✍️ കേരളത്തിലെ താപനില 40 ഡിഗ്രി സെൽഷ്യസിനു മുകളിലേക്ക് ഉയർന്ന പശ്ചാത്തലത്തിൽ, നമുക്ക് ചുറ്റുപാടും സംഭവിച്ചുകൊണ്ടിരിക്കുന്ന പാമ്പുകടിയേറ്റുള്ള മരണവാർത്ത കേൾക്കാനും ന്യൂസ്‌ വഴി കാണാനും ഇടയായി എന്നതിനാലാണ് ഈയൊരു സന്ദേശം നിങ്ങളുടെ പൊതുവായ അറിവിലേക്ക് ഞാൻ രേഖപ്പെടുത്തുന്നത്. ഈ ഉഷ്ണകാലത്ത് (വേനൽക്കാലത്ത്) പാമ്പുകൾ ഉൾപ്പെടെയുള്ള ഇഴജീവികളുടെ ശല്യം വർദ്ധിക്കാൻ കൂടുതൽ സാധ്യതയുണ്ട്. ചൂട് സഹിക്കാനാവാതെ തണുപ്പുള്ള സ്ഥലങ്ങൾ തേടി ഇവ വീടിനുള്ളിലേക്കോ പരിസരങ്ങളിലേക്കോ വരാറുണ്ട്. അതിനാൽ, താഴെ പറയുന്ന കാര്യങ്ങളിൽ പ്രത്യേക ശ്രദ്ധ ഉണ്ടായിരിക്കേണ്ടത് ആവശ്യമാണ്. 1) വീടും പരിസരവും വൃത്തിയാക്കുക✔️ വീടിന് ചുറ്റുമുള്ള കാട്, കരിയിലകൾ, പടർപ്പുകൾ, പാഴ് വസ്തുക്കൾ, പ്ലാസ്റ്റിക് ഐറ്റംസ്, പാമ്പുകൾക്ക് ഒളിച്ചിരിക്കാൻ സാധിക്കുന്ന സ്ഥലങ്ങൾ എന്നിവ ഒഴിവാക്കുക. വീടിന്റെ പുറത്തേക്കുള്ള വാതിലുകൾ എപ്പോഴും അടച്ചിടുക. ശൗചാലയങ്ങളുടെയും, കുളിമുറിയുടെയും, മുറിക്കുള്ളിലെയും വേസ്റ്റ് വെള്ളം പുറത്തേക്ക് പോകുന്ന പൈപ്പുകൾ പുറത്ത് ജാലി കൊണ്ട് പാക്ക് ചെയ്യുക. 2) വെള്ളം സൂക്ഷിക്കുക✔️ വീടിന് പുറത്തുള്ള ടാപ്പുകളുടെ ഭാഗം, പുറത്തുള്ള ശൗചാലയങ്ങളും കുളിമുറികളും ഉപയോഗിക്കുമ്പോൾ എപ്പോഴും വളരെ കരുതലോടെ ആയിരിക്കണം. വീടിനടുത്ത് പക്ഷിമൃഗാദികൾക്ക് കുടിക്കാൻ വെള്ളം വെക്കുമ്പോൾ / പാത്രം വൃത്തിയാക്കുമ്പോൾ ശ്രദ്ധ ഉണ്ടായിരിക്കണം. കാരണം തണുപ്പ് തേടി ഇഴജീവികൾ ആ ഭാഗത്തേക്ക് വരാൻ സാധ്യതയുണ്ട്. 3) രാത്രി സഞ്ചാരം✔️ രാത്രിയിൽ പുറത്തിറങ്ങുമ്പോൾ പുറത്തു ഭാഗത്തുള്ള ലൈറ്റുകൾ ഓണാക്കിയതിനു ശേഷം മാത്രം പുറത്തിറങ്ങുക. ടോർച്ച്, വടി എന്നിവ നിർബന്ധമായും പുറത്തിറങ്ങുമ്പോൾ കരുതുക. 4) പ്രത്യേകം ശ്രദ്ധിക്കേണ്ടത് ✔️ ചെരിപ്പുകൾ, ഉണക്കാനിട്ട വസ്ത്രങ്ങൾ, പാത്രങ്ങൾ എന്നിവ എടുക്കുന്നതിന് മുൻപ് കുടഞ്ഞു നോക്കുക. കതകിന് അടിയിൽ ഒരിക്കലും ഗ്യാപ്പില്ലാത്ത രീതിയിൽ സുരക്ഷാക്രമീകരണങ്ങൾ ചെയ്യുക. 5) പൊത്തുകൾ അടക്കുക✔️ വീടിന്റെ ഭിത്തിയിലെയും, അതിർത്തിയിലെ വിള്ളലുകളും പൊത്തുകളും അടച്ചു സൂക്ഷിക്കുക. 6) വിദഗ്ധ സഹായം✔️ പാമ്പിനെ കണ്ടാൽ സ്വയം പിടിക്കാൻ ശ്രമിക്കാതെ, ഉടനടി വനം വകുപ്പിനെയോ അല്ലെങ്കിൽ 101-ൽ വിളിച്ച് ഫയർഫോഴ്സിനെയോ, 112 ൽ വിളിച്ചു പോലീസിനെയോ അറിയിക്കുക. 7) ഓർത്തിരിക്കേണ്ടത് ✔️ ആൻഡ്രോയ്ഡ് മൊബൈൽ ഫോൺ ഉപയോഗിക്കുന്നവർ നിർബന്ധം ആയും പ്ലേ സ്റ്റോറിൽ നിന്നും സർപ്പ' (SARPA - Snake Awareness, Rescue and Protection App) എന്ന ആപ്പ് ഡൌൺലോഡ് ചെയ്തു രജിസ്റ്റർ ചെയ്യുക. Kerala forest & wildlife department സെക്ഷനിലെ വിദഗ്ധരായ പാമ്പുപിടുത്തക്കാരുടെ ഫോൺ നമ്പർ രേഖപ്പെടുത്തിയിട്ടുണ്ട്. ഈ സർപ്പ ആപ്പ് വഴിയുള്ള സേവനം പൂർണ്ണമായും സൗജന്യമാണ്. അംഗീകൃത റെസ്ക്യൂവർമാർക്ക് ഇന്ധനത്തിനോ മറ്റ് അടിസ്ഥാന ആവശ്യങ്ങൾക്കോ ചെറിയ തുക നൽകാം, എന്നാൽ അവർ നിർബന്ധിത ഫീസ് ഈടാക്കില്ല. കടപ്പാട് : ബിനോജ് ബാബു #💞 നിനക്കായ് #😇 ഇന്നത്തെ ചിന്താവിഷയം