ഷെ നമ്പോലന്നിൽ നിന്നും ഒരു മാറ്റവും ഇല്ലായിരുന്നു.. എങ്ങനെ തടിക്കാനാ എന്നും സ്കൂൾ വിട്ട് ബോസ്റ്റൺ ടി പാർട്ടിയും പാത്തുമ്മന്റെ ആടിനെയും കിണറിന്റെ വ്യാപ്തമൊക്കെ ചുമന്നോണ്ട് മൂന്ന് കിലോമീറ്റർ നടക്കുന്നത് പാവം മ്മച്ചി അറിയുന്നില്ലലോ..! അങ്ങനെ മൂന്ന് കൊല്ലം ഓളെ പ്രേമിച്ചു .. അല്ല ഓളെ തീറ്റി പോറ്റി അവസാനം സെന്റ് ഓഫിന്റെ അന്ന് ഓട്ടോഗ്രാഫിൽ ""നിനക്കായ്‌ ഓർമക്കായ് കല്ലുമ്മക്കായ് ""ന്ന് എഴുതി പിരിഞ്ഞതാണ്... പിന്നേം നാല് കൊല്ലം കഴിഞ്ഞാണ് ഓളെ കാണുന്നത് ഒക്കത്ത് ഒരു ലഡ്ഡു പോലത്തെ കുഞ്ഞിനേം എടുത്തു ഹോസ്പിറ്റലിൽ വന്നതായിരുന്നു... അടുത്ത് ചെന്ന് ഓർമ ണ്ടോ ന്ന് ചോയിച്ചപ്പോ കനാലിന്റെ ചോട്ടിലെ പുളി കടിച്ച ഒരു ചിരി... ന്നിട്ട് ഓള് പറയാ വീട്ടിൽ കല്ലുമ്മക്കായ വാങ്ങുന്ന ദിവസം ഒക്കെ ഓള് ന്നെ ഓർക്കാറുണ്ട് പോലും .... പിന്നെ ഒന്നും ഓളോട് ചോയിക്കാനും പറയാനും നിന്നില്ല അവിടുന്ന് വേഗം സ്ഥലം വിട്ടു.. ഞാൻ... അന്നത്തോടെ പ്രേമം ഞാൻ നിർത്തി... വേറെ ആർക്കോ ഉള്ള മൊതലിനെ വെറുതെ ചോക്ലേറ്റ് തീറ്റിക്കാൻ വേറെ ആളെ നോക്കണം അല്ല പിന്നെ... ന്നാലും ആ കല്ലുമ്മക്കായ പൊളിച്ചെടുക്കുമ്പോ ഓള് ന്നെ ഓർക്കും പോലും.. ന്നിട്ട് അതിലെ മാംസം എടുത്തിട്ടു തൊലി പറമ്പിലേക്ക് വലിച്ചെറിയും... ഏറെ കുറേ എന്നേ ചെയ്തത് പോലെ തന്നെ... ഞാനും കല്ലുമ്മക്കായയുടെ തൊലിയും ഇപ്പളും പറമ്പിൽ 😌😌😌..... സൽമാൻ❤❤❤ #🙋‍♀️ എൻ്റെ സ്റ്റാറ്റസുകൾ #❤ സ്നേഹം മാത്രം 🤗

പ്രണയം എന്നത് ഒരാൾക്ക് മറ്റൊരാളോട് തോന്നുന്ന വെറുമൊരു ആകർഷണം മാത്രമല്ല. പരസ്പരം രണ്ടു വ്യക്തികൾ തമ്മിലുള്ള കരുതലിന്റെയും സ്നേഹത്തിന്റെയും ബഹുമാനത്തിന്റെയും കുടിച്ചേരലാണ്. പരസ്പരം അതിർവരമ്പുകൾ ഇല്ലതെ എല്ലാവർക്കും പ്രണയിക്കാൻ കഴിയട്ടെ, പിടിച്ചടക്കലുകളും തടവിലാക്കലും അല്ല പ്രണയം എന്ന് മനസിലാക്കി സ്വതന്ത്രമായി പ്രണയിക്കാൻ കഴിയുന്നിടത്താണ് പ്രണയം വിജയിക്കുന്നത്. കൂടെ ഉള്ളവരുടെ ഇഷ്ടങ്ങൾ കൂടെ നമുക്ക് പരിഗണിക്കാം. സ്നേഹത്തോടെ, ബഹുമത്തോടെ അവരെ ഹൃദയത്തിൽ ചേർത്തുവെക്കാം. എല്ലാം പ്രിയപ്പെട്ടവർക്കും ഒരു നല്ല പ്രണയകാലം ഉണ്ടാകട്ടെ എന്ന് ആശംസിക്കുന്നു. #❤ സ്നേഹം മാത്രം 🤗 #🙋‍♀️ എൻ്റെ സ്റ്റാറ്റസുകൾ

#പ്രണയം ഉണർത്തു നീയെന്റെ കനവുകളെ, പറയുന്നുണ്ടായിരം കഥകളെൻമിഴികളും, മിഴികൊണ്ടൊരു നോട്ടംമതി നിൻ കണ്ണിലെ പ്രണയം തിരിച്ചറിയാൻ, നീ ചുംബിച്ചചുണ്ടിലൊരു ചിരിയൂറി, അതെന്റെ ജന്മസാഫല്യമാണ്, ചേർത്ത് പിടിച്ചു നീയൊന്നു തലോടിയപ്പോൾ.. നിന്നുള്ളിലെവാത്സല്യം ഞാൻ തിരിച്ചറിഞ്ഞു,❤️ #🙋‍♀️ എൻ്റെ സ്റ്റാറ്റസുകൾ #❤ സ്നേഹം മാത്രം 🤗

കണ്ണുകള്‍ കണ്ണുകളോടു യാത്ര പറഞ്ഞാലും ഹൃദയം ഹൃദയത്തോടു യാത്ര പറഞ്ഞാലും യാത്ര പറയാന്‍ പറ്റാത്ത ഒന്നുണ്ട്. അതാണ് പ്രണയം. #❤ സ്നേഹം മാത്രം 🤗 #🙋‍♀️ എൻ്റെ സ്റ്റാറ്റസുകൾ

#പ്രണയം ഉണർത്തു നീയെന്റെ കനവുകളെ, പറയുന്നുണ്ടായിരം കഥകളെൻമിഴികളും, മിഴികൊണ്ടൊരു നോട്ടംമതി നിൻ കണ്ണിലെ പ്രണയം തിരിച്ചറിയാൻ, നീ ചുംബിച്ചചുണ്ടിലൊരു ചിരിയൂറി, അതെന്റെ ജന്മസാഫല്യമാണ്, ചേർത്ത് പിടിച്ചു നീയൊന്നു തലോടിയപ്പോൾ.. നിന്നുള്ളിലെവാത്സല്യം ഞാൻ തിരിച്ചറിഞ്ഞു,❤️ #🙋‍♀️ എൻ്റെ സ്റ്റാറ്റസുകൾ #❤ സ്നേഹം മാത്രം 🤗

എത്ര കൊടുത്താലും എത്ര കിട്ടി ഏതായാലും മതിവരാത്ത ഒന്നേയുള്ളൂ #❤ സ്നേഹം മാത്രം 🤗 #🙋‍♀️ എൻ്റെ സ്റ്റാറ്റസുകൾ

എന്റെ കണ്ണുകളിൽ നിന്ന് വഴുതി വീണ ആ പ്രകാശം, നിന്റെ ഹൃദയത്തിൽ ഒരു കവിതയായി വിരിയുമെന്ന് ഞാൻ കരുതിയിരുന്നില്ല.... ✨ വാക്കുകൾ കൊണ്ട് ഞാൻ കോറിയിട്ടത് വെറുമൊരു നിഴലല്ല, മറിച്ച് നിന്റെ ആത്മാവിനെ പുണരാൻ വെമ്പിയ എന്റെ ഉള്ളിലെ സത്യമായിരുന്നു....✨ നീയെന്നെ നിന്റെ ലോകത്തിനുള്ളിൽ മാത്രം സൂക്ഷിക്കണമെന്ന് ആഗ്രഹിച്ചത് സ്വാർത്ഥതയല്ല, അതൊരു ചേർത്തുപിടിക്കലായിരുന്നു ഇനിയൊരു ജന്മമില്ലാത്തവണ്ണം എന്നെ നിന്നിലേക്ക് ആവാഹിക്കലായിരുന്നു... ✨ കാലം നിശ്ചലമായ ആ സ്പർശനങ്ങൾ ഇന്നും എന്റെ വിരൽത്തുമ്പിൽ ഒരു വിറയലായി ബാക്കിയുണ്ട്... ✨ നമ്മുടെ ഹൃദയങ്ങൾ മുൻകൂട്ടി കണ്ട ആ മാറ്റവും, പേരിടാനാവാത്ത ആ മുറിവും വിധിയുടെ കളിചിരികളാവാം.... ✨ വിരഹം നിന്റെ രാവുകളിൽ എന്റെ അഭാവം എണ്ണിപ്പറയുമ്പോൾ, ഓർക്കുക... എന്റെ ഓരോ ശ്വാസത്തിലും നീ ബാക്കിവെച്ചു പോയ ആ ഗന്ധം ഇന്നും തങ്ങിനിൽക്കുന്നുണ്ട്.....✨ നീ എഴുതുന്നത് എന്നെ സൂക്ഷിക്കാനാണെങ്കിൽ, ഞാൻ ജീവിക്കുന്നത് ആ വരികളിൽ മരിക്കാതെ ഇരിക്കാനാണ്.... ✨ നീ പറഞ്ഞതുപോലെ, നമ്മുടെ കഥ അപൂർണ്ണമായിരിക്കാം... പക്ഷേ, ആ അപൂർണ്ണതയിലാണ് ലോകത്തിലെ ഏറ്റവും സുന്ദരമായ പ്രണയം ഒളിഞ്ഞിരിക്കുന്നത്.... ✨ മഷിയുണങ്ങാത്ത നിന്റെ തൂലികയിൽ, ഇനിയുമൊരു വസന്തമായി ഞാൻ കാത്തിരിക്കാം... നമ്മുടെ പ്രണയം ഇനിയും മരിക്കാതിരിക്കാൻ.✨ #❤ സ്നേഹം മാത്രം 🤗

ജീവിതത്തോട് പ്രണയം തോന്നണമെങ്കിൽ ജീവിക്കാൻ പ്രേരിപ്പിക്കുന്ന ആരെങ്കിലുമൊക്കെ കൂട്ടിന് വേണം.. ഇണക്കങ്ങളും പിണക്കങ്ങളും തമ്മിലുള്ള വഴക്കും.. പിന്നീടുള്ള ഇണക്കവുമെല്ലാം മനോഹരം ആവണമെങ്കിൽ... കൂടെയുള്ള ആൾ 100% നമ്മളെ മനസ്സിലാക്കിയവർ ആയിരിക്കണം. 💞 #Highlight #🙋‍♀️ എൻ്റെ സ്റ്റാറ്റസുകൾ #❤ സ്നേഹം മാത്രം 🤗