#📀యేసయ్య కీర్తనలు🎙 #😇My Status మర్మములు - Bro. Bakht Singh🌷🌷🌷 🛐 Daily Devotional 🛐 Theme of the Month: దేవుని మహిమ యొక్క మర్మములు Thursday, April 23 *''ఆయన కృపా వాక్యమునకు మిమ్మును అప్పగించుచున్నాను'' (అపొ.కా. 20:32).* విశ్వాసుల సంరక్షణ కొరకై అపొస్తలుడు అపొ.కా. 20:28-32లలో ఇట్లు హెచ్చరించుచున్నాడు. ''దేవుడు తన స్వరక్తమిచ్చి సంపాదించిన తన సంఘమును కాయుటకు పరిశుద్ధాత్మ మిమ్మును దేనియందు అధ్యక్షులనుగా ఉంచెనో ఆ యావత్తు మందను గూర్చియు మీ మట్టుకు మిమ్మును గూర్చియు జాగ్రత్తగా నుండుడి. నేను వెళ్లిపోయిన తరువాత క్రూరమైన తోడేళ్లు మీలో ప్రవేశించునని నాకు తెలియును. వారు మందను కనికరింపరు. మరియు శిష్యులను తమ వెంట యీడ్చుకొని పోవలెనని వంకర మాటలు పలుకు మనుష్యులు మీలోనే బయలుదేరుదురు''. అపవాది బహుగా పని కలిగియున్నాడు. 'తోడేళ్లు' వారిని ఎదుర్కొనును. వక్రజనము చేత వారు మోసగింపబడుదురు. అందుచే ''పరిశుద్ధాత్మ సంఘముపై మిమ్మును నియమించి యున్నాడు''. వారు దేవునిచేత నియమించబడిన పనివారని నిశ్చయము చేసికొనుటకు పౌలు తానే వారికి మూడు సంవత్సరముల పర్యంతము వారు తగిన రీతిని హెచ్చరికలు పొంది సంరక్షింపబడు నిమిత్తము కన్నీళ్లతో బోధించెను. పూర్వము ఎప్పుడు లేనట్టి విధముగా యీ దినములలో సాతాను మరి విశేషముగా పనిచేయుచున్నాడని దేవుని వాక్యము ద్వారా మన మెరుగుచున్నాము. తాను కల్పించు నానా విధములైన ఆయుధములన్నిటంటితో అపవాది విశ్వాసులను ఎదుర్కొన బోవుచున్నాడు. దుర్భోధలు, తప్పుడు సిద్ధాంతములు, హింస, శ్రమ, బాధ, దారిద్య్రము, పోరాటము, మోసగించు పనివారిచేత అపవాది విశ్వాసుల నెదుర్కొనునని వాక్యము చెప్పుచున్నది. తగిన బోధ వలన విశ్వాసులను మనము సంరక్షించలేక పోతిమా మనము దేవుని పక్షముగా తప్పిపోయిన వారమే. ఒక ఉదాహరణను చూచెదము. యుద్ధము కలుగవచ్చునని ప్రజలకు భయమున్నది. రష్యావారు తయారు చేయుచున్న ఆయుధములను గూర్చి వారు కొంత ఎరుగుదురు. దేశభద్రత కొరకు ఆమెరికా వారు చాలా ద్రవ్యము వ్యయము చేయుచున్నారని వారు ఎరుగుదరు. వారి ప్రభుత్వము కూడా తమ స్వంత దేశమును వారి మిత్రులను సంరక్షించుకొనుటకు ఏర్పాటు చేసికొనవలెనని వారు సమ్మతించెదరు. యుద్దము హఠాత్తుగా కలుగ వచ్చును. ఒక్కరు కూడా విడచిపెట్టబడకుండా సర్వ నాశనమొందుదురు. ఇట్టి పరిస్థితిలో మౌనము దాల్చి ''ఈ సంగతి తరువాత ఆలోచించుకొంద''మని అజాగ్రత్తగా నుండుట తప్పు. అపొస్తలుడుగా పౌలుకు వివిధ రకములైన పరిచర్య కలదు. అపొస్తలునిగా, వ్రవక్తగా, సువార్తికునిగా, కాపరిగా అతడు పనిచేయవలసి యుండెను. దేవుని సేవకులకు ఈ దినములలో యిదే పరిచర్య కలదు. అయితే మనము దానిని నెరవేర్చుచున్నామా? మనమీ పనిచేయలేక పోయినట్లయితే దేవుని మందను సంరక్షించు పనివారిని దేవుడు లేపునట్లు ప్రార్థించెదము. అయితే దేవుని పనిని అడ్డుపరచవద్దు. ఈ పనికి దేవుడు నిన్ను పిలువకపోయినచో దేవుని పనిలో జోక్యము చేసికొనక ప్రక్కకు తొలుగుము. Download Daily Devotions by Brother Bakht Singh Mobile App, using link: https://rb.gy/iv32b1 Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com

అలసినవానిని ఊరడించు మాటలు 🍞🍞🍞🍞🍞🍞🍞🍞🍞 DAILY MEDITATIONS FROM THE MINISTRY OF Bro. BAKTH SINGH 🍇🍇🍇🍇🍇🍇🍇🍇🍇 🌷🌷🌷 Thursday, April 23 🌷🌷🌷 *''మారుమనస్సు పొందు ఒక్క పాపి విషయమై పరలోకమందు ఎక్కువ సంతోషము కలుగును'' (లూకా 15:7).* ప్రభువు యొక్క ఆనందము పరలోకములో ఆరంభమగును, భూమిమీద కాదు (లూకా 15:10). ఒక మానవుని హృదయములో పరిశుద్ధాత్మ, దేవుని వాక్యము ద్వారా బలమైన ఒప్పుదలను, నిజమైన పశ్చాత్తాపమును కలిగించును. అతడు నిజముగా తన పాపములను ఒప్పుకొని, తనకు బదులుగా యేసుక్రీస్తు ప్రభువు మరణించెనని విశ్వసించిన యెడల పరలోకమందు దేవుని దూతలందరి యెదుట గొప్ప సంతోషము కలుగును. ఒక పాపి పశ్చాత్తాపపడిన వెంటనే దేవుడు, పరలోకపు వాయిద్యములతో పాటలు పాడుటకు దూతలనందరిని పిలుచును. పశ్చాత్తాపపడిన పాపి హృదయములో కూడా అదే పరలోకపు ఆనందము పోయబడును. కాబట్టి ఇఇ పరలోకమునుండి కలిగిన ఆనందము. ఒకవేళ అది బోధకుని నుండి వచ్చిన భూసంబంధమైన ఆనందమైన యెడల, అది వెంటనే వాడిపోవును. ఒక దినమున ఒక కూడికలో కొందరు చేతిని పైకెత్తి మేము తిరిగి జన్మించితిమని చెప్పవచ్చును. ఆ తరువాతి దినము ఒక కష్టతరమైన విషయములో వారు మనస్సు నొప్పించుకొందురు గాని పరలోకము నుండి ఒక వ్యక్తిలోనికి వచ్చిన సంతోషము ఎన్నటికి వాడిపోదు. అందుచేతనే ప్రభువైన యేసుక్రీస్తుకు ముందుగా వచ్చిన బాప్తిస్మమిచ్చు యోమాను మారుమనస్సును గురించి బోధించి, ''మారుమనస్సుకు తగిన ఫలము ఫలించుడి'' అని చెప్పెను. యేసు ప్రభువు ''పరలోక రాజ్యము సమీపించి యున్నది గనుక మారుమనస్సు పొందుడి'' అని చెప్పుచు ప్రకటించెను (మత్తయి 4:17). బాప్తిస్మమిచ్చు యోహాను, యేసుక్రీస్తు ప్రభువు ఇద్దరు కూడా పరిశుద్ధాత్మచే నింపబడుటను గూర్చి బోధించిరి. ప్రజలు తమ పాపములను ఒప్పుకొనిన యెడల అది హృదయములో నుండి రావలెను, గాని పెదవుల నుండి కాదు. పశ్చాత్తాపమనునది సరియైనదని నిశ్చయించుకొనుటకు, భయమును బట్టి మనము ఒప్పుకొనుట లేదని, లేక ప్రజలు మన గురించి ఏమనుకొందురని గాని, లేక మంచి పేరు కొరకు ఒప్పుకొనుట లేదని మనము నిశ్చయించుకొనవలెను. కొంతమందికి పశ్చాత్తాపమును గురించి సరియైన గ్రహింపు ఉండదు. వారు చాలా తేలికగా, ''ఓ దేవా! నేనొక వేళ ఇది చేసిన యెడల, లేక అది చేసిన యెడల, దయచేసి నన్ను క్షమించుము'' అని చెప్పుదురు. వారి పాపముల విషయమై వారికి నిజమైన ఒప్పుదల, విచారము ఉండవు. యోబుకు దేవుని ప్రత్యక్షత కలిగినది. మునుపెన్నడును కలుగని విధముగా యోబుకు దేవుని మహిమా సౌందర్యములు, ఆయన సర్వశక్తిని గూర్చిన ప్రత్యక్షత కలిగినది. అది అతనిని దేవుని సన్నిధిలో తనను తాను అసహ్యించుకొని, ద్వేషించుకొనునట్లు చేసినది. మనము లూకా 5:8లో సీమోను పేతురు, యేసు మోకాళ్ల ఎదుట సాగిలపడదది, ''ప్రభువా, నన్ను విడిచిపొమ్ము, నేను పాపాత్ముడనని చెప్పెను''. మన ప్రభువు సీమోను పాపములు బయటకు కనబడచుట గాని లేక గద్దించుట గాని చేయనవసరము లేదు. పేతురు యేసుక్రీస్తు ప్రభువు యొక్క గొప్ప శక్తిని, గొప్పతనమును చూచి బహుగా ఒప్పించబడెను. మరల లూకా 19:8లో జక్కయ్య ఎంత నమ్మకముగా పశ్చాత్తాపపడెనో చూచుచున్నాము. అతడు డబ్బు విషయములో అవినీతిపరుడు అని చూపించవలసిన అవసరత ప్రభువునకు లేదు. ప్రభువు యొక్క సన్నిధియే అతనిలో నిజమైన పశ్చాత్తాపమును, హృదయములో మార్పును తీసికొని వచ్చినది. అందుచేతనే అతడు ''ఇదిగో ప్రభువా, నా ఆస్తిలో సగము బీదల కిచ్చుచున్నాను. నేనెవని యొద్దనైనను అన్యాయముగా దేనినైనను తీసికొనిన యెడల అతనికి నాలుగంతలు మరల చెల్లింతును'' అని ప్రభువుతో చెప్పెను. నిజమైన పశ్చాత్తాపము ద్వారా ఏవిధముగా పరలోకము నుండి సంతోషము మనకు కలుగునో చూచుచున్నాము. ఎవరైతే నిజముగా పశ్చాత్తాపపడుదురో వారి హృదయములలో కూడా ఇట్టి సంతోషము కుమ్మరించబడును. Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com

🌷🌷🌷దైవ మర్మములు - Bro. Bakht Singh🌷🌷🌷 🛐 Daily Devotional 🛐 Theme of the Month: దేవుని మహిమ యొక్క మర్మములు Wednesday, April 22 *''మీరు అవిశ్వాసులతో జోడుగా ఉండకుడి'' (2కొరింథీ 6:14).* చాలా నెలలు ప్రార్థించిన తరువాత ప్రభువు నాకొక భయమును గొల్పు వర్తమానము ననుగ్రహించెను.''హిందూ దేశము యొక్క అన్ని ప్రాంతములకు వెళ్లి, నా నామము పెట్టుకొన్న ప్రతి యొక్కరు అతడు విద్యావంతుడైనను, విద్యాహీనుడైనను సరే ఒక పరిశుద్ధ గ్రంథపు ప్రతిని సంపాదించుకొనునట్లు చేయుము. వారు నా నామమును ధరించిన వారైతే తప్పక ఒక బైబిలు ప్రతివాని కుండవలెను. రెండవదిగా వారెట్లు దాని నుపయోగించుకొనవలెనో నేర్పించుము. మూడవదిగా ప్రార్థించుటకు వారికి నేర్పుము. వారి అక్కరల కొరకు ఎట్లు నా యొద్దకు రావలయునో నేర్పుము'' అని బహు తేటగా దేవుడు నాతో చెప్పెను. ఇది చాలా తేలికగా కన్పించవచ్చును. అయినను ఆ వర్తమానము నిచ్చుటకు నేను చాలా భయపడితిని. ఒక నమూనా లేకుండా భవనమును నిర్మించలేము. ఆ నమూనాను మార్చివేసి నీ యిష్టము వచ్చిన మార్పులను చేసి దానిని నిర్మించలేవు. ఇంజనీరు అనుమతి లేనిదే దానిని కట్టువారు, కూలివారు మార్పులు చేయుటకు అధికారము లేదు. ప్రభువు పనికొరకు ఒక పరలోకపు ఏర్పాటు కలదని బైబిలు చూపుచున్నది. ఏ విషయములో నైనను అవిశ్వాసులతో సహవాసము కల్గియుండలేము. విశ్వాసులు అవిశ్వాసులను వివాహమాడరాదని బోధకులు, మీషనరీలు అనేకసార్లు చెప్పెదరు. ''మీరు తిరిగి జన్మించిన క్రైస్తవులైతే మీరు వివామమాడబోవు వ్యక్తి తిరిగి జన్మించి యుండునట్లు చూచుకొనండి'' అని వారు చెప్పుదురు. అయితే 2కొరింథీ 6:14,15 లలోని మాటలు పై దాని కంటే ఎక్కువ విశేషములను తెల్పుచున్నవి. పెండ్లి విషయమును గూర్చి మాత్రమే గాక సంఘ విషయములను గూర్చి కూడా చెప్పుచున్నవి. అవిశ్వాసులతో కలిసి పనిచేసి యెట్లు మంచి ఫలితములను పొందగలము? ఇది అసాధ్యము. ఇట్టి మిశ్రమముతో పనిచేసి దేవుని సంఘమును కట్టలేము. ఇది పనిచేయదు. యేసుక్రీస్తు ప్రభువును గూర్చి మనకున్న అనుభవము సజీవమైనదై, లోతైనదై యున్నప్పుడు మాత్రమే మంచి పునాదిని వేయగలము. ఆయనే మూలకు తలరాయి. మన స్వంత ఆచారములకు, భ్రమలకు అవి ఎంత మంచివైనను సరే కట్టుబడి పనిచేయలేము. దేవుని వాక్యమునకు విధేయులమగుటలోనే మనకు క్షేమము కలదు. ఎట్లు దేవునికి విధేయులమై ఆయన అధికారమునకు లోబడి సురక్షితముగా కాయబడగలమో దేవుని వాక్యమును ఖచ్చితముగా చదివి, పాటించి నిర్ణయించుకొనవలెను. Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com

అలసినవానిని ఊరడించు మాటలు 🍞🍞🍞🍞🍞🍞🍞🍞🍞 DAILY MEDITATIONS FROM THE MINISTRY OF Bro. BAKTH SINGH 🍇🍇🍇🍇🍇🍇🍇🍇🍇 🌷🌷🌷 Wednesday, April 22 🌷🌷🌷 *''... పై నుండి శక్తి పొందువరకు'' అని చెప్పెను (లూకా 24:49).* తాము చేపలు పట్టుటకు వెళ్లిన గలిలయలోని తిబెరియ సముద్రము నొద్ద ప్రభువు వారికి ప్రత్యక్షమయ్యెను. శిష్యులు రాత్రంతయు ప్రయాసపడిరి గాని ఏమియు పట్టలేదు. సూర్యోదయమగుచుండగా యేసు వారికి కనబడి, ''పిల్లలారా, భోజనమునకు మీ యొద్ద ఏమన ఉన్నదా?'' అని అడిగెను. వారు లేదని చెప్పిరి. అప్పుడాయన -''దోనె కుడి ప్రక్కను వలవేయుడి మీకు దొరుకునని చెప్పెను''. వెంటనే వారాయనకు విధేయత చూపిరి, చేపలు విస్తారముగా పడినందున వారు వల లాగలేకపోయిరి. అది 153 గొప్ప చేపలతో నిండియుండెను. అయినను వల పిగలలేదు (యోహాను 21:12). ఈ అద్భుతము ద్వారా ప్రభువు తన శిష్యులకు, తన సేవలో సమృద్ధిగా ఫలవంతమగు పరిచర్య యొక్క రహస్యమును తెలియజేసెను. మనలో చాలామందిమి ఎంతో ప్రయాసపడుదుము గాని, ఫలమును చూడలేము. మనము మన స్వంత ఆసక్తి మీద, జ్ఞానము మీద అధికముగా ఆధారపడుదుము. మనము సామాన్య విషయములలో కూడా దేవుని ప్రణాళికను తెలిసికొను రహస్యమును ఎరిగియున్న యెడల, దేవుడే వచ్చి మన ప్రయాసను ఫలవంతముగా చేయుటను కనుగొందుము. మన వ్యక్తిగత, కుటుంబ, సంఘ జీవితముల కొరకైన దేవుని పరలోకపు ఏర్పాటులోనికి మనము వచ్చిన యెడల, మనము పునరుత్థాన శక్తిని పొందగలము. అదే సమయములో చేపలు ఏ విధముగా యేసుప్రభువు, వలలోనికి వెళ్లుమని ఆజ్ఞాపించగానే అవి ఏ మాత్రము పోరాటము లేకుండా విధేయత చూపినవో, అట్లే మనము కూడా ఆయన ఆజ్ఞకు లోబడి ఆయన అడిగిన దానిని చేసి, మననుండి ఆయన కోరిన దానిని యివ్వవలెనని తన శిష్యులకు నేర్పించెను. సృష్టికర్త యొక్క స్వరమును వినగానే ఆ గొప్ప చేపలు, ఎటువంటి పోరాటము లేకుండా, ఎంత క్రమమైన పద్ధతిలో ఆ వలలోనికి వచ్చినవి? అదేవిధముగా, మనము కూడా ఆయన సేవలో ఎటువంటి అసూయలు, పోరాటములు లేకుండా, మనలను మనము ఆయన అధికారము క్రిందకు తెచ్చుకొనవలెను. శిష్యులు దరికి రాగానే అక్కడ నిప్పులును వాటి మీద ఉంచబడిన చేపలును, రొట్టెయు కనబడెను (యోహాను 21:9). వారు తనకు విధేయత చూపుటచే, వారి అవసరతల కొరకైన ఏర్పాటులన్నియు ఆయన చేయుటను ప్రభువు వారికి చూపించెను. అది మనకు కూడా వర్తించును. వారిని వెచ్చగా నుంచుటకు, ఆయన వాటిని సిద్ధము చేయుటకు ఏ ప్రేమను కనబరచెనో, ఆ ప్రేమను నిప్పు తెలియజేయుచున్నది. ఆయనకు సంపూర్ణముగా లోబడి ఆయన సేవలో మనమనుభవించు ఆత్మ యొక్క సంపూర్ణతను గూర్చి కూడా నిప్పు తెలియజేయుచున్నది. ఆయన ఆజ్ఞల ననుసరించి మనము చేసిన సేవ ద్వారా సంపాదించబడిన ఆత్మలను గూర్చి ఈ చేపలు తెలియజేయుచున్నవి. అనుదినము అధిక బలమును పొందుటకు మనము తీసికొను దేవుని వాక్యమును గూర్చి ఆ రొట్టె తెలియజేయుచున్నది. ప్రభువు పేతురును ఈ విధముగా ప్రశ్నించెను, ''యోహాను కుమారుడవైన సీమోనూ, వీరి కంటె నీవు నన్ను ఎక్కువగా ప్రేమించుచున్నావా?.. నా గొఱ్ఱె పిల్లలను మేపుము.. నా గొఱ్ఱెలను కాయుము'' (యోహాను 21:15,16). ఎప్పుడైతే ఆయన గొఱ్ఱెపిల్లలను, గొఱ్ఱెలను కాయుటకు, మేపుటకు నేర్చుకొందుమో అప్పుడే మన ప్రేమ నిజమైనదిగా కనబడును. అక్కరలో ఇతరులకు సహాయపడుట ద్వారా సంతోషముతో, సమర్పణతో ఒకరి భారములు ఒకరు భరించుట ద్వారా మన గొప్ప ప్రధాన కాపరియైన యేసుక్రీస్తు ప్రభువు యొక్క ప్రేమ గల హృదయమునకు సంతృప్తిని తీసికొని రాగలము. Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com