പ്രിയമുള്ളവരെ, സമാധാനത്തിന്റെയും സത്യത്തിന്റെയും പാതയിൽ നിന്ന് മാറി, ആളുകൾക്കിടയിൽ സഹാനുഭൂതി കുറഞ്ഞു ഭൗതിക നേട്ടങ്ങൾക്കും സ്വാർത്ഥതയ്ക്കും വേണ്ടി നുണ പറയുകയും, സമൂഹത്തിൽ ഭിന്നിപ്പും അസ്വസ്ഥതകളും ഉണ്ടാക്കുകയും തിന്മയുടെ പാത തിരഞ്ഞെടുക്കുകയും ചെയ്യുന്ന ഒരു കാലഘട്ടത്തിലൂടെയാണ് ഇന്ന് നാം ഓരോരുത്തരും സഞ്ചരിച്ചുകൊണ്ടിരിക്കുന്നത്. നമ്മുടെ ലോകം വളരെ സങ്കീര്‍ണ്ണതയിലൂടെ കടന്നുപോകുമ്പോഴും വൈരാഗ്യങ്ങളും വൈചിത്ര്യങ്ങളുമായി നാം പരസ്പരം പോരടിക്കുമ്പോഴും ആരും നമ്മുടെ തിന്മകളെ കാണില്ലെന്ന് നാം ധരിക്കുന്നു. പക്ഷേ പ്രപഞ്ചത്തിന്റെ കണ്ണുകള്‍ നമ്മളെ തന്നെ നോക്കിയിരിക്കുന്നു എന്ന സത്യം പലപ്പോഴും മനസ്സിലാക്കുന്നതിന് മനുഷ്യന് കഴിയാറില്ല, ആ കണ്ണുകളാണ് നമ്മുടെ വിധി തീരുമാനിക്കുന്നതെന്നും ബാഹ്യരൂപത്തേക്കാൾ ഓരോ മനുഷ്യരുടെയും ഹൃദയത്തെയാണ് ദൈവം വിധിക്കുന്നത് എന്നും അതിന്റെ പ്രതിഫലം ദൈവത്തിൽ നിന്ന് തന്നെ ലഭിക്കുമെന്നും നാം മനസ്സിലാക്കണം. ഒന്നോർക്കുക : വിശുദ്ധ ബൈബിൾ ഉല്പത്തി 1: 27 വചനം അനുസരിച്ച് ദൈവം മനുഷ്യനെ തൻ്റെ പ്രതിച്ഛായയിലും സാദൃശ്യത്തിലും, സ്വന്തം കൈപ്പണിയായി ഭൂമിയിൽ സൃഷ്ടിച്ചു . ദൈവത്തെ സ്നേഹിക്കാനും, ദൈവത്തിൻ്റെ നന്മയെ തിരിച്ചറിയാനും, പരസ്പര ബന്ധത്തിൽ ജീവിക്കാനുമാണ് മനുഷ്യൻ സൃഷ്ടിക്കപ്പെട്ടത്. ഭൂമിയെയും അതിലുള്ള സർവ്വതിനെയും ഭരിക്കാനും പരിപാലിക്കാനും മനുഷ്യന് ദൈവം അധികാരവും നൽകി. എന്നാൽ, നമ്മെ സൃഷ്ടിച്ച ദൈവത്തിന് ജാതിയില്ല. പ്രത്യേക മതവുമില്ല. മനുഷ്യരെ പുരുഷനും സ്ത്രീയും എന്നീ രണ്ടു വർഗ്ഗങ്ങളായി അവിടുന്ന് സൃഷ്ടിച്ചു. അവിടുത്തെ മുമ്പിൽ എല്ലാവരും സുന്ദരന്മാരും സുന്ദരിമാരും ആണ്. ഈ ജാതിയും മതവും ഉണ്ടാക്കിയത് ഒരിക്കലും സൃഷ്ടാവായ ദൈവം അല്ല. അത് മനുഷ്യനാണ്. ലോകത്തുള്ള സകല മനുഷ്യരും ദൈവത്തിന്റെ സൃഷ്ടികളാണ്. മനുഷ്യനെ മനുഷ്യനായി കാണുവാന്‍ കഴിയുന്ന മനുഷ്യത്വമാണ് നമുക്ക് ഓരോരുത്തർക്കും ഉണ്ടായിരിക്കേണ്ടത്. ഇത്തരം മനുഷ്യത്വമുള്ള സ്വഭാവം രൂപപ്പെടുത്തുമ്പോൾ ആണ് അതിനെ മാനവികത എന്നു പറയുന്നത്. തന്നെപ്പോലെ തന്നെ മറ്റുള്ളവരുടെ അവകാശങ്ങളും സ്വാതന്ത്ര്യങ്ങളും അംഗീകരിക്കുകയും അവയെ ബഹുമാനിക്കുകയും ചെയ്യുമ്പോള്‍ മാത്രമേ ഈ മാനവികതയുടെ അര്‍ഥം ഓരോ മനുഷ്യരിലും പൂര്‍ണമാവുകയുള്ളു. കേരളത്തിലെ നവോത്ഥാന നായകനായ ശ്രീനാരായണഗുരു ലോകത്തിന് നൽകിയ മഹത്തായ സന്ദേശമാണ് 'മതമേതായാലും മനുഷ്യൻ നന്നായാൽ മതി" എന്നത്. മതഭ്രാന്തിനും ജാതിവ്യത്യാസങ്ങൾക്കും എതിരെ മനുഷ്യസ്നേഹവും മാനവികതയും ഉയർത്തിപ്പിടിക്കുന്ന ഈ വചനം, വർഗീയതയ്ക്കും വിദ്വേഷത്തിനും എതിരെ സമാധാനപരമായ സഹവർത്തിത്വം നിലനിർത്താൻ നമ്മെ സഹായിക്കുന്നു. വളരെ വ്യക്തമായി പറഞ്ഞാൽ ഒരു വ്യക്തിയുടെ മതം ഏതാണെന്നതിനേക്കാൾ, ആ വ്യക്തിയുടെ സ്വഭാവവും പ്രവർത്തികളും നന്മയുള്ളതാക്കുക എന്നതാണ് വളരെ പ്രധാനപ്പെട്ടത്. വിശുദ്ധ ബൈബിളിലെ ആമോസ് 5:14-ൽ നിന്നുള്ള വചനം ഇപ്രകാരം ഓർമ്മപ്പെടുത്തുന്നു "തിന്മയല്ല, നന്മ അന്വേഷിക്കുവിൻ; നിങ്ങൾ ജീവിക്കും" എന്ന്. തിന്മ വെടിഞ്ഞ് നന്മയിൽ ജീവിക്കുമ്പോൾ മനുഷ്യന് ദൈവം യഥാർത്ഥ ജീവിതം പ്രദാനം ചെയ്യുന്നു. യഥാർത്ഥ നന്മ അന്വേഷിക്കുന്നവർക്ക് ഒപ്പം സൃഷ്ടാവായ ദൈവത്തിന്റെ സാന്നിധ്യവും കൂടെയുണ്ടാകും. നമുക്ക് ചുറ്റുപാടും സാമ്പത്തികമായി ഉയർന്നുവരും അല്ലാത്തവരും ധാരാളം ഉണ്ട്. സമാധാനവും സന്തോഷവും നഷ്ടപ്പെട്ട അനേകർ ഉണ്ട്. രോഗങ്ങളാൽ വളരെയേറെ വേദനിക്കുന്ന ആളുകളുണ്ട്. വിദ്യാഭ്യാസം ചെയ്യുന്ന മക്കളുണ്ട്. വിദ്യ അഭ്യസിക്കുന്നവരായ ഗുരുക്കന്മാർ ധാരാളമുണ്ട്. തൊഴിലില്ലാതെ വിഷമിക്കുന്ന സഹോദരങ്ങളുണ്ട്. തൊഴിൽ ചെയ്യുന്ന ധാരാളം ആളുകളുണ്ട്. ചുറ്റുപാടും ഏതു സാഹചര്യത്തിലും ഉള്ള ആളുകളുമായിക്കൊള്ളട്ടെ, സുഭാഷിതങ്ങള്‍ 3 : 27 വചനം ഇപ്രകാരം ഓർമ്മപ്പെടുത്തുന്നു. "നിനക്കു ചെയ്യാന്‍ കഴിവുള്ള നന്‍മ, അതു ലഭിക്കാന്‍ അവകാശമുള്ളവര്‍ക്കു നിഷേധിക്കരുത്." എന്ന്. ഈ വചനത്തിലൂടെ പ്രധാനമായി ഓർമ്മിപ്പിക്കുന്നത്. മറ്റുള്ളവർക്ക് വേണ്ടി പ്രാർത്ഥിക്കുന്നത് ഒരു നന്മ പ്രവർത്തിയാണ്. (Intercessory prayer) നിസ്വാർത്ഥമായ സ്‌നേഹത്തിന്റെയും സഹാനുഭൂതിയുടെയും അടയാളമാണ് പ്രാർത്ഥന. സ്വന്തം ആവശ്യങ്ങൾക്ക് ഒപ്പം സുഹൃത്തുക്കൾ, കുടുംബാംഗങ്ങൾ, മാനവരാശിക്ക് മൊത്തമായും, പ്രത്യേകിച്ച് രോഗികൾ, സമാധാനം നഷ്ടപ്പെട്ടവർ, തൊഴിലില്ലാതെ വലയുന്നവർ, ഒരു നേരത്തെ അന്നത്തിനു വേണ്ടി ബുദ്ധിമുട്ടുന്നവർ , സ്വന്തം കിടപ്പാടം പോലും ഇല്ലാത്തവർ, കടബാധ്യതയിൽ കഷ്ടപ്പെടുന്നവർ, വിദ്യാഭ്യാസം ചെയ്യുന്ന മക്കൾ എന്നിവർക്കു വേണ്ടി പ്രാർത്ഥിക്കുന്നത് ദൈവവുമായി ആഴപ്പെട്ട ബന്ധം ശക്തമാക്കാനും, പരസ്പര സ്‌നേഹം വളർത്താനും, മാനസികമായ ഐക്യം ഉണ്ടാക്കാനും സഹായിക്കുന്നു. ഈ സമർപ്പണ പ്രാർത്ഥനയിൽ പവിത്രതയും ആത്മാർത്ഥതയും ഉണ്ടായിരിക്കണമെന്നതാണ് പ്രധാനം. ഗലാത്തിയാ 5: 22-23 വചനപ്രകാരം ആത്മാവിൻ്റെ ഫലങ്ങൾ ആയ സ്നേഹം, ആനന്ദം, സമാധാനം, ക്ഷമ, ദയ, നന്മ, വിശ്വസ്തത, സൌമ്യത, ആത്മസംയമനം എന്നീ ഫലങ്ങൾ പുറപ്പെടുവിക്കുന്ന വ്യക്തികളായി മാറാൻ നമുക്ക് ഓരോരുത്തർക്കും കഴിയണം. പരുദ്ധാൽമാവിൻ്റെ ശക്തിയാൽ ദൈവാത്മാവിനായി അനുതാപത്താൽ നിറഞ്ഞു ഹൃദയങ്ങളെ തുറന്നു കൊടുക്കുകയും ചെയ്യുമ്പോഴാണ് നമ്മൾ ദൈവരാജ്യത്തിനു വേണ്ടിയും നമ്മുടെ സഹോദരങ്ങൾക്കുവേണ്ടിയും, നമുക്ക് വേണ്ടിയും നല്ല ഫലങ്ങൾ പുറപ്പെടുവിക്കുന്ന നല്ല വൃക്ഷങ്ങളായി മാറ്റപ്പെടുവാൻ കഴിയുക. ചീത്തഫലങ്ങൾ പുറപ്പെടുവിക്കുന്നവയെ ജീവിതത്തിൽ നിന്നകറ്റി, നല്ല ഫലം പുറപ്പെടുവിക്കുന്നവരാകുന്നതിനുള്ള കൃപയ്ക്കായി നമുക്കും ദൈവസന്നിധിയിൽ സമർപ്പിച്ച് പ്രാർത്ഥിക്കാം. കര്‍ത്താവായ യേശുക്രിസ്‌തുവിന്റെ കൃപയും ദൈവത്തിന്റെ സ്‌നേഹവും പരിശുദ്‌ധാത്‌മാവിന്റെ സഹവാസവും നിങ്ങളേവരോടുംകൂടെ ഉണ്ടായിരിക്കട്ടെ! കടപ്പാട് : ബിനോജ് ബാബു (ദി ഹാപ്പി ഫാമിലി ) #😇 ഇന്നത്തെ ചിന്താവിഷയം #💞 നിനക്കായ് #എന്റെ ചിന്തകൾ

✍️ ഇന്നും നാളെയും തുടർ ദിവസങ്ങളിലും വർഷ അവസാന പരീക്ഷ എഴുതുന്ന ഓരോ വിദ്യാർത്ഥി- വിദ്യാർത്ഥിനികൾക്കും വേണ്ടി എല്ലാവരോടുമായി എനിക്ക് ഒന്നേ പറയാനുള്ളൂ... നിങ്ങളുടെ കഴിവും പോരായ്മകളും സ്വയം ബോധ്യപ്പെടുത്തുന്നതിനുള്ള അവസരമാണ് ഈ പരീക്ഷ. ഈ പരീക്ഷയിൽ ലഭിക്കുന്ന വിജയം നിങ്ങൾക്ക് മുന്നോട്ടുള്ള ചവിട്ടുപടിയാണ്. അതുകൊണ്ട്, നിങ്ങളുടെ മനസ്സിലുള്ള മുഴുവന്‍ പേടിയും ടെൻഷനും പുറത്ത് കളയുക. മനസ്സിനെ സ്വതന്ത്രമാക്കുക. എനിക്ക് നന്നായി പരീക്ഷയെഴുതാനാകുമെന്ന് മനസ്സിനെ ആവര്‍ത്തിച്ച് ബോധ്യപ്പെടുത്തുക. ഞാൻ പരീക്ഷയിൽ വിജയിക്കും, എനിക്ക് വിജയിക്കണം എന്നും നിങ്ങൾ നിങ്ങളുടെ മനസ്സില് ഒരു ഉറച്ച തീരുമാനം പറയുക. ഈയൊരു വർഷക്കാലഘട്ടം നിങ്ങൾ പഠിച്ച കാര്യങ്ങൾ ഒന്നുകൂടി വായിച്ചുനോക്കി നിങ്ങളുടെ മെമ്മറിയിൽ നന്നായി സൂക്ഷിക്കുക. നന്നായി പരീക്ഷ എഴുതുക. തീർച്ചയായും നിങ്ങളുടെ മനസ്സിന്റെ പോസിറ്റീവായ ഈ ഉറപ്പ് ഒരു വിജയത്തിന്റെതായ മാർഗം നിങ്ങൾക്ക് തുറന്നു നൽകും. കഠിനാധ്വാനത്തിന് അർഹമായ ഫലം നൽകി നിങ്ങളെ ഓരോരുത്തരെയും ദൈവം അനുഗ്രഹിക്കട്ടെ! എല്ലാ കുട്ടികൾക്കും വേണ്ടി ഞാൻ ഇപ്രകാരം പ്രാർത്ഥിക്കുന്നു. 👏സർവ്വശക്തനായ ദൈവമേ, പരീക്ഷ എഴുതുന്ന എല്ലാ കുട്ടികൾക്കും ജ്ഞാനവും, നല്ല ഓർമ്മശക്തിയും, ആത്മവിശ്വാസവും നൽകി, പരിശുദ്ധാത്മാവിന്റെ വെളിച്ചത്താൽ അവർ പഠിച്ച കാര്യങ്ങൾ കൃത്യമായി ഓർത്തെടുക്കാനും, പരീക്ഷാഹാളിലെ സമ്മർദ്ദങ്ങൾ അതിജീവിക്കാനും മടിയും അലസതയും മാറ്റി ഉന്നത വിജയം നേടിയെടുക്കുവാനും അവരെ അനുഗ്രഹിക്കണമേ. പരീക്ഷയിൽ യാതൊരുവിധ ബുദ്ധിമുട്ടുമില്ലാതെ വിജയിക്കാൻ അങ്ങയുടെ കൃപയും ജ്ഞാനവും നൽകി അനുഗ്രഹിക്കണമേ. പരിശുദ്ധാത്മാവേ, ഈ മക്കളിൽ അങ്ങ് വന്നു നിറയണമേ. അങ്ങയുടെ ദാനങ്ങളും വരങ്ങളും എല്ലാ കുട്ടികളിലും ധാരാളമായി വര്‍ഷിക്കണമേ. പരീക്ഷയ്ക്കായി അവർ പഠിച്ച കാര്യങ്ങള്‍ എല്ലാം ഓര്‍മ്മയില്‍ നില്‍ക്കുവാന്‍ സഹായിക്കണമേ. അവരുടെ ചിന്തകളെ പോസിറ്റീവായി നയിക്കുകയും മനസിനെ ക്രമബദ്ധമായി ഉത്തരങ്ങള്‍ എഴുതുവാന്‍ തക്കവിധം ആശയങ്ങള്‍ കൊണ്ട് നിറയ്ക്കുകയും ചെയ്യേണമേ. പരീക്ഷയുടെ മുഴുവന്‍ സമയവും സഹായിക്കുവാന്‍ ദൈവം കൂടെയുണ്ടെന്ന വിശ്വസിക്കുവാൻ കുട്ടികളുടെ മനസ്സിനെ അനുവദിക്കണമേ. പരീക്ഷയിലെ ചോദ്യങ്ങളെയും ഉത്തരങ്ങളെയും പറ്റിയുള്ള ആശങ്കകളെ അകറ്റുകയും സമാധാനം നല്‍കുകയും ചെയ്യേണമേ. അവരുടെ മനസിനെ പ്രകാശിപ്പിക്കുകയും ഓരോ ചോദ്യങ്ങള്‍ക്കും ഉള്ള ഉത്തരം വ്യക്തമായി രേഖപ്പെടുത്തുവാനും ഉത്തരങ്ങള്‍ എഴുതുമ്പോഴും ചോദ്യത്തിന് അനുസരിച്ച് കൃത്യമായും ചുരുക്കിയും എഴുതുവാനും പരിശുദ്ധാത്മാവിനാൽ അവരെ സഹായിക്കണമേ. നല്ല മാർക്ക് വാങ്ങി പാസ്സാകാൻ പരീക്ഷ എഴുതുന്ന/ എഴുതുവാൻ തയ്യാറെടുക്കുന്ന എല്ലാ വിദ്യാർത്ഥി- വിദ്യാർത്ഥിനികളെയും അങ്ങ് സഹായിക്കണമേ എന്ന് അപേക്ഷിച്ചുകൊണ്ട് അബ്ബാ -പിതാവേ വിശ്വാസപൂർവ്വം യേശുവിന്റെ നാമത്തിൽ സമർപ്പിക്കുന്ന എന്റെ പ്രാർത്ഥന അങ്ങ് കേട്ട് ഉത്തരമരുളണമേ... ആമേൻ. കടപ്പാട്: ബിനോജ് ബാബു #😇 ഇന്നത്തെ ചിന്താവിഷയം #💞 നിനക്കായ്

ബന്ധം നിലനിർത്താൻ ആഗ്രഹിക്കുന്നവർ ആയിരം തെറ്റുകൾ ക്ഷമിക്കും... എന്നാൽ ബന്ധം ഒഴിവാക്കാൻ ആഗ്രഹിക്കുന്നവർക്ക്, ഒരു ചെറിയ "തെറ്റ്" പോലും ഒരു കാരണമാണ്. #😇 ഇന്നത്തെ ചിന്താവിഷയം #💞 നിനക്കായ്

നിറങ്ങളുടെ ഉത്സവം എന്നറിയപ്പെടുന്ന ഹോളി ഇന്ന് എല്ലാവരും ആഘോഷിക്കുന്നു. തിന്മയുടെ മേൽ നന്മയുടെ വിജയത്തെ അടയാളപ്പെടുത്തുന്നതിനാണ് ഈ ഉത്സവം ഉദ്ദേശിക്കുന്നത്. ഇതോടൊപ്പം, പരസ്പരം നിറങ്ങൾ വിതറുമ്പോൾ ആളുകൾ തമ്മിലുള്ള ബന്ധം കൂടുതൽ ശക്തമാവുകയും സൗഹൃദം കൂടുതൽ തീവ്രമാവുകയും ചെയ്യുമെന്ന് വിശ്വസിക്കപ്പെടുന്നു. നിറങ്ങളുടെ ഉത്സവമായ ഹോളിയെ നമുക്ക് സന്തോഷത്തോടെ സ്വാഗതം ചെയ്യാം. ഈ ഹോളി ഉത്സവം നിങ്ങളുടെ ഓരോരുത്തരുടെയും ജീവിതത്തിൽ സമാധാനവും സ്നേഹവും വിജയവും കൊണ്ടുവരട്ടെ. എല്ലാവർക്കും ഒരു അത്ഭുതകരമായ ഹോളി ആശംസിക്കുന്നു. ആശംസകളോടെ: ബിനോജ് ബാബു. #😇 ഇന്നത്തെ ചിന്താവിഷയം #💞 നിനക്കായ് #🎊 ഹോളി ആശംസകൾ

#😇 ഇന്നത്തെ ചിന്താവിഷയം #💞 നിനക്കായ്

#😇 ഇന്നത്തെ ചിന്താവിഷയം #💞 നിനക്കായ് #bible

#😇 ഇന്നത്തെ ചിന്താവിഷയം #💞 നിനക്കായ് #വലിയ നോമ്പ് സ്റ്റാറ്റസ്

#💞 നിനക്കായ് #😇 ഇന്നത്തെ ചിന്താവിഷയം #🙋‍♀️ എൻ്റെ സ്റ്റാറ്റസുകൾ #💓 ജീവിത പാഠങ്ങള്‍ #✍️Life_Quotes

പ്രിയ സഹോദരീ സഹോദരന്മാരേ, ഈ കാലഘട്ടത്തിൽ ജീവിക്കുന്ന തങ്ങളുടെ കുട്ടികളെ കുറിച്ച് നല്ലൊരു ശതമാനം മാതാപിതാക്കളും അറിഞ്ഞിരിക്കേണ്ട ഒരു സത്യമാണിത്. നിങ്ങളുടെ കുട്ടികൾ നിങ്ങളെ സുരക്ഷിതരാക്കുമെന്ന് കരുതി നിങ്ങളുടെ പണവും സമ്പാദ്യവും പരിധിക്കപ്പുറം പാഴാക്കരുത്. കാരണം അവർ കൂടുതലും ആൻഡ്രോയിഡ് മൊബൈലുകളിലാണ് വളരുന്നത്. മാത്രമല്ല, ഭക്ഷണം കഴിക്കുമ്പോഴും ഉറങ്ങുമ്പോഴും പോലും. മാതാപിതാക്കൾ അവർക്കുവേണ്ടി എത്രമാത്രം കഷ്ടപ്പെടുന്നുണ്ടെന്ന് അറിയാൻ അവർ ആഗ്രഹിക്കുന്നില്ല. കഷ്ടപ്പാടുകളുമായി ജീവിക്കാൻ അവർ തയ്യാറല്ല, കുടുംബ ബന്ധങ്ങൾ എന്താണെന്ന് അവർക്കറിയില്ല, ബന്ധങ്ങൾ എങ്ങനെ നിലനിർത്തണമെന്ന് അവർക്കറിയില്ല, അറിവ് നൽകുന്ന പത്രങ്ങളും പുസ്തകങ്ങളും വായിക്കുന്ന ശീലമില്ല, ആരോഗ്യം നിലനിർത്താൻ വ്യായാമ ശീലങ്ങളോ മനസ്സിന് ഊർജ്ജം നൽകുന്ന രീതിയിൽ കളിക്കുന്നതോ അവർക്ക് താൽപ്പര്യമില്ല, ആത്മീയമായി ചിന്തിക്കുമ്പോൾ, അവർ വിശ്വസിക്കുന്ന മതത്തെ അടിസ്ഥാനമാക്കി കൂടുതൽ അറിവ് നേടുന്നതിൽ അവർക്ക് താൽപ്പര്യമില്ല. അവർക്ക് എപ്പോഴും മൊബൈൽ ഗെയിമുകൾ, ഇൻസ്റ്റഗ്രാം റിലീസുകൾ, ആസ്വാദനം, സൃഷ്ടി എന്നിവയിൽ കൂടുതൽ താൽപ്പര്യമുണ്ട്. അത്തരം സാഹചര്യങ്ങളിൽ, നമുക്ക് ചുറ്റും കാണുന്നത്, കുട്ടികളിൽ അമിതമായ പ്രതീക്ഷകൾ വയ്ക്കുന്ന മാതാപിതാക്കൾ ഒടുവിൽ പരാജയപ്പെടുന്നു എന്നതാണ്. - ബിനോജ് ബാബു #😇 ഇന്നത്തെ ചിന്താവിഷയം #💞 നിനക്കായ് #എന്റെ അഭിപ്രായം

ആരാധനക്രമ വർഷ പഠന പരമ്പര 2025-26 | Episode - 11 https://youtube.com/watch?v=9FJqpizfrq0&si=6Vv3hunhoPxE7mNS #🙏 ബൈബിൾ സ്റ്റാറ്റസ് #😇 ഇന്നത്തെ ചിന്താവിഷയം #💞 നിനക്കായ്