നേരിയ വിഷാദതാപമിറ്റു പോലും താങ്ങിടാതെ നിലയ്ക്കുന്നു ജീവനുകൾ നോവുന്നു മാനസങ്ങൾ വഴിമാറുന്നു കുരുന്നുകൾ മായാലഹരിതൻ വഴികളിൽ ഭാവി വഴികളിൽ അതിക്രൂര പീഡകൾ നിറയ്ക്കുന്നു ഉൽക്കരുത്തു നൽകുവാൻ സമൂഹം ഉണരുവാൻ നമുക്ക് കൈകോർത്തു നീങ്ങിടാം കാവൽ നിന്നിടാം നന്മതൻ തുള്ളികൾ ചേർത്തു വച്ചൊരുക്കാം ഒരു കടൽ നീറുന്ന പാതകളിൽ അലയടിക്കാൻ ഈ കടലിൻ തിരകൾ ലോക ചക്രവാളം തൊടാൻ ഈ ഉണ്മയെ നെഞ്ചിലെ വികാരമാക്കി ഒത്തു ചേർന്നിടാം #📝 ഞാൻ എഴുതിയ വരികൾ #💭 എന്റെ ചിന്തകള്‍ #🖋 എൻ്റെ കവിതകൾ🧾

പഴന്തുണി പലപ്പോഴായി ഉപേക്ഷിക്കപ്പെട്ടതിന്റ മങ്ങൽ പുറത്തു കാണാത്ത തുണി അരികു പൊട്ടാത്ത കീറൽ ഇല്ലാത്ത തുണി വലിച്ചെറിയപ്പെട്ടതു കൊണ്ടു മാത്രം പഴന്തുണി എന്ന പേരിൽ വീണു കിടന്നു... വിളർത്തു മണ്ണു പറ്റാൻ ഒരുങ്ങി... ഒരു കാറ്റ് വന്ന് അതിനെ പറത്തി... നോട്ടമെത്താത്തിടത്തെ ചുളിവുകൾ മഴ നിവർത്തി... ഒഴുക്കിനറ്റം പുഴ... പുഴയിൽ മഴ കാണാൻ എത്തിയ കവി... ഒഴുകുന്ന വെണ്മ കവിയുടെ കൈകളിലേക്ക്... മഴയെ വകഞ്ഞ് വെയിൽ എത്തി നോക്കി... നിലാവിന്റെ നൂലുകൾക്കായ് കവി കാത്തു നിന്നു... ഒരു കവിത അത്രയും അതിൽ തുന്നിച്ചേർത്തു... പ്രണയം എന്നത്രേ അതിനു പേര്... തുണിക്ക് ഇപ്പോൾ പഴമയുടെ പ്രൌഢി... #🖋 എൻ്റെ കവിതകൾ🧾 #💭 എന്റെ ചിന്തകള്‍ #📝 ഞാൻ എഴുതിയ വരികൾ

ഉദരശാന്തിക്കായി ഏറെ കെഞ്ചുന്നു ഉലകിതിലിന്നും ഏറെ മാനവർ ഉന്നതി ഉന്നതി ഓരോ തലത്തിലും ഉദ്ഘോഷങ്ങൾ മുഴക്കത്തിൽ #💭 എന്റെ ചിന്തകള്‍ #🖋 എൻ്റെ കവിതകൾ🧾 #🎻 കുട്ടിക്കവിതകൾ

യുദ്ധം... വാക്ക് ധ്വനിപ്പിക്കുന്ന പ്രകമ്പനം പോലും താങ്ങുവാനാകാതെ പ്രിയപ്പെട്ടവരെ ഓർത്ത് പ്രിയപ്പെട്ടവർ... #💭 എന്റെ ചിന്തകള്‍ #😔Sad Status #😔സങ്കടം #😢കണ്ണുനീർ #📝 ഞാൻ എഴുതിയ വരികൾ

ആറ്റു നോറ്റെന്റെ ഉറ്റ സുഹൃത്തുക്കൾ ഏറ്റം കൊതിയോടെ ഒത്തുകൂടി പുസ്തകക്കൂട്ടവും കുട്ട്യോളും ചേരുന്ന പുസ്തകശാലയിതെന്തു കേമം സാരഥിയായൊരു കേമനാം 'മാനുജ'ൻ സാദരം തന്നൊരു സ്വീകരണം ഗംഭീരമായെൻ പുസ്തക പ്രകാശനം ഗംഭീരം തന്നെ സൽക്കാരവും വന്നോർക്ക് വന്നോർക്ക് മൃഷ്ടാന്ന ഭോജനം പിന്നാർക്ക് വേണമെന്നുള്ള ഭാവം കവിത കുറിച്ചിട്ട പുസ്തകവും ഞാനും കുട പോലെ മൂലയിൽ ചാരി നിന്നു ഒടുവിൽ ഞാൻ ഓർത്തു കിട്ടിയില്ലെങ്കിലും പഴംപൊരി നീളത്തിൽ കവിത കാച്ചാo എഴുതുന്നോർക്കൊട്ടുമേ പശിയില്ലെന്നോർത്താവും സാരഥി പിന്നെയും ബുക്ക്‌ തന്നു #📝 ഞാൻ എഴുതിയ വരികൾ #🤝 സുഹൃദ്ബന്ധം #🤔 ചിരിയും ചിന്തയും #😹 തമാശ തമാശ

#❤️ ഹാപ്പി വാലന്റൈൻസ് ഡേ ❣️ #📝 ഞാൻ എഴുതിയ വരികൾ നേരെഴുതുവാനാകാതെ ഒരു പിടച്ചിൽ പ്രണയത്തിലുണ്ട്... എപ്പോഴെന്നല്ലേ... നിന്നെക്കുറിച്ചെഴുതാൻ നീ പറയുമ്പോൾ... നിന്നോടുള്ള പ്രണയം മറച്ചു വച്ച് ഒരു കുഞ്ഞിന്റെ പുഞ്ചിരി ചുണ്ടിൽ ഒട്ടിച്ചു വച്ച് ഞാൻ കുത്തിക്കുറിക്കാൻ ഒരുങ്ങുമ്പോൾ...

#❤️ ഹാപ്പി വാലന്റൈൻസ് ഡേ ❣️ #📝 ഞാൻ എഴുതിയ വരികൾ എനിക്കു നിന്റെ നിലവറയിലെ സ്വപ്നമാവണം... ഒളിച്ചിരിക്കണം... കാറ്റ് പോലും ഉറക്കമാവുമ്പോൾ ഹൃദയങ്ങൾ ഒരേ താളത്തിൽ ഉണർന്നിരിക്കാൻ...

പൊട്ടിയ ബലൂൺ വളച്ചില്ല് എല്ലാം പെറുക്കി കൂട്ടണം ഉത്സവം കൂടണം നീ വരില്ലേ.... #💭 എന്റെ ചിന്തകള്‍ #📝 ഞാൻ എഴുതിയ വരികൾ #🤝 സുഹൃദ്ബന്ധം

കവിയോടുള്ള എന്റെ സ്നേഹത്തിന്റെ അളവറിയിക്കാൻ ഞാൻ ആകാശം സൃഷ്ടിച്ചു... പക്ഷിയായ് മാറി... കവിയുടെ വരികൾ നക്ഷത്രങ്ങളാക്കി നിറച്ചു വച്ചു... സ്നേഹത്തിന്റെ അനന്തതയെ കുറിക്കാൻ കഴിഞ്ഞതിൽ ഞാൻ അഭിമാനിച്ചു ആഹ്ലാദിച്ചു ചിറകു വിരിച്ചു... പക്ഷികൾ പലതും ആ വഴി വന്നു... ആറ് ആകാശവും അളന്നു വന്ന ഒരു കുരുവിയെ കുറിച്ച് കവി വാചാലനായി... ഇനിയും ഏറെയെന്നു കുരുവി കിതച്ചത്രെ... അജ്ഞാതമായ ആകാശങ്ങളെ ഓർത്ത് ഞാൻ നേടുവീർപ്പിട്ടു... എന്റെ നക്ഷത്രങ്ങൾ കെട്ടു... ചിറകു കുഴഞ്ഞു... എന്റെ ആകാശം നീ എന്ന് നീ മാത്രം എന്ന് ഞാനും കിതച്ചു... പക്ഷികളുടെ കലമ്പലിൽ കവി അതു കേട്ടില്ല... #💭 എന്റെ ചിന്തകള്‍ #🖋 എൻ്റെ കവിതകൾ🧾 #💌 പ്രണയം #❤ സ്നേഹം മാത്രം 🤗 #💞 നിനക്കായ്