11 வருட மெமரி..
மகரம், மீனத்திற்கு ஹம்ச யோகம். #adityaguruji #gurujiarticle
ஜோதிடக்கலை அரசு ஆதித்யகுருஜி
கைப்பேசி : +91 8681 99 8888
உங்கள் ஜாதகம் யோகஜாதகமா-20
மகரம் மற்றும் மீன லக்னங்களுக்கு குருபகவான் தரும் ஹம்சயோகம் அளிக்கும் பலன்களை இப்போது பார்ப்போம்.....
மகரம் :
மகரத்திற்கு குரு மூன்று, பனிரெண்டுக்கு அதிபதி யாகி ஆதிபத்திய விஷேச மற்ற அசுபர் ஆவார்.
அவர் விரயாதிபதியாக ஏழாமிடத்தில் உச்சம் பெற்று ஹம்சயோகம் தருவது குருவின் காரகத்துவங்களான பணம், புத்திரர்களைத் தந்தாலும் திருமண வாழ்வைப் பாதிக்கும்.
ஏழுக்கதிபதி சந்திரன் வலுக் குறைந்திருந்தால் தாமத திருமணம் அல்லது முதல் துணையை விரயம் செய்து இரண்டாம் திருமணம் என்ற நிலையை ஏற்படுத்துவார்.
மேலும் குரு சகாய ஸ்தானாதிபதியும் ஆவதால் ஜாதகர் குரு தசையில் அடுத்தவர்களுக்கு உதவி(சகாயம்)செய்து தன் செல்வநிலையை அழித்துக் கொள்வார். அதேநேரம் ஜாதகர் பெண்களுக்கு பிரியமானவராகவும், தாம்பத்ய உறவில் அதிக ஆர்வம், ஈடுபாடு, செயல்திறன் உள்ளவராகவும், மனதைரியம் உடையவராகவும் இருப்பார்.
மீனம் :
மீனத்திற்கு குரு லக்னத்திற்கும், ஜீவன ஸ்தானமான பத்தா மிடத்திற்கும் அதிபதி ஆவதால் இரண்டில் எந்த இடத்தில் ஆட்சி பெற்றாலும் நல்லதுதான். ஹம்சயோகம் முழுமை யாகக் கிடைக்கும்.
லக்னத்தில் குரு திக்பலமுடன் இருந்தால் நல்லமனைவி, குழந்தைகள் அமைவார்கள். அறப் பணிகளில் ஈடுபாடு இருக்கும். சூட்சும அறிவுள்ளவராக இருப்பார். எதிலும் முறையான செய்கைகள் உடையவராக இருப்பார்.
பத்தாமிடமான தனுசு குருவின் மூலத்திரிகோண வீடாகவும், உபய நெருப்பு ராசியாகவும் அமைவதால் இங்கே குரு ஆட்சி பெறுவது கேந்திராதிபத்திய தோஷத்தை சிறிது அளித்தாலும், தொழில், வியாபார வகையில் குரு தசையில் முழுமையான ஹம்சயோகத்தை அளிப்பார்.
அன்றாடம் பயன்பட்டு அழியும் பொருட்கள் சம்பந்தப்பட்ட துறைகளில் ஜாதகரை ஈடுபட வைத்து பெரும் பொருள் தருவார் தனுசு குரு. வங்கித் தொழில், வட்டி, பைனான்ஸ் தொழில், சிட்பண்டு ஜுவல்லரி டிபார்ட்மெண்டல் ஸ்டோர் ஆன்மீகத்துறை போன்றவற்றில் மிகப் பெரிய லாபம் தருவார். மிகவும் நேர்மையான நீதிபதி ஆகலாம். சூரியனும் வலுவாக இருந்தால் அரசுத்துறையில் பெரிய அதிகாரியாகலாம்.
அடுத்து சுக்கிரன் தரும் மாளவ்ய யோகத்தால் அனைத்து லக்னத்தவரும் எவ்வாறு பலனடைவார்கள் என்பதை நாளை முதல் பார்ப்போம்...........
(அக் 23-28, 2011 திரிசக்தி ஜோதிடம் வார இதழில் வெளிவந்தது.)
அலுவலக நேரம்: 10:00 AM - 6:00 PM
தொடர்பு எண்கள் - செல்:8681998888, 8870998888, 8428998888, 7092778888, 044-24358888, 044-48678888
குருஜி அவர்களின் கட்டுரை மற்றும் ராசிபலன்களை whatsapp ல் பெற 8428 99 8888 என்ற எண்ணிற்கு தகவல் தரவும். #✡️ராசிபலன் #🔯இந்த ராசிகளுக்கு அதிர்ஷ்டம்🌠 #🔍ஜோதிட உலகம் 🌍
