ଓଡିଶା ରାଜ୍ୟ ଶାସନରେ ଦୀର୍ଘ 24 ବର୍ଷ ଶାସନ କଲା ବିଜେଡି l ସେଥି ସହିତ ନଅ ବର୍ଷ ବିଜେପି, ବିଜେଡି ସହିତ ମିଶି ଶାସନ ଉପଭୋଗ କରୁଥିଲା l ପରବର୍ତ୍ତୀ ପନ୍ଦର ବର୍ଷ ପର୍ଯ୍ୟନ୍ତ ବିଜେପି ସୁପ୍ତ ହୋଇ ରହିଗଲା l ହୋଇଗଲା ଶକ୍ତିହୀନ l ଦଳରେ କେବଳ କିଛି କୋଳାହଳ ଚାଲିଥିଲା, କେନ୍ଦ୍ରରେ ତାଙ୍କର ଦଳ ଶାସନରେ ଅଛି ବୋଲି l ଦୀର୍ଘ ପନ୍ଦର ବର୍ଷ ପରେ ବିଜେପି ଶାସନର ସ୍ୱାଦ ଚାଖିଛି l ନେତାମାନେ ବହୁତ ଉତ୍ସାହିତ ଅଛନ୍ତି l ସେମାନଙ୍କର ବେକାରୀ ଦୂର ହୋଇଛି l ବାକ୍ୟ ବାଣରେ ପ୍ରତିଦିନ ବିଜେଡିକୁ ଜର୍ଜରିତ କରୁଛନ୍ତି l ନାନାଦି ହୀନଭାଷା ପ୍ରୟୋଗ କରିବାର ଅନେକ ଦୃଷ୍ଟାନ୍ତ ଆସିଛି l
ବିଜେପି ପନ୍ଦର ବର୍ଷ ପରେ ଆସିଛି l କେନ୍ଦ୍ରରେ ମଧ୍ୟ ତାଙ୍କ ସରକାର l ମନୋବଳ ସେଥିପାଇଁ ଖୁବ୍ ରହିଛି l ଅତି ଛୋଟ ଛୋଟ ବିଜେପି ନେତା ଓ ପ୍ରଥମ କରି ବିଧାନସଭା ଦର୍ଶନ କରିଥିବା ବିଧାୟକ ଓ ବିଧାୟିକା ମାନେ ବିରୋଧୀଙ୍କି ଅନେକ କଦର୍ଯ୍ୟ ଭାଷା ପ୍ରୟୋଗ କରୁଛନ୍ତି l ଶାସନ ସାଥୀରେ ଅଛି ବୋଲି ତୁଣ୍ଡରେ ବାଡ଼ବତା ନାହିଁ l ବିଜେଡି ଦୀର୍ଘ ଚବିଶ ବର୍ଷ ଶାସନ କଲା l ଆଉ କେତେଦିନ ଶାସନ କରି ଥାଆନ୍ତା ? ପ୍ରତ୍ୟେକ ଶାସନର ଏକ ଭଲ ସମୟ ଅଛି l ବିଜେଡିର ନିର୍ଦ୍ବନ୍ଦରେ ନିଷ୍କଳଙ୍କ ସରକାର ଚାଲିଥିଲା ନବୀନ ବାବୁଙ୍କ ନେତୃତ୍ୱରେ l ପ୍ରାଦେଶିକ ଇତିହାସରେ ବିଜେଡିର ଗୌରବମୟ ଅଧ୍ୟାୟର ପରିସମାପ୍ତି ଘଟିଲା l ସମ୍ମାନନୀୟ ନବୀନ ବାବୁ ପାୱାରରୁ ବଂଚିତ ହେଲେ l ଦଳ ଶୋଚନୀୟ ପରାସ୍ତ ହୋଇଥିଲା ବୋଲି ମୁଁ କହି ପାରିବିନି l 100 ରୁ 51 ବିଜେଡି ପାଇବା କିଛି କମ୍ କଥା ନୁହେଁ l କଂଗ୍ରେସବି ପରିସ୍ଥିତିକୁ ଚାହିଁ ଭଲ ସ୍ଥିତି 14ରେ ଅଛି ଓଡ଼ିଶାରେ l କମ୍ୟୁନିଷ୍ଟ ଖାତା ବି ଖୋଲିଛି l
ଓଡ଼ିଶାରେ ବିରୋଧୀ ଦଳ ବହୁତ ଭଲ ସ୍ଥିତିରେ ଅଛି l କେହି କେହି କାହିଁକି କୁହନ୍ତି ଦଳ ଶୋଚନୀୟ ପରାସ୍ତ ହୋଇଛି ବୋଲି l ଏହା କେମିତି ସମ୍ଭବ ? ବିଧାନସଭାରେ 79 ଅସନ ପାଇ ବଡ ବଡ଼ କଥା କହିବାରେ କିଛି ମାନେ ନାହିଁ l ରାଜନୀତିରେ ଆଜି ବିଜେପି ନେତା ନବୀନ ବାବୁଙ୍କୁ ଖୁବ୍ ଗାଳି ଦେଉଛନ୍ତି l ଇନ୍ଦ୍ର ଚନ୍ଦ୍ର ମାନୁ ନାହାନ୍ତି l
ନବୀନ ବାବୁ ସର୍ବଦା ସମ୍ମାନନୀୟ ନେତା l ତାଙ୍କର ଦୀର୍ଘ ଚବିଶ ବର୍ଷର ସୁନ୍ଦର ଶାସନ ଓଡିଶା ରାଜନୀତିରେ ଏକ କୀର୍ତ୍ତି ସ୍ତମ୍ଭ ହୋଉ ରହିବ l ମୁଖ୍ୟମନ୍ତ୍ରୀରେ ନବୀନ ବାବୁ ଆଦର୍ଶ l ତାଙ୍କର ସେତିକି ଦିନ ଶାସନ କରିବା ଯୋଗ ଥିଲା l କିନ୍ତୁ ତାଙ୍କୁ ମୁଁ ମହାନ ନେତା କହେ l ସମ୍ମାନ ଦିଏ l ନବୀନ ବାବୁ ଓଡିଶାର ଗର୍ବ ଓ ଗୌରବ ଥିଲେ l ଏବେବି ତାଙ୍କର ସ୍ୱତନ୍ତ୍ର ମର୍ଯ୍ୟାଦା ରହିଛି ଓଡିଶା ରାଜ୍ୟରେ l
ବିଜେପି ସରକାରକୁ ଆସିଛି l ଗାଳି ଗୁଲଜ ଅଧିକ l ସମ୍ମାନ ବୋଲି କିଛି ନାହିଁ l ଧରାକୁ ସରା ମନେ କରୁଛନ୍ତି l ବିଜେଡି ଓ କଂଗ୍ରେସ ଦଳରୁ ଅନେକ କଦର୍ଯ୍ୟ ନେତା ଦଳ ଛାଡି ବିଜେପିରେ ମିଶୁଛନ୍ତି l ଏଠାରେ କଂଗ୍ରେସ ଓ ବିଜେଡିର ଭୁଲ ରହିଲା କେଉଁଠି ? ଦୁଇ ଦଳର ଅଇଁଠାଖିଆ ନେତା ପାୱାର ପାଇଁ, ଧନ ପାଇଁ ବିଜେପିରେ ମିଶୁଛନ୍ତି l
ଦଳ ଛାଡିବା ନେତା ଗୁଡିକ ଆଦର୍ଶବାନ ନୁହନ୍ତି l ସେମାନେ ଅଧିକାଂଶ ବ୍ୟବସାୟୀ l ବିରୋଧୀ ଦଳରେ ରହି ବେପାର କରିବା ଅସମ୍ଭବ l ତେଣୁ ଆଖୁ ଖାଇବା ଆଶାରେ ଆଖୁ ବାଡ଼ିରେ ପହଞ୍ଚିଛନ୍ତି l ନେତା ଘୃଣ୍ୟ l ଦଳ ପରିବର୍ତ୍ତନ କରିବା ନେତା , ସଂସାରର ବଡ଼ ଅମଣିଷ l ବର୍ତ୍ତମାନ ସରକାର ଅପେକ୍ଷା ବିରୋଧୀ ଭଲ ସ୍ଥିତିରେ ଅଛି l କଂଗ୍ରେସ ଚଉଦ ଜଣ ମେମ୍ବର ଥାଇବି ବିଜେପିକୁ ନାକେଦମ କରୁଛି l ଭକ୍ତବାବୁ ମୋହନ ବାବୁଙ୍କ ଠାରୁ ଭଲ, ବଡ଼ ଓ ସମ୍ମାନନୀୟ ନେତା l ଦୀର୍ଘ ଦେଢ଼ ବର୍ଷ ବିତିଗଲେ ମଧ୍ୟ କର୍ପୋରେସନ ଅଧ୍ୟକ୍ଷ ପୋଷ୍ଟ ବଣ୍ଟା ଯାଇ ପାରୁନି l ବିଜେପି ମଧରେ ଅନେକ ଅସନ୍ତୋଷ ଏଥିପାଇଁ, ଯାହା ସ୍ୱାଭାବିକ l ବିଜେପି ନିଜ ଔକାତରେ ରହି ଶାସନ କରୁ l ବିରୋଧୀ ଓ ସାଧାରଣ ଜନତାଙ୍କୁ ଭଲ ବ୍ୟବହାର କରିବା ଶିଖୁ l ଆତ୍ମଗର୍ବ ସମୁଦ୍ରରେ ବିଜେପି ଗାଧୋଉ ଗାଧୋଉ କେଉଁଦିନ ସମୁଦ୍ର ମଝିରେ ଲୀନ ହୋଇଯିବ l ଖୋଜିଲେବି ଆଉ ମିଳିବନି l
ପ୍ରମୋଦ ଚନ୍ଦ୍ର ପାତ୍ର, ଭୁବନେଶ୍ୱର, ଓଡିଶା #💐ଶୁଭେଚ୍ଛା #🦟ଭାଇରାଲ WhatsApp ଷ୍ଟାଟସ #wishes #🥰Love... Dil se ! 💞
କବିତା ଅଟଇ କଥା ଜୀବନର
ଅଛି ସୁଖ ଅଛି ବ୍ୟଥା
ପ୍ରେମ ଓ ବିରହ ଦିଅଇ ପ୍ରେରଣା
ଲେଖୁଁ ଜୀବନର ଗାଥା ll
ପ୍ରମୋଦ ଚନ୍ଦ୍ର ପାତ୍ର, ଭୁବନେଶ୍ୱର, ଓଡିଶା #🥰Love... Dil se ! 💞 #wishes #🦟ଭାଇରାଲ WhatsApp ଷ୍ଟାଟସ #💐ଶୁଭେଚ୍ଛା
ମୋତେ ଯାହା ଭଲ ଲାଗେ, ହୁଏତ ଆପଣଙ୍କୁ ଭଲ ଲାଗି ନପାରେ l ମୁଁ ଆପଣଙ୍କ ହିସାବରେ ଯିବିନି l ମୋ ହିସାବରେ ମୁଁ ବାଟ ଚାଲିବି, ଆଉ ମୁଁ ଚାଲିଲା ବେଳେ କିଛି କାହାର ଅସୁବିଧା ଯେମିତି ହେଊ ନଥିବ l ମୋର ନିଜର ରୁଚି ଅଛି l ମୋ ରୁଚିକୁ ରୂପ ଦେବା ପାଇଁ, ଅନ୍ୟକୁ ଦୁଃଖ ନମିଳୁ l ସଂସାରରେ ଇର୍ଷା ଅଛି, ଯାହାର ଇଲାଜ କିଛି ନାହିଁ l ସେମାନେ ଦେଖି ଦେଖି ଜଳନ୍ତି l କୁତ୍ସାରଟନା କରନ୍ତି l କେବେ କେବେ ପତଙ୍ଗ ଭଳି ନିଆଁରେ ଭସ୍ମିଭୂତ ହୁଅନ୍ତି l
ଆଜିର ପୋଷ୍ଟ ମୋ ପଡୋଶୀ ଚିତ୍ତ ବାବୁଙ୍କ ପାଇଁ, ଯାହାକୁ ମୋ ଫୋଟୋ ଭଲଲାଗେ l ସେ ସନ୍ନିହିତ କଥାବି ପଢ଼ନ୍ତି l ଅଶେଷ ଧନ୍ୟବାଦ ସାଙ୍ଗ ଚିତ୍ତ ବାବୁଙ୍କୁ l #🥰Love... Dil se ! 💞 #wishes #🦟ଭାଇରାଲ WhatsApp ଷ୍ଟାଟସ #💐ଶୁଭେଚ୍ଛା
